воскресенье Неделя ваий (Вербное воскресенье) Великий день Постный день Воскресенье, 5 апреля 2026 г. (23 марта ст.ст.) Неделя ваий (Вербное воскресенье) Вход Господень в Иерусалим Прмч. Никона еп. и 199-ти учеников его (251) Мчч. Филита, Лидии, супруги его, Македона, Феопрепия, Кронида и Амфилохия, чад их (117-138) Прп. Никона, игумена Киево-Печерского (1088) Мч. Василия Мангазейского (1600) Сщмч. Макария Квиткина пресвитера (1931); сщмч. Стефана Преображенского пресвитера (после 1937); сщмч. Василия Коклина пресвитера, прмч. Илии Вятлина, прмцц. Анастасии Бобковой и Варвары Конкиной, мч. Алексия Скоробогатова (1938); прп. Сергия Сребрянского, исп. (1948) Великий пост Иконы дня Листайте по горизонтали. Нажатие на икону откроет крупное изображение. Сщмч. Макария Квиткина пресвитера (1931); сщмч. Стефана Преображенского пресвитера (после 1937); сщмч. Василия Коклина пресвитера, прмч. Илии Вятлина, прмцц. Анастасии Бобковой и Варвары Конкиной, мч. Алексия Скоробогатова (1938); прп. Сергия Сребрянского, исп. (1948) Праздники Вход Господень в Иерусалим Песнопения дняТропари, кондаки и величания · 19 песнопенийТропарь · глас 1На Вход Господень в ИерусалимО́бщее воскресе́ние/ пре́жде Твоея́ стра́сти уверя́я/ из ме́ртвых воздви́гл еси́ Ла́заря, Христе́ Бо́же./ Те́мже и мы, я́ко о́троцы побе́ды зна́мения нося́ще,/ Тебе́ Победи́телю сме́рти вопие́м:/ оса́нна в вы́шних,// благослове́н Гряды́й во и́мя Госпо́дне.Ин тропарь · глас 4На Вход Господень в ИерусалимСпогре́бшеся Тебе́ креще́нием, Христе́ Бо́же наш,/ безсме́ртныя жи́зни сподо́бихомся воскресе́нием Твои́м,/ и воспева́юще зове́м:/ оса́нна в вы́шних,// благослове́н Гряды́й во и́мя Госпо́дне.Кондак · глас 6На Вход Господень в ИерусалимНа престо́ле на Небеси́,/ на жребя́ти на земли́ носи́мый, Христе́ Бо́же,/ А́нгелов хвале́ние и дете́й воспева́ние/ прия́л еси́ зову́щих Ти:// благослове́н еси́, гряды́й Ада́ма воззва́ти.ВеличаниеНа Вход Господень в ИерусалимВелича́ем Тя, Живода́вче Христе́, Оса́нна в вы́шних и мы Тебе́ вопие́м Благослове́н Гряды́й во и́мя Госпо́дне.Тропарь · глас 5Преподобному Никону, игумену Киево-ПечерскомуХристо́ва виногра́да лоза́ яви́лся еси́, Богоблаже́нне Ни́коне,/ гро́здие принося́ Ему́ — доброде́тели твоя́,/ и про́чиих, к те́мже наставля́я,/ приводи́л еси́ Христу́ Бо́гу,// Ему́же, мо́лим тя, моли́ся за ду́ши на́ша.Ин тропарь · глас 1Преподобному Никону, игумену Киево-ПечерскомуПослуша́ния до́брый рачи́тель быв,/ преподо́бне Ни́коне приснопа́мятне,/ це́рковь бо пречу́дну Пресвяты́я Богоро́дицы/ прекра́сно укра́сил еси́./ Те́мже и мы, ча́да твоя́, любо́вию вопие́м ти:/ сла́ва Да́вшему ти кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.Кондак · глас 8Преподобному Никону, игумену Киево-ПечерскомуТре́тье свети́ло пеще́рное,/ прогоня́ющее тьму бесо́вскую,/ восхваля́ем тя, му́дре,/ и по до́лгу чтим труды́ и по́двиги твоя́,/ я́же подъя́т о ста́де свое́м/ и о украше́нии церко́внем,/ воззыва́юще ти усе́рдне си́це:// ра́дуйся, о́тче Ни́коне, красото́ церко́вная.