четверг Седмица 3-я по Пятидесятнице День церковного круга Постный день Четверг, 18 июня 2026 г. (5 июня ст.ст.) Седмица 3-я по Пятидесятнице Сщмч. Дорофея, еп. Тирского (ок. 362) Игоревской иконы Божией Матери Мчч. Маркиана, Никандра, Иперехия, Аполлона, Леонида, Ария, Горгия, Селиния, Ириния и Памвона (ок. 305-311) Прп. Анувия, пустынника Египетского (IV) Прп. Феодора чудотворца (VI) Прп. аввы Дорофея, из обители аввы Серида (ок. 620) Перенесение мощей блж. Игоря, вел. кн. Черниговского и Киевского (1150) Свт. Константина, митр. Киевского и всея России (1159) Блгв. кн. Феодора Ярославича (брата св. Александра Невского), Новгородского (1233) Обретение мощей прпп. Вассиана и Ионы Пертоминских, Соловецких чудотворцев (1599) Сщмч. Михаила Вотякова пресвитера (1931); сщмч. Николая Рюрикова пресвитера (1943) Петров (Апостольский) пост Иконы дня Листайте по горизонтали. Нажатие на икону откроет крупное изображение. Сщмч. Дорофея, еп. Тирского (ок. 362) Свт. Константина, митр. Киевского и всея России (1159) Блгв. кн. Феодора Ярославича (брата св. Александра Невского), Новгородского (1233) Обретение мощей прпп. Вассиана и Ионы Пертоминских, Соловецких чудотворцев (1599) Сщмч. Михаила Вотякова пресвитера (1931); сщмч. Николая Рюрикова пресвитера (1943) Иконы Богородицы Игоревской иконы Божией Матери Песнопения дняТропари, кондаки и величания · 20 песнопенийТропарь · глас 4Священномученику Дорофею, епископу ТирскомуИ нра́вом прича́стник,/ и престо́лом наме́стник апо́столом быв,/ дея́ние обре́л еси́, богодухнове́нне,/ в виде́ния восхо́д:/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Дорофе́е,/ моли́ Христа́ Бо́га// спасти́ся душа́м на́шим.Ин тропарь · глас 5Священномученику Дорофею, епископу ТирскомуНищелю́бием обогати́вся/ и ми́лость воздержа́ния источи́в,/ наслажде́ния Ца́рствия Небе́снаго сподо́бися,/ страда́льчески бе́ды прии́м по ста́де свое́м,/ и апо́столом обре́теся ссе́льник,/ о́тче священному́чениче Дорофе́е,/ моли́ Христа́ Бо́га// спасти́ся душа́м на́шим.Кондак · глас 5Священномученику Дорофею, епископу ТирскомуДоброде́тельми сия́я, и Боже́ственными уче́нии па́че со́лнца,/ и страда́нии, блаже́нне, облиста́л еси́,/ просвети́л еси́ зе́млю, Дорофе́е, отгна́в мглу многобо́жия и лю́тыя е́реси.// Сего́ ра́ди па́мять твою́ све́тло пра́зднуем.Тропарь · глас 4Благоверному князю Игорю (в Крещении Георгию, в иночестве Гавриилу) Черниговскому и КиевскомуНаста́ днесь всечестна́я па́мять страстоте́рпца благове́рнаго кня́зя И́горя,/ созыва́ющая лю́ди в пречестны́й храм Спа́сов,/ иде́же ра́достно соше́дшеся благочести́вых мно́жество/ моли́твенно пра́зднуют святу́ю па́мять твою́,/ и с ве́рою взыва́ют ти:/ моли́ся, свя́те, стране́ Росси́йстей, гра́ду Черни́гову и всем правосла́вным христиа́ном// в ми́ре и благоде́нствии спасти́ся.Ин тропарь · глас 4Благоверному князю Игорю (в Крещении Георгию, в иночестве Гавриилу) Черниговскому и КиевскомуПросвети́вся Боже́ственным креще́нием,/ Ду́ха Свята́го светлостьми́ озаря́ем,/ Ева́нгелие Христо́во в се́рдце твое́ восприя́л еси́/ де́лом сло́во Сы́на Бо́жия исполня́я, благове́рный кня́же И́горю,/ моли́ Всеблага́го Спаси́теля на́шего дарова́ти нам мир, и ми́лость,// и спасе́ние душ на́ших, чту́щих честну́ю па́мять твою́.Кондак · глас 6Благоверному князю Игорю (в Крещении Георгию, в иночестве Гавриилу) Черниговскому и КиевскомуИзмени́л еси́ земна́го княже́ния сла́ву/ во и́ночества о́браз смире́нный/ и страда́льчески земно́е житие́ сконча́в,/ ны́не на Небесе́х ра́дуешися,/ усе́рдне моля́ся// о чту́щих тя, И́горю, страда́льцев похвало́.Ин кондак · глас 6Благоверному князю Игорю (в Крещении Георгию, в иночестве Гавриилу) Черниговскому и КиевскомуКня́жескую диаде́му обагри́л еси́ кро́вию твое́ю,/ Богому́дре страстоте́рпче И́горю,/ за ски́птр крест в ру́ку прии́м, яви́лся еси́ победоно́сец/ и же́ртву непоро́чну Влады́це прине́сл еси́ себе́./ Я́ко бо а́гнец незло́бив от раб убие́н был еси́,/ и ны́не ра́дуяся предстои́ши Святе́й Тро́ице,// моли́ся спасти́ся душа́м на́шим.