воскресенье Неделя 4-я по Пасхе Воскресенье Воскресенье, 3 мая 2026 г. (20 апреля ст.ст.) Неделя 4-я по Пасхе Прав. Тавифы (I) Перенесение мощей мч. Авраамия Болгарского (1230) Прп. Феодора Трихины (400) Неделя о расслабленом День кончины Святейшего Патриарха Пимена Кипрской иконы Божией Матери (392) Свтт. Григория (593), Анастасия I Синаита (599) , Патриархов Антиохийских Прп. Анастасия, игумена Синайской горы (695) Прп. Александра Ошевенского (1479) Мч. младенца Гавриила Белостокского (1690) Свт. Николая, еп. Охридского и Жичского (1956) (Серб.) Свт. Феодосия исп., еп. Коломенского (1937) Иконы дня Листайте по горизонтали. Нажатие на икону откроет крупное изображение. Прав. Тавифы (I) Перенесение мощей мч. Авраамия Болгарского (1230) Прп. Феодора Трихины (400) Свтт. Григория (593), Анастасия I Синаита (599) , Патриархов Антиохийских Прп. Александра Ошевенского (1479) Мч. младенца Гавриила Белостокского (1690) Свт. Николая, еп. Охридского и Жичского (1956) (Серб.) Иконы Богородицы Кипрской иконы Божией Матери (392) Песнопения дняТропари, кондаки и величания · 19 песнопенийТропарь · глас 3ВоскресныйДа веселя́тся небе́сная,/ да ра́дуются земна́я,/ я́ко сотвори́ держа́ву/ мы́шцею Свое́ю Госпо́дь,/ попра́ сме́ртию сме́рть,/ пе́рвенец ме́ртвых бы́сть;/ из чре́ва а́дова изба́ви на́с,// и подаде́ ми́рови ве́лию ми́лость.Кондак · глас 3Недели о расслабленномДу́шу мою́, Го́споди, во гресе́х вся́ческих,/ и безме́стными дея́ньми лю́те разсла́блену,/ воздви́гни Боже́ственным Твои́м предста́тельством,/ я́коже и разсла́бленнаго воздви́гл еси́ дре́вле,/ да зову́ Ти спаса́емь:// Ще́дрый, сла́ва, Христе́, держа́ве Твое́й.Кондак · глас 8ПасхиА́ще и во гроб снизше́л еси́ Безсме́ртне,/ но а́дову разруши́л еси́ си́лу, и воскре́сл еси́ я́ко победи́тель Христе́ Бо́же,/ жена́м мироно́сицам веща́вый, ра́дуйтеся:/ и Твои́м апо́столом мир да́руяй,// па́дшим подая́й воскресе́ние.Кондак · глас 4Преподобному Феодору ТрихинеЯви́лся еси́ преди́вен житие́м,/ Фео́доре му́дре о́тче,/ власяны́ми ру́бы измени́в/ па́че ца́рских сокро́вищ,/ я́же на земли́,/ сего́ ра́ди небе́сную оде́жду восприя́л еси́,// при́сно моли́ о нас, преподо́бне.Тропарь · глас 4Преподобному Александру ОшевенскомуХриста́, и́стиннаго Бо́га, все́ю душе́ю возлюби́л еси́/ и Тому́ невозвра́тным жела́нием после́довал еси́,/ вся же кра́сная и сла́дкая ми́ра сего́ возненави́дев,/ я́ко небопа́рный оре́л, на Небеса́ возлете́/ и та́мо со А́нгелы лику́еши и со все́ми святы́ми Святе́й Тро́ице предстои́ши,/ моли́ и нам спасти́ся, ча́дом твои́м,// я́коже обеща́ся, Алекса́ндре преподо́бне, о́тче наш.Кондак · глас 8Преподобному Александру ОшевенскомуРоди́телей свои́х любо́вь отри́нул еси́/ и дом свой, я́ко чужд, оста́вил еси́,/ водвори́ бо ся в пусты́ню,/ и та́мо ви́де Бог труды́ твоя́ и по́двиги,/ па́стыря и наста́вника избра́нному Своему́ ста́ду сподобля́ет тя/ и по преставле́нии вели́кими чудесы́ прославля́ет тя,/ исцеля́ти разли́чныя неду́ги./ Моли́ о нас Христа́ Бо́га,/ пра́зднующих любо́вию святу́ю па́мять твою́,/ да вси единогла́сно вопие́м ти:// ра́дуйся, Алекса́ндре преподо́бне, о́тче наш.