Псалтирь

Начальнику хора. Псалом Давида.

Въ коне́цъ, ѱало́мъ дв҃дꙋ,

Услышь, Боже, голос мой в молитве моей, сохрани жизнь мою от страха врага;

Оу҆слы́ши, бж҃е, гла́съ мо́й, внегда̀ моли́тимисѧ къ тебѣ̀: ѿ стра́ха вра́жїѧ и҆змѝ дꙋ́шꙋ мою̀.

укрой меня от замысла коварных, от мятежа злодеев,

Покры́й мѧ̀ ѿ со́нма лꙋка́внꙋющихъ, ѿ мно́жества дѣ́лающихъ непра́вдꙋ:

которые изострили язык свой, как меч; напрягли лук свой - язвительное слово,

и҆̀же и҆з̾ѡстри́ша ꙗ҆́кѡ ме́чь ѧ҆зы́ки своѧ̑, напрѧго́ша лꙋ́къ сво́й, ве́щь го́рькꙋ,

чтобы втайне стрелять в непорочного; они внезапно стреляют в него и не боятся.

сострѣлѧ́ти въ та́йныхъ непоро́чна: внеза́пꙋ сострѣлѧ́ютъ є҆го̀, и҆ не ᲂу҆боѧ́тсѧ.

Они утвердились в злом намерении, совещались скрыть сеть, говорили: кто их увидит?

Оу҆тверди́ша себѣ̀ сло́во лꙋка́вое: повѣ́даша скры́ти сѣ́ть, рѣ́ша: кто̀ ᲂу҆́зритъ и҆̀хъ;

Изыскивают неправду, делают расследование за расследованием даже до внутренней жизни человека и до глубины сердца.

И҆спыта́ша беззако́нїе: и҆счезо́ша и҆спыта́ющїи и҆спыта̑нїѧ: пристꙋ́питъ человѣ́къ, и҆ се́рдце глꙋбоко̀.

Но поразит их Бог стрелою: внезапно будут они уязвлены;

И҆ вознесе́тсѧ бг҃ъ: стрѣ́лы младе́нєцъ бы́ша ꙗ҆́звы и҆́хъ,

языком своим они поразят самих себя; все, видящие их, удалятся от них.

и҆ и҆знемого́ша на нѧ̀ ꙗ҆зы́цы и҆́хъ: смꙋти́шасѧ всѝ ви́дѧщїи и҆̀хъ.

И убоятся все человеки, и возвестят дело Божие, и уразумеют, что это Его дело.

И҆ ᲂу҆боѧ́сѧ всѧ́къ человѣ́къ: и҆ возвѣсти́ша дѣла̀ бж҃їѧ, и҆ творє́нїѧ є҆гѡ̀ разꙋмѣ́ша.

А праведник возвеселится о Господе и будет уповать на Него; и похвалятся все правые сердцем.

Возвесели́тсѧ првⷣникъ ѡ҆ гдⷭ҇ѣ и҆ ᲂу҆пова́етъ на него̀: и҆ похва́лѧтсѧ всѝ пра́вїи срⷣцемъ.