четверг Седмица 17-я по Пятидесятнице День церковного круга Четверг, 24 сентября 2026 г. (11 сентября ст.ст.) Седмица 17-я по Пятидесятнице Перенесение мощей прпп. Сергия и Германа, Валаамских чудотворцев Прп. Силуана Афонского (1938) Прп. Феодоры Александрийской (474-491) Каплуновской иконы Божией Матери (1689) Мчч. Димитрия, Еванфии, жены его, и Димитриана, сына их (I) Мц. Ии (362-364) Прп. Евфросина (IX) Мчч. Диодора и Дидима, Сирских (362-364) Сщмчч. Николая Подьякова и Виктора Усова пресвитеров (1918); сщмч. Карпа Эльба пресвитера (1937); сщмч. Николая Широгорова диакона (1942) Иконы дня Листайте по горизонтали. Нажатие на икону откроет крупное изображение. Перенесение мощей прпп. Сергия и Германа, Валаамских чудотворцев Прп. Силуана Афонского (1938) Прп. Феодоры Александрийской (474-491) Прп. Евфросина (IX) Сщмчч. Николая Подьякова и Виктора Усова пресвитеров (1918); сщмч. Карпа Эльба пресвитера (1937); сщмч. Николая Широгорова диакона (1942) Иконы Богородицы Каплуновской иконы Божией Матери (1689) Песнопения дняТропари, кондаки и величания · 17 песнопенийТропарь · глас 4Рождества Пресвятой БогородицыРождество́ Твое́, Богоро́дице Де́во,/ ра́дость возвести́ всей вселе́нней:/ из Тебе́ бо возсия́ Со́лнце пра́вды Христо́с Бог наш,/ и, разруши́в кля́тву, даде́ благослове́ние,// и, упраздни́в сме́рть, дарова́ нам живо́т ве́чный.Кондак · глас 4Рождества Пресвятой БогородицыИоаки́м и А́нна поноше́ния безча́дства,/ и Ада́м и Е́ва от тли сме́ртныя свободи́стася, Пречи́стая,/ во святе́м рождестве́ Твое́м./ То пра́зднуют и лю́дие Твои́,/ вины́ прегреше́ний изба́вльшеся,/ внегда́ зва́ти Ти:// непло́ды ражда́ет Богоро́дицу и пита́тельницу Жи́зни на́шея.Тропарь · глас 2Преподобному Силуану АфонскомуСерафи́мския любве́ ко Го́споду пла́менный ревни́телю,/ и Иереми́и, о наро́де пла́чущему,/ усе́рдный подража́телю,/ всеблаже́нне о́тче Силуа́не,/ ты бо, зо́ву Ма́тере Го́спода сил вне́мляй,/ зми́я грехо́внаго мужему́дренно изрыгну́л еси́,/ и в го́ру Афо́нскую от суеты́ ми́ра удали́лся еси́,/ иде́же в труде́х и моли́твах со слеза́ми/ благода́ть Свята́го Ду́ха оби́льно стяжа́в,/ е́юже сердца́ на́ша воспламени́/ и с тобо́ю уми́льно взыва́ти укрепи́:/ Го́споди мой, Жи́зне моя́ и Ра́досте Свята́я,// спаси́ мир и нас от вся́ких лю́тых.Ин тропарь · глас 4Преподобному Силуану АфонскомуХриста́ Учи́теля/ в пути́ смире́нне помоли́вся прия́л еси́/ свиде́тельствующу Ду́ху в се́рдце твое́м спасе́ние./ Сего́ ра́ди веселя́тся ны́не лю́дие вси/ о па́мяти твое́й на упова́ние зва́нии,/ преподо́бне о́тче Силуа́не,// моли́ Христа́ Бо́га спасти́ся душа́м на́шим.Кондак · глас 2Преподобному Силуану АфонскомуСмиренному́дрия испове́дниче преди́вный,/ и человеколю́бия Ду́хом Святы́м согрева́емая добро́то,/ Бо́гу возлю́бленне Силуа́не,/ о по́двизе твое́м Це́рковь Росси́йская ра́дуется,/ и́ноцы же Горы́ Афо́нския и вси христиа́нстии лю́дие,/ веселя́щеся, сыно́внею любо́вию к Бо́гу устремля́ются./ Его́же моли́ о нас, равноа́нгельне богове́дче,// во е́же спасти́ся нам, в горе́нии любве́ тебе́ подража́ющим.Ин кондак · глас 3Преподобному Силуану АфонскомуСтрастьми́ обурева́емую ду́шу мою́ всеблаже́нне Силуа́не, приле́жно очи́сти моли́твами твои́ми, да зову́ ти с весе́лием, я́ко сла́ву стяжа́вшему у Бо́га, сла́ва просла́вльшему тя Христу́, сла́ва удиви́вшему тя, сла́ва ти кро́тко я́вльшемуся, и ра́дости безконе́чныя испо́лнившему.Тропарь · глас 8Преподобной Феодоре АлександрийскойВ тебе́, ма́ти, изве́стно спасе́ся е́же по о́бразу:/ прии́мши бо крест, после́довала еси́ Христу́/ и, де́ющи, учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней;// те́мже и со А́нгелы сра́дуется, преподо́бная Феодо́ро, дух твой.