воскресенье Неделя 18-я по Пятидесятнице Воскресенье Воскресенье, 4 октября 2026 г. (21 сентября ст.ст.) Неделя 18-я по Пятидесятнице Отдание праздника Воздвижения Животворящего Креста Господня Обретение мощей свт. Димитрия, митр. Ростовского (1752) Прп. Даниила Шужгорского (XVI) Прп. Иосифа Заоникиевского (1612) Свтт. Исаакия и Мелетия, епископов Кипрских Ап. от 70-ти Кодрата (ок. 130) Неделя по Воздвижении Сщмчч. Ипатия епископа и Андрея пресвитера (ок. 730-735) Сщмчч. Александра Федосеева, Алексия Стабникова, Константина Широкинского, Иоанна Флерова пресвитеров (1918); прмч. Маврикия Полетаева и мч. Василия Кондратьева (1937); сщмчч. Валентина Никольского, Александра Белякова, Иоанна Лазарева, Андрея Бенедиктова, Петра Сахаровского, Иоанна Никольского пресвитеров (1937); сщмч. Иоанна Быстрова пресвитера (1938); сщмч. Василия Крымкина пресвитера (1942) Мчч. Евсевия и Приска (IV) Иконы дня Листайте по горизонтали. Нажатие на икону откроет крупное изображение. Обретение мощей свт. Димитрия, митр. Ростовского (1752) Ап. от 70-ти Кодрата (ок. 130) Прп. Даниила Шужгорского (XVI) Прп. Иосифа Заоникиевского (1612) Песнопения дняТропари, кондаки и величания · 18 песнопенийТропарь · глас 1ВоскресныеКа́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл еси́ тридне́вный, Спа́се,/ да́руяй ми́рови жи́знь./ Сего́ ра́ди си́лы небе́сныя вопия́ху Ти́, Жизнода́вче:/ сла́ва воскресе́нию Твоему́, Христе́,/ сла́ва Ца́рствию Твоему́,// сла́ва смотре́нию Твоему́, еди́не Человеколю́бче.Кондак · глас 1ВоскресныеВоскре́сл еси́ я́ко Бо́г из гро́ба во сла́ве,/ и ми́р совоскреси́л еси́;/ и естество́ челове́ческое я́ко Бо́га воспева́ет Тя́, и сме́рть исчезе́;/ Ада́м же лику́ет, Влады́ко;/ Е́ва ны́не от у́з избавля́ема ра́дуется, зову́щи:// Ты́ еси́, И́же все́м подая́, Христе́, воскресе́ние.Тропарь · глас 1Воздвижению Честнаго и Животворящего Креста ГосподняСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4Воздвижению Честнаго и Животворящего Креста ГосподняВознесы́йся на Крест во́лею,/ тезоимени́тому Твоему́ но́вому жи́тельству/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.Тропарь · глас 8Святителю Димитрию, митрополиту РостовскомуПравосла́вия ревни́телю и раско́ла искорени́телю,/ Росси́йский целе́бниче, и но́вый к Бо́гу моли́твенниче,/ списа́ньми твои́ми бу́их уцелому́дрил еси́,/ цевни́це духо́вная, Дими́трие блаже́нне,// моли́ Христа́ Бо́га спасти́ся душа́м на́шим.Кондак · глас 4Святителю Димитрию, митрополиту РостовскомуЗвезду́ Росси́йскую от Ки́ева возсия́вшую,/ и чрез Но́вград Се́верский в Росто́в дости́гшую,/ всю же страну́ сию́ уче́ньми и чудесы́ озари́вшую,/ ублажи́м златослове́снаго учи́теля Дими́трия,/ той бо все́м вся написа́, я́же к наставле́нию,/ да всех приобря́щет, я́коже Па́вел Христу́,// и спасе́т правове́рием ду́ши на́ша.ВеличаниеСвятителю Димитрию, митрополиту РостовскомуВелича́ем тя,/ святи́телю о́тче Дими́трие,/ и чтим святу́ю па́мять твою́,/ ты бо мо́лиши за нас// Христа́, Бо́га на́шего.