суббота Седмица 30-я по Пятидесятнице День церковного круга Постный день Суббота, 3 января 2026 г. (21 декабря ст.ст.) Седмица 30-я по Пятидесятнице Свт. Петра, митр. Московского и всея России чудотворца (1326) Мц. Иулиании и с нею 500 мужей и 130-ти жен, в Никомидии пострадавших (304) Суббота перед Рождеством Христовым Мч. Фемистоклея (251) Блгв. кн. Иулиании Вяземской (1406) Преставление блж. Прокопия, Христа ради юродивого, Вятского (1627) Свт. Филарета, митр. Киевского (1857) Сщмч. Михаила Киселева пресвитера (1918); сщмч. Сергия Цветкова диакона (1937); сщмч. Никиты, еп. Белевского (1938); сщмч. Леонтия Строцюка диакона (1940) Рождественский (Филиппов) пост Иконы дня Листайте по горизонтали. Нажатие на икону откроет крупное изображение. Мц. Иулиании и с нею 500 мужей и 130-ти жен, в Никомидии пострадавших (304) Мч. Фемистоклея (251) Блгв. кн. Иулиании Вяземской (1406) Свт. Филарета, митр. Киевского (1857) Сщмч. Михаила Киселева пресвитера (1918); сщмч. Сергия Цветкова диакона (1937); сщмч. Никиты, еп. Белевского (1938); сщмч. Леонтия Строцюка диакона (1940) Песнопения дняТропари, кондаки и величания · 22 песнопенияТропарь · глас 4Предпразднства Рождества ХристоваГото́вися, Вифлее́ме:/ отве́рзися всем Еде́ме,/ красу́йся, Евфра́фо,/ я́ко дре́во живота́ в верте́пе процвете́ от Де́вы:/ рай бо О́ноя чре́во яви́ся мы́сленный,/ в не́мже Боже́ственный сад,/ от него́же я́дше, жи́ви бу́дем,/ не я́коже Ада́м у́мрем.// Христо́с ражда́ется пре́жде па́дший возста́вити о́браз.Кондак · глас 3Предпразднства Рождества ХристоваДе́ва днесь Преве́чное Сло́во/ в верте́пе гряде́т роди́ти неизрече́нно;/ лику́й, вселе́нная, услы́шавши,/ просла́ви со А́нгелы и па́стырьми// хотя́щаго яви́тися Отроча́ Мла́до, Преве́чнаго Бо́га.Тропарь · глас 4Святителю Петру Московскому, митрополиту Киевскому и всея Руси чудотворцуЯ́же пре́жде безпло́дная земле́,/ ны́не весели́ся:/ се бо Христо́с свети́льника в тебе́ показа́,/ я́ве сия́юща в ми́ре,/ и исцелева́юща неду́ги и боле́зни на́ша./ Сего́ ра́ди лику́й и весели́ся со дерзнове́нием:// святи́тель бо есть Вы́шняго сия́ соде́ловаяй.Ин тропарь · глас 4Святителю Петру Московскому, митрополиту Киевскому и всея Руси чудотворцуБлагове́рно пожи́в в ми́ре,/ житие́м чи́стым просвети́вся,/ уче́нием святи́тельства прия́т па́ству,/ апо́столом насле́дниче./ Тем прие́м дар чуде́с от Бо́га, о́тче Пе́тре,/ моли́ Христа́ Бо́га,// да спасе́т ду́ши на́ша.Ин тропарь · глас 8Святителю Петру Московскому, митрополиту Киевскому и всея Руси чудотворцуЛику́й све́тло благосла́внейший гра́де Москва́,/ име́яй в себе́ архиере́я Петра́,/ я́ко зарю́ со́лнца, всю Росси́ю чудодея́нии озаря́юща,/ той бо не́мощи врачу́ет, и неду́ги я́ко тьму прого́нит от вопию́щих ему́:/ ра́дуйся, иера́рше Бо́га Вы́шняго,// тобо́ю сия́ па́стве твое́й соде́ловающаго.Кондак · глас 8Святителю Петру Московскому, митрополиту Киевскому и всея Руси чудотворцуВзбра́нному и ди́вному на́шея земли́ чудотво́рцу,/ днесь любо́вию к тебе́ притека́ем, песнь Богоно́се плету́ще,/ я́ко име́я дерзнове́ние ко Го́споду,/ многообра́зных изба́ви нас обстоя́ний, да зове́м ти:// ра́дуйся, утвержде́ние гра́ду на́шему.