пятница Седмица 4-я по Пасхе День церковного круга Постный день Пятница, 8 мая 2026 г. (25 апреля ст.ст.) Седмица 4-я по Пасхе Апостола и евангелиста Марка (63) Цареградской иконы Божией Матери (1071) Прп. Сильвестра Обнорского (1379) Прп. Василия Поляномерульского (1767) (Рум.) Сщмч. Сергия Рохлецова пресвитера (1938) Постный день Иконы дня Листайте по горизонтали. Нажатие на икону откроет крупное изображение. Апостола и евангелиста Марка (63) Прп. Сильвестра Обнорского (1379) Прп. Василия Поляномерульского (1767) (Рум.) Сщмч. Сергия Рохлецова пресвитера (1938) Иконы Богородицы Цареградской иконы Божией Матери (1071) Песнопения дняТропари, кондаки и величания · 15 песнопенийТропарь · глас 8Преполовения ПятидесятницыПреполови́вшуся пра́зднику,/ жа́ждущую ду́шу мою́ благоче́стия напо́й вода́ми,/ я́ко всем, Спа́се, возопи́л еси́:/ жа́ждай да гряде́т ко Мне и да пие́т.// Исто́чниче жи́зни на́шея, Христе́ Бо́же сла́ва Тебе́.Кондак · глас 4Преполовения ПятидесятницыПра́зднику зако́нному преполовля́ющуся,/ всех Тво́рче и Влады́ко,/ к предстоя́щим глаго́лал еси́, Христе́ Бо́же:/ прииди́те и почерпи́те во́ду безсме́ртия./ Те́мже Тебе́ припа́даем, и ве́рно вопие́м:/ щедро́ты Твоя́ да́руй нам,// Ты бо еси́ Исто́чник жи́зни на́шея.Тропарь · глас 3Апостолу и евангелисту МаркуАпо́столе святы́й и Евангели́сте Ма́рко,/ моли́ Ми́лостиваго Бо́га,/ да прегреше́ний оставле́ние// пода́ст душа́м на́шим.Ин тропарь · глас 3Апостолу и евангелисту МаркуУ верхо́внаго Петра́ научи́вся,/ апо́стол Христо́в был еси́/ и, я́ко со́лнце страна́м возсия́л еси́,/ Александри́ом удобре́ние быв, блаже́нне:/ тобо́ю Еги́пет от пре́лести свободи́ся,/ ева́нгельским твои́м уче́нием просве́щ вся,/ я́ко свет, столп церко́вный./ Сего́ ра́ди твою́ па́мять чту́ще, све́тло пра́зднуем,/ Ма́рко, Богогла́се,/ моли́ тобо́ю благовести́маго Бо́га,// да согреше́ний оставле́ние пода́ст душа́м на́шим.Кондак · глас 2Апостолу и евангелисту МаркуС высоты́ прии́м благода́ть Ду́ха,/ ри́торская плете́ния разруши́л еси́, апо́столе,/ и, язы́ки вся улови́в, Ма́рко всесла́вне,/ твоему́ Влады́це приве́л еси́,// Боже́ственное пропове́дав Ева́нгелие.Тропарь · глас 6Преподобному Сильвестру ОбнорскомуИ́же измла́да Христа́ возлюби́в/ и ве́рою к Нему́ прибли́жся,/ изнури́л еси́, в пусты́ни живы́й, многострада́льное те́ло твое́./ Тем, блаже́нне Сильве́стре, со А́нгелы ликовству́я,/ моли́ Христа́ Бо́га мир ми́рови дарова́ти/ и бу́ди помо́щник ве́рою призыва́ющим тя на по́мощь// и чту́щим святу́ю па́мять твою́.Ин тропарь · глас 4Преподобному Сильвестру ОбнорскомуЯ́ко добр блаже́ннаго Се́ргия учени́к,/ ве́ре и благоче́стию его́ подража́я,/ стяжа́л еси́ даро́в Ду́ха Свята́го сокро́вище/ и си́лы мно́ги соде́лал еси́ о Го́споде/ во спасе́ние и утеше́ние ве́рных./ Не оста́ви у́бо и нас, с ве́рою притека́ющих к тебе́,// Сильве́стре преподо́бне.Кондак · глас 6Преподобному Сильвестру ОбнорскомуПо́двигом до́брым подвиза́лся еси́, преподо́бне,/ и ду́шу твою́, я́ко же́ртву чи́сту и непоро́чну,/ Ду́ху Свято́му прине́сл еси́,/ и по сме́рти твое́й ста́до твое́ духо́вное соблюда́еши,/ и в боле́знех ско́ро посеща́еши./ Те́мже мо́лим тя, преблаже́нне:/ с ли́ки преподо́бных моли́ Христа́ Бо́га,/ да спасе́т правосла́вныя христиа́ны/ и пода́ст лю́дем в ми́ре глубо́це устро́итися, да зове́м ти:// ра́дуйся, Сильве́стре, и́ноком духо́вный па́стырю и наста́вниче.Ин кондак · глас 6Преподобному Сильвестру ОбнорскомуПо́двигом до́брым подвиза́лся еси́, преподо́бне,/ и ду́шу твою́, я́ко же́ртву чи́сту и непоро́чну, Бо́гу прине́сл еси́,/ по успе́нии твое́м явля́ешися те́плый наш пред Бо́гом моли́твенник,/ сего́ ра́ди, ве́рою притека́юще к тебе́, взыва́ем:// ра́дуйся, преподо́бне о́тче Сильве́стре.Тропарь · глас 8Преподобному Василию ПоляномерульскомуУчи́телю свята́го почита́ния Бо́жия,/ наста́вниче мона́хов, пропове́дниче да́ра Бо́жия,/ просвети́телю моли́твы у́мныя, я́же тобо́ю я́сно испо́лнена,/ преподо́бне о́тче Васи́лие, моли́ при́сно Христа́ Бога// спасти́ ду́ши на́ша.Кондак · глас 8Преподобному Василию ПоляномерульскомуМона́хов наста́вника ди́внаго,/ моли́твы де́лателя иску́снаго,/ небе́снаго челове́ка и земна́го а́нгела,/ изря́днаго наста́вника духо́внаго ра́достно воспое́м и просла́вим:/ Ра́дуйся, свя́те о́тче Васи́лие,// пропове́дниче Бо́жия благода́ти.Тропарь · глас 1Пресвятой Богородице пред иконой Ея «Цареградской»Возсия́ нам, я́ко со́лнце светоза́рное от восто́ка в велеле́пии./ Твоя́, Влады́чице, ико́на,/ озаря́ющи чуде́с сия́нием пресла́вно всех, приходя́щих к ней с ве́рою и любо́вию/ и моля́щихся усе́рдно к Твоему́, е́же о Сы́не Твое́м и Бо́зе, вели́чию./ Сла́ва Бо́гу, Евфроси́ном сию́ да́вшему нам!/ Сла́ва Приве́дшему ю́ от Царьгра́да!// Сла́ва Даю́щему то́ю всем исцеле́ния.Кондак · глас 8Пресвятой Богородице пред иконой Ея «Цареградской»Препросла́вленная Вы́шняго Ма́терь/ созыва́ет к песнопе́нию нас Своего́ о́браза прише́ствием от Царьгра́да/ и возбужда́ет зре́нием того́ на по́двиг,/ побежда́ти сопроти́вных си́лу,/ и к Ней, я́ко на́шея ра́дости вино́вней, пе́ти:// ра́дуйся, Неве́сто Неневе́стная.Тропарь · глас 1В пятницу, св. КрестуСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4В пятницу, св. КрестуВознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
