вторник Седмица 2-я по Пятидесятнице День церковного круга Постный день Вторник, 9 июня 2026 г. (27 мая ст.ст.) Седмица 2-я по Пятидесятнице Прав. Иоанна Русского, исп (1730) Обретение мощей прп. Нила Столобенского (1667) Сщмч. Ферапонта, еп. Сардийского (III) Мчч. Феодоры девы и Дидима воина (304) Прп. Ферапонта Белоезерского, Можайского (1426) Перенесение мощей свтт. Московских Киприана, Фотия и Ионы (1472) Прп. Ферапонта Монзенского (1597) Петров (Апостольский) пост Иконы дня Листайте по горизонтали. Нажатие на икону откроет крупное изображение. Прав. Иоанна Русского, исп (1730) Обретение мощей прп. Нила Столобенского (1667) Сщмч. Ферапонта, еп. Сардийского (III) Прп. Ферапонта Белоезерского, Можайского (1426) Перенесение мощей свтт. Московских Киприана, Фотия и Ионы (1472) Прп. Ферапонта Монзенского (1597) Песнопения дняТропари, кондаки и величания · 21 песнопениеТропарь · глас 4Праведному Иоанну РусскомуОт земли́ плене́ния твоего́/ воззва́вый тя к Небе́сным селе́нием,/ Госпо́дь соблюда́ет невреди́мо и цельбоно́сно те́ло твое́,/ пра́ведне Иоа́нне,/ ты бо, в Росси́и я́тый и во Аси́ю прода́нный,/ посреде́ ага́рянскаго злоче́стия благоче́стно пожи́л еси́ во мно́зе терпе́нии/ и, се́яв зде слеза́ми,/ жне́ши та́мо неизглаго́ланною ра́достию.// Те́мже моли́ Христа́ Бо́га спасти́ся душа́м на́шим.Ин тропарь · глас 4Праведному Иоанну РусскомуНа Небеси́ предстоя́ Святе́й Тро́ице,/ пра́ведне блаже́нне Иоа́нне,/ земны́й а́нгеле, Бо́жий челове́че,/ с Безпло́тными ли́ки славосло́виши любо́вь неизрече́нную,/ в Це́ркви перворо́дных со святы́ми водворя́яся,/ о нас, су́щих на земли́, возно́сиши моли́твы/ к Соде́телю всех и Спа́су,/ да пода́ст мир все́му ми́ру,/ Це́рквам на земли́ благостоя́ние и соедине́ние всех,/ чту́щих Сы́на Бо́жия во пло́ти прише́дша,/ во святе́м Те́ле Христа́ Иису́са,/ е́же есть Це́рковь Бо́га Жива́го,// во спасе́ние ро́да челове́ческаго.Ин тропарь · глас 4Праведному Иоанну РусскомуОт земли́ Призва́вший тя в Небе́сныя оби́тели/ сохраня́ет и по сме́рти нетле́нное те́ло твое́, свя́те,/ ты бо я́ко пле́нник приведе́н бысть в А́зию,/ иде́же и уподо́бися Христу́.// Сего́ ра́ди моли́ Его́ спасти́ся душа́м на́шим.Кондак · глас 8Праведному Иоанну РусскомуВ честне́й па́мяти твое́й, свя́те,/ весели́тся о тебе́ Росси́я,/ во благоче́стии тя воспита́вшая,/ и целе́бным моще́м твои́м ра́дуется Аси́я,/ иде́же у́зкий путь проше́д страда́льческаго пле́на и по́стнических подвиго́в,/ сосу́д че́стен яви́лся еси́ Бо́жия благода́ти,/ ея́же проси́ и нам, чти́телем твои́м, да зове́м ти:// ра́дуйся, Иоа́нне, благода́ти тезоимени́те.Ин кондак · глас 4Праведному Иоанну РусскомуЕва́нгельския любве́ служи́теля,/ пра́вды Бо́жия ревни́теля,/ чистоты́ душе́вныя и теле́сныя храни́теля,/ ве́ру Христо́ву испове́давша в страда́ниих,/ пра́веднаго Иоа́нна ублажа́ем и почита́ем днесь,/ и житие́м его́ назида́ющеся, пое́м:// ра́дуйся, моли́твенниче наш, от Бо́га просла́вленный.