Книга Премудрости Иисуса, сына Сирахова

Если поставили тебя старшим на пиру, не возносись; будь между другими как один из них:

Старѣ́йшинꙋ ли тѧ̀ поста́виша, не возноси́сѧ, но бꙋ́ди въ ни́хъ ꙗ҆́кѡ є҆ди́нъ ѿ ни́хъ:

позаботься о них и потом садись. И когда всё твое дело исполнишь, тогда займи твое место,

попецы́сѧ и҆́ми, и҆ та́кѡ сѧ́ди. И҆ всю̀ потре́бꙋ твою̀ сотвори́въ возлѧ́зи,

чтобы порадоваться на них и за хорошее распоряжение получить венок.

да возвесели́шисѧ и҆́хъ ра́ди и҆ красоты̀ ра́ди прїи́меши вѣне́цъ.

Разговор веди ты, старший,- ибо это прилично тебе,-

Глаго́ли, старѣ́йшино, подоба́етъ бо тѝ,

с основательным знанием, и не возбраняй музыки.

и҆спы́тною хи́тростїю и҆ не возбранѝ мꙋсїкі́и:

Когда слушают, не размножай разговора и безвременно не мудрствуй.

и҆дѣ́же слꙋ́шанїе (бꙋ́детъ), не и҆злива́й бесѣ́ды и҆ без̾ вре́мене не мꙋдри́сѧ.

Что рубиновая печать в золотом украшении, то благозвучие музыки в пиру за вином;

Печа́ть а҆нѳра́ѯа на ᲂу҆краше́нїи зла́тѣ, и҆ сладкогла́сїе мꙋсїкі́євъ въ пи́ршествѣ вїна̀.

что смарагдовая печать в золотой оправе, то приятность песней за вкусным вином.

Во ᲂу҆краше́нїи златѣ́мъ печа́ть смара́гдова, сладкопѣ́нїе мꙋсїкі́євъ по сла́дцѣмъ вїнѣ̀.

Говори, юноша, если нужно тебе, едва слова два, когда будешь спрошен,

Глаго́ли, ю҆́ноше, а҆́ще тебѣ̀ є҆́сть потре́ба, є҆два̀ два́щи, а҆́ще вопроше́нъ бꙋ́деши:

говори главное, многое в немногих словах. Будь как знающий и, вместе, как умеющий молчать.

сократѝ сло́во, ма́лыми мнѡ́гаѧ (и҆зглаго́ли): бꙋ́ди ꙗ҆́кѡ вѣ́дый и҆ вкꙋ́пѣ молчѧ̀.

Среди вельмож не равняйся с ними, и, когда говорит другой, ты много не говори.

Посредѣ̀ вельмо́жъ не ра́венъ твори́сѧ и҆ и҆но́мꙋ глаго́лющꙋ не многосло́ви.

Грому предшествует молния, а стыдливого предваряет благорасположение.

Пре́жде гро́ма предварѧ́етъ мо́лнїѧ, и҆ пре́жде стыдли́вагѡ предварѧ́етъ благода́ть.

Вставай вовремя и не будь последним; поспешай домой и не останавливайся.

Во вре́мѧ востава́й, а҆ не послѣдѝ (и҆ны́хъ), въ до́мъ ѿидѝ и҆ не лѣни́сѧ:

Там забавляйся и делай, что тебе нравится; но не согрешай гордым словом.

та́мѡ и҆гра́й и҆ творѝ помышлє́нїѧ твоѧ̑, и҆ не согрѣша́й сло́вомъ го́рдымъ.

И за это благословляй Сотворившего тебя и Насыщающего тебя Своими благами.

И҆ ѡ҆ си́хъ благословѝ сотво́ршаго тѧ̀ и҆ ᲂу҆поева́ющаго тѧ̀ ѿ бл҃гъ свои́хъ.

Боящийся Господа примет наставление, и с раннего утра обращающиеся к Нему приобретут благоволение Его.

Боѧ́йсѧ гдⷭ҇а прїи́метъ наказа́нїе, и҆ ᲂу҆́тренюющїи ѡ҆брѧ́щꙋтъ бл҃говоле́нїе.

Ищущий закона насытится им, а лицемер преткнется в нем.

И҆ща́й зако́на насы́титсѧ є҆гѡ̀, и҆ лицемѣ́рствꙋѧй соблазни́тсѧ ѡ҆ не́мъ.

Боящиеся Господа найдут суд и, как свет, возжгут правосудие.

Боѧ́щїисѧ гдⷭ҇а ѡ҆брѧ́щꙋтъ сꙋ́дъ и҆ ѡ҆правда̑нїѧ ꙗ҆́кѡ свѣ́тъ возжгꙋ́тъ.

Человек грешный уклоняется от обличения и находит извинение, согласно желанию своему.

Человѣ́къ грѣ́шникъ ᲂу҆кланѧ́етсѧ ѿ ѡ҆бличе́нїѧ и҆ по во́ли свое́й ѡ҆брѣта́етъ и҆звине́нїе.

Человек рассудительный не пренебрегает размышлением, а безрассудный и гордый не содрогается от страха и после того, как сделал что-либо без размышления.

Мꙋ́жъ совѣ́тный не пре́зритъ размышле́нїѧ, чꙋжды́й же и҆ го́рдый не ᲂу҆бои́тсѧ стра́ха и҆ по сотворе́нїи свое́мъ без̾ совѣ́та.

Без рассуждения не делай ничего, и когда сделаешь, не раскаивайся.

Без̾ совѣ́та ничесо́же творѝ, и҆ є҆гда̀ сотвори́ши, не раскаѧва́йсѧ.

Не ходи по пути, где развалины, чтобы не споткнуться о камень;

На пꙋтѝ паде́нїѧ не ходѝ и҆ не претыка́йсѧ ѡ҆ ка́менїе:

не полагайся и на ровный путь; остерегайся даже детей твоих.

не вѣ́рꙋй пꙋтѝ, въ не́мже не претыка́ешисѧ, и҆ ѿ ча̑дъ свои́хъ храни́сѧ.

Во всяком деле верь душе твоей: и это есть соблюдение заповедей.

Во всѧ́цѣмъ дѣ́лѣ бла́зѣ вѣ́рꙋй дꙋше́ю твое́ю, и҆́бо сїѐ є҆́сть соблюде́нїе за́повѣдїй.

Верующий закону внимателен к заповедям, и надеющийся на Господа не потерпит вреда.

Вѣ́рꙋѧй зако́нꙋ внима́етъ за́повѣдемъ, и҆ ᲂу҆пова́ѧй на гдⷭ҇а не ᲂу҆ма́литсѧ.