Среда, 7 января 2026 г. (25 декабря ст.ст.)

Седмица 31-я по Пятидесятнице

Рождество Господа и Спаса нашего Иисуса Христа

Праздники

Рождество Господа и Спаса нашего Иисуса Христа

Песнопения дняТропари, кондаки и величания · 5 песнопений

Тропарь · глас 4Рождества ХристоваРождество́ Твое́, Христе́ Бо́же наш,/ возсия́ ми́рови свет ра́зума,/ в нем бо звезда́м служа́щии,/ звездо́ю уча́хуся,/ Тебе кла́нятися Со́лнцу Пра́вды,/ и Тебе́ ве́дети с высоты́ Восто́ка: // Го́споди, сла́ва Тебе́.Кондак · глас 3Рождества ХристоваДе́ва днесь Пресу́щественнаго ражда́ет,/ и земля́ верте́п Непристу́пному прино́сит,/ А́нгели с па́стырьми славосло́вят,/ волсви́ же со звездо́ю путеше́ствуют:/ нас бо ра́ди роди́ся// Отроча́ Мла́до, Преве́чный Бог.ВеличаниеРождеству ХристовуВелича́ем Тя,/ Живода́вче Христе́,/ нас ра́ди ны́не пло́тию Ро́ждшагося/ от Безневе́стныя/ и Пречи́стыя Де́вы Мари́и.Тропарь · глас 5Священномученику Леониду СеребренниковуВосхва́лим, ве́рнии, пресви́тера Леони́да,/ земли́ Приаму́рския украше́ние,/ доброде́тели своя́ я́ко тала́нты умно́женныя Христу́ прине́сшаго./ Претерпе́в бо жесто́кий мраз, поноше́ния и страда́ния/ и искуше́н быв, я́коже сребро́ в горни́ле,/ предаде́ ду́шу свою́ Страда́вшему за ны./ Сего́ ра́ди венце́м му́ченическим укра́шен,/ во сла́ве Престо́лу всех Влады́ки предстои́т,// моля́ непреста́нно о всех нас.Кондак · глас 2Священномученику Леониду СеребренниковуСтопа́м отца́ твоего́ после́дуя,/ под покро́вом Богома́тере де́латель жа́твы Госпо́дни яви́лся еси́./ Егда́ же сгусти́шася гро́зныя ту́чи испыта́ний,/ не угасе́ свети́льник ве́ры твоея́,/ священному́чениче Леони́де,/ но ве́рен пребы́л еси́ Христу́ да́же до сме́рти./ Тем зове́м ти:/ моли́ Ми́лостиваго Бо́га/ зе́млю Ру́сскую от восто́к да́же до за́пад// при́сно покрыва́ти заступле́нием Свои́м.