вторник Седмица 1-я Великого поста День церковного круга Постный день Вторник, 24 февраля 2026 г. (11 февраля ст.ст.) Седмица 1-я Великого поста Прп. Димитрия Прилуцкого, Вологодского (1392) Блгв. Кн. Всеволода, во св. Крещении Гавриила, Псковского (1138) Сщмч. Власия, еп. Севастийского, и с ним двух отроков и 7 жен (ок. 316) Прав. Феодоры, царицы Греческой, восстановившей почитание святых икон (ок. 867) Великий пост Иконы дня Листайте по горизонтали. Нажатие на икону откроет крупное изображение. Прп. Димитрия Прилуцкого, Вологодского (1392) Блгв. Кн. Всеволода, во св. Крещении Гавриила, Псковского (1138) Сщмч. Власия, еп. Севастийского, и с ним двух отроков и 7 жен (ок. 316) Прав. Феодоры, царицы Греческой, восстановившей почитание святых икон (ок. 867) Песнопения дняТропари, кондаки и величания · 17 песнопенийТропарь · глас 4Священномученику Власию, епископу СевастийскомуИ нра́вом прича́стник,/ и престо́лом наме́стник апо́столом быв,/ дея́ние обре́л еси́, Богодухнове́нне,/ в виде́ния восхо́д,/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Вла́сие./ Моли́ Христа́ Бо́га// спасти́ся душа́м на́шим.Кондак · глас 8Священномученику Власию, епископу СевастийскомуСвяще́ния пома́занием и муче́ния кро́вию украси́лся еси́, сла́вне Вла́сие,/ и сия́еши всю́ду, в Вы́шних лику́я/ и нас назира́я, в храм твой прише́дшия/ и в нем тебе́ непреста́нно зову́щия:// всех нас соблюди́.Ин кондак · глас 2Священномученику Власию, епископу СевастийскомуБоже́ственное прозябе́ние, цвет неувяда́емый,/ лозы́ Христо́вы розго́ многострада́льная, Богоно́се Вла́сие,/ ве́рою чту́щия па́мять твою́ весе́лия твоего́ испо́лни,// моля́ся непреста́нно о всех нас.Тропарь · глас 4Благоверному князю Всеволоду, в Крещении Гавриилу, ПсковскомуИзмла́да яви́лся еси́, Богому́дре кня́же Гаврии́ле,/ Боже́ственный сосу́д, избра́н Бо́гови,/ благоче́стием воспита́н, ве́ру непоро́чну соблю́д/ и мно́ги святы́я це́ркви устро́ив,/ изгна́ние претерпе́л еси́ от свои́х,/ я́коже и целому́дрии прароди́тели твои́, от бра́та убие́ние./ С ни́миже предстоя́ Святе́й Тро́ице,/ моли́ся держа́ве Росси́йстей сохране́нной бы́ти // и всем нам спасти́ся.Ин тропарь · глас 4Благоверному князю Всеволоду, в Крещении Гавриилу, ПсковскомуНаста́ днесь всечестны́й но́вый пра́здник,/ обре́тение честны́х моще́й/ блаже́ннаго кня́зя Гаврии́ла,/ веселя́щи изря́дно всех благочести́вых мно́жества,/ те́мже вси ве́рнии,/ соше́дшеся во святы́й храм Живонача́льныя Тро́ицы, возопие́м:/ блаже́нне кня́же Гаврии́ле,/ име́я дерзнове́ние ко Христу́ Бо́гу,// моли́ спасти́ся пра́зднующим любо́вию па́мять твою́.Кондак · глас 8Благоверному князю Всеволоду, в Крещении Гавриилу, ПсковскомуМногому́дренно пресели́вся во град Псков, блаже́нне кня́же Гаврии́ле,/ плод благи́й Бо́гови в жи́зни сей был еси́, присноцвету́щ доброде́тельми, и я́коже Дави́д незло́бием:/ того́ ра́ди получи́л еси́ жизнь ве́чную на Небесе́х,/ всегда́ зря Святу́ю Трои́цу./ Моли́ изба́витися нам от вся́ких бед, да зове́м ти́:// ра́дуйся, утвержде́ние гра́ду на́шему.