вторник Светлая седмица День церковного круга Вторник, 14 апреля 2026 г. (1 апреля ст.ст.) Светлая седмица Прп. Евфимия, архим. Суздальского, чудотворца (1404) Иверской иконы Божией Матери Прп. Марии Египетской (522) Шуйской иконы Божией Матери "Одигитрия" Преподобномучеников 600 отцев Давидо-Гареджийских (XVII) Прп. Варсонофия Оптинского (1913) Мчч. Геронтия и Василида (III) Прп. Макария, игумена Пеликитской обители (ок. 830) Мч. Авраамия Болгарского, Владимирского чудотворца (1229) Прп. Геронтия, канонарха Печерского (XIV) Прав. Ахаза Сщмч. Сергия Заварина пресвитера (1938) Иконы дня Листайте по горизонтали. Нажатие на икону откроет крупное изображение. Прп. Евфимия, архим. Суздальского, чудотворца (1404) Прп. Марии Египетской (522) Преподобномучеников 600 отцев Давидо-Гареджийских (XVII) Прп. Варсонофия Оптинского (1913) Прп. Макария, игумена Пеликитской обители (ок. 830) Мч. Авраамия Болгарского, Владимирского чудотворца (1229) Сщмч. Сергия Заварина пресвитера (1938) Праздники Иверской иконы Божией Матери Иконы Богородицы Шуйской иконы Божией Матери "Одигитрия" Песнопения дняТропари, кондаки и величания · 25 песнопенийТропарь · глас 1Пресвятой Богородице пред иконой Ея «Иверской»Де́рзость ненави́дящих о́браз Госпо́день,/ и держа́ва нечести́вых безбо́жно в Нике́ю прии́де,/ и по́сланнии безчелове́чно вдови́цу,/ благоче́стно чту́щую ико́ну Богома́тере, истязу́ют,/ но та́я но́щию с сы́ном ико́ну в мо́ре пусти́, вопию́щи:/ сла́ва Тебе́, Чи́стая,/ я́ко непроходи́мое мо́ре плещи́ своя́ подаде́, // сла́ва правоше́ствию Твоему́, Еди́на Нетле́нная.Ин тропарь · глас 1Пресвятой Богородице пред иконой Ея «Иверской»От святы́я ико́ны Твоея́,/ о Влады́чице Богоро́дице,/ исцеле́ния и цельбы́ подаю́тся оби́льно,/ с ве́рою и любо́вию приходя́щим к ней./ Та́ко и мою́ не́мощь посети́,/ и ду́шу мою́ поми́луй, Блага́я,// и те́ло исцели́ благода́тию Твое́ю, Пречи́стая.Кондак · глас 8Пресвятой Богородице пред иконой Ея «Иверской»А́ще и в мо́ре вве́ржена бысть свята́я ико́на Твоя́, Богоро́дице,/ от вдови́цы, не могу́щия спасти́ сию́ от враго́в,/ но яви́лася есть Храни́тельница Афо́на/ и Врата́рница оби́тели И́верския, враги́ устраша́ющая/ и в Правосла́вней Росси́йстей стране́// чту́щия Тя от всех бед и напа́стей избавля́ющая.Ин кондак · глас 4Пресвятой Богородице пред иконой Ея «Иверской»Совозсия́ днесь Све́ту Воскресе́ния свет чи́стыя ико́ны Твоея́,/ обоя́ ве́село торжеству́юще вопие́м:// сохрани́ раб Твои́х благода́тию, Влады́чице.Тропарь · глас 8Преподобной Марии ЕгипетскойВ тебе́, ма́ти, изве́стно спасе́ся, е́же по о́бразу,/ прии́мши бо крест, после́довала еси́ Христу́/ и, де́ющи учи́ла еси́ презира́ти у́бо плоть, прехо́дит бо,/ прилежа́ти же о души́ ве́щи безсме́ртней.// Те́мже и со А́нгелы сра́дуется, преподо́бная Мари́е, дух твой.Кондак · глас 3Преподобной Марии ЕгипетскойБлуда́ми пе́рвее преиспо́лнена вся́ческими,/ Христо́ва неве́ста днесь покая́нием яви́ся,/ а́нгельское жи́тельство подража́ющи,/ де́мона креста́ ору́жием погубля́ет.// Сего́ ра́ди Ца́рствия неве́ста яви́лася еси́, Мари́е пресла́вная.