пятница Седмица 19-я по Пятидесятнице День церковного круга Постный день Пятница, 9 октября 2026 г. (26 сентября ст.ст.) Седмица 19-я по Пятидесятнице Преставление апостола и евангелиста Иоанна Богослова (начало II) Свт. Тихона, патриарха Московского и всея Руси (прославление, 1989) Прав. Гедеона, судии Израильского (XIV до Р.Х.) Прп. Ефрема Перекомского, Новгородского (1492) Сщмчч. Афанасия Докукина, Александра Левитского и Димитрия Розанова пресвитеров, мчч. Иоанна Золотова и Николая Гусева (1937); сщмч. Владимира Вятского пресвитера (1939) Постный день Иконы дня Листайте по горизонтали. Нажатие на икону откроет крупное изображение. Свт. Тихона, патриарха Московского и всея Руси (прославление, 1989) Прав. Гедеона, судии Израильского (XIV до Р.Х.) Прп. Ефрема Перекомского, Новгородского (1492) Песнопения дняТропари, кондаки и величания · 13 песнопенийТропарь · глас 2Апостолу и евангелисту Иоанну БогословуАпо́столе, Христу́ Бо́гу возлю́бленне,/ ускори́ изба́вити лю́ди безотве́тны,/ прие́млет тя, припа́дающа,/ И́же па́дша на пе́рси прие́мый./ Его́же моли́, Богосло́ве,/ и належа́щий о́блак язы́ков разгна́ти,// прося́ нам ми́ра и ве́лия ми́лости.Кондак · глас 2Апостолу и евангелисту Иоанну БогословуВели́чия твоя́, де́вственниче, кто пове́сть?/ То́чиши бо чудеса́, и излива́еши исцеле́ния,/ и мо́лишися о душа́х на́ших,// я́ко Богосло́в и друг Христо́в.ВеличаниеАпостолу и евангелисту Иоанну БогословуВелича́ем тя, апо́столе Христо́в и Евангели́сте Иоа́нне Богосло́ве, и чтим боле́зни и труды́ твоя́, и́миже труди́лся еси́ во благове́стии Христо́ве.Тропарь · глас 1Святителю Тихону, патриарху Московскому и всея РоссииАпо́стольских преда́ний ревни́теля/ и Христо́вой Це́ркви па́стыря до́браго,/ ду́шу свою́ за о́вцы положи́вшаго,/ жре́бием Бо́жиим избра́ннаго,/ Всеросси́йскаго патри́арха Ти́хона восхва́лим/ и к нему́ с ве́рою и упова́нием возопи́им:/ предста́тельством святи́тельским ко Го́споду/ Це́рковь Ру́сскую в тишине́ соблюди́,/ расточе́нныя ча́да ея́ во еди́но ста́до собери́,/ отступи́вшия от пра́выя ве́ры к покая́нию обрати́,/ страну́ на́шу от междоусо́бныя бра́ни сохрани́,// и мир Бо́жий лю́дям испроси́.Ин тропарь · глас 3Святителю Тихону, патриарху Московскому и всея РоссииВ годи́ну тя́жкую Бо́гом избра́нный/ в соверше́нной свя́тости и любви́ Бо́га просла́вил еси́,/ во смире́нии вели́чие, в простоте́ и кро́тости си́лу Бо́жию явля́я,/ положи́л ду́шу за Це́рковь, за лю́ди своя́,/ испове́дниче патриа́рше свя́те Ти́хоне,/ моли́ Христа́ Бо́га,/ Ему́же сораспя́лся еси́,// и ны́не спасти́ зе́млю Ру́сскую и па́ству твою́.Кондак · глас 2Святителю Тихону, патриарху Московскому и всея РоссииТи́хостию нра́ва укра́шен,/ кро́тость и милосе́рдие ка́ющимся явля́яй,/ во испове́дании правосла́вныя ве́ры и любви́ ко Го́споду/ тверд и непрекло́нен пребы́л еси́,/ святи́телю Христо́в Ти́хоне,/ моли́ся о нас да не разлучи́мся от любве́ Бо́жия,// я́же о Христе́ Иису́се, Го́споде на́шем.Тропарь · глас 4Преподобному Ефрему Перекомскому, НовгородскомуОт ю́ности твоея́ весь Бо́гови порабо́тился еси́, блаже́нне,/ и Того́ ра́ди любве́ оте́чество и род оста́вил еси́,/ в пусты́ню всели́вся, в не́йже жесто́кое житие́ показа́в,/ и чуде́с дарова́ния от Бо́га прия́л еси́,/ Ефре́ме преподо́бне./ Моли́ Христа́ Бо́га,// да спасе́т ду́ши на́ша.Кондак · глас 8Преподобному Ефрему Перекомскому, НовгородскомуА́нгельскому житию́ поревнова́в, преподо́бне,/ вся земна́я оста́вив, ко Христу́ прите́кл еси́/ и, Того́ за́поведьми огра́ждся,/ яви́лся еси́ столп непоколеби́м от вра́жиих напа́даний./ Тем зове́м ти:// ра́дуйся, Ефре́ме, свети́ло пресве́тлое.ВеличаниеПреподобному Ефрему Перекомскому, НовгородскомуУблажа́ем тя,/ преподо́бне о́тче Ефре́ме,/ и чтим святу́ю па́мять твою́,/ наста́вниче мона́хов// и собесе́дниче А́нгелов.Тропарь · глас 4Cвященномученику Афанасию ДокукинуДосто́инством свяще́нства укра́шен,/ доброде́тельми Христа́ просла́вил еси́,/ гоне́ния же и клевету́ претерпе́в,/ вене́ц му́ченический прия́л еси́/ и хода́тай о нас пред Бо́гом яви́лся еси́./ Его́же моли́, священному́чениче Афана́сие,// спасти́ся душа́м на́шим.Кондак · глас 2Cвященномученику Афанасию ДокукинуЕгда́ безбо́жнии на Це́рковь Ру́сскую воста́ша/ и мно́гия ве́рныя лю́ди сме́рти преда́ша,/ тогда́ и ты, святе, страда́ния и му́ки за Христа́ претерпе́л еси,/ священному́чениче Афана́сие, безсме́ртию тезоимени́те,/ и ве́чныя жи́зни в Бо́зе дости́гл еси́.// Того моли́ земли́ на́шей в ве́ре Правосла́вней утверди́тися.Тропарь · глас 2Мученику Николаю ГусевуХриста́ всем се́рдцем возлюби́в,/ жела́ния плотска́я отве́ргл еси́/ и, пусты́ннаго жития́ взыску́я,/ я́ко стра́нник в ку́щи лесно́й всели́лся еси́./ Егда́ же призва́ тя Бог к сла́ве жи́зни ве́чныя,/ испове́дание до́брое пред гони́тели му́жественне прине́сл еси́/ и вене́ц сугу́б де́вства и му́ченичества от Го́спода прия́л еси́./ Те́мже, святы́й му́чениче Нико́лае,/ моли́ Христа́ Бо́га// спасти́ся душа́м на́шим.Кондак · глас 6Мученику Николаю ГусевуЯ́ко дре́во, насажде́нное при исхо́дищих вод,/ доброде́тельми мно́гими процве́т,/ плод терпе́ния Христу́ прине́сл еси́/ и, лю́тым мучи́телем предста́в,/ о́браз и́стиннаго смире́ния яви́л еси́/ и ве́ру правосла́вную тве́рдо испове́дал еси́./ Сего́ ра́ди восхваля́ем тя, вопию́ще:/ ра́дуйся, святы́й му́чениче Нико́лае,// ве́си Коси́нския украше́ние.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
