среда Седмица 4-я Великого поста День церковного круга Постный день Среда, 18 марта 2026 г. (5 марта ст.ст.) Седмица 4-я Великого поста Мч. Конона Исаврийского (I) Обретение мощей блгв. князей Феодора Смоленского и чад его Давида и Константина, Ярославских чудотворцев (1463) Прмч. Адриана Пошехонского, Ярославского (1550) Мч. Онисия (I) Мч. Конона градаря (III) Мц. Ираиды Мч. Евлогия, иже в Палестине Мч. Евлампия Прп. Исихия Постника (ок. 790) Сщмч. Николая Покровского пресвитера (1919); сщмч. Иоанна Миротворцева пресвитера и прмчч. Мардария Исаева и Феофана Графова (1938) Иконы Божией Матери, именуемой "Воспитание" Прп. Марка Постника (V) Обретение мощей свт. Луки исп., архиеп. Симферопольского (1996) Великий пост Иконы дня Листайте по горизонтали. Нажатие на икону откроет крупное изображение. Мч. Конона Исаврийского (I) Обретение мощей блгв. князей Феодора Смоленского и чад его Давида и Константина, Ярославских чудотворцев (1463) Прмч. Адриана Пошехонского, Ярославского (1550) Мч. Конона градаря (III) Мч. Евлогия, иже в Палестине Сщмч. Николая Покровского пресвитера (1919); сщмч. Иоанна Миротворцева пресвитера и прмчч. Мардария Исаева и Феофана Графова (1938) Иконы Богородицы Иконы Божией Матери, именуемой "Воспитание" Песнопения дняТропари, кондаки и величания · 21 песнопениеКондак · глас 7КрестаНе ктому́ пла́менное ору́жие/ храни́т врат Еде́мских;/ на ты́я бо на́йде пресла́вный соу́з дре́во кре́стное,/ сме́ртное жа́ло, и а́дова побе́да прогна́ся./ Предста́л бо еси́, Спа́се мой,/ вопия́ су́щим во а́де:// вни́дите па́ки в рай.Тропарь · глас 4Мученику Конону ИсаврийскомуЯ́ко де́вственника преди́вна/ и му́ченика непоколеби́ма,/ блаже́ннаго страда́льца,/ на бе́сы власть прие́мшаго,/ Ко́нона пе́сньми восхва́лим и к нему́ возопии́м:/ моли́ Христа́ Бо́га,// да спасе́т ду́ши на́ша.Кондак · глас 3Мученику Конону ИсаврийскомуЧистото́ю я́ко а́нгел на земли́ пожи́в, отону́дуже собесе́дник а́нгелом бы́ти сподо́бился еси́, и роди́тели ко Христо́ву позна́нию приве́л еси́, и, еди́наго Бо́га в Тро́ице испове́дав, пострада́л еси́ до кро́ве, му́чениче Ко́ноне, моли́ Его́ непреста́нно о все́х на́с.Ин тропарь · глас 4Благоверным князьям Феодору Смоленскому и чадам его Давиду и Константину ЯрославскимЯ́ко апо́столом сприча́стницы и вра́чеве предо́брии,/ служи́телие богоприя́тнии,/ па́мяти ва́шей боже́ственней притека́ющим,/ святи́и богому́дрии, достоблаже́ннии, благочести́вии кня́зие,/ новоявле́ннии чудотво́рцы Фео́доре и Дави́де, и Константи́не,/ соше́дшеся любо́вию в па́мять ва́шу све́тло пра́зднуем/ в пе́снех и пе́ниих, ра́дующеся Христа́ сла́вяще,/ такову́ю благода́ть дарова́вшего вам исцеле́ний,// гра́ду ва́шему Яросла́влю вели́кое утвержде́ние.Ин тропарь · глас 4Благоверным князьям Феодору Смоленскому и чадам его Давиду и Константину ЯрославскимИ́же от ю́ности Христо́вы любве́/ прилепи́вшеся усе́рдно, святи́и/ зако́ны и оправда́ния Того́ сохраня́юще,/ отню́дуже и чуде́сными дарова́нии обогати́стеся,/ исцеле́ния источа́ете и́же ве́рою вас почита́ющих,/ те́мже моли́те Христа́ Бо́га// спасти́ся душа́м на́шим.