Ин кондак · глас 4Преподобной Марии ЕгипетскойГреха́ мглы избежа́вши,/ покая́ния све́том озари́вши твое́ се́рдце, сла́вная,/ пришла́ еси́ ко Христу́,/ Сего́ Всенепоро́чную и святу́ю Ма́терь/ Моли́твенницу ми́лостивную принесла́ еси́./ Отону́дуже и прегреше́ний обрела́ еси́ оставле́ние,// и со А́нгелы при́сно сра́дуешися.ВеличаниеПреподобной Марии ЕгипетскойУблажа́ем тя, преподо́бная ма́ти Мари́е, и чтим святу́ю па́мять твою́, наста́внице мона́хов и собесе́днице А́нгелов.Тропарь · глас 3Преподобному Евфимию, архимандриту СуздальскомуЯ́ко светоза́рная звезда́,/ прише́л еси́ от восто́ка на за́пад,/ оста́вив оте́чество твое́, Ни́жний Но́вград,/ и, доше́д Богоспаса́емаго гра́да Су́ждаля,/ в нем оби́тель сотвори́л еси́,/ и собра́л еси́ мона́хов мно́жества,/ и, прие́м дар чуде́с от Бо́га, о́тче Евфи́мие,/ был еси́ о Христе́ собесе́дник/ и спо́стник преподо́бному Се́ргию./ С ни́мже у Христа́ Бо́га испроси́ нам здра́вие, и спасе́ние,// и душа́м на́шим ве́лию ми́лость.Кондак · глас 2Преподобному Евфимию, архимандриту СуздальскомуВолне́ний мно́жества невла́жно преходя́,/ безпло́тныя враги́ струя́ми слез твои́х погрузи́л еси́,/ Богому́дре Евфи́мие преподо́бне,/ тем и чуде́с дар прия́л еси́,// моли́ непреста́нно о всех нас.Тропарь · глас 4Преподобному Варсонофию ОптинскомуВо́ине до́блественный и изря́дный,/ све́том открове́ния, я́ко Па́вел, озаре́нный,/ вся во уме́ты Христа́ ра́ди вмени́л еси́,/ и́ноческим по́двигом подвиза́лся еси́,/ тече́ние сконча́в и ве́ру соблю́д,/ те́мже зове́м ти:/ спаса́й нас моли́твами твои́ми,// преподо́бне Варсоно́фие, о́тче наш.Ин тропарь · глас 3Преподобному Варсонофию ОптинскомуКрасото́ Це́ркве Ру́сския,/ утвержде́ние ста́рчества О́птинскаго,/ и́ноческих заве́тов блюсти́телю,/ оружено́сче Госпо́день ве́рный,/ преподо́бне о́тче Варсоно́фие,/ мече́м моли́твы зми́я победи́вый,/ вы́шния по́чести о Христе́ дости́гл еси́,/ те́мже моли́ся Тому́:/ оте́честву на враги́ побе́ду дарова́ти// и спасти́ ду́ши на́ша.Кондак · глас 4Преподобному Варсонофию ОптинскомуЯви́лся еси́ ста́рчества благочести́ваго столп о́гненный,/ любве́ Ева́нгельския сия́ние,/ проро́чествуя, назида́я и утеша́я,/ подая́ челове́ком от грехо́в врачева́ние,// преподо́бне Варсоно́фие, о́тче наш.Ин кондак · глас 4Преподобному Варсонофию ОптинскомуБоже́ственный ратобо́рец показа́лся еси́,/ о́тче наш Варсоно́фие,/ кресто́м низлага́я си́лу вра́жию,/ и си́лою Богода́нною чудеса́ сотворя́я,/ те́мже О́птина пу́стынь венча́ся сла́вою твои́х духо́вных побе́д,/ полково́дче мона́шествующих пресла́вный:/ и ны́не моли́ся Царю́ Христу́,/ побе́ды над страстьми́ дарова́ти,// ве́рою и любо́вию соверша́ющим па́мять твою́.Тропарь · глас 4Мученику Авраамию БолгарскомуДнесь, благове́рнии лю́дие, соше́дшеся,/ восхва́лим до́бляго сего́ му́ченика и страда́льца Авраа́мия,/ сей бо, укрепля́емь си́лою Бо́жиею,/ ду́шу свою́ положи́ за Христа́,/ мно́го пострада́в от злове́рных бо́лгар./ Сего́ ра́ди от Го́спода вене́ц прия́т/ и ны́не предстои́т Ему́/ и мо́лится о гра́де сем// и о всех нас, чту́щих па́мять его́.