понедельник Седмица 6-я по Пасхе День церковного круга Понедельник, 18 мая 2026 г. (5 мая ст.ст.) Седмица 6-я по Пасхе Вмц. Ирины (I-II) Иконы Божией Матери "Неупиваемая Чаша" (1878) Прп. Варлаама Серпуховского (1377) Обретение мощей прп. Иакова Железноборовского (1422) Прмч. Ефрема Нового (1426) (Конст.) Иконы дня Листайте по горизонтали. Нажатие на икону откроет крупное изображение. Вмц. Ирины (I-II) Прп. Варлаама Серпуховского (1377) Обретение мощей прп. Иакова Железноборовского (1422) Прмч. Ефрема Нового (1426) (Конст.) Иконы Богородицы Иконы Божией Матери "Неупиваемая Чаша" (1878) Песнопения дняТропари, кондаки и величания · 14 песнопенийТропарь · глас 5ВоскресныйСобезнача́льное Сло́во Отцу́ и Ду́хови,/ от Де́вы ро́ждшееся на спасе́ние на́ше,/ воспои́м, ве́рнии, и поклони́мся,/ я́ко благоволи́ пло́тию взы́ти на кре́ст,/ и сме́рть претерпе́ти,/ и воскреси́ти уме́ршия// сла́вным Воскресе́нием Свои́м.Кондак · глас 4Недели о слепомДуше́вныма очи́ма ослепле́н,/ к Тебе́, Христе́, прихожду́,/ я́коже слепы́й от рожде́ния,/ покая́нием зову́ Ти:// Ты су́щих во тьме Свет пресве́тлый.Тропарь · глас 4Великомученице Ирине МакедонскойА́гница Твоя́, Иису́се, Ири́на,/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся Креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́, и умира́ю за Тя,/ да и живу́ с Тобо́ю,/ но я́ко же́ртву непоро́чную, приими́ мя, с любо́вию поже́ршуюся Тебе́./ Тоя́ моли́твами,// я́ко Ми́лостив, спаси́ ду́ши на́ша.Кондак · глас 4Великомученице Ирине МакедонскойДе́вства добро́тами преиспещре́нна, де́во,/ страда́льчеством была́ еси́ красне́йшая, Ири́но,/ кровьми́ твои́ми исте́кшими обагре́на,/ пре́лесть же низложи́вшая безбо́жия.// Сего́ ра́ди и прия́ла еси́ по́чести побе́ды руко́ю Созда́теля твоего́.Тропарь · глас 4Преподобному Иакову ЖелезноборовскомуНебе́снаго жела́я,/ земна́я возненави́дел еси́/ и, взем крест свой, после́довал еси́ Христу́/ и от Него́ прие́м дарова́ния чуде́с,/ исцеля́ти неду́жныя;/ но, я́ко име́я дерзнове́ние ко Святе́й Тро́ице,/ испроси́ правосла́вным христиа́ном здра́вие и спасе́ние,/ на враги́ же побе́ду/ и не забу́ди, посеща́я чад свои́х,/ припа́дающих к цельбоно́сному гро́бу твоему́,// Иа́кове, преподо́бне о́тче наш.Кондак · глас 8Преподобному Иакову ЖелезноборовскомуСерде́чная о́чи, досточу́дне, ко Го́споду впери́в/ и теле́сныя стра́сти из ко́рене исторга́я,/ неболе́зненную жизнь в боле́знех восприя́л еси́, преподо́бне,/ боле́знем же лю́тым дае́ши исцеле́ние прося́щим с ве́рою у тебе́,/ те́мже мо́лим тя, досточу́дне,/ исцели́ на́ша боле́зни душе́вныя и теле́сныя, да зове́м ти:// ра́дуйся, Иа́кове Богому́дре, о́тче наш.