Тропарь · глас 5Мученику младенцу Гавриилу БелостокскомуСвяты́й младе́нче Гаврии́ле,/ ты за Прободе́ннаго нас ра́ди от иуде́й/ лю́те от о́нехже в ре́бра прободе́н был еси́/ и за Истощи́вшаго кровь Свою́ за нас/ все те́ло твое́ на истоще́ние кро́ве/ в лю́тыя я́звы пре́дал еси́,/ ны́не же во сла́ве ве́чней с Ним всели́лся еси́./ Тем помяни́ и нас, мо́лим, зде чту́щих па́мять твою́,/ прося́ нам здра́вие телеси́// и спасе́ние душа́м на́шим.Кондак · глас 6Мученику младенцу Гавриилу БелостокскомуОте́чество твое́ Зверки́ бысть,/ му́чениче Христо́в Гаврии́ле,/ иде́же от и́стых звере́й – иуде́ев восхище́н:/ а́бие роди́телей лише́н еси́,/ та́же вся поря́ду лю́те претерпе́в,/ в оте́чество Небе́сное пресели́лся еси́./ Восхища́й и нас зде от вся́ких напа́стей и скорбе́й/ и умоли́, мо́лим тя,// улучи́ти ве́чное насле́дие твое́.Тропарь · глас 8Святителю Николаю Сербскому (Велимировичу)Златоу́стый пропове́дниче Воскре́сшаго Христа́,/ путеводи́телю ро́да Се́рбскаго крестоно́снаго в века́х,/ благогла́сная ли́ро Ду́ха Свята́го,/ славо и любы́ мона́хов, ра́дованье и похвало́ свяще́нников,/ учи́телю покая́ния, предводи́телю богомо́льна во́инства Христо́ва/ святы́й Нико́лае Се́рбский и всеправосла́вный:/ со все́ми святы́ми Небе́сныя Се́рбии моли́ Еди́наго Человеколю́бца// да да́рует мир и едине́ние ро́ду на́шему.Кондак · глас 3Святителю Николаю Сербскому (Велимировичу)Се́рбскаго Лелича рожде́ние,/ архипа́стырем во Охриде свята́го Нау́ма был еси́,/ от престо́ла святи́теля Са́ввы в Жичу предста́л еси́,/ науча́я и просвеща́я лю́ди Бо́жия Святы́м Ева́нгелием./ Мно́гия к покая́нию и любве́ ко Христу́ приве́л еси́,/ Христа́ ра́ди стра́сти в Дахау претерпе́л еси́,/ и сего́ ра́ди, свя́те, от О́него же просла́влен еси́,// Нико́лае, Бо́жий новоявле́нный уго́дниче.Тропарь · глас 4Мученику Авраамию БолгарскомуДнесь, благове́рнии лю́дие, соше́дшеся,/ восхва́лим до́бляго сего́ му́ченика и страда́льца Авраа́мия,/ сей бо, укрепля́емь си́лою Бо́жиею,/ ду́шу свою́ положи́ за Христа́,/ мно́го пострада́в от злове́рных бо́лгар./ Сего́ ра́ди от Го́спода вене́ц прия́т/ и ны́не предстои́т Ему́/ и мо́лится о гра́де сем// и о всех нас, чту́щих па́мять его́.Кондак · глас 8Мученику Авраамию БолгарскомуЯ́ко многоце́нное сокро́вище,/ принесе́но бысть от Бо́лгарския страны́ во град Влади́мир/ пречестно́е те́ло твое́, му́чениче Авраа́мие,/ и́мже подае́ши всем чту́щим пресла́вную па́мять твою́ оби́лие исцеле́ний,/ предстоя́ на Небеси́ Христу́ Бо́гу// и моля́ Его́ о спасе́нии душ на́ших.Ин кондак · глас 3Мученику Авраамию БолгарскомуУкрепи́вся, сла́вне, любо́вию Госпо́днею/ и Того́ честны́й Крест на ра́мо взем, и́го Госпо́дне,/ посрами́л еси́ диа́воля кова́рствия/ и пострада́л еси́ да́же до сме́рти,/ и сего́ ра́ди, досточу́дне, яви́ся страда́лец вели́к, Авраа́мие,/ и ору́жником храбротаи́нник// и уча́стник Бо́жия благода́ти.