вторник Седмица 9-я по Пятидесятнице День церковного круга Вторник, 28 июля 2026 г. (15 июля ст.ст.) Седмица 9-я по Пятидесятнице Равноап. вел. кн. Владимира, во св. Крещении Василия (1015) Мчч. Кирика и Иулитты (ок. 305) Собор Киевских святых Мч. Авудима (IV) Сщмч. Петра Троицкого диакона (1938) Иконы дня Листайте по горизонтали. Нажатие на икону откроет крупное изображение. Равноап. вел. кн. Владимира, во св. Крещении Василия (1015) Песнопения дняТропари, кондаки и величания · 13 песнопенийТропарь · глас 1Равноапостольному князю Владимиру, во Святом Крещении ВасилиюЯ́ко нача́льнику Креще́ния/ и ко́реню ве́ры Боже́ственныя,/ и́долов разруши́телю,/ блаже́нне кня́же Васи́лие равноапо́стольне, вопие́м ти:/ сла́ва вразу́мльшему тя Христу́ Бо́гу,/ сла́ва освяти́вшему тя Креще́нием Свои́м,// сла́ва просвети́вшему тобо́ю всю страну́ Ру́сскую.Тропарь · глас 4Равноапостольному князю Владимиру, во Святом Крещении ВасилиюУподо́бился еси́ купцу́, и́щущему до́браго би́сера,/ славнодержа́вный Влади́мире,/ на высоте́ стола́ седя́ ма́тере градо́в, богоспаса́емаго Ки́ева:/ испыту́я же и посыла́я к Ца́рскому гра́ду/ уве́дети правосла́вную ве́ру,/ обре́л еси́ безце́нный би́сер - Христа́,/ избра́вшаго тя я́ко втора́го Па́вла,/ и оттря́сшаго слепоту́ во святе́й купе́ли,/ душе́вную вку́пе и теле́сную./ Те́мже пра́зднуем твое́ успе́ние,/ лю́дие твои́ су́ще:// моли́ спасти́ся держа́вы твоея́ Росси́йския нача́льником и мно́жеству владо́мых.Ин тропарь · глас 8Равноапостольному князю Владимиру, во Святом Крещении ВасилиюПравове́рия наста́вниче/ и всея́ Руси́ просвети́телю,/ благочести́вый вели́кий кня́же Влади́мире,/ святы́м Креще́нием всех просвети́л еси́/ и це́ркви мно́ги сла́вны украси́л еси́,/ о прему́дре Васи́лие,// Христа́ Бо́га моли́ спасти́ся душа́м на́шим.Кондак · глас 8Равноапостольному князю Владимиру, во Святом Крещении ВасилиюПодо́бствовав вели́кому апо́столу Па́влу в седи́нах, всесла́вне Влади́мире,/ вся я́ко младе́нческая мудрова́ния, я́же о и́долех тща́ния оста́вль,/ я́ко муж соверше́нный украси́лся еси́ Боже́ственнаго Креще́ния багряни́цею./ И ны́не Спа́су Христу́ в весе́лии предстоя́,// моли́ спасти́ся держа́вы Росси́йския нача́льником и мно́жеству владо́мых.Ин кондак · глас 8Равноапостольному князю Владимиру, во Святом Крещении ВасилиюИзря́дному воево́де и правове́рному,/ благода́рственная воспису́ет ти вся Русь, Васи́лие, иму́щи тя нача́льника и засту́пника,/ я́ко изба́вил еси́ нас от вся́кия скве́рны и ле́сти, те́мже ти вопие́м:// ра́дуйся, вели́кий кня́же Влади́мире преблаже́нне.Ин кондак · глас 4Равноапостольному князю Владимиру, во Святом Крещении ВасилиюОте́ческу пре́лесть, и́долы, я́ко су́етни, отве́рг,/ Христа́, всех и́стиннаго Бо́га, Царя́ и Благода́теля, позна́л еси́./ Те́мже и лю́ди, изря́дны Тому́, святы́м Креще́нием просвети́л еси́,/ пресла́вне Влади́мире./ Сего́ ра́ди почита́ем тя,/ я́ко Тро́ице служи́теля,// Христа́ моли́ дарова́ти нам ве́лию ми́лость.ВеличаниеРавноапостольному князю Владимиру, во Святом Крещении ВасилиюВелича́ем тя,/ святы́й равноапо́стольный кня́же Влади́мире,/ и чтим святу́ю па́мять твою́,/ и́долы попра́вшаго// и всю Росси́йскую зе́млю святы́м Креще́нием просвети́вшаго.Тропарь · глас 8Мученикам Кирику и ИулиттеЯ́ко лоза́ благопло́дная, Иули́тто честна́я,/ грозд зрел принесла́ еси́ Царе́ви, всех Бо́гу,/ сы́на твоего́ Ки́рика сла́внаго,/ му́чением того́ бога́тно украси́вши/ и твое́ю кро́вию наверши́вши,/ тем и дарова́ тебе́ Вы́шний возме́здие в Вы́шних,// иде́же лику́юще, помяни́те нас, му́ченицы терпеливоду́шнии.Ин тропарь · глас 4Мученикам Кирику и ИулиттеМу́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.Кондак · глас 4Мученикам Кирику и ИулиттеВо объя́тиих нося́щи христому́ченица Иули́тта Ки́рика,/ на по́двизе му́жески веселя́щися, взыва́ше:// Христо́с есть му́чеников похвала́.Ин кондак · глас 2Мученикам Кирику и ИулиттеЖе́ртва прия́тна, Бо́гови приноси́ма,/ и свиде́тель ве́рен Христо́в явля́емь,/ с ма́терию пострада́л еси́ Иули́ттою, Ки́риче сла́вне,// с не́юже Христа́ Бо́га моли́ти не преста́й о всех нас.Тропарь · глас 8Крещению РусиБлагослове́н еси́, Христе́ Бо́же наш,/ зе́млю Ру́сскую Креще́нием просвети́вый,/ лю́дем ея́ низпосла́в Ду́ха Свята́го,/ и́хже и ко спасе́нию приведы́й,// Человеколю́бче, сла́ва Тебе́.Кондак · глас 3Крещению РусиДнесь земля́ Ру́сская предстои́т Бо́гу/ и плод свята́го Креще́ния Ему́ прино́сит,/ А́нгели, ра́дующеся, славосло́вят,/ и вси святи́и с Богоро́дицею, лику́юще, пою́т:/ Христо́с воцари́ся, Христо́с просла́вися./ Ве́лий еси́, Го́споди, и чу́дна дела́ Твоя́,// Бо́же наш, сла́ва Тебе́.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Мчч. Кирика и Иулитты (ок. 305) 