ВеличаниеБлаговерному князю Игорю (в Крещении Георгию, в иночестве Гавриилу) Черниговскому и КиевскомуВелича́ем тя, страстоте́рпче святы́й благове́рный вели́кий кня́же Иго́рю, и чтим святу́ю па́мять твою́, ты бо мо́лиши за нас Христа́ Бо́га на́шего.Тропарь · глас 4Святителю Константину, митрополиту Киевскому и всея РусиАпо́столов прее́мниче,/ архиере́ев сопресто́льниче,/ Ро́ссии всея́ па́стырю и учи́телю,/ всеблаже́нне о́тче Константи́не,/ Влады́це всех моли́ся/ мир па́стве твое́й дарова́ти// и спасе́ние душа́м на́шим и ве́лию ми́лость.Кондак · глас 8Святителю Константину, митрополиту Киевскому и всея РусиЗвезду́ росси́йскую,/ от Ки́ева возсия́вшую/ и Черни́гов блаже́нною кончи́ною свое́ю озари́вшую,/ всеблаже́ннаго святи́теля Константи́на почти́м,/ прося́ще его́ моли́тися Христу́,/ да пода́ст мир стране́ на́шей// и душа́м на́шим ве́лию ми́лость.Тропарь · глас 8Благоверному князю Феодору Ярославичу, НовгородскомуОт благочести́ваго ко́рене о́трасль благочести́вая прозя́бл еси́/ и, сконча́вся в ю́ности, ле́та до́лга твои́ми доброде́тельми испо́лнил еси́,/ благове́рный кня́же Фео́доре,/ сего́ ра́ди Владе́ющему времена́ми мо́лимся,/ да моли́твами твои́ми пода́ст нам долготу́ лет// и низпосле́т стране́ на́шей ве́лию и бога́тую ми́лость.Кондак · глас 4Благоверному князю Феодору Ярославичу, НовгородскомуВ благоче́стии рожде́нна,/ в стра́се Бо́жии воспита́на,/ в житии́ целому́дрие стяжа́вшаго,/ по успе́нии же нетле́нием телесе́ просия́вшаго,/ благове́рнаго кня́зя Фео́дора во святы́х почита́я,/ смире́нно мо́лимся Тебе́, Всеси́льный Влады́ко,/ да и во ве́ки прославля́еши святы́ми Твои́ми// страны́ на́ша росси́йския.Тропарь · глас 8Преподобным Вассиану и Ионе Пертоминским, СоловецкимПре́жде отверже́нием ми́ра,/ я́ко морска́го треволне́ния, избего́сте, отцы́ преподо́бнии,/ по́слежде же, изволе́нием Бо́жиим,/ в вода́х морски́х кончи́ну блаже́нную прия́сте/ и к неболе́зненному поко́ю преста́вистеся от земли́, ра́дующеся./ Тем и по кончи́не от Христа́ Бо́га просла́вистеся чудесы́ оби́льно,/ те́плии в беда́х ве́рным помо́щницы показа́стеся,/ и ны́не на Небесе́х предстоя́ще Престо́лу Христо́ву,/ Вассиа́не преблаже́нне и Ио́но пресла́вне,// моли́теся при́сно о душа́х на́ших.Кондак · глас 2Преподобным Вассиану и Ионе Пертоминским, СоловецкимЯ́ко сокро́вище бога́тно,/ ве́рным Боже́ственная благода́ть/ из морски́х недр издаде́ мо́щи ва́ша, отцы́ преблаже́ннии,/ и в ме́сте пу́сте це́лы и невреди́мы обрето́шася пресла́вно,/ и та́ко вас ра́ди ны́не сла́вится Бог,/ Ему́же со дерзнове́нием предстоя́ще ны́не на Небесе́х,/ Вассиа́не и Ио́но досточу́днии,// моли́теся непреста́нно о всех нас.Тропарь · глас 5Священномученику Николаю РюриковуЦеркве Русския ревностнаго служителя/ и веры православныя истиннаго поборника,/ священномученика Николая песньми почтим,/ егоже житию поревновати тщащеся,/ благочестия да держимся,/ взирающе на Начальника веры// и Совершителя Иисуса Христа.Кондак · глас 3Священномученику Николаю РюриковуПодвигоположнику Христу подражая,/ поношения и изгнания мужественне претерпел еси,/ ныне же в чертозех Небесных водворяяся,/ поминай нас, чтущих святую память твою,/ да с любовию ти вопием:/ радуйся, священномучениче Николае,// веры православныя твердый исповедниче.Тропарь · глас 3В четверг, св. апостоламАпо́столи святи́и,/ моли́те Ми́лостиваго Бо́га,/ да прегреше́ний оставле́ние// пода́ст душа́м на́шим.Кондак · глас 2В четверг, св. апостоламТве́рдыя и боговеща́нныя пропове́датели,/ верх апо́столов Твои́х, Го́споди,/ прия́л еси́ в наслажде́ние благи́х Твои́х и поко́й;/ боле́зни бо о́нех и смерть прия́л еси́ па́че вся́каго всепло́дия,// Еди́не све́дый серде́чная.Тропарь · глас 4В четверг, святителю НиколаюПра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче священнонача́льниче Нико́лае,/ моли́ Христа́ Бо́га,// спасти́ся душа́м на́шим.Кондак · глас 3В четверг, святителю НиколаюВ Ми́рех, свя́те, священноде́йствитель показа́лся еси́,/ Христо́во бо, преподо́бне, Ева́нгелие испо́лнив,/ положи́л еси́ ду́шу твою́ о лю́дех твои́х/ и спасл еси́ непови́нныя от сме́рти./ Сего́ ра́ди освяти́лся еси́,// я́ко вели́кий таи́нник Бо́жия благода́ти.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
