четверг Седмица 4-я Великого поста День церковного круга Постный день Четверг, 19 марта 2026 г. (6 марта ст.ст.) Седмица 4-я Великого поста Мч. 42-х во Амморее Константина, Аетия, Феофила, Феодора, Мелиссена, Каллиста, Васоя и прочих с ними (ок. 845) Икон Божией Матери: Ченстоховской (I) "Благодатное Небо" (XIV) и Шестоковской (XVIII) Прп. Иова, в схиме Иисуса, Анзерского (1720) Прмчч. Конона и сына его Конона (270-275) Обретение Честного креста и гвоздей св. равноапостольной царицею Еленою во Иерусалиме (326) Прп. Аркадия Кипрского (IV) Великий пост Иконы дня Листайте по горизонтали. Нажатие на икону откроет крупное изображение. Прп. Иова, в схиме Иисуса, Анзерского (1720) Прп. Аркадия Кипрского (IV) Иконы Богородицы Икон Божией Матери: Ченстоховской (I) "Благодатное Небо" (XIV) и Шестоковской (XVIII) Песнопения дняТропари, кондаки и величания · 17 песнопенийКондак · глас 7КрестаНе ктому́ пла́менное ору́жие/ храни́т врат Еде́мских;/ на ты́я бо на́йде пресла́вный соу́з дре́во кре́стное,/ сме́ртное жа́ло, и а́дова побе́да прогна́ся./ Предста́л бо еси́, Спа́се мой,/ вопия́ су́щим во а́де:// вни́дите па́ки в рай.Тропарь · глас 4Мученикам иже во Аммории, сорока двумМу́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего,/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.Кондак · глас 2Мученикам иже во Аммории, сорока двумНовоявле́нныя зве́зды ве́ры,/ за Христа́ усе́рдно пострада́вшия,/ похва́льными венцы́ досто́йне вси венча́ем,/ о нас моля́щияся Христу́,// я́ко су́ще столпы́ и забра́ла христиа́нскаго нача́льства.Ин кондак · глас 4Мученикам иже во Аммории, сорока двумНа земли́ Христа́ ра́ди страда́льчествовавше,/ я́вльшеся, благочести́вии вене́чницы,/ Небеса́ прия́сте жи́ти в ра́дости:/ вся́кую бо кознь вра́жию низложи́вше боле́зньми и кровьми́ ва́ших язв,// хва́лящим свы́ше при́сно грехо́в разреше́ние подава́ете.Тропарь · глас 5Преподобному Иову, в схиме Иисусу, АнзерскомуБезмо́лвия и́стинный рачи́тель быв,/ в пусты́ню во ото́це А́нзерстем всели́лся еси́,/ преподо́бне о́тче И́ове,/ Страсте́м же Госпо́дним усе́рдне покланя́яся,/ и́мя Иису́сово в се́рдце непреста́нно носи́л еси́,/ пустынножи́телей му́дрый наста́вниче,// моли́ Христа́ Бо́га спасти́ся душа́м на́шим.Ин тропарь · глас 5Преподобному Иову, в схиме Иисусу, АнзерскомуПоказа́вый о́браз доброде́телей, ве́сь стра́ха Бо́жия и Ду́ха Свя́та испо́лнен бы́сть, Преподо́бне о́тче И́ове, безмо́лвия и́стинный рачи́тель яви́лся еси́, страсте́м Госпо́дним покланя́яся, и́мже и оби́тель воздви́гл еси́ во ото́це А́нзерстем. Пустынножи́телей наста́вниче, моли́ Христа́ Бо́га спасти́ся душа́м на́шим.Кондак · глас 8Преподобному Иову, в схиме Иисусу, АнзерскомуБоже́ственная восхожде́ния в се́рдце стяжа́в,/ и́хже ра́ди мно́ги ско́рби претерпе́л еси́,/ приста́нище обре́л еси́ в морсте́м ото́це,/ преподо́бнаго Елеаза́ра прее́мник заве́тов быв,/ Покро́вом Бо́жия Ма́тере осеня́емь,/ достоблаже́нне о́тче И́ове,// помина́й нас чту́щих святу́ю па́мять твою́.