воскресенье Неделя 19-я по Пятидесятнице Воскресенье Воскресенье, 11 октября 2026 г. (28 сентября ст.ст.) Неделя 19-я по Пятидесятнице Прпп. схимонаха Кирилла и схимонахини Марии, родителей прп. Сергия Радонежского (ок. 1337) Прп. Харитона Сянжемского (1509) Прп. Иродиона Илоезерского (1541) Прор. Варуха (VI до Р.Х.) Прп. Харитона Исповедника (ок. 350) Блгв. кн. Вячеслава Чешского (935) Собор преподобных отцев Киево-Печерских, в Ближних пещерах (прп. Антония) почивающих Мчч. Александра, Алфея, Зосимы, Марка пастыря, Никона, Неона, Илиодора и прочих (IV) Мц. Анны Лыкошиной (1925); прмч. Илариона Громова, прмц. Михаилы Ивановой (1937); прмц. Татианы Чекмазовой (1942) Иконы дня Листайте по горизонтали. Нажатие на икону откроет крупное изображение. Прпп. схимонаха Кирилла и схимонахини Марии, родителей прп. Сергия Радонежского (ок. 1337) Прп. Харитона Исповедника (ок. 350) Прп. Харитона Сянжемского (1509) Прп. Иродиона Илоезерского (1541) Прор. Варуха (VI до Р.Х.) Блгв. кн. Вячеслава Чешского (935) Песнопения дняТропари, кондаки и величания · 22 песнопенияТропарь · глас 2ВоскресныеЕгда́ снизше́л еси́ к сме́рти, Животе́ Безсме́ртный,/ тогда́ а́д умертви́л еси́ блиста́нием Божества́:/ егда́ же и уме́ршия от преиспо́дних воскреси́л еси́,/ вся́ си́лы небе́сныя взыва́ху:// Жизнода́вче, Христе́ Бо́же на́ш, сла́ва Тебе́.Кондак · глас 2ВоскресныеВоскре́сл еси́ от гро́ба, Всеси́льне Спа́се,/ и а́д ви́дев чу́до, ужасе́ся,/ и ме́ртвии воста́ша;/ тва́рь же ви́дящи сра́дуется Тебе́,/ и Ада́м свесели́тся,// и ми́р, Спа́се мо́й, воспева́ет Тя́ при́сно.Тропарь · глас 8Преподобному Харитону ИсповедникуСле́з твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней,/ сия́я чудесы́, Харито́не о́тче наш.// Моли́ Христа́ Бо́га, спасти́ся душа́м на́шим.Кондак · глас 2Преподобному Харитону ИсповедникуНаслади́вся, богому́дре, воздержа́ния,/ и пло́ти твоея́ вожделе́ния обузда́в,/ яви́лся еси́ ве́рою возраща́емь,/ и я́ко жи́зни дре́во посреде́ рая́ процве́л еси́,// Харито́не всеблаже́нне, свяще́ннейший.Тропарь · глас 3Преподобным Кириллу и Марии РадонежскимБлаже́нств Христо́вых прича́стницы,/ честна́го супру́жества и попече́ния о ча́дех до́брый о́бразе,/ пра́веднии Кири́лле и Мари́е,/ плод благоче́стия, Се́ргия преподо́бнаго, нам яви́вшии,/ с ни́мже усе́рдно моли́те Го́спода/ низпосла́ти нам дух любве́ и смиренному́дрия,/ да в ми́ре и единомы́слии// просла́вим Тро́ицу Единосу́щную.Кондак · глас 4Преподобным Кириллу и Марии РадонежскимДнесь, ве́рнии, соше́дшеся,/ восхва́лим дво́ицу блаже́нную, благове́рнаго Кири́лла и Мари́ю добронра́вную,/ ти́и бо мо́лятся вку́пе со возлю́бленным сы́ном свои́м преподо́бным Се́ргием/ ко Еди́ному во Святе́й Тро́ице Бо́гу/ оте́чество на́ше в правове́рии утверди́ти,/ до́мы ми́ром огради́ти,/ ю́ныя от напа́стей и собла́знов изба́вити,/ ста́рость укрепи́ти// и спасти́ ду́ши на́ша.Тропарь · глас 4Собору преподобных отцев Киево-Печерских, в Ближних пещерахСтолп огнезра́чный и светоно́сное со́лнце,/ возсия́вшее на горе́ Пече́рстей,/ вели́каго Анто́ния со всем собо́ром Богоно́сных оте́ц/ приво́дим Тебе́, Христе́, в моли́тву,/ и́хже ра́ди мо́лим,/ пода́ждь оби́тели на́шей благода́ть// и душа́м на́шим ве́лию ми́лость.