Кондак · глас 8Мученику Авраамию БолгарскомуЯ́ко многоце́нное сокро́вище,/ принесе́но бысть от Бо́лгарския страны́ во град Влади́мир/ пречестно́е те́ло твое́, му́чениче Авраа́мие,/ и́мже подае́ши всем чту́щим пресла́вную па́мять твою́ оби́лие исцеле́ний,/ предстоя́ на Небеси́ Христу́ Бо́гу// и моля́ Его́ о спасе́нии душ на́ших.Ин кондак · глас 3Мученику Авраамию БолгарскомуУкрепи́вся, сла́вне, любо́вию Госпо́днею/ и Того́ честны́й Крест на ра́мо взем, и́го Госпо́дне,/ посрами́л еси́ диа́воля кова́рствия/ и пострада́л еси́ да́же до сме́рти,/ и сего́ ра́ди, досточу́дне, яви́ся страда́лец вели́к, Авраа́мие,/ и ору́жником храбротаи́нник// и уча́стник Бо́жия благода́ти.Тропарь · глас 3Преподобному Геронтию, канонарху Печерскому, в Дальних пещерахВсечестны́й канона́рше Геро́нтие,/ правилонача́льный бы́вый в це́ркви/ и в пра́виле и́ночестем возсия́вший све́тло,/ моли́ Христа́ Бо́га,/ да прегреше́ний оставле́ние// пода́ст душа́м на́шим.Кондак · глас 1Преподобному Геронтию, канонарху Печерскому, в Дальних пещерахКанона́ршествуя, честны́й канона́рше Геро́нтие,/ и пе́ние церко́вное пою́щим предводи́тельствуя в це́ркви,/ уподо́бился вои́стинну А́нгелом,/ пою́щим Бо́га на Небеси́,/ и́хже и житию́ подража́я, и, с ни́ми лику́я,// помина́й ны, любо́вию хва́лящих тя.Тропарь · глас 4Пресвятой Богородице пред иконой Ея «Шуйской-Смоленской»Я́ко многоце́нное сокро́вище прия́т град Шу́я/ чуде́сно напи́санную ико́ну Твою́,/ Пресвята́я Влады́чице, Де́во Богоро́дице,/ во исцеле́ние лю́тыя я́звы и во утеше́ние правосла́вных Тобо́ю дарова́нную,/ от нея́же исто́чники благода́тныя и до ны́не оби́льно излива́ются./ Проба́ви, Пречи́стая, и на бу́дущее вре́мя ми́лости Твоя́ ве́дущим Тя,/ храни́ град Твой и всю Ру́сскую зе́млю// и спаса́й люде́й, к Тебе́ с ве́рою и любо́вию притека́ющих.Ин тропарь · глас 4Пресвятой Богородице пред иконой Ея «Шуйской-Смоленской»Всеблага́я и преми́лостивая Засту́пнице ро́да христиа́нскаго,/ Пречи́стая Де́во Богоро́дице,/ припа́дающе пред святы́м и чудотво́рным Твои́м о́бразом,/ и́мже от лю́таго смерто́носия град Шу́ю дре́вле изба́вила еси́,/ уми́льно взыва́ем Ти:/ не преста́й под кро́вом Своея́ бла́гости/ сохраня́ти от бед и обстоя́ний град Твой/ и вся гра́ды и ве́си страны́ Росси́йския/ и моли́ти Сы́на Твоего́, Христа́ Бо́га на́шего, // да спасе́т ду́ши на́ша.Кондак · глас 3Пресвятой Богородице пред иконой Ея «Шуйской-Смоленской»Ма́ти Бо́жия Пресвята́я,/ стено́ христиа́ном, гра́да на́шего Шу́и покро́в и заступле́ние!/ Моли́твы раб Твои́х, ко ико́не Твое́й припа́дающих, приими́,/ во испове́дании Правосла́вныя ве́ры укрепи́,/ от вся́кия напа́сти и беды́ изба́ви,/ ско́рби земны́я на ра́дость преложи́// и Сы́на Твоего́ моли́ гра́ду и лю́дем Твои́м в ми́ре спасти́ся.Ин кондак · глас 6Пресвятой Богородице пред иконой Ея «Шуйской-Смоленской»Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я/ на по́мощь нас, ве́рно зову́щих Ти,/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.Тропарь · глас 2Во вторник, св. Иоанну ПредтечеПа́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.Кондак · глас 2Во вторник, св. Иоанну ПредтечеПроро́че Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде, в ми́ре пропове́дуеши покая́ние.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
