пятница Седмица о мытаре и фарисее День церковного круга Пятница, 6 февраля 2026 г. (24 января ст.ст.) Седмица о мытаре и фарисее Блж. Ксении Петербургской (XIX) Прп. Ксении (ок. 457) Мчч. Вавилы Сицилийского и учеников его Тимофея и Агапия (III) Прп. Македония, сирийского пустынника (ок. 420) Перенесение мощей прмч. Анастасия Персянина (VII) Свт. Герасима Великопермского, Устьвымского (ок. 1449) Мч. Иоанна Казанского (1529) Мч. Николая Цикуры (1918) Иконы дня Листайте по горизонтали. Нажатие на икону откроет крупное изображение. Блж. Ксении Петербургской (XIX) Мчч. Вавилы Сицилийского и учеников его Тимофея и Агапия (III) Перенесение мощей прмч. Анастасия Персянина (VII) Свт. Герасима Великопермского, Устьвымского (ок. 1449) Мч. Иоанна Казанского (1529) Песнопения дняТропари, кондаки и величания · 15 песнопенийТропарь · глас 7Блаженной Ксении ПетербургскойНищету́ Христо́ву возлюби́вши,/ безсме́ртныя трапе́зы ны́не наслажда́ешися,/ безу́мием мни́мым безу́мие ми́ра обличи́вши,/ смире́нием кре́стным си́лу Бо́жию восприя́ла еси́./ Сего́ ра́ди дар чудоде́йственныя по́мощи стяжа́вшая,/ Ксе́ние блаже́нная, моли́ Христа́ Бо́га// изба́витися нам от вся́каго зла покая́нием.Ин тропарь · глас 8Блаженной Ксении ПетербургскойТебе́, о, стра́ннице, яви́ на́м Христо́с Госпо́дь моли́твенницу те́плую за ро́д на́ш, в житии́ бо твое́м страда́ния и ско́рби восприя́вши, Бо́гу же и челове́ком любо́вию послужи́вши, дерзнове́ние ве́лие стяжа́ла еси́. Те́мже к тебе́ в напа́стех и ско́рбех усе́рдно прибега́ем, из глубины́ серде́ц на́ших взыва́юще: упова́ния на́шего не посрами́, Ксе́ние блаже́нная.Ин тропарь · глас 4Блаженной Ксении ПетербургскойСуеты́ земна́го ми́ра отве́ргшися, кре́ст жития́ бездо́мнаго во стра́нничестве прия́ла еси́, скорбе́й, лише́ний, людска́го осмея́ния не убоя́лася еси́, любо́вь же Христо́ву позна́ла еси́, е́юже ны́не на Небеси́ услажда́ешися, Ксе́ние блаже́нная Богому́драя, моли́ся о спасе́нии ду́ш на́ших.Кондак · глас 3Блаженной Ксении ПетербургскойДнесь све́тло лику́ет град свята́го Петра́,/ я́ко мно́жество скорбя́щих обрета́ют утеше́ние,/ на твоя́ моли́твы наде́ющеся,/ Ксе́ние всеблаже́нная,// ты бо еси́ гра́ду сему́ похвало́ и утвержде́ние.Ин кондак · глас 3Блаженной Ксении ПетербургскойНа земли́ я́ко стра́нна пребы́вши,/ о Небе́снем же оте́чествии воздыха́ющи,/ юро́да от бу́йих и неве́рных,/ прему́дра же и свя́та от ве́рных познава́ешися,/ и от Бо́га сла́вою и че́стию венча́ешися,/ Ксе́ние мужеу́мная и богоу́мная,/ сего́ ра́ди зове́м ти:// ра́дуйся, я́ко по стра́нствии земне́м в дому́ О́тчем водворя́ешися.ВеличаниеБлаженной Ксении ПетербургскойВелича́ем тя,/ свята́я блаже́нная ма́ти Ксе́ние,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.Тропарь · глас 8Преподобной Ксении МиласскойВ тебе́, ма́ти, изве́стно спасе́ся е́же по о́бразу:/ прии́мши бо крест, после́довала еси́ Христу́,/ и, де́ющи учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бная Ксе́ние, дух твой.Кондак · глас 2Преподобной Ксении МиласскойТвою́ страннонра́вную, Ксе́ние, па́мять соверша́юще,/ любо́вию почита́ющии тя, пое́м Христа́,/ во всех тебе́ подаю́щаго кре́пость исцеле́ний,// Ему́же всегда́ моли́ся о всех нас.Ин кондак · глас 4Преподобной Ксении МиласскойИ́же во святы́х свята́я/ Христа́ Преблага́го всем се́рдцем возлюби́ла еси́, Богому́драя Ксе́ние сла́вная,/ того́ ра́ди омерзи́ла еси́ мирску́ю сла́дость./ Крест же Его́ взе́мши честны́й,// возлюби́ пе́ти при́сно: аллилу́ия.Тропарь · глас 3Святителю Герасиму, епископу Великопермскому, УстьвымскомуБоже́ственныя ве́ры пропове́данием/ зе́млю Зыря́нскую озари́л еси́/ и ко Христу́ лю́ди мно́гия приве́л еси́./ Возопие́т же с тобо́ю и А́вель ко Го́споду/ и Заха́риина кровь пра́ведная,/ о́тче Гера́симе, моли́ Христа́ Бо́га/ па́стве твое́й и всем, любо́вию па́мять твою́ соверша́ющим,// дарова́ти ве́лию ми́лость.Кондак · глас 8Святителю Герасиму, епископу Великопермскому, УстьвымскомуЯ́ко свяще́нника превели́ка/ и апо́столов и му́чеников совесе́льника,/ Це́рковь Ру́сская почита́ет тя, святи́телю Гера́симе./ Сию́ твои́ми моли́твами соблюда́й, блаже́нне,/ непобеди́му, и необурева́ему, и нескве́рну,// и всем нам испроси́ у Бо́га мир и ве́лию ми́лость.Тропарь · глас 2Мученику Иоанну КазанскомуСтрастоте́рпче святы́й Иоа́нне,/ блаже́нна земля́, напи́вшаяся кро́ве твоея́,/ Христа́ бо со дерзнове́нием пропове́дав,/ мно́гия му́ки от неве́рных ага́рян прия́л еси́,/ страда́ньми свои́ми проти́вных де́рзости низложи́в,/ Тро́ицы побо́рник яви́лся еси́,// Ю́же и моли́ дарова́ти нам ве́лию ми́лость.Кондак · глас 2Мученику Иоанну КазанскомуЗвезда́ светла́ среди́ неве́рных яви́лся еси́,/ многострада́льне Иоа́нне,/ заря́ми тво́ими Со́лнце – Христа́ возвеща́ющи,/ пре́лесть ага́рянскую посрами́л еси́/ и нам подае́ши свет,// моля́ непреста́нно Христа́ Бо́га о всех нас.Тропарь · глас 1В пятницу, св. КрестуСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4В пятницу, св. КрестуВознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
