Четверг, 29 января 2026 г. (16 января ст.ст.)

Седмица 34-я по Пятидесятнице

Поклонение честным веригам ап. Петра

Прав. Максима, иерея Тотемского, Христа ради юродивого (1650)

Свт. Гонората, еп. Арльского (429 г.)

Мчч. Спевсиппа, Елевсиппа, Мелевсиппа, бабки их Леониллы и с ними Неона, Турвона и Иовиллы (161-180)

Мч. Данакта чтеца (II)

Сщмч. Иоанна Петтайя пресвитера (1919)

Иконы дня

Листайте по горизонтали. Нажатие на икону откроет крупное изображение.

Прав. Максима, иерея Тотемского, Христа ради юродивого (1650)

Свт. Гонората, еп. Арльского (429 г.)

Сщмч. Иоанна Петтайя пресвитера (1919)

Песнопения дняТропари, кондаки и величания · 9 песнопений

Тропарь · глас 4Святому апостолу ПетруРи́ма не оста́вль, к нам прише́л еси́,/ честны́ми вери́гами, я́же носи́л еси́, апо́столов первопресто́льне./ И́мже ве́рою покланя́ющеся, мо́лимся:/ твои́ми к Бо́гу моли́твами// да́руй нам ве́лию ми́лость.Кондак · глас 2Святому апостолу ПетруВерхо́внаго и пе́рваго апо́столов,/ и́стины Боже́ственнаго ученика́,/ Петра́ вели́каго восхва́лим,/ и того́ ве́рою целу́ем вери́ги,// прегреше́ний разреше́ние прие́млюще.Ин кондак · глас 2Святому апостолу ПетруКа́мень Христо́с, ка́меня ве́ры прославля́ет све́тло, ученико́в первопресто́льника:/ созыва́ет бо вся пра́здновати, Пе́тре, чудеси́ твоея́ честны́я вери́ги,// и подае́т согреше́ний проще́ние.Тропарь · глас 4Праведному Максиму Тотемскому, Христа ради юродивомуНепоро́чным свяще́нством Бо́гови послужи́в,/ посреде́ мирска́го мяте́жа юро́дство избра́л еси́,/ взем бо крест, после́довал еси́ Христу́ невозвра́тным по́мыслом/ и, с любо́вию к Нему́ доброде́тельми приближа́яся,/ земна́я оста́вив, Небе́сная восприя́л еси́,/ блаже́нне Макси́ме, о́тче наш,/ моли́ Христа́ Бо́га/ сохрани́тися гра́ду То́тьме невреди́му// и спасти́ся душа́м на́шим.Кондак · глас 4Праведному Максиму Тотемскому, Христа ради юродивомуБоже́ственному гла́су после́дуя,/ возревнова́л еси́ наставля́ти па́ству свою́/ не му́дростию сло́ва, но бу́йством жития́ безмяте́жнаго,/ непреста́нными моли́твами и сле́зными струя́ми/ ду́шу и те́ло омыва́я,/ возду́шными стихи́ями плоть изнуря́я,/ те́мже и по сме́рти чудесы́ тя Госпо́дь просла́ви,/ да с ве́рою зове́м к тебе́:// ра́дуйся, Богому́дре о́тче наш Макси́ме.Тропарь · глас 3В четверг, св. апостоламАпо́столи святи́и,/ моли́те Ми́лостиваго Бо́га,/ да прегреше́ний оставле́ние// пода́ст душа́м на́шим.Кондак · глас 2В четверг, св. апостоламТве́рдыя и боговеща́нныя пропове́датели,/ верх апо́столов Твои́х, Го́споди,/ прия́л еси́ в наслажде́ние благи́х Твои́х и поко́й;/ боле́зни бо о́нех и смерть прия́л еси́ па́че вся́каго всепло́дия,// Еди́не све́дый серде́чная.Тропарь · глас 4В четверг, святителю НиколаюПра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче священнонача́льниче Нико́лае,/ моли́ Христа́ Бо́га,// спасти́ся душа́м на́шим.Кондак · глас 3В четверг, святителю НиколаюВ Ми́рех, свя́те, священноде́йствитель показа́лся еси́,/ Христо́во бо, преподо́бне, Ева́нгелие испо́лнив,/ положи́л еси́ ду́шу твою́ о лю́дех твои́х/ и спасл еси́ непови́нныя от сме́рти./ Сего́ ра́ди освяти́лся еси́,// я́ко вели́кий таи́нник Бо́жия благода́ти.