пятница Седмица 28-я по Пятидесятнице День церковного круга Постный день Пятница, 11 декабря 2026 г. (28 ноября ст.ст.) Седмица 28-я по Пятидесятнице Сщмч. митр. Серафима Чичагова (1937) Прмч. и исп. Стефана Нового (767) Мч. Иринарха и святых семи жен (303) Мчч. Стефана, Василия, Григория, другого Григория, Иоанна и иных многих (VIII) Свт. Феодора, архиеп. Ростовского (1394) Сщмчч. Алексия Веселовского, Алексия Смирнова, Василия Завгороднего пресвитеров, прмчч. Рафаила Тюпина, Викентия Никольского и мц. Анисии Маслановой (1937); мц. Параскевы Федоровой (1938); сщмч. Николая Крылова пресвитера (1941) Обре́тение мощей прп. Сергия Сребрянского, исп. (2000) Рождественский (Филиппов) пост Иконы дня Листайте по горизонтали. Нажатие на икону откроет крупное изображение. Прмч. и исп. Стефана Нового (767) Свт. Феодора, архиеп. Ростовского (1394) Обре́тение мощей прп. Сергия Сребрянского, исп. (2000) Песнопения дняТропари, кондаки и величания · 19 песнопенийТропарь · глас 4Преподобномученику Стефану НовомуПо́стнически предподвиза́вся на горе́,/ у́мная враго́в ополче́ния/ всеору́жием Креста́ погуби́л еси́, всеблаже́нне,/ па́ки же ко страда́льчеству му́жески вооружи́лся еси́,/ уби́в Копрони́ма мече́м ве́ры,/ и обои́х ра́ди венча́лся еси́ от Бо́га,// преподобному́чениче Стефа́не приснопа́мятне.Ин тропарь · глас 3Преподобномученику Стефану НовомуЯ́ко предпросия́вый, Стефа́не, житие́м по́стническим,/ и в ми́ре облиста́л еси́ тече́нием страда́льчества,/ разгна́л еси́ мра́чную пре́лесть ерети́чествующих,/ показа́вый и́стинную сла́ву правосла́вных,/ сего́ ра́ди просла́вился// я́ко Боже́ственный свиде́тель И́стины Христо́вы.Кондак · глас 3Преподобномученику Стефану НовомуИз непло́дна, преподо́бне, ко́рене/ возрасте́ ветвь/ первострада́льцу тезоимени́те,/ мона́хов наста́вник вели́к, о́тче, яви́лся еси́/ и, я́рости не убоя́вся царя́,/ не хотя́ща Христо́в че́ствовати о́браз,/ сего́ ра́ди сконча́вся,// му́ченический вене́ц прия́л еси́, Стефа́не.Ин кондак · глас 8Преподобномученику Стефану НовомуТро́ицы рачи́теля и Боже́ственнаго Стефа́на/ восхва́лим ве́рно пе́сньми, празднолю́бцы, от се́рдца,/ я́ко почествова́вша начерта́ние кра́сное Влады́ки и Ма́тере Его́,/ и согла́сно ны́не от любве́ возопии́м ему́, ра́дующеся:// ра́дуйся, о́тче присносла́вне.ВеличаниеПреподобномученику Стефану НовомуУблажа́ем тя,/ преподобному́чениче Стефа́не,/ и чтим святу́ю па́мять твою́,/ наста́вниче мона́хов// и собесе́дниче а́нгелов.Тропарь · глас 4Святителю Феодору, архиепископу РостовскомуОт ю́ности твоея́ до́бре воспита́вся труда́ми,/ воздержа́нием, посто́м и моли́твами,/ чисту́ и непоро́чну сотвори́л еси́ ду́шу твою́./ Сего́ ра́ди на престо́л святи́тельства сел еси́/ и, я́ко звезда́ многосве́тлая, просвеща́я ве́рных сердца́/ заря́ми чуде́с твои́х, о́тче наш святи́телю Фео́доре,// и ны́не моли́ Христа́ Бо́га, да спасе́т ду́ши на́ша.Ин тропарь · глас 5Святителю Феодору, архиепископу РостовскомуОт ю́ности, прему́дре, приле́жно подвиза́вся,/ и извеще́нием Свята́го Ду́ха/ превели́кую оби́тель воздви́же Пресвя́тей Богоро́дице/ в похвалу́ Рождества́ Ея́,/ струя́ми же слез твои́х безпло́тныя враги́ погрузи́л еси́/ и жития́ твоего́ целому́дрием со а́нгельскими ли́ки совокупи́вся,/ преподо́бне о́тче Фео́доре,// с ни́миже Христа́ Бо́га моли́/ спасти́ся душа́м на́шим.Кондак · глас 2Святителю Феодору, архиепископу РостовскомуВ моли́твах Го́сподеви предстоя́,/ я́коже кре́пкий адама́нт во у́твари,/ по вся дни и но́щи пред лице́м Бо́жиим светя́ся моли́твами,/ и́хже ра́ди трудо́в Незаходи́маго Све́та сподо́бився,/ но, я́ко име́я дерзнове́ние/ к ро́ждшемуся от Святы́я Де́вы Христу́ Бо́гу на́шему,// Его́же моли́ непреста́нно о всех нас.