Ин кондак · глас 4Преподобному Никону, игумену Киево-ПечерскомуДухо́вному твоему́ наста́внику, о́тче Ни́коне, вся́чески прилепи́вся/ и от него́ наставля́емь,/ во всем Христо́ви порабо́тився,/ мона́хов был еси чинонача́льник и преподо́бных сожи́тель,// с ни́миже Христа́ Бо́га моли́ непреста́нно о всех нас.Тропарь · глас 8Мученику Василию МангазейскомуБога́тство ви́дев чи́стыя души́ твоея́, Васи́лие,/ укра́сти тща́шеся пра́ведных враг,/ подусти́ господи́на твоего́,/ и́же покра́деннаго ра́ди бога́тства своего́ пред́ав тя судии́,/ и от того́ непови́нне мно́гия претерпе́л еси́ му́ки,/ непобеди́м пребы́в до сме́рти./ Тем, я́ко прие́мый вене́ц страда́ния от всех Влады́ки,/ моли́ всем от напа́стей свобо́дным бы́ти,// чту́щим любо́вию святу́ю па́мять твою́.Ин тропарь · глас 8Мученику Василию МангазейскомуЯ́ко пресве́тлое со́лнце/ возсия́л еси́ чудесы́ свои́ми в Сиби́рстей стране́,/ в Мангазе́йских преде́лех,/ но́вый му́чениче, непови́нный страда́льче, свя́те Васи́лие!/ За чистоту́ душе́вную и теле́сную пострада́л еси́ от лю́таго врага́/ распале́нием и немилосе́рдием господи́на своего́/ и от нача́льствующаго бо ту градска́го непра́веднаго судии́,/ и му́ки непови́нно претерпе́л еси́,/ и кровь свою святу́ю пролия́л еси́,/ жела́я ве́чнаго Ца́рствия Небе́снаго./ Сего́ ра́ди Христо́с Бог венча́ тя му́ченическими венцы́ на Небеси́,/ и на земли́ просла́ви,/ и Свои́м Бо́жиим про́мыслом повеле́ земли́ само́й от недр свои́х/ гроб, и те́ло твое́, и сра́чицу, обагре́нную кро́вию твоею́, израсти́ нетле́нно./ И ны́не притека́ющим к тебе́ с ве́рою и везде́ призыва́ющим свято́е и́мя твое́/ поле́зная вся, и грехо́в оставле́ние, и телесе́м здра́вие подава́й,/ чту́щим ве́рою святу́ю па́мять твою́,// и моли́ Христа́ Бо́га спасти́ся душа́м на́шим.Ин тропарь · глас 8Мученику Василию МангазейскомуОт гра́да Яросла́вля Бо́жиим смотре́нием/ в страну́ Сиби́рскую прише́дшаго/ и за целому́дрие от господи́на своего́/ в Мангазе́и пострада́вшаго,/ блаже́ннаго Васи́лия почти́м,/ его́же Христо́с Бог му́ченическим венце́м венча́ на Небеси́,/ нетле́нием и чудесы́ просла́ви на земли́./ Ты же, честны́й страда́льче,/ предста́тельством свои́м страну́ на́шу в ми́ре сохрани́// и моли́ся о спасе́нии душ на́ших.Кондак · глас 4Мученику Василию МангазейскомуСтрада́ние соверши́в, свя́те,/ погребе́ния же честна́го не сподо́бився,/ в ти́нное ме́сто вве́ржен/ и попира́емь был еси́ от мимоходя́щих,/ но Бог просла́ви мо́щи твоя́ чуде́сным явле́нием, Васи́лие,/ прославля́яйся во святы́х Свои́х,// дая́й страда́льцем вене́ц нетле́нный.Ин кондак · глас 4Мученику Василию МангазейскомуПросвети́ся Боже́ственною благода́тию, Боголю́бче,/ целому́дрием и терпе́нием тече́ние свое́ му́ченически сконча́л еси́,/ те́мже и по сме́рти яви́ тя све́тлость жития́ твоего́,/ источа́еши бо чудесы́,/ с ве́рою приходя́щим к честно́му гро́бу твоему́ и вопию́щим:/ ра́дуйся, святы́й Васи́лие,// Мангазе́йский и всея́ Сиби́ри чудотво́рче.