Кондак · глас 2Преподобной Феодоре АлександрийскойТе́ло твое́ поста́ми изнури́вши,/ бде́нными моли́твами Творца́ умоли́ла еси́ о гресе́ твое́м,/ я́ко да прии́меши соверше́нное проще́ние,/ и прия́ла еси́ оставле́ние,// путь покая́ния показа́вши.Тропарь · глас 4Преподобным Сергию и Герману, Валаамским чудотворцамЕва́нгелия Христо́ва и́стиннии послу́шницы/ яви́стеся, преподо́бнии,/ мир и вся я́же в нем, я́ко не су́щая,/ преоби́девше любве́ ра́ди Христо́вы/ и в морски́й о́стров всели́стеся,/ и трудолю́бно в нем проти́ву ко́зней неви́димых враго́в подвиза́стеся,/ посто́м, бде́нием же и всено́щным стоя́нием/ пло́ти своя́ ду́ху му́дре повину́ли есте́./ Сего́ ра́ди от Вседержи́тельныя десни́цы досто́йныя венцы́ прия́ли есте́./ И ны́не Пресвяте́й Тро́ице предстоя́ще,/ моли́теся, всеблаже́ннии отцы́, Се́ргие и Ге́рмане,/ сохрани́тися в ми́ре оте́честву на́шему// и спасти́ся душа́м на́шим.Ин тропарь · глас 1Преподобным Сергию и Герману, Валаамским чудотворцамОт мирски́я молвы́ бе́гающе,/ безмо́лвия и благоче́стия рачи́тели,/ в ти́хое приста́нище Валаа́ма/ от восто́ка приидо́сте/ и в нем, ева́нгельски Христу́ доброде́тельми после́довавше,/ на верх соверше́нства востекли́ есте́./ И ны́не в торжестве́ преми́рнем богозре́нием наслажда́ющеся,/ всеблаже́ннии отцы́ Се́ргие и Ге́рмане,/ Человеколю́бца Бо́га моли́те,// е́же спасти́ всех нас, благоче́стно вас почита́ющих.Кондак · глас 4Преподобным Сергию и Герману, Валаамским чудотворцамОт мирска́го жития́ изше́дше,/ отверже́нием ми́ра Христу́ после́довасте,/ и достиго́сте вели́каго Не́ва е́зера,/ и в нем на о́строве Валаа́ме все́льшеся,/ равноа́нгельное житие́ пожи́ли есте́,/ отону́дуже, веселя́щеся, прешли́ есте́ к Небе́сным черто́гом./ И ны́не со А́нгелы Влады́чню Престо́лу предстоя́ще,/ помина́йте нас, чад свои́х,/ я́же собра́ли есте́, богому́дрии,/ да ра́достно от души́ вопие́м:// ра́дуйтеся, Се́ргие и Ге́рмане, отцы́ преблаже́ннии.Тропарь · глас 5Преподобному Евфросину ПалестинскомуСмире́нием се́рдца, о́тче Евфроси́не, в пова́рне принося́й служе́ние твое́, испо́лнися вои́стину Свята́го Ду́ха, сего́ ра́ди свяще́нником преподо́бным яви́ нам твою́ сла́ву Бог, ея́же и нас, богоно́се, прича́стники покажи́ моли́твами твоими.Тропарь · глас 4Священномученику Карпу ЭльбуПростото́ю и незло́бием просвети́ся житие́ твое́,/ утверди́ бо тя́ Христо́с Бо́г на ка́мени за́поведий Свои́х./ Сего́ ра́ди во дни́ сму́ты правове́рие сохрани́л еси́/ и в муче́нии му́жество обре́л еси́,/ терпе́нием ду́шу свою́ стяжа́в,/ священному́чениче Ка́рпе,// во Ца́рствии Небе́снем со все́ми святы́ми водворя́ешися.Тропарь · глас 3В четверг, св. апостоламАпо́столи святи́и,/ моли́те Ми́лостиваго Бо́га,/ да прегреше́ний оставле́ние// пода́ст душа́м на́шим.Кондак · глас 2В четверг, св. апостоламТве́рдыя и боговеща́нныя пропове́датели,/ верх апо́столов Твои́х, Го́споди,/ прия́л еси́ в наслажде́ние благи́х Твои́х и поко́й;/ боле́зни бо о́нех и смерть прия́л еси́ па́че вся́каго всепло́дия,// Еди́не све́дый серде́чная.Тропарь · глас 4В четверг, святителю НиколаюПра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче священнонача́льниче Нико́лае,/ моли́ Христа́ Бо́га,// спасти́ся душа́м на́шим.Кондак · глас 3В четверг, святителю НиколаюВ Ми́рех, свя́те, священноде́йствитель показа́лся еси́,/ Христо́во бо, преподо́бне, Ева́нгелие испо́лнив,/ положи́л еси́ ду́шу твою́ о лю́дех твои́х/ и спасл еси́ непови́нныя от сме́рти./ Сего́ ра́ди освяти́лся еси́,// я́ко вели́кий таи́нник Бо́жия благода́ти.
Сщмчч. Николая Подьякова и Виктора Усова пресвитеров (1918); сщмч. Карпа Эльба пресвитера (1937); сщмч. Николая Широгорова диакона (1942)
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