Тропарь · глас 4Праведной Тавифе ИоппийскойДнесь ве́ра Христо́ва утвержда́ется ка́менем ве́ры,/ и ликовству́ет в весе́лии Иоппи́я,/ псало́мски славосло́вят Жизнода́вца Сы́на Бо́жия ве́рнии,/ ви́дяще соверша́емо ве́лие чу́до:/ первоверхо́вный апо́стол глаго́лет,/ и уме́ршая востае́т от гро́ба,/ ю́же Низложи́тель сме́рти да́рует Це́ркви,/ да украша́ются во о́браз ея́ доброде́тельми лю́ди./ Прииди́те у́бо, христиа́не,/ принесе́м ко святе́й моле́ния на́ша:/ блаже́нная Тави́фо и милосе́рдная,/ вознеси́ на́ша воздыха́ния Пресвяте́й Тро́ице,/ и моли́ся со дерзнове́нием,/ да сы́нове све́та Преве́чнаго бу́дем,/ да сподо́бимся Бо́жия ми́лости,/ да пребыва́ем в любви́ Боже́ственней,// и да ца́рствует мир во вселе́нней.Кондак · глас 4Праведной Тавифе ИоппийскойУжаса́хуся Иоппи́йстии лю́дие, и дивля́хуся А́нгели Бо́жии,/ егда́ Исцели́вый Енне́я воззва́ от ме́ртвых се́рну нарица́емую, милосе́рдием преукра́шенную,/ о не́йже к нему́ взыва́ху вдови́цы неиму́щия./ И ны́не, Тави́фо блаже́нная, услы́ши моли́твы на́ша, к тебе́ приноси́мыя,/ и испроси́ у вся́ческих благ Пода́теля ми́лости и щедро́ты ве́рным Его́,/ да блажа́ще тя, вопие́м ти:// ра́дуйся, доброде́тели нас науча́ющая.Ин кондак · глас 8Праведной Тавифе ИоппийскойПервонача́льная Це́рковь ликовству́ет,/ Иоппи́я тобо́ю, Тави́фо, просвеща́ется,/ из ме́ртвых твоему́ воскресе́нию ра́дующися,/ и мы, па́мять твою́ ны́не пра́зднующе,/ сла́вим Победи́теля сме́рти – Христа́ Бо́га,// о́бщаго свята́го Воскресе́ния ча́юще.Тропарь · глас 4Праведной Тавифе Иоппийской в Неделю о расслабленномАпо́столом сотаи́ннице, ми́лостивая Тави́фо,/ оби́тели же́нския нача́ло положи́ла еси́/ и бе́дным одея́ние была́ еси́,/ послу́шнице смире́нная,/ сло́ву апо́стола Петра́ повину́вшися,/ из ме́ртвых си́лою Христо́вою возста́ла еси́/ и ны́не на Небесе́х све́тло пра́зднуеши./ Те́мже моли́ Христа́ Бо́га// всем, помина́ющим тя, дарова́ти живо́т ве́чный.Тропарь · глас 4Священноисповеднику Феодосию, епископу КоломенскомуДнесь торжеству́ет Коло́мна сла́вная,/ велича́ющи святи́теля своего́,/ Феодо́сия преди́внаго,/ в годи́ну лю́тую гоне́ния безбо́жнаго/ Христа́ небоя́зненно пропове́давшаго/ и по́двиг страда́ния и терпе́ния соверши́вшаго./ Те́мже и мы, ча́да твоя́, прославля́ем тя, испове́дниче,/ я́ко па́стыря до́браго и Правосла́вныя ве́ры побо́рника,/ со умиле́нием и любо́вию зову́ще:/ моли́ Человеколю́бца Бо́га,// да спасе́т ду́ши на́ша.Кондак · глас 2Священноисповеднику Феодосию, епископу КоломенскомуЯ́ко сокро́вище пребога́тое,/ честны́я мо́щи твоя́ обрето́шася,/ священноиспове́дниче о́тче Феодо́сие,/ ты бо, во дни гоне́ния безбо́жнаго/ страда́ния Христа́ ра́ди му́жественне претерпе́л еси́./ Ны́не же в Небе́сных селе́ниих пребыва́еши/ и мо́лиши Человеколю́бца Бо́га,// да спасе́т ду́ши на́ша.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
