воскресенье Неделя 4-я по Пятидесятнице Воскресенье Постный день Воскресенье, 28 июня 2026 г. (15 июня ст.ст.) Неделя 4-я по Пятидесятнице Свт. Ионы, митр. Московского, всея России чудотворца (1461) Прор. Амоса (VIII до Р.Х.) Собор преподобных отцев Псково-Печерских Мчч. Вита, Модеста и Крискентии питательницы (ок. 303) Мч. Дулы Киликийского (ок. 305-313) Иеронима Блаженного,Стридонского (419-420) Августина Блаженного, еп. Иппонийского (430) Свт. Михаила, первого митр. Киевского (X) Мч. Лазаря, блгв. кн. Сербского (1389) Перенесение мощей прп. Феодора Сикеота, еп. Анастасиупольского (ок. IX) Свт. Ефрема II, патриарха Сербского (после 1399) Обретение мощей прмчч. Григория и Кассиана Авнежских (1524) Прп. Дулы страстотерпца, Египетского (V) Сщмч. Амоса Иванова пресвитера (1919) Петров (Апостольский) пост Иконы дня Листайте по горизонтали. Нажатие на икону откроет крупное изображение. Свт. Ионы, митр. Московского, всея России чудотворца (1461) Прор. Амоса (VIII до Р.Х.) Собор преподобных отцев Псково-Печерских Мчч. Вита, Модеста и Крискентии питательницы (ок. 303) Иеронима Блаженного,Стридонского (419-420) Августина Блаженного, еп. Иппонийского (430) Свт. Михаила, первого митр. Киевского (X) Мч. Лазаря, блгв. кн. Сербского (1389) Перенесение мощей прп. Феодора Сикеота, еп. Анастасиупольского (ок. IX) Обретение мощей прмчч. Григория и Кассиана Авнежских (1524) Песнопения дняТропари, кондаки и величания · 27 песнопенийТропарь · глас 3ВоскресныеДа веселя́тся небе́сная,/ да ра́дуются земна́я,/ я́ко сотвори́ держа́ву/ мы́шцею Свое́ю Госпо́дь,/ попра́ сме́ртию сме́рть,/ пе́рвенец ме́ртвых бы́сть;/ из чре́ва а́дова изба́ви на́с,// и подаде́ ми́рови ве́лию ми́лость.Кондак · глас 3ВоскресныеВоскре́сл еси́ дне́сь из гро́ба, Ще́дре,/ и на́с возве́л еси́ от вра́т сме́ртных;/ дне́сь Ада́м лику́ет, и ра́дуется Е́ва,/ вку́пе же и проро́цы с патриа́рхи воспева́ют непреста́нно// Боже́ственную держа́ву вла́сти Твоея́.Тропарь · глас 3Святителю Ионе Московскому, митрополиту Киевскому и всея РусиЯре́м Госпо́день измла́да восприи́м,/ и Того́ стопа́м невозвра́тным жела́нием после́довал еси́,/ и освяще́ннаго по́двига дости́же,/ святи́тельства па́ству прии́м и чуде́с от Бо́га да́ры прия́т,/ с ве́рою приходя́щим к ра́це моще́й твои́х/ подае́ши разли́чным неду́гом исцеле́ние неоску́дно,/ о́тче наш Ио́но, святи́телю Христо́в,// моли́ Христа́ Бо́га дарова́ти нам ве́лию ми́лость.Ин тропарь · глас 4Святителю Ионе Московскому, митрополиту Киевскому и всея РусиОт ю́ности твоея́ весь сам себе́ Го́сподеви возложи́в,/ в моли́твах и труде́х, и в посте́х, о́браз быв доброде́тели,/ отону́дуже ви́дев Бог твое́ благо́е произволе́ние,/ архиере́я тя и па́стыря Це́ркви Свое́й устроя́ет./ Те́мже и по преставле́нии, честно́е те́ло твое́ це́ло и нетле́нно соблюде́ся,/ Ио́но святи́телю:/ моли́ Христа́ Бо́га,// да спасе́т ду́ши на́ша.