среда Седмица 6-я Великого поста, ваий День церковного круга Постный день Среда, 1 апреля 2026 г. (19 марта ст.ст.) Седмица 6-я Великого поста, ваий Мчч. Хрисанфа и Дарии и с ними мчч. Клавдия трибуна, Иларии, жены его, Иасона и Мавра, сынов их, Диодора пресвитера и Мариана диакона (283) Прав. Софии, кн. Слуцкой (1612) Иконы Божией Матери, именуемой "Умиление", Смоленской (1103) Прп. Симеона Псково-Печерского (прославление 2003) Мч. Панхария (ок. 302) Прп. Вассы Псково-Печерской (ок. 1473) Прп. Иннокентия Комельского, Вологодского (1511-1522) Прп. Симеона Дайбабского (1941) (Серб.) Св. Иоанна Блинова исп. (1933); прмц. Матроны Алексеевой (1938) Великий пост Иконы дня Листайте по горизонтали. Нажатие на икону откроет крупное изображение. Прп. Симеона Псково-Печерского (прославление 2003) Мч. Панхария (ок. 302) Прп. Вассы Псково-Печерской (ок. 1473) Прп. Иннокентия Комельского, Вологодского (1511-1522) Прп. Симеона Дайбабского (1941) (Серб.) Иконы Богородицы Иконы Божией Матери, именуемой "Умиление", Смоленской (1103) Песнопения дняТропари, кондаки и величания · 16 песнопенийТропарь · глас 5Праведной Софии, княжне СлуцкойСвята́я пра́ведная ма́ти Софи́е,/ нетле́нием моще́й и чуде́с сия́нием почти́ тя Бог;/ помина́юще твое́ пра́ведное житие́,/ тя мо́лим испроси́ти// телесе́м на́шим здра́вие и душа́м спасе́ние.Кондак · глас 4Праведной Софии, княжне СлуцкойПрииди́те, вся ру́сския жены́,/ святу́ю Софи́ю восхва́лим,/ уподо́бившуюся му́дрым де́вам,/ еле́й благода́ти Ду́ха Свята́го стяжа́вшим;/ те́мже умудри́ ю Госпо́дь/ подвиза́тися во утвержде́ние святы́я правосла́вныя ве́ры/ и соблюда́ти Це́рковь Его́/ незы́блему от ересе́й и раско́лов,/ сего́ ра́ди благода́рне воспои́м ей:/ ра́дуйся, гра́да Слу́цка и всея́ земли́ на́шея// ра́досте и утвержде́ние.Тропарь · глас 1Преподобному Симеону Псково-ПечерскомуЛюбо́вию Христо́вою се́рдце твое́ уязви́вый,/ ева́нгельски Тому́ после́довал еси́:/ я́ко дре́вний подви́жник преподо́бием украси́выйся,/ сла́вный насе́льник оби́тели Богома́тери у пеще́р Бо́гом зда́нных яви́лся еси́,/ и, благода́ть духо́вную свы́ше прие́мь,/ подае́ши ве́рным исцеле́ния,/ Симео́не богоблаже́нне,// не преста́й моли́тися о чту́щих тя.Кондак · глас 4Преподобному Симеону Псково-ПечерскомуЯ́ко Бо́жия любве́ зерца́ло,/ во оби́тели Пече́рстей благода́тно просвети́лся еси́,/ о́браз и́ноческаго жития́ показу́я,/ трудолю́бием и послуша́нием на высоту́ доброде́телей восте́кл еси́./ Те́мже, да́ры Ду́ха Свята́го от Го́спода почте́нный,/ чудеса́ мно́га ще́дро источа́еши,/ преподо́бне о́тче наш Симео́не,// моли́ спасти́ся душа́м на́шим.Тропарь · глас 4Преподобному Иннокентию Комельскому, ВологодскомуОт ю́ности сосу́д избра́нен был еси́/ и в житии́ Бо́гу послужи́л еси́,/ и́ноков наста́вниче Инноке́нтие,/ потща́лся еси́ ху́ждшее покори́ти лу́чшему,/ те́мже и стра́сти умертви́в,/ возвы́сился еси́ к зре́нию красоты́ несозда́нныя,/ в Бо́зе Ему́же предстои́ши,// моли́, о́тче, Христа́ Бо́га спасти́ся душа́м на́шим.Ин тропарь · глас 4Преподобному Иннокентию Комельскому, ВологодскомуОт ю́ности своея́ весь Бо́гу поработи́лся еси́, блаже́нне,/ Того́ ра́ди любве́ оте́чество и род оста́вил еси́,/ и, в пусты́ню всели́вся,/ в ней жесто́кое житие́ показа́л еси́,/ и чуде́с дарова́ния от Го́спода прия́л еси́,/ преподо́бне Инноке́нтие,// моли́ Христа́ Бо́га спасти́ся душа́м на́шим.