вторник Седмица о мытаре и фарисее День церковного круга Вторник, 3 февраля 2026 г. (21 января ст.ст.) Седмица о мытаре и фарисее Прп. Максима исп (662) Мч. Неофита (303-305) Мчч. Евгения, Кандида, Валериана и Акилы (III-IV) Прп. Максима Грека (1556) Икон Божией Матери Ктиторской (IV) и именуемой "Отрада", или "Утешение" (807), Ватопедских икон Божией Матери Мц. Агнии девы (ок. 305) Мч. Анастасия (662) Сщмч. Илии Березовского пресвитера (1938) Иконы дня Листайте по горизонтали. Нажатие на икону откроет крупное изображение. Прп. Максима исп (662) Мч. Неофита (303-305) Прп. Максима Грека (1556) Мц. Агнии девы (ок. 305) Сщмч. Илии Березовского пресвитера (1938) Иконы Богородицы Икон Божией Матери Ктиторской (IV) и именуемой "Отрада", или "Утешение" (807), Ватопедских икон Божией Матери Песнопения дняТропари, кондаки и величания · 14 песнопенийТропарь · глас 8Преподобному Максиму ГрекуЗаре́ю Ду́ха облиста́емь,/ вити́йствующих богому́дренно сподо́бился еси́ разуме́ния,/ неве́дением омраче́нная сердца́ челове́ков све́том благоче́стия просвеща́я,/ пресве́тел яви́лся еси́ правосла́вия свети́льник, Макси́ме преподо́бне,/ отону́дуже ре́вности ра́ди Всеви́дящаго,/ оте́чества чужд и стра́нен, Росси́йския страны́ был еси́ пресе́льник,/ страда́ния темни́ц и заточе́ния от самодержа́внаго претерпе́в,/ десни́цею Вы́шняго венча́ешися и чудоде́йствуеши пресла́вная./ И о нас хода́тай бу́ди непрело́жен,// чту́щих любо́вию святу́ю па́мять твою́.Кондак · глас 8Преподобному Максиму ГрекуБогодухнове́нным Писа́нием и богосло́вия пропове́данием/ неве́рствующих суему́дрие обличи́л еси́, всебога́те,/ па́че же в Правосла́вии исправля́я, на стезю́ и́стиннаго позна́ния наста́вил еси́,/ я́коже свире́ль богогла́сная, услажда́я слы́шащих ра́зумы,/ непреста́нно весели́ши, Макси́ме досточу́дне./ Сего́ ра́ди мо́лим тя: моли́ Христа́ Бо́га/ грехо́в оставле́ние низпосла́ти// ве́рою пою́щим всесвято́е твое́ успе́ние, Макси́ме, о́тче наш.Тропарь · глас 8Преподобному Максиму ИсповедникуПравосла́вия наста́вниче,/ благоче́стия учи́телю и чистоты́,/ вселе́нныя свети́льниче,/ мона́шествующих богодухнове́нное удобре́ние,/ Макси́ме прему́дре,/ уче́ньми твои́ми вся просвети́л еси́, цевни́це духо́вная.// Моли́ Христа́ Бо́га спасти́ся душа́м на́шим.Кондак · глас 6Преподобному Максиму ИсповедникуСвет трисия́нный, все́льшийся в ду́шу твою́,/ сосу́д избра́н показа́ тя, всеблаже́нне, явля́юща Боже́ственная конце́м,/ неудобопости́жных разуме́ний ты сказу́яй, блаже́нне,/ и Тро́ицу всем, Макси́ме, возпропове́дуяй я́сно,// Пресу́щную, Безнача́льну.Ин кондак · глас 8Преподобному Максиму ИсповедникуТро́ицы рачи́теля и вели́каго Макси́ма,/ науча́юща я́сно ве́ре Боже́ственней,/ е́же сла́вити Христа́, во дву́ естества́х, во́лях же и де́йствах су́ща,/ в пе́снех досто́йных, ве́рнии, почти́м, взыва́юще:// ра́дуйся, пропове́дниче ве́ры.