Тропарь · глас 3Апостолу от 70-ти Кодрату, епископу Афинскому и МагнезийскомуАпо́столе святы́й Кодра́те,/ моли́ ми́лостиваго Бо́га,/ да прегреше́ний оставле́ние// пода́ст душа́м на́шим.Кондак · глас 8Апостолу от 70-ти Кодрату, епископу Афинскому и МагнезийскомуЯ́ко священнонача́льника че́стна и страда́льца тверде́йша,/ вселе́нная прино́сит Тебе́, Го́споди, Кодра́та апо́стола/ и пе́сньми почита́ет честну́ю его́ па́мять,/ прося́щи всегда́ прегреше́ний оставле́ния// тем дарова́тися пою́щим его́, Благоутро́бне.ВеличаниеАпостолу от 70-ти Кодрату, епископу Афинскому и МагнезийскомуВелича́ем тя, апо́столе Христо́в Кодра́те, и чтим боле́зни и труды́ твоя́, и́миже труди́лся еси́ во благове́стии Христо́ве.Тропарь · глас 5Преподобному Иосифу ЗаоникиевскомуСмиренному́дрием наказа́ние благоду́шне прие́мля,/ и́же от Небе́с неизрече́нный дар прия́ти сподо́бился,/и в пло́ти сый, преподо́бне,/ безпло́тен в служе́нии свое́м к Богома́тери трудолю́бне подвиза́ся,/ бде́нии, поще́нии, слеза́ми и моли́твами,/ и́миже и пусты́ню многожи́тельну устро́ил еси́,/ благоухищре́нным же юро́дством челове́ческия сла́вы избежа́./ Сего́ ра́ди Всевы́шний Мздовозда́тель/ в коне́ц ве́ка сего́ сугу́бо тя просла́ви,/ и гроб твой святы́й точе́нием чуде́с обогати́ся,/ Его́же моли́, преподо́бне о́тче наш Ио́сифе,// дарова́ти нам отпуще́ние грехо́в и ве́лию ми́лость.Ин тропарь · глас 4Преподобному Иосифу ЗаоникиевскомуИспе́рва житие́ твое́, преподо́бне,/ хи́тростию благоюро́дства от челове́к утае́но на Небесе́х пред А́нгелы явле́нно бысть:/ и а́ще на земли́ тьмо́ю оче́с претыка́яся хожда́ше,/ но мы́сленными кри́лы на высоту́ возше́д,/ присносу́щным све́том облиста́емь,/ во Оте́чествии насле́довал еси́;/ и земны́х мня́щихся кра́сных хра́мов не тре́бовав,/ но в Небе́сных се́лех пресве́тлыя оби́тели стяжа́л еси́;/ ни ри́зами мя́гкими оде́яся,/ но па́че власяни́цу возлюби́в/ и сего́ ра́ди па́че всех име́ний земны́х Небе́сная сокро́вища приобре́л еси́;/ и на земли́ пло́тян сый со безпло́тными совокупля́яся,/ Небе́сней Цари́це служа́ и Той приноси́мых а́нгельских пе́сней наслади́лся еси́,/ и́хже мно́зи лю́дие, жела́юще, наслади́тися не мо́гут./ Сего́ ра́ди Всевы́шний Творе́ц о́браз Свой/ и Ро́ждшия Его́ Богома́тере/ с высоты́ возду́ха на ру́це твоя́,/ я́ко на херуви́мская носи́ла дарова́ тебе́,/ от него́же присносу́щным све́том о́чи твои́ уясни́,/ и, я́ко росоточа́щий о́блак моли́твами твои́ми весь мир ми́лованный напои́,/ и ны́не в после́дняя времена́ святу́ю персть твою́, я́ко Еде́мский исто́чник во исцеле́ние неду́гов устро́и,/ Его́же моли́, наста́вниче наш, чудоно́сче Ио́сифе,// дарова́ти нам мир и ве́лию ми́лость.Кондак · глас 8Преподобному Иосифу ЗаоникиевскомуВы́шних благ жела́яй,/ преоби́дел еси́ до́лу влеку́щая мудрова́ния,/ и́бо трудолюби́вое свое́ те́ло/ о́стрым власяны́м плете́нием стерл еси́,/ и бысть благоуго́ден служи́тель Богома́тере,/ стра́ждущим в неду́зех явля́яся, ско́ро помога́еши,/ с ве́рою притека́ющим к тебе́ неоску́дное здра́вие подае́ши./ Сего́ ра́ди зове́м ти:/ разреши́ на́ша боле́зни душе́вныя и теле́сныя,/ е́же к Бо́гу моли́твами твои́ми,/ началообра́зный смире́нию наста́вниче, о́тче наш Богому́дре Ио́сифе,// мона́хом удобре́ние.