Книга Премудрости Иисуса, сына Сирахова

Работник, склонный к пьянству, не обогатится, и ни во что ставящий малое мало-помалу придет в упадок.

Дѣ́латель пїѧ́нивый не бꙋ́детъ бога́тъ, и҆ ᲂу҆ничижа́ѧй ма̑лаѧ по ма́лѣ ᲂу҆паде́тъ.

Вино и женщины развратят разумных, а связывающийся с блудницами сделается еще наглее;

Вїно̀ и҆ жєны̀ превратѧ́тъ разꙋми́выхъ, и҆ прилага́ѧйсѧ любодѣ́йцамъ де́рзшїй бꙋ́детъ:

гниль и черви наследуют его, и дерзкая душа истребится.

мо́лїе и҆ че́рвїе наслѣ́дѧтъ є҆го̀, и҆ дꙋша̀ де́рзостнаѧ и҆́зметсѧ.

Кто скоро доверяет, тот легкомыслен, и согрешающий грешит против души своей.

Є҆́млѧй ско́рѡ вѣ́рꙋ лего́къ се́рдцемъ, и҆ согрѣша́ѧй на дꙋ́шꙋ свою̀ согрѣша́етъ.

Преданный сердцем удовольствиям будет осужден, а сопротивляющийся вожделениям увенчает жизнь свою.

Веселѧ́йсѧ се́рдцемъ ѡ҆ ѕлонра́вїи ѡ҆бличе́нъ бꙋ́детъ, противлѧ́ѧйсѧ же похоте́мъ вѣнча́етъ живо́тъ сво́й.

Обуздывающий язык будет жить мирно, и ненавидящий болтливость уменьшит зло.

Ѡ҆бꙋздава́ѧй ѧ҆зы́къ тихоми́рнѡ поживе́тъ, и҆ ненави́дѧй велерѣ́чїѧ ᲂу҆ма́литъ поро́къ.

Никогда не повторяй слова, и ничего у тебя не убудет.

Словесѐ никогда́же повторѝ, и҆ ничто́же тебѣ̀ ᲂу҆ма́литсѧ.

Ни другу ни недругу не рассказывай и, если это тебе не грех, не открывай;

На дрꙋ́га и҆ на врага̀ не повѣ́дай, и҆ а҆́ще не бꙋ́детъ тебѣ̀ грѣха̀, не ѿкрыва́й:

ибо он выслушает тебя, и будет остерегаться тебя, и по времени возненавидит тебя.

слы́ша бо ᲂу҆ тебє̀, и҆ соблюде́тъ тѧ̀, и҆ во вре́мѧ возненави́дитъ тѧ̀.

Выслушал ты слово, пусть умрет оно с тобою: не бойся, не расторгнет оно тебя.

Слы́шалъ ли є҆сѝ сло́во, да ᲂу҆́мретъ съ тобо́ю: не ᲂу҆бо́йсѧ, не расто́ргнетъ тебѐ.

Глупый от слова терпит такую же муку, как рождающая - от младенца.

Ѿ лица̀ словесѐ поболи́тъ бꙋ́й, ꙗ҆́коже ражда́ющаѧ ѿ лица̀ младе́нца.

Что стрела, вонзенная в бедро, то слово в сердце глупого.

Стрѣла̀ вонзе́на въ стегно̀ пло́ти, та́кѡ сло́во во чре́вѣ бꙋ́ѧгѡ.

Расспроси друга твоего, может быть, не сделал он того; и если сделал, то пусть вперед не делает.

Ѡ҆бличѝ дрꙋ́га, є҆гда̀ є҆щѐ не сотвори́лъ, и҆ а҆́ще сотвори́лъ, да не приложи́тъ ктомꙋ̀:

Расспроси друга, может быть, не говорил он того; и если сказал, то пусть не повторит того.

ѡ҆бличѝ дрꙋ́га, не́гли не речѐ, и҆ а҆́ще речѐ є҆ди́ножды, да не повтори́тъ:

Расспроси друга, ибо часто бывает клевета.