Ин тропарь · глас 4Благоверным князьям Феодору Смоленскому и чадам его Давиду и Константину ЯрославскимИзмла́да яви́стеся святи́и,/ Богому́дре Фео́доре и блаже́нне Дави́де с Константи́ном сла́вным,/ Боже́ственнии сосу́ди, избра́ннии Бо́гови./ Ны́не же источа́ете нам мно́га исцеле́ния от честны́х моще́й ва́ших,/ вся е́реси потопля́юще,/ и спаса́юще при́сно град свой,/ и всех ве́рных сохраня́юще невреди́мо/ от ви́димых и неви́димых враг./ Те́мже ве́рою мо́лим вас, святи́и:/ моли́те Христа́ Бо́га// в ми́ре сохрани́тися нам и спасти́ ду́ши на́ша.Кондак · глас 8Благоверным князьям Феодору Смоленскому и чадам его Давиду и Константину ЯрославскимБогому́дренно пресели́стеся, святи́и,/ во град, при́сно доброде́тельми цвету́щии,/ в жи́зни сей принося́ще Бо́гови плоды́ бла́ги,/ преподо́бне Фео́доре и блаже́нне Дави́де с Константи́ном сла́вным,/ и яви́стеся, я́ко многоцвету́щая ра́йская древеса́ жи́зни/ и я́ко многосве́тлыя зве́зды, в ми́ре сия́юще благода́тию,/ в доброде́тели испра́вивше жизнь свою́,/ и сего́ ра́ди получи́сте живо́т ве́чный на Небесе́х./ Те́мже благода́рственно вам зове́м:// ра́дуйтеся, всеми́рнии свети́льницы и гра́ду на́шему Яросла́влю вели́кое утвержде́ние.Тропарь · глас 4Благоверному князю Феодору СмоленскомуИзмла́да яви́лся еси́, богому́дре кня́же,/ боже́ствен сосу́д невозбра́нен Бо́гови,/ ны́не то́чиши нам многоцеле́ния,/ вся е́реси потопля́я и спаса́я при́сно свой град,/ и всех ве́рных сохраня́я, и неви́димо от ви́димых враг,/ ве́рою тя мо́лим, преподо́бне о́тче наш, кня́же Фео́доре,// моли́ спасти́ся душа́м на́шим.Кондак · глас 1Благоверному князю Феодору СмоленскомуМногому́дренне пресели́вся, преподо́бне кня́же Фео́доре, в град цвету́щ,/ при́сно плоды́ благи́я,/ яви́лся еси́ я́ко рай, па́че жи́зни,/ я́ко многосве́тлая звезда́ в ми́ре сия́я, в поще́нии испра́вив жизнь свою́,// и ны́не Того́ получи́л еси́ живо́т ве́чный на Небесе́х.Тропарь · глас 4Преподобномученику Адриану Пошехонскому, ЯрославскомуХристо́ву му́ченику Адриа́ну тезоимени́т был еси́, преподо́бне,/ мно́гия труды́ подъя́л еси́ в жи́зни вре́менней,/ оби́тель и́ноческую созида́я в пусты́ни,/ иде́же пострада́л еси́ да́же до кро́ве от злых разбо́йник/ и му́ченическую смерть от них прия́л еси́,/ Адриа́не сла́вне,/ чуде́с благода́тию обогати́вся,/ предстои́ши всех Царю́, Христу́ Бо́гу,// Его́же моли́ спасти́ся душа́м на́шим.Ин тропарь · глас 4Преподобномученику Адриану Пошехонскому, ЯрославскомуА́ще и сме́ртию ну́ждною у́мерл еси́,/ а́ще и сме́ртная сень внеза́пу на́йде на тя,/ оба́че, я́ко де́ву му́друю, ду́шу твою́ обре́те Христо́с/ и в черто́г Свой Небе́сный введе́,/ и со святы́ми всели́,/ чудесы́ возвели́чив и́мя твое́,/ Адриа́не му́чениче преподо́бне,/ Ему́же моли́тву о нас сотвори́,// па́мять твою́ почита́ющих.Кондак · глас 4Преподобномученику Адриану Пошехонскому, ЯрославскомуХриста́ ра́ди до́блественне претерпе́л еси́/ и вене́ц нетле́ния от Него́ восприя́л еси́ страда́ния своего́,/ приходя́щим же с ве́рою к тебе́ подае́ши цельбы́,/ о преподобному́чениче Адриа́не, приснопа́мятне,// моли́твениче о душа́х на́ших.Ин кондак · глас 6Преподобномученику Адриану Пошехонскому, ЯрославскомуЖите́йския молвы́ избежа́в, преподо́бне,/ в пусты́ню всели́лся еси́,/ и, та́мо оби́тель и́ноков возгради́в,/ последи́ от разбо́йник му́ченически пострада́л еси́,/ и ны́не сия́еши нетле́нием и чудесы́,/ Адриа́не многострада́льне,// моли́твенниче о душа́х на́ших.