вторник Седмица о блудном сыне День церковного круга Вторник, 10 февраля 2026 г. (28 января ст.ст.) Седмица о блудном сыне Прп. Ефрема Сирина (373-379) Прп. Феодосия Тотемского (1568) Суморинской-Тотемской иконы Божией Матери (XVI) Прп. Палладия пустынника (IV) Прп. Исаака Сирина, еп. Ниневийского (VI-VII) Прп. Ефрема Новоторжского (1053) Прп. Ефрема Печерского, еп. Переяславского (ок. 1098) Св. Феодора Богоявленского исп., пресвитера (1933); сщмчч. Игнатия, еп. Скопинского, Владимира Пищулина пресвитера и прмч. Варфоломея Ратных, мц. Ольги Евдокимовой (1938); прп. Леонтия Стасевича исп. (1972) Иконы дня Листайте по горизонтали. Нажатие на икону откроет крупное изображение. Прп. Ефрема Сирина (373-379) Прп. Феодосия Тотемского (1568) Прп. Исаака Сирина, еп. Ниневийского (VI-VII) Прп. Ефрема Новоторжского (1053) Прп. Ефрема Печерского, еп. Переяславского (ок. 1098) Иконы Богородицы Суморинской-Тотемской иконы Божией Матери (XVI) Песнопения дняТропари, кондаки и величания · 14 песнопенийТропарь · глас 8Преподобному Ефрему СиринуСле́з твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней, сия́я чудесы́, Ефре́ме о́тче наш,// моли́ Христа́ Бо́га, спасти́ся душа́м на́шим.Кондак · глас 2Преподобному Ефрему СиринуЧас при́сно прови́дя Суда́,/ рыда́л еси́ го́рько, Ефре́ме, я́ко любобезмо́лвный,/ де́лателен же был еси́ в де́лех учи́тель, преподо́бне.// Те́мже, о́тче всеми́рный, лени́выя воздвиза́еши к покая́нию.ВеличаниеПреподобному Ефрему СиринуУблажа́ем тя,/ преподо́бне о́тче Ефре́ме,/ и чтим святу́ю па́мять твою́,/ наста́вниче мона́хов// и собесе́дниче А́нгелов.Тропарь · глас 1Преподобному Феодосию ТотемскомуОт ю́ности, преподо́бне Феодо́сие,/ жела́ние твое́ ко Христу́ Бо́гу впери́л еси́,/ его́же ра́ди град и оте́чество оста́вль/ и сла́ву су́етную, я́ко прах вмени́в,/ после́довал еси́ преподо́бному Дими́трию/ и оби́тели его́ сожи́тель был еси́,/ пресели́вся ко гра́ду То́тьме/ и в междоре́чие всели́вся,/ посто́м и бде́нием, и власяны́м одея́нием,/ и вери́гами те́ло твое́ удручи́л еси́./ Сего́ ра́ди Бог, ви́дев твоя́ труды́,/ по преставле́нии твое́м чудесы́ обогати́ тя:/ бе́сы изгоня́еши и слепы́я просвеща́еши,/ от вся́ких неду́г и бед избавля́еши приходя́щия к тебе́ с ве́рою и вопию́щия:/ сла́ва Да́вшему ти кре́пость,/ сла́ва Венча́вшему тя,// сла́ва Даю́щему тобо́ю всем исцеле́ния.Ин тропарь · глас 2Преподобному Феодосию ТотемскомуОт мирска́го мяте́жа изше́д,/ преподо́бне о́тче наш Феодо́сие,/ и в ти́хое приста́нище дости́г,/ преподо́бному Дими́трию сожи́тель был еси́,/ и отту́ду, Бо́жиим Ду́хом направля́емь,/ во град То́тьму пресели́лся еси́,/ и во ото́цех водны́х оби́тель себе́ воздви́гл еси́,/ иде́же равноа́нгельное житие́ пожи́в,/ после́довал еси́ Христу́,/ Его́же ра́ди влася́ну ри́зу и вери́ги на те́ле твое́м носи́л еси́./ Смире́нием и нищелю́бием украси́вся,/ сла́ву су́етную презре́л еси́/ и оте́ческое име́ние до́бре расточи́л еси́,/ моле́нием же к Бо́гу и сле́зными струя́ми бе́сы посрами́л еси́,/ те́мже по успе́нии твое́м Христо́с да́ром чуде́с обогати́ тя./ Име́я у́бо дерзнове́ние ко Го́споду,/ преподо́бне о́тче наш Феодо́сие,// моли́ Христа́ Бо́га, да спасе́т ду́ши на́ша.