ѡ҆бличѝ дрꙋ́га, мно́гажды бо быва́етъ навѣ́тъ.

Не всякому слову верь.

Не всѧ́комꙋ словесѝ є҆́мли вѣ́ры.

Иной погрешает словом, но не от души; и кто не погрешал языком своим?

Є҆́сть пополза́ѧйсѧ сло́вомъ, а҆ не дꙋше́ю: и҆ кто̀ не согрѣшѝ ѧ҆зы́комъ свои́мъ;

Расспроси ближнего твоего прежде, нежели грозить ему, и дай место закону Всевышнего. Всякая мудрость - страх Господень, и во всякой мудрости - исполнение закона.

Ѡ҆бличѝ и҆́скреннѧго своего̀ пре́жде преще́нїѧ, и҆ да́ждь мѣ́сто зако́нꙋ вы́шнѧгѡ. Всѧ́ка премꙋ́дрость стра́хъ гдⷭ҇ень, и҆ во всѧ́цѣй премꙋ́дрости творе́нїе зако́на.

И не есть мудрость знание худого. И нет разума, где совет грешников.

И҆ нѣ́сть премꙋ́дрость вѣ́дѣнїе лꙋка́вства, и҆ нѣ́сть ра́зꙋма, и҆дѣ́же совѣ́тъ грѣ́шныхъ.

Есть лукавство, и это мерзость; и есть неразумный, скудный мудростью.

Є҆́сть лꙋка́вство, и҆ то̀ ме́рзость, и҆ є҆́сть безꙋ́менъ ᲂу҆малѧ́ѧйсѧ премꙋ́дростїю.

Лучше скудный знанием, но богобоязненный, нежели богатый знанием - и преступающий закон.

Лꙋ́чше є҆́сть ᲂу҆малѧ́ѧйсѧ въ ра́зꙋмѣ боѧзли́вый, не́жели и҆збы́точествꙋѧй мꙋ́дростїю и҆ престꙋпа́ѧ зако́нъ.

Есть хитрость изысканная, но она беззаконна, и есть превращающий суд, чтобы произнести приговор.

Є҆́сть кова́рство и҆спы́тно, и҆ то̀ непра́ведно, и҆ є҆́сть развраща́ѧй благода́ть и҆звѣща́ти хотѧ̀ сꙋ́дъ.

Есть лукавый, который ходит согнувшись, в унынии, но внутри он полон коварства.

Є҆́сть лꙋка́вствꙋѧй пони́къ черното́ю, и҆ внꙋ́трєннѧѧ є҆гѡ̀ и҆спо́лнь льстѝ:

Он поник лицом и притворяется глухим, но он предварит тебя там, где и не думаешь.

пони́ча лице́мъ и҆ притворѧ́ѧйсѧ глꙋ́хъ, и҆дѣ́же не позна́нъ бы́сть, предвари́тъ тѧ̀.

И если недостаток силы воспрепятствует ему повредить тебе, то он сделает тебе зло, когда найдет случай.

И҆ а҆́ще не́мощїю крѣ́пости возбране́нъ бꙋ́детъ согрѣши́ти, а҆́ще ѡ҆брѧ́щетъ вре́мѧ, ѕло̀ сотвори́тъ.

По виду узнается человек, и по выражению лица при встрече познается разумный.

Ѿ зра́ка позна́нъ бꙋ́детъ мꙋ́жъ, и҆ срѣ́тенїемъ лица̀ позна́нъ бꙋ́детъ ᲂу҆́мный.

Одежда и осклабление зубов и походка человека показывают свойство его.

Ѡ҆дѣѧ́нїе мꙋ́жа и҆ смѣ́хъ зꙋбѡ́въ и҆ стѡпы̀ человѣ́ка возвѣстѧ́тъ, ꙗ҆̀же ѡ҆ не́мъ.

Бывает обличение, но не вовремя, и бывает, что иной молчит - и он благоразумен.

Є҆́сть ѡ҆бличе́нїе, є҆́же нѣ́сть красно̀, и҆ є҆́сть молча́й, и҆ то́й мꙋ́дръ.