Ин кондак · глас 8Благоверному князю Всеволоду, в Крещении Гавриилу, ПсковскомуВозвесели́ся Христо́ва це́рковь,/ имущи в себе́ исто́чника чудесе́м оби́льна./ Днесь, любо́вию соше́дшеся в тя, лю́дие твои́,/ во обре́тение честны́х моще́й блаже́ннаго кня́зя Гаврии́ла,/ воспое́м песнь еди́ному Бо́гу в Тро́ице, ра́дующеся,/ сподо́бльшаго нас ви́дети пречестно́е сокро́вище, мо́щи его́,/ от мног лет сокрове́нны, напосле́док же нам явле́ны./ Я́ко да моли́твами его́ к Бо́гу от всех находя́щих зол изба́вимся/ и ра́достною душе́ю и весе́лием се́рдца/ благода́рная воспое́м, глаго́люще:// ра́дуйся, утвержде́ние гра́ду на́шему.ВеличаниеБлаговерному князю Всеволоду, в Крещении Гавриилу, ПсковскомуВелича́ем тя,/ благове́рный кня́же Гаврии́ле ,/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.Тропарь · глас 1Преподобному Димитрию, игумену Прилуцкому, ВологодскомуСвы́ше от Бо́га, преподо́бне,/ благода́ть прия́л еси́ духо́вную,/ и от Него́ у́бо позна́лся еси́, блаже́нне,/ Того́ ра́ди и ты ду́хом позна́л еси́ лу́чшая Его́,/ бу́дущаго ве́ка пребыва́ние,/ и по́стнически испыта́вся во свои́х оби́телех./ И ны́не со а́нгели ликовству́я,/ Спа́су всех за ны моли́ся, свя́те Дими́трие, да вси вопие́м:/ Сла́ва Да́вшему ти кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.Ин тропарь · глас 1Преподобному Димитрию, игумену Прилуцкому, ВологодскомуСвы́ше от Бо́га, преподо́бне,/ благода́ть прия́л еси́, Дими́трие пресла́вне,/ и Того́ си́лою укрепля́ем,/ Ева́нгельски ходи́ти изво́лил еси́,/ отону́ду же и от Христа́ возме́здие трудо́в обре́те, всеблаже́нне,/ Его́же моли́// спасти́ся душа́м на́шим.Кондак · глас 8Преподобному Димитрию, игумену Прилуцкому, ВологодскомуОт ю́ности, преподо́бне, крест твой взе́м, Христу́ после́довал еси́,/ в моли́твах и поще́ниих, во бде́ниих же и злострада́ниих пло́ть твою́ изнуря́я./ Те́мже и Всеви́дящее О́ко твоя́ труды́ ви́дев,/ чудесы́ тя прославля́ет, и всех зва́ти тебе науча́ет:// ра́дуйся, преподо́бне о́тче Дими́трие, по́стников удобре́ние.Ин кондак · глас 3Преподобному Димитрию, игумену Прилуцкому, ВологодскомуЖезло́м, свя́те Дими́трие, от Бо́га да́нным ти,/ лю́ди своя́ упасе́ на па́житех зако́на живоно́сна,/ зве́ря же неви́димаго шата́ние сокруши́ под но́зе тебе́ пою́щих,// я́ко да в беда́х тя те́пла предста́теля и́мамы.Тропарь · глас 5Праведной Феодоре, царице ГреческойВо святы́х ди́вная,/ благове́рная цари́це Феодо́ро,/ нетле́нием моще́й и чуде́с сия́нием почти́ тя́ Бо́г;/ помина́юще твое́ пра́ведное житие́,/ тя́ мо́лим испроси́ти// телесе́м на́шим здра́вие и душа́м спасе́ние.Ин тропарь · глас 8Праведной Феодоре, царице ГреческойПравосла́вия красото́, благоче́стия тверды́не/ и защи́тнице Це́ркве Христо́вы,/ свяще́нных ико́н све́тлое устрое́ние,/ цари́це честна́я,/ к Бо́гу моли́твами твои́ми/ свободи́ от ересе́й славосло́вящих тя́,// свы́ше при́сно подаю́щи грехо́в разреше́ние.Кондак · глас 3Праведной Феодоре, царице ГреческойБлагоче́стия цветы́ украси́вшися, свята́я,/ и увенча́нная диади́мою от руки́ Бо́жией, Феодо́ро,/ побо́рница це́ркви всея́ показа́лася еси́,/ воздви́гши поклоне́ние Христо́ве ико́не несумне́нно и святы́х,// с ни́миже сопричла́ся еси́ к небе́сному жре́бию.Тропарь · глас 2Во вторник, св. Иоанну ПредтечеПа́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.Кондак · глас 2Во вторник, св. Иоанну ПредтечеПроро́че Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде, в ми́ре пропове́дуеши покая́ние.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