Тропарь · глас 4Преподобномученику Феофану (Графову)Мирска́го мяте́жа удали́вся,/ во оби́тель и́ноческую всели́лся еси́,/ иде́же, диа́конскаго чи́на удосто́ився,/ по́двигом до́брым подвиза́лся еси́./ Во дни же гоне́ний на Це́рковь Ру́сскую/ темни́чныя у́зы и рабо́ты го́рькия Христа́ ра́ди претерпе́в,/ тве́рдость во испове́дании ве́ры яви́л еси́./ Те́мже ны́не, во оби́телех Небе́сных пребыва́я/ и с ли́ки а́нгельскими Бо́гу предстоя́,/ помина́й нас, любо́вию чту́щих тя, // Феофа́не преподо́бне, о́тче наш.Кондак · глас 5Преподобномученику Феофану (Графову)Вы́шняго блаже́нства взыску́я,/ преподобному́чениче Феофа́не диа́коне,/ по́двигом до́брым подвиза́лся еси́,/ в годи́ну же лю́тых гоне́ний,/ любо́вь и ве́рность Христу́ сохрани́в,/ в ра́дость Го́спода твоего́ вшел еси́./ Сего́ ра́ди приле́жно мо́лим тя:/ испроси́ у Го́спода Це́ркви Ру́сстей благостоя́ние,/ Оте́честву на́шему мир// и душа́м на́шим ве́лию ми́лость.Тропарь · глас 1Святителю Луке, исповеднику, архиепископу Симферопольскому и КрымскомуВозвести́телю пути́ спаси́тельнаго,/ испове́дниче и архипа́стырю Кры́мския земли́,/ и́стинный храни́телю оте́ческих преда́ний,/ сто́лпе непоколеби́мый, Правосла́вия наста́вниче,/ врачу́ богому́дрый, святи́телю Луко́,/ Христа́ Спа́са непреста́нно моли́/ ве́ру непоколеби́му правосла́вным дарова́ти// и спасе́ние, и ве́лию ми́лость.Кондак · глас 1Святителю Луке, исповеднику, архиепископу Симферопольскому и КрымскомуЯ́ко звезда́ всесве́тлая,/ в нощи́ безбо́жия доброде́тельми просия́л еси́,/ и от гони́телей мно́го пострада́в,/ непоколеби́м ве́рою пребы́л еси́,/ враче́бною же му́дростию укра́шен,/ мно́гия лю́ди исцели́л еси́./ Сего́ ра́ди с любо́вию вопие́м ти:/ ра́дуйся, добропобе́дный испове́дниче,/ ра́дуйся, о́тче святи́телю Луко́,// ра́дуйся, земли́ Ру́сския похвало́ и утвержде́ние.Ин кондак · глас 1Святителю Луке, исповеднику, архиепископу Симферопольскому и КрымскомуЯ́коже звезда́ всесве́тлая, доброде́тельми сия́ющи,/ бы́л еси́, святи́телю,/ ду́шу же равноа́нгельну сотвори́,/ сего́ ра́ди святи́тельства са́ном поче́тся,/ во изгна́нии же от безбо́жных мно́го пострада́,/ и непоколеби́м ве́рою пребы́в,/ враче́бною му́дростию мно́гия исцели́л еси́./ Те́мже ны́не честно́е те́ло твое́ от землены́х не́др обре́тенное ди́вно Госпо́дь просла́ви,/ да вси́ ве́рнии вопие́м ти́:/ ра́дуйся, о́тче святи́телю Луко́,// земли́ Кры́мския похвало́ и утвержде́ние.Тропарь · глас 4Пресвятой Богородице пред иконой Ея «Воспитание»Воспита́вшейся во хра́ме во свята́я святы́х,/ оде́янней ве́рою и прему́дростию и безме́рным де́вством,/ Архистрати́г Гаврии́л принесе́ с небесе́ целова́ние/ и е́же ра́дуйся, ра́дуйся Благослове́нная,// ра́дуйся, Препросла́вленная, Госпо́дь с Тобо́ю.Тропарь · глас 1В среду, св. КрестуСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4В среду, св. КрестуВознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.
Обретение мощей блгв. князей Феодора Смоленского и чад его Давида и Константина, Ярославских чудотворцев (1463)
Сщмч. Николая Покровского пресвитера (1919); сщмч. Иоанна Миротворцева пресвитера и прмчч. Мардария Исаева и Феофана Графова (1938)
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