Ин кондак · глас 8Преподобному Иосифу ЗаоникиевскомуОт ю́ности Бо́га возлюби́в/ и просты́нею безгла́сие стяжа́л еси́, преподо́бне./ Сего́ ра́ди и с Небе́с сла́дкий свет о́чию получи́л еси́,/ и росоточа́щий ми́лости пресве́тлый о́браз Богома́тере/ с высоты́ возду́ха чрез святы́х безме́здников во объя́тие прия́л еси́,/ и Ей богоуго́дно послужи́л еси́./ И оби́тель соста́вил еси́,/ власяны́ми вери́гами те́ло свое́ удручи́л еси́,/ от него́же ка́плями кро́вными диа́вола потопи́л еси́./ Сего́ ра́ди и в после́дняя времена́/ гроб твой от Влады́ки на́шего Христа́ точе́нием чуде́с обогати́ся,/ тем и мы, ча́да твоя́, любо́вию притека́юще к тебе́, уми́льно глаго́лем:/ ра́дуйся, наста́вниче на́шего спасе́ния,/ ра́дуйся, исцеле́ний пода́телю,// ра́дуйся, о́тче наш Ио́сифе, мона́хом удобре́ние.Тропарь · глас 4Собору святых, в земле Германской просиявшихИже в земли Германской прославльшиися/ святитилие, мученицы, преподобнии, праведнии и вси святии,/ верою, подвиги благочестия, любовию, кротостию,/ словом и житием Богу благоугодившии/ и венцы нетления и славы украсившиися,/ молите Христа Бога нашего даровати мир стране нашей// и душам нашим в мире спастися.Кондак · глас 4Собору святых, в земле Германской просиявшихНа земли благочестно пожившии,/ святии, в земли Германской просиявшии,/ и ныне на Небесах со ангелы радуетеся/ и Троицу Святую – Отца, и Сына, и Святаго Духа во Едином Божестве прославляете./ Мы же, земнороднии, молитвенно ублажающе вас/ и святую память, совершающе, молим:/ принесите наша молитвы к Небесному Престолу Господа Вседержителя,/ да вашим ходатайством// дарует мир и спасение душам нашим.Тропарь · глас 5Преподобномученику Маврикию (Полетаеву) и мученику Василию КондратьевуНа ка́мени благоче́стия утверди́вся,/ па́стырь ре́вностный яви́лся еси́,/ преподобному́чениче Маври́кие сла́вне./ Моли́твою и посто́м, я́ко мече́м обоюдоо́стрым, вооружи́вся,/ вра́жеския наве́ты препобеди́л еси́,/ о слу́жбе церко́вней да́же во у́зах раде́я,/ тя́жкия му́ки и са́мую смерть за Христа́ во смире́нии прия́л еси́,/ и на по́двиг Васи́лия сострада́льца твоего́ укрепи́л еси́./ Те́мже ны́не моли́ся/ благода́ть Свята́го Ду́ха нам стяжа́ти// и Ца́рствия Небе́снаго дости́гнути.Кондак · глас 1Преподобномученику Маврикию (Полетаеву) и мученику Василию КондратьевуБлагослове́ние Кроншта́дтскаго па́стыря Иоа́нна исполня́я,/ путь служе́ния Це́ркви и лю́дем избра́л еси́,/ о во́инех же земны́х попече́ние име́я,/ сам во́ин Христо́в добропобе́дный яви́лся еси́/ и, а́нгельскаго жития́ взыску́я,/ под сень преподо́бнаго Се́ргия устреми́лся еси́,/ иде́же служе́ния во хра́ме Всех святы́х сподо́бился еси́,/ преподобному́чениче Маври́кие./ Во дни же гоне́ний на Це́рковь Ру́сскую,/ вку́пе с му́чеником Васи́лием да́же до сме́рти пострада́л еси́./ И ны́не со все́ми святы́ми Тро́ицу Живонача́льную прославля́я,/ моли́ спасти́ся душа́м на́шим.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Отдание праздника Воздвижения Животворящего Креста Господня 