Тропарь · глас 4Преподобному Иродиону ИлоезерскомуВозсия́ днесь све́тло, ра́дуется град Белое́зеро,/ имы́й во о́бласти свое́й вели́каго свети́льника, блаже́ннаго отца́ Иродио́на:/ процвете́ бо, я́ко фи́никс, насажде́н в дому́ Бо́жия Ма́тере,/ я́ко кедр, при вода́х благода́тию Христо́вою израсты́й,/ я́ко ши́пок благово́нный,/ от обстоя́ний вода́ми огражде́н./ Соше́дшеся у́бо лю́дие пра́зднуют пресве́тлую па́мять его́,/ осиява́емы мно́гими благодея́нии и чудесы́:/ прося́щим с ве́рою исцеле́ния,/ стра́ждущим от разли́чных неду́г подае́т здра́вие./ И мы, ча́да твоя́ су́ще, припа́дающе, мо́лим ти ся:/ моли́ Пресвяту́ю Тро́ицу,/ е́же сохрани́тися гра́ду на́шему от нахожде́ния иноплеме́нник/ и от враг ви́димых и неви́димых./ Я́ко да твои́ми, о́тче, ко Го́споду моли́твами спаса́еми,/ всегда́ про́сим с ве́рою у тебе́:// моли́ о нас Христа́ Бо́га спасти́ся душа́м на́шим.Кондак · глас 1Преподобному Иродиону ИлоезерскомуСлы́шавше, отцы́ и бра́тия, неме́дленно притеце́м,/ и немо́лчно и усе́рдно возопие́м, глаго́люще:/ о пресве́тлый наш о Го́споде учи́телю, о́тче Иродио́не!/ Во по́двигах ревни́тель был еси́, преподо́бному Корни́лию,/ еди́н Еди́ному Бо́гу изво́лив служи́ти/ слеза́ми, и посто́м, и бде́нием изнуря́я те́ло свое́ ве́чныя ра́ди жи́зни,/ Го́сподеви рабо́тая, Крест Госпо́день на ра́мо взем, после́довал еси́ Тому́,/ бо́дренными свои́ми моли́твами вооружа́яся неви́димо на врага́,/ и ны́не, о́тче, зре́ти сподо́бился еси́/ во све́те неизрече́нныя ра́дости Пресвяту́ю Тро́ицу./ Сла́ва Бо́гу, все́льшемуся в тя,/ сла́ва укре́пльшему тя,// сла́ва де́ющу тобо́ю всем исцеле́ние.ВеличаниеПреподобному Иродиону ИлоезерскомуУблажа́ем тя, преподо́бне о́тче Иродио́не, и чтим святу́ю па́мять твою́, наста́вниче мона́хов и собесе́дниче а́нгелов.Тропарь · глас 4Благоверному князю Вячеславу ЧешскомуДнесь А́нгели с челове́ки ра́дуются вку́пе о́бщим весе́лием,/ Не́бо и земля́ све́тло лику́ют в па́мять твою́, свя́те./ И мы, гре́шнии, приле́жно ти вопие́м:/ помоли́ся к Влады́це о нас,/ изба́вити ны от напа́сти/ ви́димых и неви́димых враг,// чту́щих пресве́тлую па́мять твою́.Ин тропарьБлаговерному князю Вячеславу ЧешскомуБлагочести́ваго ко́рене о́трасль пречестна́я,/ святы́й благове́рный вели́кий кня́же Вячесла́ве,/ побо́рник быв Восто́чныя в Че́хах Це́ркве/ и прибе́жище те́плое убо́гим и си́рым,/ я́ко вторы́й А́вель, незло́биве претерпе́л еси́ смерть,/ во главу́ усече́н руко́ю бра́та пред враты́ церко́вными./ Те́мже и всели́ тя Христо́с/ я́ко испове́дника пра́выя ве́ры во оби́тели Небе́сныя,/ просла́ви всечестну́ю па́мять твою́ в слове́нских язы́цех/ и дарова́ тя ско́раго помо́щника всем, почита́ющим тя./ Моли́ся о лю́дех твои́х ко Го́споду,// да обрати́т их в ло́но Правосла́вныя Це́ркве и спасе́т ду́ши на́ша.Кондак · глас 1Благоверному князю Вячеславу ЧешскомуС ли́ки А́нгельскими предстоя́,/ блаже́нне кня́же Вячесла́ве,/ наслажда́ешися Боже́ственныя и неизрече́нныя добро́ты,/ и отту́ду благоде́тельныя да́ры поче́рп чуде́с,/ всем, притека́ющим ве́рою под твою́ святы́ню// источа́еши цельба́м дарова́ние.ВеличаниеБлаговерному князю Вячеславу ЧешскомуВелича́ем тя́, благове́рный кня́же Вячесла́ве, и чти́м святу́ю па́мять твою́, ты́ бо мо́лиши за на́с Христа́ Бо́га на́шего.