Ин кондак · глас 8Преподобному Иову, в схиме Иисусу, АнзерскомуЛюбо́вь Христо́ву в се́рдце стяжа́, ея́же ра́ди мно́ги ско́рби претерпе́вый, приста́нище обре́л еси́ в морсте́м ото́це, Преподо́бнаго Елеаза́ра заве́тов ве́рный прее́мник яви́лся еси́, покро́вом Бо́жия Ма́тере осеня́емый: достоблаже́нне о́тче И́ове, помина́й на́с, чту́щих святу́ю па́мять твою́.Тропарь · глас 8Равноапостольным царю Константину Великому и матери его, царице ЕленеКреста́ Твоего́ о́браз на Небеси́ ви́дев/ и, я́коже Па́вел, зва́ние не от челове́к прие́м,/ в царе́х апо́стол Твой, Го́споди,/ Ца́рствующий град в руце́ Твое́й положи́,/ его́же спаса́й всегда́ в ми́ре моли́твами Богоро́дицы,// Еди́не Человеколю́бче.Кондак · глас 3Равноапостольным царю Константину Великому и матери его, царице ЕленеКонстанти́н днесь с ма́терию Еле́ною/ Крест явля́ют, всечестно́е дре́во,/ всех у́бо иуде́ев посрамле́ние су́ще,/ ору́жие же на проти́вныя ве́рных люде́й:// нас бо ра́ди яви́ся зна́мение ве́лие// и во бране́х гро́зное.Тропарь · глас 4Пресвятой Богородице пред иконой Ея «Ченстоховской»Непобеди́мая Побе́до, Влады́чице Ченстохо́вская: дре́вняго и́же о на́с благоволе́ния Самозри́тельнице, бу́дущаго спасе́ния Храни́тельнице: покая́нием соде́лай ны́ но́выя но́вому Царю́.Тропарь · глас 6Пресвятой Богородице пред иконой Ея «Благодатное Небо»Что Тя нарече́м, о, Благода́тная?/ Не́бо? – я́ко возсия́ла еси́ Со́лнце Пра́вды;/ рай? – я́ко прозябла́ еси́ Цвет нетле́ния;/ Де́ву? – я́ко пребыла́ еси́ нетле́нна;/ Чи́стую Ма́терь? – я́ко име́ла еси́ на святы́х Твои́х объя́тиях Сы́на, всех Бо́га.// Того́ моли́ спасти́ся душа́м на́шим.Кондак · глас 6Пресвятой Богородице пред иконой Ея «Благодатное Небо»Не и́мамы ины́я по́мощи,/ не и́мамы ины́я наде́жды,/ ра́зве Тебе́, Влады́чице,/ Ты нам помози́,/ на Тебе́ наде́емся/ и Тобо́ю хва́лимся,/ Твои́ бо есмы́ раби́,// да не постыди́мся.Тропарь · глас 3В четверг, св. апостоламАпо́столи святи́и,/ моли́те Ми́лостиваго Бо́га,/ да прегреше́ний оставле́ние// пода́ст душа́м на́шим.Кондак · глас 2В четверг, св. апостоламТве́рдыя и боговеща́нныя пропове́датели,/ верх апо́столов Твои́х, Го́споди,/ прия́л еси́ в наслажде́ние благи́х Твои́х и поко́й;/ боле́зни бо о́нех и смерть прия́л еси́ па́че вся́каго всепло́дия,// Еди́не све́дый серде́чная.Тропарь · глас 4В четверг, святителю НиколаюПра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче священнонача́льниче Нико́лае,/ моли́ Христа́ Бо́га,// спасти́ся душа́м на́шим.Кондак · глас 3В четверг, святителю НиколаюВ Ми́рех, свя́те, священноде́йствитель показа́лся еси́,/ Христо́во бо, преподо́бне, Ева́нгелие испо́лнив,/ положи́л еси́ ду́шу твою́ о лю́дех твои́х/ и спасл еси́ непови́нныя от сме́рти./ Сего́ ра́ди освяти́лся еси́,// я́ко вели́кий таи́нник Бо́жия благода́ти.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Мч. 42-х во Амморее Константина, Аетия, Феофила, Феодора, Мелиссена, Каллиста, Васоя и прочих с ними (ок. 845) 
