среда Седмица 25-я по Пятидесятнице День церковного круга Постный день Среда, 18 ноября 2026 г. (5 ноября ст.ст.) Седмица 25-я по Пятидесятнице Свт. Ионы, архиеп. Новгородского (1470) Мчч. Галактиона и Епистимии (III) Свт. Тихона, патриарха Московского и всея Руси Апп. от 70-ти Патрова, Ерма, Лина, Гаия, Филолога (I) Свт. Григория, архиеп. Александрийского (ок. 813-820) Сщмч. Гавриила Масленникова пресвитера (1937) Постный день Иконы дня Листайте по горизонтали. Нажатие на икону откроет крупное изображение. Свт. Ионы, архиеп. Новгородского (1470) Апп. от 70-ти Патрова, Ерма, Лина, Гаия, Филолога (I) Сщмч. Гавриила Масленникова пресвитера (1937) Песнопения дняТропари, кондаки и величания · 14 песнопенийТропарь · глас 1Святителю Тихону, патриарху Московскому и всея РоссииАпо́стольских преда́ний ревни́теля/ и Христо́вой Це́ркви па́стыря до́браго,/ ду́шу свою́ за о́вцы положи́вшаго,/ жре́бием Бо́жиим избра́ннаго,/ Всеросси́йскаго патри́арха Ти́хона восхва́лим/ и к нему́ с ве́рою и упова́нием возопи́им:/ предста́тельством святи́тельским ко Го́споду/ Це́рковь Ру́сскую в тишине́ соблюди́,/ расточе́нныя ча́да ея́ во еди́но ста́до собери́,/ отступи́вшия от пра́выя ве́ры к покая́нию обрати́,/ страну́ на́шу от междоусо́бныя бра́ни сохрани́,// и мир Бо́жий лю́дям испроси́.Ин тропарь · глас 3Святителю Тихону, патриарху Московскому и всея РоссииВ годи́ну тя́жкую Бо́гом избра́нный/ в соверше́нной свя́тости и любви́ Бо́га просла́вил еси́,/ во смире́нии вели́чие, в простоте́ и кро́тости си́лу Бо́жию явля́я,/ положи́л ду́шу за Це́рковь, за лю́ди своя́,/ испове́дниче патриа́рше свя́те Ти́хоне,/ моли́ Христа́ Бо́га,/ Ему́же сораспя́лся еси́,// и ны́не спасти́ зе́млю Ру́сскую и па́ству твою́.Кондак · глас 2Святителю Тихону, патриарху Московскому и всея РоссииТи́хостию нра́ва укра́шен,/ кро́тость и милосе́рдие ка́ющимся явля́яй,/ во испове́дании правосла́вныя ве́ры и любви́ ко Го́споду/ тверд и непрекло́нен пребы́л еси́,/ святи́телю Христо́в Ти́хоне,/ моли́ся о нас да не разлучи́мся от любве́ Бо́жия,// я́же о Христе́ Иису́се, Го́споде на́шем.Тропарь · глас 4Мученикам Галактиону и ЕпистимииМу́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.Кондак · глас 4Мученикам Галактиону и ЕпистимииМу́ченик Христо́вых полко́м причто́стеся/ до́бре хра́брствовавшим,/ све́тло подвиза́вшеся, Галактио́не сла́вне,/ с честно́ю сопру́жницею и сострада́вшею тебе́ Еписти́миею.// Еди́ному Бо́гу непреста́нно моли́теся о всех нас.Тропарь · глас 4Святителю Ионе, архиепископу НовгородскомуИсправле́ние ве́ры, и о́браз кро́тости,/ и я́коже сад посреде́ рая́,/ преподо́бными де́лы твои́ми мир просвеща́еши,/ и сего́ ра́ди к моще́м твои́м любо́вию прикаса́емся и ве́рно вопие́м:/ предста́ни в по́мощь воспева́ющим па́мять твою́ светоно́сную, о́тче Ио́но,// и моли́ спасти́ся душа́м на́шим.Кондак · глас 4Святителю Ионе, архиепископу НовгородскомуСвы́ше прия́л еси́ Боже́ственную благода́ть/ хода́тайствовати Бо́гу и челове́ком,/ я́ко архиере́й возноше́ние вознося́,/ и мир лю́дем твои́м снося́,/ и оби́лие плодо́в, Ио́но блаже́нне;/ ты бо еси́ Вели́каго Нова́гра́да похвала́// и су́щих о нем ра́дость.Тропарь · глас 6Отцам Поместного Собора Церкви Русской (1917–1918 гг.)Днесь благода́ть Свята́го Ду́ха нас собра́,/ просла́вити отцы́ Собо́ра Це́ркве Ру́сския/ с Первосвяти́телем Моско́вским Ти́хоном,/ и́же ве́рныя лю́ди земли́ на́шея/ на по́двиг испове́дания пра́выя ве́ры благослови́ша// страда́нии свои́ми Це́рковь на́шу просла́виша.Кондак · глас 3Отцам Поместного Собора Церкви Русской (1917–1918 гг.)Гоне́ния и страда́ния да́же до сме́рти претерпева́юще/ и правосла́внаго Ца́рства Ру́сскаго разоре́ние облича́юще,/ отцы́ Собо́ра Це́ркве на́шея/ к покая́нию ча́да ве́рныя призыва́ют// и стоя́ти тве́рдо за ве́ру Христо́ву благословля́ют.ВеличаниеОтцам Поместного Собора Церкви Русской (1917–1918 гг.)Велича́ем вас,/ святи́и отцы́ Собо́ра Це́ркве Ру́сския,/ чтим и честна́я страда́ния ва́ша,/ я́же за Христа́// претерпе́ли есте́.ВеличаниеИно величание отцам Поместного Собора Церкви Русской (1917–1918 гг.)Велича́ем вас,/ святи́телю, о́тче Ти́хоне,/ и святи́и отцы́ Собо́ра Це́ркве Ру́сския,/ и чтим па́мять святу́ю ва́шу,/ вы бо мо́лите за нас// Христа́ Бо́га на́шего.Тропарь · глас 5Священномученику Гавриилу МасленниковуЗемли́ Миха́йловския украше́ние,/ Це́ркве Святы́я свети́льниче/ за ве́ру Христо́ву пострада́л еси́,/ свяще́нную оде́жду омочи́в в кро́ви,/ священному́чениче Гаврии́ле,/ моли́ся приле́жно ко Го́споду/ ку́пно с тобо́ю пострада́вшими,/ да страну́ на́шу Росси́йскую в ми́ре сохрани́т// и спасе́т ду́ши на́ша.Тропарь · глас 1В среду, св. КрестуСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4В среду, св. КрестуВознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