Тропарь · глас 1Преподобномученице великой княгине Елисавете ФеодоровнеСмире́нием досто́инство кня́жеское сокры́вши,/ богому́драя Елисаве́то,/ сугу́бым служе́нием Ма́рфы и Мари́и/ Христа́ почти́ла еси́./ Милосе́рдием, терпе́нием и любо́вию себе́ предочи́стивши,/ я́ко же́ртва пра́ведная Бо́гу принесла́ся еси́./ Мы же, чту́ще доброде́тельное житие́ и страда́ния твоя́,/ я́ко и́стинную наста́вницу усе́рдно про́сим тя:/ свята́я му́ченице вели́кая княги́не Елисаве́то,// моли́ Христа́ Бо́га спасти́ и просвети́ти ду́ши на́ша.Ин тропарь · глас 2Преподобномученице великой княгине Елисавете ФеодоровнеВ красоте́ земне́й красоту́ Небе́сную показа́ла еси́, свята́я преподобному́ченица Елисаве́то, и жена́м-мироно́сицам Мари́и и Ма́рфе подража́ла еси́, в служе́нии Бо́гу и лю́дем стра́ждущим. Те́мже просла́ви тя Христо́с Бог, я́ко еди́ну от святы́х жен росси́йских, да́рующих нам мир и ве́лию ми́лость.Кондак · глас 2Преподобномученице великой княгине Елисавете ФеодоровнеВели́чие по́двига ве́ры кто пове́сть?/ Во глубине́ земли́, я́ко в раи́ све́тлости,/ страстоте́рпица вели́кая княги́ня Елисаве́та/ со А́нгелы во псалме́х и пе́ниих ра́довашеся/ и, убие́ние претерпева́ющи,/ о безбо́жных мучи́телех взыва́ше:/ Го́споди, прости́ им грех сей,/ не ве́дят бо, что творя́т./ Тоя́ моли́твами, Христе́ Бо́же,// поми́луй и спаси́ ду́ши на́ша.Ин кондак · глас 5Преподобномученице великой княгине Елисавете ФеодоровнеОт сла́вы ца́рственныя, взе́мши Крест Христо́в, прешла́ еси́ к сла́ве Небе́сней, моля́щи за враго́в, и обрела́ еси́ ра́дость ве́чную, свята́я му́ченице княги́не Елисаве́то, с Варва́рою му́ченицею. Те́мже мо́лим вас: моли́те о душа́х на́ших.Тропарь · глас 4Собору святых Челябинской митрополииСвятии угодницы Христовы,/ скорбяще, гоними и унижаеми,/ сокровище Евангелиа в сердцах ваших сохранисте/ и живот вечный наследовасте,/ темже и нас молитвами вашими в чистоте и правде сохраните/ и люди земли нашея/ разумом истины просветите.Кондак · глас 3Собору святых Челябинской митрополииВас, святии угодницы наши,/ Челябинская земля славословит/ и подвигу вашему дивится,/ вы бо, телеса ранам предавше,/ венцы нетленныя от Христа прияли есте,/ темже молитвами вашими ко Господу/ помозите нам в терпении крест свой понести/ и душам нашим испросите велию милость.Тропарь · глас 4Собору святых Кубанской митрополииДнесь ликовствует земля Кубанская, / прославляющи святители, преподобныя и новомученики своя, / во благочестии подвизавшияся и страданьми украсившияся,/ и небесныя венцы от Господа приемшия. / Темже празднующе священное их торжество, / с верою и любовию вопием:/ святии сродницы и теплии ходатаи наши,/ молите Отечеству мир даровати// и душам нашим велию милость.Кондак · глас 2Собору святых Кубанской митрополииТвердии Православия исповедницы/ и веры апостольския служителие,/ вси святии в земли Кубанстей просиявшии/ и пределы южныя земли Российския прославившии./ Восхваляюще подвиги и труды ваша,/ страдания же и мучения почитающе,/ во умилении вси зовем:// радуйтеся, земли Кубанския похвало и Церкве нашея украшение.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