ВеличаниеСвятителю Феодору, архиепископу РостовскомуВелича́ем тя,/ святи́телю о́тче Фео́доре,/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.Тропарь · глас 5Священномученику Серафиму (Чичагову), митрополиту ПетроградскомуВо́инство Царя́ Небе́снаго/ па́че земна́го возлюби́в,/ служи́тель пла́менный Святы́я Тро́ицы яви́лся еси́./ Наставле́ния Кроншта́дтскаго па́стыря/ в се́рдце свое́м слага́я,/ да́нная ти от Бо́га многообра́зная дарова́ния/ к по́льзе наро́да Бо́жия преумно́жил еси́./ Учи́тель благоче́стия/ и побо́рник еди́нства Церко́внаго быв,/ пострада́ти да́же до кро́ве сподо́бился еси́./ Священному́чениче Серафи́ме,/ моли́ Христа́ Бо́га// спасти́ся душа́м на́шим.Кондак · глас 6Священномученику Серафиму (Чичагову), митрополиту ПетроградскомуСаро́вскому чудотво́рцу тезоимени́т быв,/ те́плую любо́вь к нему́ име́л еси́,/ писа́ньми свои́ми по́двиги и чудеса́ того́ ми́ру возвести́в,/ ве́рныя к его́ прославле́нию подви́гл еси́/ и благода́рственнаго посеще́ния/ сама́го Преподо́бнаго сподо́бился еси́./ С ни́мже ны́не, священному́чениче Серафи́ме,/ в Небе́сных черто́зех водворя́яся,/ моли́ Христа́ Бо́га// серафи́мския ра́дости на́м прича́стником бы́ти.ВеличаниеСвященномученику Серафиму (Чичагову), митрополиту ПетроградскомуВелича́ем тя,/ священному́чениче Серафи́ме,/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.Тропарь · глас 4Преподобномученикам Рафаилу (Тюпину) и Викентию (Никольскому), ОптинскимДво́ице боголюби́вая и благонра́вная,/ О́птинския оби́тели цве́ти благоуха́ннии,/ во́ини избра́ннии му́ченическаго ли́ка,/ страда́ньми свои́ми зе́млю Ру́сскую просла́вльшии,/ Рафаи́ле доблему́дре и Вике́нтие сла́вне,/ моли́теся Христу́, добропобе́днии,// умири́ти мир и спасти́ ду́ши на́ша.Кондак · глас 2Преподобномученикам Рафаилу (Тюпину) и Викентию (Никольскому), ОптинскимТве́рдии ве́ры столпи́,/ в нощи́ безбо́жия свети́льницы благоче́стия светле́йшии/ и на стра́сти му́жественне подвиза́вшиися,/ лука́вых бесо́в прогони́телие,/ Рафаи́ле и Вике́нтие,/ моли́теся ко Го́споду,/ в Правосла́вии Оте́честву ва́шему утверди́тися// и спасти́ся душа́м на́шим.Тропарь · глас 8Преподобноисповеднику Сергию (Сребрянскому)До́блий во́инов Росси́йских па́стырю,/ благоче́стия и ве́ры кре́пкий адама́нте,/ преподобному́ченицы Елисаве́ты бо́дренный сподви́жниче,/ му́дрый наста́вниче сесте́р оби́тели Милосе́рдия,/ незло́биво у́зы претерпе́вый за Христа́/ и ве́лиих даро́в Свята́го Ду́ха сподо́бльшийся,/ испове́дниче и равноа́нгельне подви́жниче Се́ргие,/ моли́ Христа́, Ему́же до́бре послужи́л еси́// смире́ние спаси́тельное на́м дарова́ти.Ин тропарь · глас 2Преподобноисповеднику Сергию (Сребрянскому)Изде́тска мона́шескую жи́знь возжела́л еси́, преподо́бне о́тче Се́ргие, в не́йже любо́вь Христо́ву стяжа́в, па́стырь до́брый мно́гим лю́дем бы́л еси́, последи́ же и изгна́ние претерпе́в, венце́м испове́дничества украси́лся еси́. И ны́не, предстоя́ престо́лу Святы́я Тро́ицы, непреста́нно моли́ просвети́ти и спасти́ ду́ши на́ша.Кондак · глас 2Преподобноисповеднику Сергию (Сребрянскому)Я́ко звезда́ но́вая Це́ркве Ру́сския яви́лся еси́, / терпеливоду́шне Се́ргие преподобноиспове́дниче, / Христа́ Бо́га прославля́я / и в нощи́ безбо́жия путь ве́рным указу́я. / Те́мже мо́лим тя: / моли́ нам, сро́дником твои́м, / в ве́ре правосла́вней утверди́тися // и спасти́ся душа́м на́шим.Тропарь · глас 1В пятницу, св. КрестуСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4В пятницу, св. КрестуВознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Сщмч. митр. Серафима Чичагова (1937) 
