Преподобный Драгутин в Иночестве Феоктист Сербский

Боже́ственнаго стра́ха огне́м ду́шу свою́ распали́л еси́,/ очи́стився покая́нием и украси́вся кро́тостию и смире́нием,/ восте́кл еси́ к невече́рнему Све́ту – Христу́,/ преподо́бне о́тче Феокти́сте,/ и ны́не, трисо́лнечным све́том озаря́емь,/ на Небеси́ лику́еши,// моли́ о нас, ве́рою почита́ющих честну́ю па́мять твою́.

Ве́рою и́стинною укра́шен быв,/ просия́л еси́ доброде́тельми,/ хра́мы и оби́тели ще́дро помога́л еси́,/ богоми́лов же душетли́тельную е́ресь искорени́л еси́,/ сего́ ра́ди вопие́м ти:/ преподо́бне Феокти́сте, блаже́нне,/ со все́ми преподо́бными предстоя́ Христу́,// моли́ся о всех нас.