Ин кондак · глас 4Святителю Петру Московскому, митрополиту Киевскому и всея Руси чудотворцуЯви́ся днесь пресве́тлая па́мять твоя́,/ святи́телю преблаже́нне Пе́тре,/ в ми́ре све́тло сия́ющи/ и явля́ющи всем// Боже́ственное сия́ние.Тропарь · глас 4Мученице Иулиании, яже в НикомидииА́гница Твоя́, Иису́се, Иулиани́я/ зове́т ве́лиим гла́сом:/ Тебе́, Женише́ мой, люблю́/ и, Тебе́ и́щущи, страда́льчествую,/ и сраспина́юся, и спогреба́юся креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́,/ и умира́ю за Тя, да и живу́ с Тобо́ю;/ но, я́ко же́ртву непоро́чную, приими́ мя, с любо́вию поже́ршуюся Тебе́.// Тоя́ моли́твами, я́ко Ми́лостив, спаси́ ду́ши на́ша.Кондак · глас 3Мученице Иулиании, яже в НикомидииДе́вства добро́тами преочище́на, деви́це,/ и муче́ния венцы́, Иулиани́е, ны́не венча́вшися,/ дае́ши су́щим в ну́ждах и неду́зех исцеле́ние и спасе́ние,/ приступа́ющим к ра́це твое́й:// Боже́ственную бо благода́ть Христо́с источа́ет и жизнь ве́чную.Тропарь · глас 2Благоверной княгине Иулиании Вяземской, НовоторжскойБлагоче́стно в зако́не пожи́вши/ и благи́ми де́лы украси́вшися,/ я́ко кре́пкий адама́нт, яви́ся,/ целому́дренная свята́я благове́рная княги́не Иулиани́е,/ тле́нную сла́ву и добро́тство теле́сное презре́вши,/ злоко́зненнаго врага́ победи́ла еси́,/ целому́дрия ра́ди му́ченическую смерть прия́ла еси́./ Сего́ ра́ди от Христа́ Бо́га нетле́нным и ве́чным венце́м венча́вшися,/ ны́не с ли́ки му́ченик лику́еши/ и нам ве́лия чудеса́, приходя́щим ко гро́бу твоему́,/ оби́льно источа́еши./ Те́мже ти вопие́м:/ моли́ся Христу́ Бо́гу о всех нас,// ве́рою и любо́вию страда́ния твоя́ почита́ющих.Кондак · глас 2Благоверной княгине Иулиании Вяземской, НовоторжскойВоспое́м днесь Благоде́теля всех Бо́га,/ просла́вльшаго в Росси́и Иулиани́ю Богому́друю,/ да моли́твами ея́ пода́ст душа́м на́шим// грехо́в оставле́ние и ве́лию ми́лость.Тропарь · глас 5Блгвв. кн. Симеону и кн. Иулиании Вяземским, НовоторжскимЦелому́дренная свята́я дво́ице,/ благове́рнии кня́зие Симео́не и Иулиани́е,/ во дни земна́го жития́ о́браз ве́рности яви́вше,/ друг ко дру́гу любо́вь в сою́зе ми́ра сохрани́ли есте́/ и, от рук беззако́нника смерть прии́мше,/ благослове́нное супру́жество просла́вили есте́./ Ны́не же Престо́лу Бо́жию предстоя́ще,/ помози́те нам во благоче́стии пребыва́ти// и моли́те спасти́ся душа́м на́шим.Кондак · глас 4Блгвв. кн. Симеону и кн. Иулиании Вяземским, НовоторжскимДнесь воспои́м, лю́дие,/ благове́рныя страстоте́рпцы и му́ченики,/ достоблаже́нныя Симео́на и Иулиани́ю,/ мно́гими труды́ и благонра́вным житие́м себе́ украси́вшия,/ и да́же до сме́рти ве́рность соблю́дшия./ Тех моли́твами, Христе́ Бо́же,/ Оте́чество на́ше в ми́ре и благоче́стии утверди́// до сконча́ния ве́ка.Тропарь · глас 4Блаженному Прокопию, Вятскому чудотворцуИ́же на земли́ Христа́ ра́ди во́лею в бу́йство преложи́ся,/ и ми́ра сего́ красо́ты отню́д возненави́де,/ и плотска́я игра́ния увяди́в посто́м и жа́ждою/ и на земли́ лега́нием,/ от зимы́ студе́нию и мра́зом,/ и от зно́я со́лнечнаго и дождя́/ и про́чия тяготы́ никогда́ же уклони́ся под кров,/ и на те́ле свое́м не име́я одея́ния,/ Бо́жиею по́мощию покрыва́ем,/ и ду́шу очи́стил еси́ доброде́тельми свои́ми, я́ко зла́то в горни́ле,/ Проко́пие прему́дре,/ с ве́рою творя́щим па́мять твою́ че́стно/ и усе́рдно притека́ющим к моще́м твои́м,/ прославля́юще твое́ свято́е успе́ние,/ Христу́ Бо́гу моли́ся, благою́роде,/ да изба́вит ны Госпо́дь от ва́рварскаго наше́ствия и междоусо́бныя бра́ни/ и мир ми́рови да́рует// и душа́м на́шим ве́лию ми́лость.