Ин кондак · глас 4Мученику Василию МангазейскомуИ́же но́вый в му́ченицех непови́нный страда́льче,/ свя́те Васи́лие, преревнова́л еси́ Ио́сифу Прекра́сному и Моисе́ю Угрину во искуше́ниих,/ за чистоту́ душе́вную и теле́сную/ му́ки непови́нно претерпе́л еси́./ Сих ра́ди просла́ви тя Бог,/ и святы́я твоя́ мо́щи, по явле́нию твоему́,/ от Мангазе́и к Енесе́ю во оби́тель Святы́я Тро́ицы/ ту су́щим настоя́телем принесо́шася/ и подаю́т исцеле́ния с ве́рою приходя́щим/ и везде́ призыва́ющим свято́е и́мя твое́./ Страстоте́рпче святы́й,/ моли́ Христа́ Бо́га/ о правосла́вном наро́де на́шем/ и о всех во́ех на́ших,/ побе́ду и одоле́ние нам на всех/ непросвеще́нных иноязы́чных лю́дех дарова́ти, спобо́рствуя,// и от междоусо́бныя бра́ни спасти́ся всем моли́.Тропарь · глас 2Преподобномученику Илии (Вятлину)Правосла́вныя ве́ры тве́рдый испове́дниче/ и Небе́снаго Царя́ во́ине добропобе́дный,/ в годи́ну гоне́ний лю́тых на и́ноческий путь вступи́вый/ и да́же до сме́рти ве́рность Христу́ запечатле́вый,/ преподобному́чениче Илие́ всехва́льне,// моли́ спасти́ся душа́м на́шим.Кондак · глас 3Преподобномученику Илии (Вятлину)Тка́тельное худо́жество оста́вив,/ ко плете́нию доброде́телей устреми́лся еси́,/ те́мже, и́ноческий о́браз и свяще́нства дар прие́м,/ во благоче́стия ри́зы обле́клся еси́/ и, любо́вию ко Христу́ распала́емь,/ кро́вию твое́ю свяще́нныя оде́жды украси́л еси́,/ преподобному́чениче Илие́ досточу́дне,// моли́твенниче о душа́х на́ших.Тропарь · глас 8Преподобноисповеднику Сергию (Сребрянскому)До́блий во́инов Росси́йских па́стырю,/ благоче́стия и ве́ры кре́пкий адама́нте,/ преподобному́ченицы Елисаве́ты бо́дренный сподви́жниче,/ му́дрый наста́вниче сесте́р оби́тели Милосе́рдия,/ незло́биво у́зы претерпе́вый за Христа́/ и ве́лиих даро́в Свята́го Ду́ха сподо́бльшийся,/ испове́дниче и равноа́нгельне подви́жниче Се́ргие,/ моли́ Христа́, Ему́же до́бре послужи́л еси́// смире́ние спаси́тельное на́м дарова́ти.Ин тропарь · глас 2Преподобноисповеднику Сергию (Сребрянскому)Изде́тска мона́шескую жи́знь возжела́л еси́, преподо́бне о́тче Се́ргие, в не́йже любо́вь Христо́ву стяжа́в, па́стырь до́брый мно́гим лю́дем бы́л еси́, последи́ же и изгна́ние претерпе́в, венце́м испове́дничества украси́лся еси́. И ны́не, предстоя́ престо́лу Святы́я Тро́ицы, непреста́нно моли́ просвети́ти и спасти́ ду́ши на́ша.Кондак · глас 2Преподобноисповеднику Сергию (Сребрянскому)Я́ко звезда́ но́вая Це́ркве Ру́сския яви́лся еси́, / терпеливоду́шне Се́ргие преподобноиспове́дниче, / Христа́ Бо́га прославля́я / и в нощи́ безбо́жия путь ве́рным указу́я. / Те́мже мо́лим тя: / моли́ нам, сро́дником твои́м, / в ве́ре правосла́вней утверди́тися // и спасти́ся душа́м на́шим.
Сщмч. Макария Квиткина пресвитера (1931); сщмч. Стефана Преображенского пресвитера (после 1937); сщмч. Василия Коклина пресвитера, прмч. Илии Вятлина, прмцц. Анастасии Бобковой и Варвары Конкиной, мч. Алексия Скоробогатова (1938); прп. Сергия Сребрянского, исп. (1948)
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Прмч. Никона еп. и 199-ти учеников его (251) 