Кондак · глас 8Преподобному Иннокентию Комельскому, ВологодскомуМи́ра и сро́дник удали́вся,/ в пусты́ни неуста́нною моли́твою Бо́гу угоди́л еси́/ и в по́двизе жития́, о́тче, просия́л еси́,/ помина́й нас, чту́щих усе́рдно па́мять твою́, да зове́м ти:// ра́дуйся, Инноке́нтие преподо́бне.Ин кондак · глас 4Преподобному Иннокентию Комельскому, ВологодскомуОте́чества, преподо́бне, удали́вся/ и всели́вся в пусты́ню,/ та́мо жесто́кое житие́ показа́л еси́ и мно́гих люде́й житие́м свои́м удиви́л еси́./ Поми́луй нас, чту́щих па́мять твою́, да зове́м ти:// ра́дуйся, преподо́бне Инноке́нтие, о́тче наш.Тропарь · глас 4Преподобной Вассе Псково-ПечерскойДне́сь, ве́рнии, пресла́вно ликовству́ем, па́мять преподо́бныя Ва́ссы соверша́юще, и ра́це моще́й ея́ уми́льно покланя́ющеся, со слеза́ми и любо́вию вопие́м е́й: бу́ди хода́таица на́ша пред Бо́гом, огради́ моли́твами твои́ми оби́тель и гра́д на́ш, в ско́рбех и печа́лех на́м бу́ди уте́шительница, ты́ бо еси́ кре́пость ве́рным, и оби́тели Пско́во-Пече́рския украше́ние.Кондак · глас 4Преподобной Вассе Псково-ПечерскойПа́мять преподо́бныя Ва́ссы дне́сь све́тло соверша́юще, благода́рственне воспомина́ем многотру́дныя по́двиги, естество́ бо же́нское отве́ргши, со супру́жником твои́м устреми́ся к мона́шескому житию́, да нетле́нными венцы́ венча́ет тя́ Христо́с.Тропарь · глас 8Преподобному Симеону ДайбабскомуПравосла́вия наста́вниче, учи́телю благоче́стия и чистоты́, вселе́нной свети́льниче, богодухнове́нное мона́хов украше́ние, прему́дрый Симео́не, свои́м уче́нием просвети́л еси́ на́с, свире́ле духо́вная, моли́ Христа́ Бо́га спасти́ся душа́м на́шим.Кондак · глас 2Преподобному Симеону ДайбабскомуПосто́м, бде́нием и усе́рдными моли́твами искуше́ния де́монския победи́л еси́ и целому́дренне поживе́, сосу́д избра́нный Свята́го Ду́ха яви́лся еси́, благода́ти исцеле́ний сподобившись, да́р прозре́ния небе́сный от Го́спода прии́мши, о́тче преблаже́нный Симео́не, свети́льниче Це́ркви Бо́жия, сего́ ра́ди моли́ Христа́ Бо́га за на́с, с ве́рою и любо́вию к тебе́ притека́ющих и сла́вящих святу́ю па́мять твою́.Тропарь · глас 4Пресвятой Богородице пред иконой Ея Смоленской, называемой «Умиление»Богора́дованная Влады́чице,/ Препросла́вленная Ма́ти щедро́т и человеколю́бия,/ Всеми́лостивая о всем ми́ре Хода́таице!/ Приле́жно, раби́ Твои́, к Боже́ственному предста́тельству прибега́юще/ и пречу́дному о́бразу Твоему́ со умиле́нием припа́дающе, мо́лимся:/ моли́тву те́плую к Сы́ну Твоему́ и Бо́гу на́шему сотвори́,/ о Всепе́тая Цари́це Богоро́дице,/ да вся́ких боле́зней и печа́лей нас Тебе́ ра́ди изба́вит/ и от грехо́в вся́ких свободи́т,/ Ца́рствия Своего́ Небе́снаго насле́дники ны пока́жет,/ ве́лие бо неизрече́нное, я́ко Ма́ти, и́маши дерзнове́ние к Нему́/ и вся мо́жеши,// Еди́на во ве́ки Преблагослове́нная.Ин тропарь · глас 4Пресвятой Богородице пред иконой Ея Смоленской, называемой «Умиление»К Богоро́дице с умиле́нием припаде́м,/ вси, греха́ми обремене́ннии,/ чудотво́рную ико́ну Умиле́ние облобыза́юще/ и вопию́ще со слеза́ми:/ Влады́чице, приими́ моле́ние недосто́йных раб Твои́х/ и пода́ждь нам, прося́щим,// ве́лию Твою́ ми́лость.Тропарь · глас 1В среду, св. КрестуСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4В среду, св. КрестуВознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Мчч. Хрисанфа и Дарии и с ними мчч. Клавдия трибуна, Иларии, жены его, Иасона и Мавра, сынов их, Диодора пресвитера и Мариана диакона (283) 