Ин кондак · глас 4Праведному Иоанну РусскомуНы́не приспе́ па́мять сла́вных, свя́те о́тче, дел твои́х,/ веселя́ще благочести́выя ду́ши,// ве́рно чту́щия тя, Иоа́нне.Тропарь · глас 4Священномученику Ферапонту СардийскомуИ нра́вом прича́стник,/ и престо́лом наме́стник апо́столом быв,/ дея́ние обре́л еси́, богодухнове́нне,/ в виде́ния восхо́д:/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Ферапо́нте,/ моли́ Христа́ Бо́га// спасти́ся душа́м на́шим.Кондак · глас 4Священномученику Ферапонту СардийскомуВо святи́телех благоче́стно пожи́в/ и муче́ния путь проше́д,/ и́дольския угаси́л еси́ же́ртвы,/ и побо́рник быв твоему́ ста́ду, богому́дре./ Те́мже тя почита́юще, та́йно вопие́м ти:/ от бед изба́ви ны при́сно твои́ми мольба́ми,// о́тче наш Ферапо́нте.Тропарь · глас 4Преподобному Нилу СтолобенскомуЯ́ко светильник всесве́тел/ яви́лся еси́ во о́строве Селиге́ра е́зера,/ преподо́бне о́тче Ни́ле:/ ты бо Крест Христо́в от ю́ности своея́ на ра́мо взем,/ усе́рдно Тому́ после́довал еси́,/ чистото́ю Бо́гови прибли́жився,/ отону́дуже и чуде́с дарова́нием обогати́лся еси́./ Тем и мы, притека́юще к ра́це моще́й твои́х, уми́льно глаго́лем:/ о́тче преподо́бне,// моли́ Христа́ Бо́га спасти́ся душа́м на́шим.Кондак · глас 8Преподобному Нилу СтолобенскомуОте́чества, преподо́бне, удали́вся,/ в пусты́ню всели́лся еси́,/ и на о́стров Селиге́ра е́зера возше́д,/ жесто́ко житие́ показа́л еси́,/ и мно́гих доброде́тельми удиви́в,/ дарова́ния чуде́с от Христа́ прия́л еси́./ Помина́й нас, чту́щих па́мять твою́, да зове́м ти:// ра́дуйся, Ни́ле, о́тче наш.ВеличаниеПреподобному Нилу СтолобенскомуУблажа́ем тя,/ преподо́бне о́тче Ни́ле,/ и чтим святу́ю па́мять твою́,/ наста́вниче мона́хов// и собесе́дниче а́нгелов.Тропарь · глас 4Преподобному Ферапонту Белоезерскому, МожайскомуЖитие́м чи́стым просвети́вся,/ в моли́твах и посте́х пусты́ни яви́лся еси́ до́брое прозябе́ние/ и, духо́вному твоему́ учи́телю после́дствуя,/ ум свой к Небе́сным упра́вль,/ ста́ду твоему́ наста́вник был еси́,/ тем тя мо́лим, о́тче Ферапо́нте,// моли́ Христа́ Бо́га спасти́ся душа́м на́шим.Кондак · глас 4Преподобному Ферапонту Белоезерскому, МожайскомуПреблаги́й Спас наш Христо́с/ умно́жил есть ми́лость Свою́ к нам,/ дарова́в нам в засту́пника и цели́теля/ преподо́бнаго отца́ на́шего Ферапо́нта,/ и́же просвеща́ет нас о́бразом свята́го жития́ своего́/ и ны́не моли́твами свои́ми огражда́ет храм свой от враго́в и от разруше́ния,/ страну́ сию́ от гла́да и напра́сныя сме́рти,/ чту́щих же па́мять его́ всех// от боле́зней и от лю́тых страсте́й.Ин кондак · глас 8Преподобному Ферапонту Белоезерскому, МожайскомуХристо́вым жела́нием распали́вся,/ стра́сти плотски́я воздержа́нием оттря́с,/ по́стническое стяжа́в жи́тельство, преподо́бне,/ сего́ ра́ди Госпо́дь труды́ твоя́ ви́дев,/ да́ром чуде́с обогати́ тя,/ источа́еши бо исцеле́ния и мо́лишися о нас к Бо́гу,/ мы же, ра́дующеся, вопие́м ти:// ра́дуйся, Ферапо́нте, о́тче наш.