понедельник Седмица 13-я по Пятидесятнице День церковного круга Постный день Понедельник, 24 августа 2026 г. (11 августа ст.ст.) Седмица 13-я по Пятидесятнице Мч. архидиакона Евпла (304) Мц. Сосанны девы и с нею Гаия, папы Римского, Гавиния пресвитера, Клавдия, Максима, Препедигны, Александра и Куфия (295-296) Прмчч. Феодора и Василия Печерских (1098) Прп. Феодора, кн. Острожского, Печерского (ок. 1483) Успенский пост Иконы дня Листайте по горизонтали. Нажатие на икону откроет крупное изображение. Мч. архидиакона Евпла (304) Прмчч. Феодора и Василия Печерских (1098) Песнопения дняТропари, кондаки и величания · 16 песнопенийТропарь · глас 7Преображения ГосподняПреобрази́лся еси́ на горе́, Христе́ Бо́же,/ показа́вый ученико́м Твои́м сла́ву Твою́,/ я́коже можа́ху,/ да возсия́ет и нам, гре́шным,/ свет Твой присносу́щный/ моли́твами Богоро́дицы,// Светода́вче, сла́ва Тебе́.Кондак · глас 7Преображения ГосподняНа горе́ преобрази́лся еси́,/ и я́коже вмеща́ху ученицы́ Твои́,/ сла́ву Твою́, Христе́ Бо́же, ви́деша,/ да егда́ Тя у́зрят распина́ема,/ страда́ние у́бо уразуме́ют во́льное,/ ми́рови же пропове́дят,// я́ко Ты еси́ вои́стину О́тчее сия́ние.Тропарь · глас 4Священномученику Евплу Катанскому, архидиаконуМу́ченик Твой, Го́споди, Е́впл / во страда́нии свое́м вене́ц прия́т нетле́нный от Тебе́, Бо́га на́шего: / име́яй бо кре́пость Твою́, / мучи́телей низложи́, / сокруши́ и де́монов немощны́я де́рзости. / Того́ моли́твами // спаси́ ду́ши на́ша.Кондак · глас 1Священномученику Евплу Катанскому, архидиаконуЗако́ны Христо́вы в руку́ обнося́,/ предста́л еси́, вопия́ враго́м, в по́двизе:/ самозва́н есмь страда́льчествовати тверде́йши./ Те́мже, приклони́в ра́достно вы́ю твою́,/ подъя́л еси́ усече́ние мече́м,// сконча́вый тече́ние твое́.Тропарь · глас 1Преподобномученикам Феодору и Василию Печерским, в Ближних пещерахСою́зом любве́ связа́вшеся, преподо́бнии,/ всяк сою́з ко́зней вра́жиих попра́сте,/ страда́ние же и смерть непови́нне/ от сребролюби́ваго кня́зя претерпе́сте до́бле,/ тем мо́лим вас, вку́пе пожи́вших/ и венцы́ муче́ния прие́мших,/ моли́теся Го́сподеви о нас,/ я́ко да во мно́зей любви́, ве́ре и наде́жди до́бре пожи́вше,/ всегда́ ублажа́ем вас,// Фео́доре и Васи́лие добропобе́днии.Тропарь · глас 7Преподобному Феодору, князю Острожскому, Печерскому, в Дальних пещерахПреобрази́л еси́ земна́го княже́ния сла́ву/ во и́ночества о́браз смире́нный,/ и вме́сто враго́в ви́димых/ на неви́димыя ополчи́лся еси́,/ и, обою́ победи́тель кра́сен явля́яся,/ еди́н от чудотво́рец Пече́рских показа́лся еси́;/ те́мже и нам ре́вности Бо́жия дар испроси́,/ братолю́бием сердца́ на́ша просвети́// и ко спасе́нию ве́чному стези́ на́ша, Фео́доре блаже́нне, напра́ви.Ин тропарь · глас 4Преподобному Феодору, князю Острожскому, Печерскому, в Дальних пещерахКня́жеских дароноше́ний и всего́ су́етствия мирска́го спе́шне отве́ргся,/ Бо́жиих же дарова́ний, прему́дре Фео́доре, преи́скренне сподо́битися жела́я,/ прия́л еси́ и́ноческий о́браз/ и, в нем смире́нным послуша́нием и безмо́лвным житие́м Царю́ Небе́сному благоугожда́я,/ получи́л еси́ от Него́ безсме́ртныя да́ры,/ и́хже и нам, чту́щим тя,// получи́ти моли́ся.