Собор Екатеринбургских Святых

Украша́ется дне́сь Свята́я Це́рковь, торжеству́ющи собо́р святы́х земли́ Екатеринбу́ржския, и я́ко заря́ми просвеща́ется све́тло в па́мяти и́х, вся́ призыва́ющи стезя́ми и́х честна́го жи́тельства ше́ствовати, и в терпе́нии спасе́ние свое́ соде́ловати; те́мже притека́юще к ни́м ве́рою, возопии́м: моли́теся ко Го́споду, ми́р дарова́ти ми́рови, и душа́м на́шим ве́лию ми́лость.

Дне́сь святы́х честны́й собо́р предстои́т в Це́ркви и неви́димо за ны́ мо́лится Бо́гу, страстоте́рпцы с преподо́бными покланя́ются, испове́дницы и пра́ведницы со блаже́нными ликовству́ют, и вси́ святи́и Це́ркве Бо́жия торжеству́ют, па́ства же земли́ Екатеринбу́ржския весели́тся: мо́лят бо вси́ ку́пно Преве́чнаго Бо́га.

Велича́ем ва́с, святи́и вси́ в земли́ Екатеринбу́ржстей просия́вшии, и чти́м святу́ю па́мять ва́шу, вы́ бо моли́те о на́с Христа́ Бо́га на́шего.