Тропарь · глас 8Святителям Киприану, Фотию и Ионе Московским, митрополитам Киевским и всея Руси, на перенесение мощейЯ́ко Све́тлаго Со́лнца светоза́рныя зве́зды,/ Тро́ическим Све́том озаря́ете сердца́ ве́рных,/ пренесе́нием честны́х моще́й ва́ших,/ Тро́ицы сосу́ди яви́стеся чи́стии ва́шим житие́м,/ и научи́сте лю́ди тве́рдо ве́ре Христо́ве,/ и скве́рну отгна́сте ва́шими святы́ми за́поведьми,/ и упасо́сте до́бре Христо́во ста́до, пору́ченное вам,/ Богому́дре Киприа́не, со сла́вным Фо́тием и со Ио́ною тве́рдым,// моли́теся Христу́ Бо́гу, да спасе́т ду́ши на́ша.Кондак · глас 8Святителям Киприану, Фотию и Ионе Московским, митрополитам Киевским и всея Руси, на перенесение мощейЯ́ко трие́ вели́цыи свети́ла, яви́стеся,/ озаря́юще всю подсо́лнечную/ богода́нною вам благода́тию чуде́с,/ и просвети́сте моли́твами свои́ми ве́рных сердца́,/ ва́шу па́мять чту́щих честна́го пренесе́ния./ И Влады́ку Христа́, всех Творца́, моли́те/ стране́ на́шей на враги́ побе́ду пода́ти,/ я́ко иму́ще дерзнове́ние,/ и нам проси́те ве́лия ми́лости, вопию́щим к вам:/ ра́дуйтеся, побо́рницы по Христо́ве Це́ркви// и многочестна́я свети́ла, святи́телие сла́внии.Ин кондак · глас 8Святителям Киприану, Фотию и Ионе Московским, митрополитам Киевским и всея РусиЯ́ко крин, в пусты́ни дави́дски процве́тше, отцы́ святи́и,/ ны́не яви́стеся и к Вы́шнему тече́нию ра́достно устреми́стеся,/ иде́же с ли́ки святы́х Пресвяте́й Тро́ице предстоя́ще,/ моли́те сохрани́тися ста́ду ва́шему от враг ви́димых и неви́димых./ Мы же, свято́е ва́ше обре́тение пра́зднующе, вопие́м:// ра́дуйтеся, те́плии на́ши засту́пницы.Тропарь · глас 8Преподобному Ферапонту МонзенскомуЛюбо́вию Христо́вою, богому́дре, просвети́вся,/ доброде́тельми Васи́лию блаже́нному подража́л еси́,/ вся́кое же наслажде́ние плотско́е возненави́дев/ и в пусты́ню всели́вся,/ та́мо вельми́ подвиза́лся еси́ в пе́нии, во бде́нии и в поще́нии./ Те́мже и Христо́с да́ром чуде́с обогати́ тя./ Помина́й у́бо нас, чту́щих пресве́тлую па́мять твою́,/ преподо́бне о́тче Ферапо́нте,// и моли́ Христа́ Бо́га спасти́ся душа́м на́шим.Кондак · глас 8Преподобному Ферапонту МонзенскомуВозложи́в себе́ Бо́гу от ю́ности, преподо́бне,/ Того́ па́че всех возлюби́в,/ и Тому́ от всея́ души́ любо́вию после́довал еси́,/ тле́нная и кра́сная ми́ра нивочто́же вмени́в,/ в пусты́ню всели́вся,/ в не́йже до́бре подвиза́лся еси́ проти́ву неви́димых враго́в ко́зней/ и, я́ко светоза́рное со́лнце, в конце́х Га́лическия земли́ возсия́л еси́,/ отону́дуже, веселя́ся, прише́л еси́ к Небе́сным оби́телем,/ и ны́не со а́нгелы Влады́чню престо́лу предстоя́,/ помина́й нас, чту́щих па́мять твою́, да зове́м ти:// ра́дуйся, Ферапо́нте о́тче наш.Тропарь · глас 2Во вторник, св. Иоанну ПредтечеПа́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.Кондак · глас 2Во вторник, св. Иоанну ПредтечеПроро́че Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде, в ми́ре пропове́дуеши покая́ние.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
