вторник Седмица 24-я по Пятидесятнице День церковного круга Вторник, 10 ноября 2026 г. (28 октября ст.ст.) Седмица 24-я по Пятидесятнице Прп. Иова, игумена Почаевского (1651) Свт. Димитрия, митр. Ростовского (1709) Вмц. Параскевы, нареченной Пятница (III) Свт. Арсения I, архиеп. Сербского (1266) Мчч. Терентия и Неониллы и чад их: Сарвила, Фота, Феодула, Иеракса, Нита, Вила, Евникии (ок. 249-250) Прп. Стефана Савваита, творца канонов (IX) Мчч. Африкана, Терентия, Максима, Помпия и иных 36-ти (III) Сщмч. Кириака, Патриарха Иерусалимского (363) Сщмч. Неофита, еп. Урбнисского (587) (Груз.) Прп. Иоанна Хозевита, еп. Кесарийского (VI) Прп. Феофила Киевского, Христа ради юродивого (1853) Прп. Арсения Каппадокийского (1924) Сщмч. Иоанна Виленского пресвитера (1918) Иконы дня Листайте по горизонтали. Нажатие на икону откроет крупное изображение. Прп. Иова, игумена Почаевского (1651) Свт. Димитрия, митр. Ростовского (1709) Вмц. Параскевы, нареченной Пятница (III) Свт. Арсения I, архиеп. Сербского (1266) Прп. Стефана Савваита, творца канонов (IX) Сщмч. Кириака, Патриарха Иерусалимского (363) Прп. Иоанна Хозевита, еп. Кесарийского (VI) Прп. Феофила Киевского, Христа ради юродивого (1853) Прп. Арсения Каппадокийского (1924) Сщмч. Иоанна Виленского пресвитера (1918) Песнопения дняТропари, кондаки и величания · 26 песнопенийТропарь · глас 4Преподобному Иову, игумену ПочаевскомуМногострада́льнаго пра́отца долготерпе́ние стяжа́в,/ Крести́телеву воздержа́нию уподобля́яся,/ Боже́ственныя же ре́вности обою́ приобща́яся,/ тех имена́ досто́йно прия́ти сподо́бился еси́/ и и́стинныя ве́ры был еси́ пропове́дник безбоя́знен:/ те́мже мона́хов мно́жества ко Христу́ приве́л еси́/ и вся лю́ди в Правосла́вии утверди́л еси́,/ И́ове преподо́бне о́тче наш,// моли́ спасти́ся душа́м на́шим.Кондак · глас 4Преподобному Иову, игумену ПочаевскомуЯви́лся еси́ и́стинныя ве́ры столп,/ ева́нгельских же за́поведей ревни́тель,/ горды́ни обличе́ние,/ смире́нным же предста́тель и науче́ние:/ те́мже и ублажа́ющим тя грехо́в отпуще́ние испроси́,/ и оби́тель твою́ невреди́му сохрани́,// И́ове о́тче наш, многострада́льному подо́бный.ВеличаниеПреподобному Иову, игумену ПочаевскомуУблажа́ем тя,/ преподо́бне о́тче наш И́ове,/ и чтим святу́ю па́мять твою́,/ наста́вниче мона́хов// и собесе́дниче А́нгелов.Тропарь · глас 8Святителю Димитрию, митрополиту РостовскомуПравосла́вия ревни́телю и раско́ла искорени́телю,/ Росси́йский целе́бниче, и но́вый к Бо́гу моли́твенниче,/ списа́ньми твои́ми бу́их уцелому́дрил еси́,/ цевни́це духо́вная, Дими́трие блаже́нне,// моли́ Христа́ Бо́га спасти́ся душа́м на́шим.Кондак · глас 4Святителю Димитрию, митрополиту РостовскомуЗвезду́ Росси́йскую от Ки́ева возсия́вшую,/ и чрез Но́вград Се́верский в Росто́в дости́гшую,/ всю же страну́ сию́ уче́ньми и чудесы́ озари́вшую,/ ублажи́м златослове́снаго учи́теля Дими́трия,/ той бо все́м вся написа́, я́же к наставле́нию,/ да всех приобря́щет, я́коже Па́вел Христу́,// и спасе́т правове́рием ду́ши на́ша.