вторник Седмица 21-я по Пятидесятнице День церковного круга Вторник, 20 октября 2026 г. (7 октября ст.ст.) Седмица 21-я по Пятидесятнице Мчч. Сергия и Вакха (290-303). Свт. Ионы, еп. Ханькоуского (1925) Иконы Божией Матери Псково-Печерской, именуемой "Умиление" (1524) Мчч. Иулиана пресвитера и Кесария диакона (I) Мц. Пелагии Тарсийской (290) Мч. Полихрония пресвитера (IV) Прп. Сергия Послушливого, Печерского (ок. XIII) Прп. Сергия Нуромского (Вологодского) (1412) Обретение мощей прп. Мартиниана Белоезерского (1514) Сщмч. Николая Казанского пресвитера (1942) Иконы дня Листайте по горизонтали. Нажатие на икону откроет крупное изображение. Мчч. Сергия и Вакха (290-303). Свт. Ионы, еп. Ханькоуского (1925) Мц. Пелагии Тарсийской (290) Прп. Сергия Послушливого, Печерского (ок. XIII) Прп. Сергия Нуромского (Вологодского) (1412) Обретение мощей прп. Мартиниана Белоезерского (1514) Иконы Богородицы Иконы Божией Матери Псково-Печерской, именуемой "Умиление" (1524) Песнопения дняТропари, кондаки и величания · 17 песнопенийТропарь · глас 5Мученикам Сергию и ВакхуУдобре́ние Христо́вых страстоте́рпец,/ и о́чи Христо́вы Це́ркве,/ о́чи просвети́те душ на́ших,/ Се́ргие многострада́льне и Ва́кше пресла́вне:/ моли́теся ко Го́споду,/ я́ко да убежи́м тьмы грехо́вныя,/ и све́та яви́мся о́бщницы невече́рняго,// моли́твами ва́шими, святи́и.Ин тропарь · глас 4Мученикам Сергию и ВакхуМу́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.Кондак · глас 2Мученикам Сергию и ВакхуРа́зум на враги́ му́жески вооружи́вше,/ всю тех лесть разруши́сте,/ и побе́ду свы́ше прии́мше, му́ченицы всехва́льнии,/ единомы́сленно вопию́ще:// добро́ и красно́, е́же бы́ти с Бо́гом.Тропарь · глас 4Святителю Ионе, епископу ХанькоускомуПа́стырь до́брый был еси́ ру́сским лю́дем,/ приста́нище обре́тшим во стране́ чужде́й,/ вся́ко наставля́я их,/ наипа́че же любви́ Христо́вой,/ о́браз ея́ во всем показу́я,/ те́мже, святи́телю о́тче Ио́но,// моли́ Христа́ Бо́га спасти́ся душа́м на́шим.Кондак · глас 3Святителю Ионе, епископу ХанькоускомуДе́тем не возбрани́л еси́ приходи́ти к тебе́, богоблаже́нне,/ пеки́йся о насу́щных их,/ и хра́мину им созда́л еси́,/ по кончи́не же твое́й сих не оста́вил еси́,/ о́трока бо разсла́бленна в со́нном виде́нии исцели́в./ Сего́ ра́ди вопие́м ти:// ра́дуйся, чудоде́йственниче Ио́но пресла́вный.Тропарь · глас 8Преподобному Сергию Обнорскому, Нуромскому, Вологодскому чудотворцуЖела́нием духо́вным разгара́шеся, пребога́те,/ слез твои́х тече́нием ду́шу свою́ напои́л еси́/ и е́же из глубины́ воздыха́ньми уязвля́ше се́рдце свое́,/ и бо́дренными моли́твами, и всено́щным предстоя́нием Влады́це Христу́/ многодоброде́телен плод принесе́ сам себе́./ И сего́ ра́ди я́ко Бо́жий уго́дник све́тло ми́ру показа́ся,/ сия́я чудесы́, Се́ргие о́тче наш,/ те́плый моли́твенниче к Бо́гу, всегда́ о нас Того́ моли́,// да спасе́т ду́ши на́ша.Кондак · глас 8Преподобному Сергию Обнорскому, Нуромскому, Вологодскому чудотворцуЯ́ко звезда́ пресве́тлая, от Святы́я Горы́ провозше́дши,/ добро́ты чуде́с твои́х весь просвети́л мир,/ Христо́в бо крест взем, после́дова Ему́,/ в пусты́нном озлобле́нии, в моли́твах же и поще́ниих,/ во бде́ниих же и злострада́ниих изнури́в плоть свою́,/ тем и Христо́с да́ром чуде́с одари́ тебе́,/ Ему́же о нас моля́ся, посеща́й чад свои́х, да зове́м ти:// ра́дуйся, Се́ргие о́тче наш, пусты́нный жи́телю.