Кондак · глас 8Преподобному Феодосию ТотемскомуВоздержа́нием плоть изнури́л еси́/ и непреста́нными моли́твами, я́ко А́нгел, возвы́сился еси́,/ струя́ми же сле́зными бесо́вския полки́ погрузи́л еси́./ И ны́не во Све́те невече́рнем лику́еши у Христа́ Бо́га/ и приходя́щим ко свято́му твоему́ гро́бу неоску́дно исцеле́ние подае́ши,/ ве́рою вопию́щим тебе́:// ра́дуйся, о́тче Феодо́сие, Богому́дре.ВеличаниеПреподобному Феодосию ТотемскомуУблажа́ем тя,/ преподо́бне о́тче Феодо́сие,/ и чтим святу́ю па́мять твою́,/ наста́вниче мона́хов// и собесе́дниче А́нгелов.Тропарь · глас 1Преподобному Ефрему НовоторжскомуБоже́ственною свы́ше просвети́вся благода́тию, преподо́бне,/ мно́гим терпе́нием во вре́менной жи́зни по́двиг соверши́л еси́./ Те́мже источа́еши чуде́с благода́ть/ всем с ве́рою приходя́щим к моще́м твои́м, Ефре́ме преблаже́нне./ Сего́ ра́ди зове́м:/ сла́ва Да́вшему ти кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.Ин тропарь · глас 1Преподобному Ефрему НовоторжскомуБоже́ственною свы́ше благода́тию просвети́вся, Богому́дре,/ и по сме́рти яви́ тя све́тлость жития́ твоего́,/ те́мже источа́еши ми́рови благоуха́ние,/ и́же с ве́рою притека́ющим к ра́це моще́й твои́х, Ефре́ме преподо́бне./ Тем вопие́м ти:/ сла́ва Да́вшему ти чудесе́м благода́ть,/ сла́ва Просла́вльшему тя в чудесе́х,// сла́ва Де́йствующему тобо́ю всем исцеле́ния.Кондак · глас 8Преподобному Ефрему НовоторжскомуЯ́ко Богоявле́нная Росси́йская звезда́,/ днесь сия́я чудесы́, яви́лся еси́, преподо́бне о́тче Ефре́ме./ Тем не преста́й моля́ся о ста́де свое́м,/ сохраня́яй оте́чество твое́, град же и лю́ди,/ и́же тебе́ ве́рою почита́ющих/ и к честны́м моще́м твои́м усе́рдно притека́ющих,/ да велегла́сно тебе́ вопие́м:// ра́дуйся, Богому́дре Ефре́ме, о́тче наш.Тропарь · глас 8Преподобному Ефрему Печерскому, епископу ПереяславскомуДу́хом горя́ путеше́ствия к святы́м место́м,/ стра́нствовал еси́ в Гре́ческую зе́млю,/ святи́телю Ефре́ме,/ отню́дуже со мно́гою по́льзою возвраща́яся,/ уста́в свята́го Студи́йскаго монастыря́ списа́в,/ а́ки не́кий многоче́стен дар, се́мо прине́сл еси́,/ и́мже и днесь Це́рковь Росси́йская управля́ема// сла́вит тебе́, и́стиннаго о ней промы́сленника.Кондак · глас 8Преподобному Ефрему Печерскому, епископу ПереяславскомуЦе́ркви Правосла́вной Росси́йской по жела́нию Богоно́снаго Феодо́сия уста́в Студи́йский прине́сшаго,/ во святи́телех же све́тло просия́вшаго/ и ста́до свое́ до́бре упа́сшаго,/ восхваля́ем тя, Ефре́ме,// я́ко моля́щася Го́сподеви о всех нас.Тропарь · глас 2Во вторник, св. Иоанну ПредтечеПа́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.Кондак · глас 2Во вторник, св. Иоанну ПредтечеПроро́че Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде, в ми́ре пропове́дуеши покая́ние.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