Ин тропарь · глас 3Святителю Ионе Московскому, митрополиту Киевскому и всея РусиБоже́ственною благода́тию просвети́вся/ и по сме́рти показу́я све́тлость жития́ твоего́,/ источа́еши ми́рови благоуха́ния/ притека́ющим к ра́це моще́й твои́х,/ и наро́ди Моско́встии наставля́еши ко све́ту благоразу́мия,/ Ио́но, о́тче наш,/ моли́ Христа́ Бо́га// дарова́ти нам ве́лию ми́лость.Кондак · глас 8Святителю Ионе Московскому, митрополиту Киевскому и всея РусиЖела́нием духо́вным по́стническое житие́ соверши́в/ и святи́тельства па́ству прии́м,/ чистоты́ ра́ди теле́сныя и тело́ твое́ Влады́ка Христо́с соблюде́ нетле́нно,/ и Петру́ чудотво́рцу насле́дника тя соде́ла,/ и того́ нра́ву после́довал еси́,/ и учи́теля тя Христо́с Своему́ ста́ду дарова́,/ иде́же лежа́т целе́бныя мо́щи твоя́,/ благоуха́ют, я́ко от кади́ла благово́нна,/ и подаю́т исцеле́ния немощны́м, ве́рою приходя́щим,// святи́телю Ио́но, моли́ Христа́ Бо́га непреста́нно о всех нас.Ин кондак · глас 8Святителю Ионе Московскому, митрополиту Киевскому и всея РусиЯ́ко от младе́нства Го́сподеви порабо́тив себе́, му́дре,/ посто́м и бде́нием те́ло твое́ удруча́я,/ те́мже сосу́д чист и дом Ду́ху Пресвято́му яви́лся еси́,/ сего́ ра́ди и Це́ркви Свое́й тебе́ архиере́я и па́стыря устроя́ет,/ ю́же до́бре упа́с, ко Го́споду отхо́диши, Его́же возлюби́л еси́./ Тем мо́лим тя:/ помина́й нас ве́рою чту́щих святу́ю па́мять твою́, да вси зове́м ти:// ра́дуйся, о́тче Ио́но, святи́телю всечестны́й.Тропарь · глас 2Пророка АмосаПроро́ка Твоего́ Амо́са па́мять, Го́споди, пра́зднующе,/ тем Тя мо́лим:// спаси́ ду́ши на́ша.Кондак · глас 4Пророка АмосаОчи́стив ду́хом, проро́че,/ твое́ светоза́рное се́рдце, сла́вный Амо́се,/ проро́чествия дар свы́ше прие́мь,/ возопи́л еси́ велегла́сно во страна́х:// се Бог наш, и не приложи́тся ин к Нему́.Тропарь · глас 4Святителю Михаилу, первому митрополиту КиевскомуДнесь проро́чествие во апо́столех Первозва́ннаго испо́лнися:/ се бо на сих гора́х возсия́ благода́ть и ве́ра умно́жися./ И и́же неве́рием обветша́вшии/ Боже́ственною купе́лию отроди́шася/ и бы́ша лю́дие обновле́ния,/ ца́рское свяще́ние, язы́к свят, Христо́во ста́до,/ ему́же ты пе́рвый па́стырь яви́лся еси́,/ я́ко пе́рвее Креще́нием послужи́вый./ И ны́не, предстоя́ Влады́це Христу́ Бо́гу,/ моли́ всем сыно́м ру́сским спасти́ся:// и́маши бо дерзнове́ние я́ко иера́рх Бо́жий и священнослужи́тель.