Тропарь · глас 2Преподобному Мартиниану БелоезерскомуБо́гу от ю́ности, о́тче, избра́вшу и возлюби́вшу тя/ и прови́дящу твое́ до́брое произволе́ние,/ наставля́ет тя приити́ к преподо́бному Своему́ уго́днику/ Кири́ллу всеблаже́нному,/ от него́же наста́влен бысть на путь спасе́ния,/ стра́хом Бо́жиим, и чистото́ю душе́вною, и благогове́нием,/ и непреста́нными к Бо́гу моли́твами/ во мно́зе по́двизе жизнь свою́ препроводи́л еси́/ и за́поведи Бо́жия непоро́чно соблю́л еси́,/ па́стырь и наста́вник и́ноком преди́вен был еси́,/ и ны́не Престо́лу Христо́ву со дерзнове́нием предстои́ши на Небесе́х,/ со А́нгелы светлоликовству́я,/ о́тче преподо́бне, Мартиниа́не всеблаже́нне,/ не преста́й моли́ся Христу́ Бо́гу// спасти́ и поми́ловати ду́ши на́ша.Ин тропарь · глас 7Преподобному Мартиниану БелоезерскомуОт ю́ности, о́тче, избра́н и возлю́блен был еси́ Го́сподом Бо́гом,/ И́же, прови́дя до́брое твое́ произволе́ние,/ научи́ тя приити́ к преподо́бному уго́днику Своему́, Кири́ллу всеблаже́нному,/ от него́же наста́влен быв на путь спасе́ния,/ в стра́се Бо́жии и чистоте́ душе́вней,/ в благогове́нии же и непреста́нных к Бо́гу моли́твах/ житие́ твое́ непоро́чно преше́л еси́,/ и ны́не, со дерзнове́нием предстоя́ на Небесе́х Престо́лу Христо́ву,/ о́тче Мартиниа́не всеблаже́нне,// не преста́й моля́ Христа́ Бо́га спасти́ и поми́ловати ду́ши на́ша.Кондак · глас 8Преподобному Мартиниану БелоезерскомуБлагоизво́лив, преподо́бне,/ от ю́наго во́зраста рабо́тати Го́сподеви день и нощь,/ в стра́се Бо́жии и благогове́нии чистоту́ душе́вную соблю́л еси́,/ в моли́твах же и бде́ниих ум твой предочи́стил еси́,/ в по́двизех же, злострада́ниих те́ло твое́ изнури́в,/ вся доброде́тели духо́вныя испра́вил еси́/ и о́браз хотя́щим по тебе́ спасти́ся яви́лся еси́./ Те́мже ны́не, при́сно зря на Небесе́х Пресвяту́ю Тро́ицу,/ моли́ся, всеблаже́нне, дарова́ти душа́м на́шим спасе́ние,/ и житию́ на́шему исправле́ние,/ да вси ве́рою вопие́м ти:// ра́дуйся, преподо́бне Мартиниа́не, о́тче наш.Ин кондак · глас 8Преподобному Мартиниану БелоезерскомуОт ю́наго во́зраста Боже́ственным жела́нием разже́гся,/ честно́му учи́телю вдан был еси́/ и в воздержа́нии мно́зе, о́тче, пребы́л еси́,/ ревну́я благо́му наказа́нию,/ плод многодоброде́телен Бо́гу прине́сл еси́,/ тем мо́лим тя, о́тче Мартиниа́не,// моли́ Христа́ Бо́га спасти́ся душа́м на́шим.Тропарь · глас 4Мученице Пелагии ТарсийскойА́гница Твоя́, Иису́се, Пелаги́я,/ зове́т ве́лиим гла́сом:/ Тебе́, Женише́ мой, люблю́/ и, Тебе́ и́щущи, страда́льчествую,/ и сраспина́юся, и спогреба́юся Креще́нию Твоему́,/ и стражду́ Тебе́ ра́ди, я́ко да ца́рствую в Тебе́,/ и умира́ю за Тя, да и живу́ с Тобо́ю;/ но, я́ко же́ртву непоро́чную, приими́ мя с любо́вию, поже́ршуюся Тебе́./ Тоя́ моли́твами// я́ко Ми́лостив, спаси́ ду́ши на́ша.Кондак · глас 3Мученице Пелагии ТарсийскойВре́менная презре́вши/ и Небе́сных благ прича́стница бы́вши,/ вене́ц страда́ния ра́ди прии́мши,/ Пелаги́е всечестна́я,/ я́ко дар принесла́ еси́ кро́вныя пото́ки Влады́це Христу́./ Моли́ от бед изба́вити нас,// твою́ па́мять почита́ющих.Тропарь · глас 4Пресвятой Богородице пред иконой Ея «Умиление» Псково-ПечерскойК Богоро́дице с умиле́нием припаде́м,/ вси, грехми́ обремене́ннии,/ чудотво́рную Ея́ ико́ну Умиле́ния облобыза́юще/ и вопию́ще со слеза́ми:/ Влады́чице, приими́ моле́ние недосто́йных раб Твои́х/ и пода́ждь нам, прося́щим,// ве́лию Твою́ ми́лость.Кондак · глас 6Пресвятой Богородице пред иконой Ея «Умиление» Псково-ПечерскойНе и́мамы ины́я по́мощи,/ не и́мамы ины́я наде́жды,/ ра́зве Тебе́, Пречи́стая Де́во,/ Ты нам помози́,/ на Тебе́ наде́емся/ и Тобо́ю хва́лимся,/ Твои́ бо есмы́ раби́,// да не постыди́мся.Тропарь · глас 2Во вторник, св. Иоанну ПредтечеПа́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.Кондак · глас 2Во вторник, св. Иоанну ПредтечеПроро́че Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде, в ми́ре пропове́дуеши покая́ние.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