Ин тропарь · глас 4Блаженному Прокопию, Вятскому чудотворцуВе́лию любо́вь ко Го́споду в себе́ име́я,/ все претру́дное житие́ твое́/ во гра́де Хлы́нове, юро́дствуя, прове́л еси́, блаже́нне Проко́пие,/ зной и мраз, глад и жа́жду благоду́шно терпя́,/ бие́ние и поноше́ние от люди́й безбо́жных/ ра́достно принима́л еси́, подви́жниче добропобе́дный,/ любо́вию же и добро́м ве́лиим за зло воздава́я,/ мно́зем предрека́л еси́ их ожида́ющее/ и от неду́гов исцеля́л еси́, беззло́бне,/ тем же, наслажда́яся ны́не в со́нме святы́х,// моли́ Го́спода поми́ловати град и лю́ди, тя почита́ющия.Ин тропарь · глас 4Блаженному Прокопию, Вятскому чудотворцуА́нгельски живя́ на земли́ богоуго́дно,/ мно́гия ско́рби и труды́ терпели́во неся́,/ доброде́тельми и дарова́ниями от Бо́га украси́вся,/ предвеща́я гряду́щая и исцеля́я боле́зни,/ безмо́лвно, непреста́нно моля́ся,/ юро́дствуя, скрыв дарова́ния своя́,/ ны́не наслажда́яся в селе́ниих святы́х,/ святы́й блаже́нне Проко́пие,// моли́ Христа́ Бо́га спасти́ся душа́м на́шим.Кондак · глас 2Блаженному Прокопию, Вятскому чудотворцуВозбра́нному и ди́вному в пра́ведницех му́жу,/ во́лею во юро́дство претвори́вшуся,/ ми́ра сего́ красо́ты возненави́дел еси́,/ плотска́я мудрова́ния увяди́л еси́ посто́м и жа́ждею,/ студе́нию мра́за, сне́га, и зно́я, и дождя́,/ и от про́чия возду́шныя тяготы́ никогда́ же уклони́ся/ и очи́стил еси́ себе́, я́ко зла́то в горни́ле, Проко́пие блаже́нне,// всей Вя́тской земли́ похвала́ и утвержде́ние.Ин кондак · глас 8Блаженному Прокопию, Вятскому чудотворцуМно́гою любо́вию к Бо́гу пламене́я,/ любви́ и смире́нию люде́й безмо́лвно учи́л еси́,/ дея́нием бу́дущая явля́я,/ неду́ги и боле́зни цели́л еси́./ На путь спасе́ния нас наста́ви,/ от язв грехо́вных исцели́,/ Проко́пие блаже́нне,// о всех нас Христа́ Бо́га моли́.Тропарь · глас 2В субботу, всем святымАпо́столи, му́ченицы и проро́цы,/ святи́телие, преподо́бнии и пра́веднии,/ до́бре по́двиг соверши́вшии и ве́ру соблю́дшии,/ дерзнове́ние иму́ще ко Спа́су,/ о нас Того́, я́ко Бла́га, моли́те// спасти́ся, мо́лимся, душа́м на́шим.Кондак · глас 8В субботу, всем святымЯ́ко нача́тки естества́, Насади́телю тва́ри,/ вселе́нная прино́сит Ти, Го́споди, богоно́сныя му́ченики;/ тех моли́твами в ми́ре глубо́це// Це́рковь Твою́, жи́тельство Твое́ Богоро́дицею соблюди́, Многоми́лостиве.Тропарь · глас 2В субботу, за умершихПомяни́, Го́споди, я́ко благ, рабы Твоя́,/ и, ели́ка в житии́ согреши́ша, прости́:/ никто́же бо безгре́шен, то́кмо Ты,// моги́й и преста́вленным да́ти поко́й.Кондак · глас 8В субботу, за умершихСо святы́ми упоко́й,/ Христе́,/ ду́ши раб Твои́х,/ иде́же несть боле́знь, ни печа́ль,/ ни воздыха́ние,// но жизнь безконе́чная.
Сщмч. Михаила Киселева пресвитера (1918); сщмч. Сергия Цветкова диакона (1937); сщмч. Никиты, еп. Белевского (1938); сщмч. Леонтия Строцюка диакона (1940)
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Свт. Петра, митр. Московского и всея России чудотворца (1326) 