Ин тропарь · глас 4Преподобному Феодору, князю Острожскому, Печерскому, в Дальних пещерахЯ́ко благочести́ваго ко́рене пречестна́я о́трасль был еси́,/ блаже́нне Фео́доре,/ яви́ бо тя Христо́с/ я́ко вои́стинну богодарова́нное сокро́вище Волы́нстей земли́,/ но́ваго побо́рника ве́ры Правосла́вныя,/ и наро́ду росси́йскому пресла́вна и благоприя́тна./ Те́мже ны́не, плоды́ светоно́сных трудо́в твои́х/ в стране́ на́шей под се́нию Святы́я Це́ркве Правосла́вныя наслажда́ющеся,/ хва́лим Го́спода,/ дарова́вшаго тебе́ си́лу и кре́пость на сопроти́вныя,/ Его́же моли́ спасти́ оте́чество твое́,/ и держа́ве сро́дник твои́х богоуго́дней бы́ти,// и сыново́м росси́йским спасти́ся.Кондак · глас 4Преподобному Феодору, князю Острожскому, Печерскому, в Дальних пещерахКрасоты́ ри́зныя возгнуша́вшагося/ и бога́тства тле́ннаго со благодаре́нием отве́ргшагося,/ в ри́зу же безстра́стия обле́кшагося/ и бога́тому в щедро́тах Христу́ возсле́довавшаго,/ прииди́те, ве́рнии, восхва́лим Фео́дора достосла́вна,/ я́ко моля́щася непреста́нно// о душа́х на́ших.Тропарь · глас 8Преподобному Иоанну Святогорскому, затворникуВ пусты́ню Святы́х Гор прише́л еси́,/ ми́ра красоту́ оста́вив,/ и крест вземь после́довал еси́ Христу́, о́тче наш Иоа́нне,/ поще́нием, бде́нием и тя́жкими вери́гами/ в затво́ре подвиза́лся еси́,/ ду́ши неду́жных, приходя́щих к тебе́ ве́рою, исцеля́еши,/ и оби́тели твоея́ украше́ние явля́ешися,// те́мже со А́нгелы сра́дуется, преподо́бне, дух твой.Кондак · глас 4Преподобному Иоанну Святогорскому, затворникуСу́етнаго жития́ треволне́ния,/ мяте́ж мирски́й и по́хоти стра́стная взыгра́ния нивочто́же вмени́в,/ Святы́х Гор пусты́нный граждани́н показа́лся еси́,/ тя́жкий по́двиг затво́ра подъя́в на себе́,/ наста́вник мно́гих мона́шествующих был еси́,/ Иоа́нне Затво́рниче,// моли́твенниче о душа́х на́ших.Тропарь · глас 4Праведной Иулиании Лазаревской, МуромскойПросвети́вшися Боже́ственною благода́тию,/ и по сме́рти све́тлость жития́ твоего́ яви́ла еси́:/ источа́еши бо ми́ро благово́нное всем боля́щим на исцеле́ние,/ с ве́рою приходя́щим к моще́м твои́м,/ пра́ведная ма́ти Иулиани́е,/ Христа́ Бо́га моли́// спасти́ся душа́м на́шим.Ин тропарь · глас 3Праведной Иулиании Лазаревской, МуромскойНа ра́мо взе́мши крест свой,/ после́довала еси́ Христу́ ми́лостынею, посто́м и моли́твою, / всехва́льная Иулиани́я ми́лостивая,/ и всем, в ми́ре живу́щим, пра́вило яви́лася еси́ жития́,/ те́мже Вы́шнее Ца́рствие насле́довавши,/ непреста́нно моли́// спасти́ся душа́м на́шим.Кондак · глас 8Праведной Иулиании Лазаревской, МуромскойСкоропослу́шливую помо́щницу вси, су́щии в беда́х и боле́знех,/ воспое́м Иулиани́ю святу́ю,/ та бо в ми́ре богоуго́дно поживе́/ и ми́лостыню к ни́щим безме́рну показа́,// сего́ ра́ди обре́те благода́ть чуде́с Бо́жиим ве́дением.Тропарь · глас 4В понедельник, Небесным чинам бесплотнымНебе́сных во́инств Архистрати́зи,/ мо́лим вас при́сно мы недосто́йнии,/ да ва́шими моли́твами оградите́ нас/ кро́вом крил невеще́ственныя ва́шея сла́вы,/ сохраня́юще нас припа́дающия приле́жно и вопию́щия:/ от бед изба́вите нас,// я́ко чинонача́льницы вы́шних Сил.Кондак · глас 2В понедельник, Небесным чинам бесплотнымАрхистрати́зи Бо́жии,/ служи́телие Боже́ственныя сла́вы,/ А́нгелов нача́льницы, и челове́ков наста́вницы,/ поле́зное нам проси́те, и ве́лию ми́лость,// я́ко Безпло́тных Архистрати́зи.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