Кондак · глас 2Святителю Михаилу, первому митрополиту КиевскомуМоисе́й вторы́й Росси́и яви́лся еси́, о́тче,/ пренесы́й мы́сленный виногра́д от египе́тскаго идолослуже́ния/ в зе́млю проро́чествием предуви́дену./ Бу́дет, рече́, утвержде́ние ве́ры на земли́,/ и на ве́рсех гор Ки́евских превознесе́тся па́че Лива́на/ плод пита́ющ ми́ра всего́./ От него́же вкуси́вше,// ублажа́ем тя, Михаи́ле, Бо́жий иера́рше.Тропарь · глас 4Преподобным Григорию и Кассиану АвнежскимБо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их// в ми́ре упра́ви живо́т наш.Ин тропарь · глас 8Преподобным Григорию и Кассиану АвнежскимПравосла́вия наста́вницы,/ благоче́стия и чистоты́ учи́телие,/ Це́ркви Волого́дстей богодарова́нное украше́ние,/ преподо́бнии отцы́ на́ши Григо́рие и Кассиа́не,/ моли́те Ми́лостиваго Бо́га,/ да ва́шим предста́тельством пода́ст благода́ть и мир стране́ на́шей// и душа́м на́шим спасе́ние.Кондак · глас 4Преподобным Григорию и Кассиану АвнежскимИ́же плотска́я мудрова́ния Ду́хови повину́вше/ и вся, я́же на земли́, презре́вше,/ Христу́, Еди́ному Бо́гу, прилепи́вшеся, святи́и,/ и Того́ ра́ди в пусты́ню всели́шася,/ источа́ете ны́не исцеле́ния/ с ве́рою притека́ющим к моще́м ва́шим,/ поле́зная нам проси́те от Бо́га/ моли́твами ва́шими богоприя́тными,// Григо́рие и Кассиа́не преподо́бнии.Тропарь · глас 3Блаженному Иерониму СтридонскомуВели́ка име́ет тя предста́теля, Богому́дре,/ правосла́вных собра́ние,/ я́коже у́бо преподо́бных еси́ собесе́дник/ и Боже́ственныя прему́дрости соприча́стник,/ та́ко, пречу́дне Иерони́ме,/ Христу́ Бо́гу моли́ся// дарова́ти нам ве́лию ми́лость.Кондак · глас 8Блаженному Иерониму СтридонскомуВ преподо́бных преподо́бнейшаго и в блаже́нных блаже́ннейшаго учи́теля,/ пе́сньми восхва́лим Иерони́ма достохва́льнаго,/ ве́рных наста́вника и засту́пника, любо́вию тому́ зову́ще:// ра́дуйся, о́тче Богому́дре.Тропарь · глас 2Преподобному Феодору СикеотуПозна́н быв от пеле́н освяще́н/ и я́влься благода́тей испо́лнен,/ чудесы́ мир озари́л еси́/ и де́монов мно́жество отгна́л еси́,/ священноде́телю Фео́доре,// те́мже о нас моли́ся Го́сподеви.Кондак · глас 3Преподобному Феодору СикеотуЯ́ко на о́гненную колесни́цу доброде́тельми, Богоно́се, возше́д,/ восте́кл еси́ на Небе́сная жили́ща,/ я́ко А́нгел, с челове́ки пожи́л еси́/ и, я́ко челове́к, со А́нгелы о́крест ликовству́еши./ Сего́ ра́ди показа́лся еси́// чуде́с Боже́ственное прия́телище, Феодо́ре преподо́бне.Тропарь · глас 8Святителю Ефрему II, патриарху СербскомуПатриа́рхов вели́кое удобре́ние,/ святи́телем красото́, мона́хом пра́вило,/ пусты́нником сла́ву, ми́лости пода́теля,/ разсужде́ния свети́льника,/ соше́дшеся, ве́рнии, восхва́лим,/ кро́тости учи́теля, Боже́ственнаго рачи́теля,/ прему́драго архипа́стыря, вели́каго святи́теля и отца́,/ Ефре́ма, Патриа́рха Се́рбскаго,/ звезду́, те́мныя лю́ди просвеща́ющую/ и вся ве́рныя озаря́ющую./ Те́мже, притека́юще к ра́це моще́й его́,/ любо́вию целу́ем я и вопие́м:/ свя́те святы́й, не преста́й моли́ти Христа́ Бо́га// спасти́ся душа́м на́шим.