Тропарь · глас 3Преподобному Варлааму СерпуховскомуОт святи́теля Алекси́я богоугожде́нию науче́н,/ доброде́тельми украси́л еси́ ду́шу свою́,/ сего́ ра́ди Ма́тери Бо́жией избра́нник яви́лся еси́,/ и оби́тель Тоя́ Введе́нию воздви́гл еси́/ на спасе́ние мно́гим душа́м челове́ческим./ Мона́шествующим до́брый наста́вниче,/ те́плый о на́с к Бо́гу моли́твенниче,/ преподо́бне Варлаа́ме, о́тче на́ш,// моли́ спасти́ся душа́м на́шим.Кондак · глас 8Преподобному Варлааму СерпуховскомуА́ще и под спу́дом сокры́ты е́сть честны́я твоя́ мо́щи,/ преподо́бне о́тче на́ш Варлаа́ме,/ оба́че же лучи́ чуде́с и исцеле́ний испуща́ют све́тло,/ все́м, притека́ющим ве́рою и моля́щим ти́ ся́ усе́рдно,/ вои́стину яви́лся бо еси́ уго́дник Бо́жий,// и хода́тай при́сный о чту́щих любо́вию святу́ю па́мять твою́.Тропарь · глас 1Преподобномученику Ефрему Новому, Неа-МакринскомуЯко со́лнце, возсия́л еси́ в горе́ Амо́мстей,/ преподобному́чениче Христо́в Ефре́ме,/ и, ва́рварская нахожде́ния претерпе́в,/ му́ченически к Бо́гу отше́л еси́./ Сего́ ра́ди благода́ть при́сно источа́еши/ благоче́стно зову́щим:/ сла́ва Да́вшему ти кре́пость,/ сла́ва Просла́вльшему тя, // сла́ва Де́йствующему тобо́ю всем исцеле́ния.Кондак · глас 3Преподобномученику Ефрему Новому, Неа-МакринскомуНа горе́ Амо́мстей добр́е подвиза́лся еси́, богому́дре,/ и та́мо му́ченическое тече́ние сконча́л еси́./ Те́мже, преподобному́чениче Ефре́ме,/ Жизнода́вец сугу́быми венцы́ досто́йно увенча́ тя,/ приле́жно моля́щася о душа́х на́ших.Тропарь · глас 4Пресвятой Богородице пред иконой Ея «Неупиваемая Чаша»Днесь притеце́м ве́рнии/ к Боже́ственному и пречу́дному о́бразу Пресвяты́я Богома́тери,/ напоя́ющей ве́рных сердца́/ небе́сною Неупива́емою Ча́шею Своего́ милосе́рдия/ и лю́дем ве́рным чудеса́ показу́ющей./ Я́же мы ви́дяще и слы́шаще духо́вно пра́зднуем и те́пле вопие́м:/ Влады́чице преми́лостивая,/ исцели́ на́ша неду́ги и стра́сти/ моля́щи Сы́на Твоего́ Христа́ Бо́га на́шего// спасти́ ду́ши на́ша.Кондак · глас 4Пресвятой Богородице пред иконой Ея «Неупиваемая Чаша»Бысть чре́во Твое́ свята́я Трапе́за, иму́щая Небе́снаго Хле́ба, Христа́ Бо́га на́шего, от Него́же всяк яды́й не умира́ет, я́коже рече́ всех, Богороди́тельнице, Пита́тель.Тропарь · глас 4В понедельник, Небесным чинам бесплотнымНебе́сных во́инств Архистрати́зи,/ мо́лим вас при́сно мы недосто́йнии,/ да ва́шими моли́твами оградите́ нас/ кро́вом крил невеще́ственныя ва́шея сла́вы,/ сохраня́юще нас припа́дающия приле́жно и вопию́щия:/ от бед изба́вите нас,// я́ко чинонача́льницы вы́шних Сил.Кондак · глас 2В понедельник, Небесным чинам бесплотнымАрхистрати́зи Бо́жии,/ служи́телие Боже́ственныя сла́вы,/ А́нгелов нача́льницы, и челове́ков наста́вницы,/ поле́зное нам проси́те, и ве́лию ми́лость,// я́ко Безпло́тных Архистрати́зи.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
