среда Седмица 5-я по Пасхе День церковного круга Постный день Среда, 13 мая 2026 г. (30 апреля ст.ст.) Седмица 5-я по Пасхе Ап. Иакова Зеведеева (44) Свт. Игнатия Брянчанинова, еп. Кавказского и Черноморского (1867) Обретение мощей свт. Никиты, еп. Новгородского (1558) Отдание праздника Преполовения Пятидесятницы Свт. Доната, еп. Еврии (ок. 387) Обретение мощей сщмч. Василия, еп. Амасийского (IV) Мч. Максима Постный день Иконы дня Листайте по горизонтали. Нажатие на икону откроет крупное изображение. Ап. Иакова Зеведеева (44) Свт. Игнатия Брянчанинова, еп. Кавказского и Черноморского (1867) Свт. Доната, еп. Еврии (ок. 387) Песнопения дняТропари, кондаки и величания · 19 песнопенийТропарь · глас 8Преполовения ПятидесятницыПреполови́вшуся пра́зднику,/ жа́ждущую ду́шу мою́ благоче́стия напо́й вода́ми,/ я́ко всем, Спа́се, возопи́л еси́:/ жа́ждай да гряде́т ко Мне и да пие́т.// Исто́чниче жи́зни на́шея, Христе́ Бо́же сла́ва Тебе́.Кондак · глас 4Преполовения ПятидесятницыПра́зднику зако́нному преполовля́ющуся,/ всех Тво́рче и Влады́ко,/ к предстоя́щим глаго́лал еси́, Христе́ Бо́же:/ прииди́те и почерпи́те во́ду безсме́ртия./ Те́мже Тебе́ припа́даем, и ве́рно вопие́м:/ щедро́ты Твоя́ да́руй нам,// Ты бо еси́ Исто́чник жи́зни на́шея.Тропарь · глас 3Апостолу Иакову Зеведееву, брату Иоанна БогословаАпо́столе святы́й Иа́кове,/ моли́ Ми́лостиваго Бо́га,/ да прегреше́ний оставле́ние// пода́ст душа́м на́шим.Ин тропарь · глас 3Апостолу Иакову Зеведееву, брату Иоанна БогословаАпо́стол Христо́в был еси́ избра́нный/ и Богосло́ву возлю́бленному брат единоро́дный,/ всехва́льне Иа́кове,/ пою́щим тя грехо́в оставле́ние испроси́// и душа́м на́шим ве́лию ми́лость.Кондак · глас 2Апостолу Иакову Зеведееву, брату Иоанна БогословаГлас Боже́ственный слы́шав, призыва́ющ тя,/ любо́вь отца́ презре́л еси́/ и прите́кл еси́ ко Христу́, Иа́кове, с сро́дником твои́м, сла́вне,/ с ни́мже сподо́бился еси́ ви́дети// Госпо́дне Боже́ственное преображе́ние.ВеличаниеАпостолу Иакову Зеведееву, брату Иоанна БогословаВелича́ем тя́, апо́столе Христо́в Иа́кове, и чти́м боле́зни и труды́ твоя́, и́миже труди́лся еси́ во благове́стии Христо́ве.Тропарь · глас 8Святителю Игнатию (Брянчанинову), епископу Кавказскому и ЧерноморскомуПравосла́вия побо́рниче,/ покая́ния и моли́твы де́лателю и учи́телю изря́дный,/ архиере́ев богодухнове́нное украше́ние,/ мона́шествующих сла́во и похвало́:/ писа́нии твои́ми вся ны уцелому́дрил еси́./ Цевни́це духо́вная, Игна́тие богому́дре,/ моли́ Сло́ва Христа́ Бо́га,/ Его́же носи́л еси́ в се́рдце твое́м,// дарова́ти нам пре́жде конца́ покая́ние.