Кондак · глас 8Святителю Ефрему II, патриарху СербскомуЯ́ко благоче́стия учи́теля прекра́снаго/ и архиере́ом первопресто́льника прему́драго,/ и́ночествующим наста́вника и пра́вило,/ церко́вная ча́да, соше́дшеся, почти́м па́мять его́ пе́сньми, глаго́люще:// ра́дуйся, о́тче, дея́ний и виде́ний у́ме соверше́нный.Тропарь · глас 6Собору преподобных отцов Псково-ПечерскихСобо́р святы́х Пско́во-Пече́рских днесь почти́м,/ в де́брех лесны́х оби́тель чу́дную основа́вших,/ и, я́ко кри́ны, доброде́тельми процве́тших,/ и лю́дем пра́вый путь Богоподо́бия указа́вших,/ мо́лят бо Го́спода// ми́ру мир дарова́ти и ве́лию ми́лость.Ин тропарь · глас 4Собору преподобных отцов Псково-ПечерскихДнесь оби́тель Пско́во-Пече́рская све́тло пра́зднует, преподо́бных свои́х собо́р почита́ющи; просия́ша бо зде Богоно́снии отцы́, челове́цы же небе́снии, земни́и а́нгелы; се в Дому́ Твое́м, о Богома́ти, ра́дование и всех ве́рних весе́лие духо́вное, я́ко дарова́ла еси́, о Благода́тная, пречестны́я нам пред Го́сподем засту́пники и моли́твенники о душа́х на́ших.Кондак · глас 2Собору преподобных отцов Псково-ПечерскихТебе́, Богоро́дице/ и Де́ве Чи́стей, за вся лю́ди Бо́га умоля́ющей,/ оби́тель Пско́во-Пече́рская/ святы́х свои́х, я́ко дар, днесь прино́сит,/ Твои́х же даро́в бога́тство кто испове́сть,// я́ко в рай возвела́ еси́ отцы́ на́ша.Ин кондак · глас 2Собору преподобных отцов Псково-ПечерскихОби́тель Пско́во-Пече́рская Тя, Богоро́дицу и Де́ву Чи́стую за вся лю́ди умоля́ющи, святы́х свои́х, я́ко дар, Тебе́ днесь прино́сит, но Твои́х даро́в бе́здну кто испове́ст, я́ко в рай возвела́ еси́ отцы́ на́ша.ВеличаниеСобору преподобных отцов Псково-ПечерскихУблажа́ем вас,/ преподо́бнии отцы́ на́ши Пско́во-Пече́рстии,/ и чтим святу́ю па́мять ва́шу,/ наста́вницы мона́хов// и собесе́дницы А́нгелов.Тропарь · глас 2Пресвятой Богородице пред иконой Ея «Воронинской»Скорую помощницу и ходатаицу теплую,/ Тя, Пречистую Богородицу песнословим,/ прославляюще явление пречудныя иконы Твоея Воронинския,/ пределы Череповецкия озарившую,/ людем с верою притекающим к Ти помощь скоро дарующую./ Моли, Владычице Премилостивая,/ Сына Твоего, Иисуса Сладчайшаго// спастися душам нашим.Кондак · глас 5Пресвятой Богородице пред иконой Ея «Воронинской»Богатую в милости Тя почитающе,/ зовем Ти, Пречистая Владычице:/ не забуди, Благосердая, люди Твоя,/ к иконе Твоея чудотворныя Воронинския с верою прибегающих,/ и велегласно вопиющих Ти:/ Радуйся, Благодатная Дево,// нас сирых попечением Своим не оставляющая.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