ВеличаниеСвятителю Димитрию, митрополиту РостовскомуВелича́ем тя,/ святи́телю о́тче Дими́трие,/ и чтим святу́ю па́мять твою́,/ ты бо мо́лиши за нас// Христа́, Бо́га на́шего.Тропарь · глас 4Великомученице Параскеве, нареченной ПятницаПрему́драя и всехва́льная Христо́ва му́ченица Параске́ва,/ му́жескую кре́пость прии́мши,/ же́нскую же не́мощь отве́ргши,/ диа́вола победи́ и мучи́теля посрами́,/ вопию́щи и глаго́лющи:/ прииди́те, те́ло мое́ мече́м ссецы́те и огне́м сожги́те,/ аз бо, ра́дующися, иду́ ко Христу́, Жениху́ моему́./ Тоя́ моли́твами, Христе́ Бо́же,// спаси́ ду́ши на́ша.Ин тропарь · глас 8Великомученице Параскеве, нареченной ПятницаИ́же ве́руя и му́жеством душе́вным, тезоимени́тне,/ диа́вола посрами́ла еси́/ и мучи́тельское преще́ние и ра́ны до́блественне победи́ла еси́,/ му́ченице Параске́во, вопия́:/ мече́м сосеца́йте и огне́м сожиза́йте те́ло мое́,/ я́ко да, ра́дуюся, прииду́ Жениху́ моему́ Христу́ Бо́гу.// Его́же моли́ спасти́ся душа́м на́шим.Кондак · глас 3Великомученице Параскеве, нареченной ПятницаВсесвято́е и непоро́чное муче́ние прине́сши,/ я́ко ве́но пречестно́е, безсме́ртному Жениху́ Христу́,/ А́нгельское ликостоя́ние возвесели́ла еси́/ и победи́ла еси́ де́монския ко́зни./ Сего́ ра́ди тя че́стно ве́рою чтим,// му́ченице Параске́во многострада́льная.Тропарь · глас 4Мученикам Терентию и Неонилле и чадом ихМу́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости,/ тех моли́твами// спаси́ ду́ши на́ша.Кондак · глас 4Мученикам Терентию и Неонилле и чадом ихМу́ченическая честна́я па́мять прии́де днесь, веселя́щи вся́ческая,/ Тере́нтия прему́драго и подру́жии его́./ Те́пле у́бо стеце́мся, да прии́мем исцеле́ние,/ си́и бо благода́ть прие́мше от Ду́ха Свята́го// исцеля́ти неду́ги и боле́зни душ на́ших.Тропарь · глас 8Преподобному Стефану Савваиту, творцу каноновПравосла́вия наста́вниче, благоче́стия учи́телю и чистоты́,/ вселе́нныя свети́льниче, мона́шествующих богодухнове́нное удобре́ние,/ Стефа́не прему́дре, уче́ньми твои́ми вся просвети́л еси́, цевни́це духо́вная,// моли́ Христа́ Бо́га спасти́ся душа́м на́шим.Ин тропарь · глас 5Преподобному Стефану Савваиту, творцу каноновВоздержа́нием житие́ украси́ и стра́сти умертви́в,/ посрами́л еси́ вра́жия прило́ги, о́тче Стефа́не,/ и преложи́ся к Бо́гу, чудотво́рец показа́ся,/ в ве́чней сла́ве со А́нгелы лику́я,// с ни́ми же моли́ поми́ловати ду́ши на́ша.Кондак · глас 4Преподобному Стефану Савваиту, творцу каноновНасади́л еси́ доброде́телей рай/ и напои́л еси́ то́ками слез твои́х,/ я́ко жи́зни, всесла́вне, дре́во получи́в,/ спаси́ моли́твами твои́ми от тли ста́до твое́,/ изба́ви от обстоя́ний те́пле чту́щих тя, Стефа́не,/ тя бо предста́теля велича́йша, му́дре,// вси ве́рою и любо́вию стяжа́хом.Тропарь · глас 8Святителю Арсению, архиепископу СербскомуМи́лости наста́вниче, и благоутро́бия сокро́вище,/ е́же все́м отве́рзл еси́,/ правове́рия учи́телю, и архие́реев Боже́ственное удобре́ние,/ о́тче наш иера́рше Арсе́ние,/ ни́щих был еси́ засту́пник:/ тем моли́ Христа́ Бо́га,// просвети́ти ду́ши на́ша, да не когда́ усне́м в смерть.