ВеличаниеПреподобному Максиму ИсповедникуУблажа́ем тя,/ преподо́бне о́тче Макси́ме,/ и чтим святу́ю па́мять твою́,/ наста́вниче мона́хов// и собесе́дниче А́нгелов.Тропарь · глас 4Мученику Неофиту НикейскомуМу́ченик Твой, Го́споди, Неофи́т/ во страда́нии свое́м вене́ц прия́т нетле́нный от Тебе́, Бо́га на́шего;/ име́яй бо кре́пость Твою́, мучи́телей низложи́,/ сокруши́ и де́монов немощны́я де́рзости.// Того́ моли́твами спаси́ ду́ши на́ша.Тропарь · глас 4Мученице Агнии Римской, девеМу́ченических ли́ков украше́ние,/ Це́ркве христиа́нския похвало́,/ гра́да Ри́ма сла́вное прозябе́ние,/ чистоте́ А́гнца Христа́ тезоимени́тая,/ Агни́е свята́я, де́во му́ченице,/ о́браз чистоты́ и целому́дрия яви́ла еси́,/ и лю́тая страда́ния претерпе́вши,/ багряни́цею ца́рскою оде́ялася еси./ Ны́не же, во сла́ве Престо́лу Бо́жию предстоя́щи,/ моли́ Пресвяту́ю Тро́ицу,// спасти́ся душа́м на́шим.Кондак · глас 8Мученице Агнии Римской, девеНа па́житех зла́чных А́гнца Бо́жия упа́сшися,/ Ду́ха Свята́го благода́ть стяжа́ла еси́,/ терпе́нием и кро́тостию Христу́ подража́ющи,/ всем се́рдцем Того́, я́ко Жениха́ твоего́, возлюби́ла еси́,/ Его́же ра́ди страда́ния лю́тая претерпе́вши,/ в же́ртву чи́сту и непоро́чну себе́ принесла́ еси́, свята́я му́ченице, де́во Агни́е,/ чистоте́ и целому́дрию научи́ нас// и моли́ спасти́ся душа́м на́шим.Тропарь · глас 4Пресвятой Богородице пред иконой Ея Ватопедской, именуемой «Отрада» или «Утешение»Яко покро́в благода́тный и спаси́тельный/ стяжа́хом честну́ю Твою́ ико́ну, Богоро́дице,/ на сию́ у́бо со умиле́нием взира́юще, Тебе́ вопие́м:/ Влады́чице, ниспосли́ нам отра́ду и утеше́ние,/ на Тя бо упова́ние возлага́ем, гре́шнии и смире́ннии./ На Твое́ предста́тельство наде́емся, недосто́йнии./ Ускори́ нас изба́вити от бед и скорбе́й/ и умоли́ Сы́на Твоего́, Христа́ Бо́га на́шего,// поми́ловати и спасти́ ду́ши на́ша.Ин тропарьПресвятой Богородице пред иконой Ея Ватопедской, именуемой «Отрада» или «Утешение»К Богоро́дице приле́жно ны́не притеце́м,/ гре́шнии и смире́ннии, и припаде́м,/ в покая́нии зову́ще из глубины́ души́:/ Влады́чице, помози́, на ны милосе́рдовавши,/ потщи́ся, погиба́ем от мно́жества прегреше́ний./ Не отврати́ Твоя́ рабы́ тщи,// Тя бо и еди́ну наде́жду и́мамы.Кондак · глас 8Пресвятой Богородице пред иконой Ея Ватопедской, именуемой «Отрада» или «Утешение»Взбра́нной Воево́де победи́тельная,/ я́ко изба́вльшеся от злы́х,/ благода́рственная воспису́ем Ти, раби́ Твои́, Богоро́дице,/ но, я́ко иму́щая держа́ву непобеди́мую,/ от вся́ких нас бед свободи́, да зове́м Ти: // Ра́дуйся, Неве́сто Неневе́стная.Тропарь · глас 2Во вторник, св. Иоанну ПредтечеПа́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.Кондак · глас 2Во вторник, св. Иоанну ПредтечеПроро́че Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде, в ми́ре пропове́дуеши покая́ние.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Мчч. Евгения, Кандида, Валериана и Акилы (III-IV) 