Кондак · глас 2Святителю Арсению, архиепископу СербскомуВ пи́щи слове́с твои́х, Богоно́се Арсе́ние,/ разу́мно ча́да твоя́ пита́я,/ язы́ком хваля́, устна́ми же пе́ние принося́, веща́нием зовы́й:// Христе́, Ты еси́ Свет неизрече́нный.ВеличаниеСвятителю Арсению, архиепископу СербскомуВелича́ем тя, святи́телю о́тче Арсе́ние, и чтим святу́ю па́мять твою́, ты бо мо́лиши за нас Христа́ Бо́га на́шего.Тропарь · глас 4Преподобному Феофилу КиевскомуОт ю́ности Христа́ возлюби́л еси́, блаже́нне Фео́филе,/ и Тому́ еди́ному рабо́тати пла́менне возжеле́л,/ непреста́нною моли́твою и юро́дством в пусты́ни Кита́евой подвиза́лся еси,/ уго́дником пече́рским подража́я./ Сего́ ра́ди вопие́м ти́:/ спаса́й на́с моли́твами твои́ми,// преподо́бне о́тче на́ш.Кондак · глас 8Преподобному Феофилу КиевскомуОт ми́ра су́етнаго изше́л еси́/ и в де́брех Кита́ева всели́лся еси́,/ преподо́бне о́тче на́ш Фео́филе./ Непреста́нным псалмопе́нием и юро́дством свои́м/ мно́гих на пу́ть спасе́ния наста́вил еси́./ Сего́ ра́ди вопие́м ти́:// моли́ Христа́ Бо́га, да спасе́т ду́ши на́ша.Кондак · глас 2Мученикам Терентию, Публию, Африкану и иже с нимиМу́ченическая честна́я па́мять прии́де дне́сь,/ веселя́щи вся́ческая,/ Тере́нтия прему́драго и дружи́ны его́./ Те́пле у́бо стеце́мся, да прии́мем исцеле́ния,/ си́и бо благода́ть от Бо́га прия́ша Ду́ха Свята́го// исцеля́ти неду́ги ду́ш на́ших.Тропарь · глас 4Священномученику Кириаку, архиепископу ИерусалимскомуИ нра́вом прича́стник,/ и престо́лом наме́стник апо́столом быв,/ дея́ние обре́л еси́, Богодухнове́нне,/ в виде́ния восхо́д,/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Кириа́че,/ моли́ Христа́ Бо́га// спасти́ся душа́м на́шим.Ин тропарь · глас 4Священномученику Кириаку, архиепископу ИерусалимскомуБла́гости научи́вся, и трезвя́ся во все́х,/ благо́ю со́вестию священноле́пно обо́лкся,/ поче́рпл еси́ от сосу́да избра́ннаго неизрече́нная/ и, ве́ру соблю́д, ра́вное тече́ние соверши́л еси́,/ священному́чениче Кириа́че,/ моли́ Христа́ Бо́га// спасти́ся душа́м на́шим.Кондак · глас 4Священномученику Кириаку, архиепископу ИерусалимскомуВо святи́телех благоче́стно пожи́в,/ и муче́ния путь проше́д,/ и́дольския угаси́л еси́ же́ртвы,/ и побо́рник быв твоему́ ста́ду, богому́дре./ Те́мже тя почита́юще та́йно вопие́м ти:/ от бед изба́ви ны при́сно твои́ми мольба́ми,// о́тче наш Кириа́че.Тропарь · глас 3Преподобному Арсению КаппадокийскомуЖитие́ богоуго́дное до́бре сконча́в,/ сосу́д че́стен Уте́шителя яви́лся еси́, богоно́сне Арсе́ние,/ чуде́с благода́ть прии́м, всем подае́ши ско́рое вспоможе́ние,/ о́тче преподо́бне,/ Христу́ Бо́гу моли́ся// дарова́ти нам ве́лию ми́лость.Тропарь · глас 2Во вторник, св. Иоанну ПредтечеПа́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.Кондак · глас 2Во вторник, св. Иоанну ПредтечеПроро́че Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде, в ми́ре пропове́дуеши покая́ние.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Мчч. Терентия и Неониллы и чад их: Сарвила, Фота, Феодула, Иеракса, Нита, Вила, Евникии (ок. 249-250) 