Ин тропарь · глас 8Святителю Игнатию (Брянчанинову), епископу Кавказскому и ЧерноморскомуИзбра́нник возлю́блен Христо́ви яви́лся еси́,/ Тому́ скорбьми́ мно́гими и моли́твою непреста́нною прилепи́вся,/ благода́ть Ду́ха Свята́го стяжа́в,/ учи́тель изря́ден лю́дем был еси́./ Помина́й нас, святи́телю Игна́тие, богоно́се Росси́йский,/ да уче́нии и моли́твами твои́ми покая́ние спаси́тельное обря́щем// и любо́вию серде́чною Христу́ усво́имся.Кондак · глас 8Святителю Игнатию (Брянчанинову), епископу Кавказскому и ЧерноморскомуА́ще и соверша́л еси́ стезю́ жития́ земна́го, святи́телю Игна́тие,/ оба́че непреста́нно зрел еси́ зако́ны бытия́ ве́чнаго,/ сему́ поуча́я ученики́ словесы́ мно́гими,// и́мже после́довати и нам, свя́тче, помоли́ся.Тропарь · глас 4Святителю Никите, затворнику Печерскому, епископу НовгородскомуНаслади́вся, Богому́дре, воздержа́ния/ и жела́ние пло́ти твоея́ обузда́в,/ на престо́ле святи́тельства сел еси́,/ и я́ко звезда́ многосве́тлая, просвеща́я ве́рных сердца́/ заря́ми чуде́с твои́х,/ о́тче наш, святи́телю Ники́то,/ и ны́не моли́ Христа́ Бо́га,// да спасе́т ду́ши на́ша.Ин тропарь · глас 2Святителю Никите, затворнику Печерскому, епископу НовгородскомуНебе́снаго простра́нства жела́я,/ от ю́ности в те́сне ме́сте затвори́лся еси́,/ в не́мже прельще́н быв от врага́,/ па́ки смире́нием и послуша́нием победи́л еси́ преле́стника кре́пце, Ники́то,/ и ны́не, предстоя́ Христо́ви,// моли́ спасти́ся всем нам.Кондак · глас 6Святителю Никите, затворнику Печерскому, епископу НовгородскомуАрхиере́йства са́ном почти́вся/ и чи́сте Чисте́йшему предстоя́,/ приле́жно моле́ние за лю́ди твоя́ приноси́л еси́,/ я́ко и дождь моли́твою све́л еси́,/ овогда́ же и гра́да запале́ния угаси́л еси́./ И ны́не, святи́телю Ники́то,/ моли́ Христа́ Бо́га,/ спасти́ лю́ди твоя́ моля́щияся,/ да вси́ вопие́м ти́:// ра́дуйся, святи́телю, о́тче преди́вный.Ин кондак · глас 1Святителю Никите, затворнику Печерскому, епископу НовгородскомуПобеди́в вра́жия ле́сти до́бле/ и све́тло доброде́тельми просия́в,/ святи́тельства оде́ждою обле́клся еси́, пресла́вне Ники́то,/ в не́мже све́том жития́ твоего́ и чудесы́ сия́я па́че со́лнца,/ мно́гих просвети́в, приве́л еси́ Христо́ви,// Его́же моли́ о нас, пою́щих тя.Тропарь · глас 8Святителю Донату, епископу ЕврийскомуБлаги́й яре́м Христо́в и бре́мя легко́ Ева́нгельскаго уче́ния взем,/ иера́рше Дона́те Богоблаже́нне,/ вельми́ подвиза́лся еси́ во вре́менней жи́зни,/ архиере́й у́бо Богоуго́ден быв,/ до́бре пасы́й лю́ди Бо́жия,/ просвети́в ты́я уче́нием,/ чудотворе́нием вселе́нную удиви́л еси́./ Сего́ ра́ди мо́лим тя:/ да изба́вит нас Христо́с Бог от вся́ких бед// и Небе́снаго блаже́нства сподо́бит.Ин тропарь · глас 4Святителю Донату, епископу ЕврийскомуБлаже́н де́латель и украси́тель Це́ркве Христо́вы,/ о́тче Дона́те, был еси́,/ непреста́нно попече́ние о ста́де твое́м стяжа́в,/ науча́я и руководя́ о́но в любви́ Сы́на Бо́жия,/ не то́кмо бо в твое́м гра́де мно́гий наро́д,/ но в Константино́поле самоде́ржца и в нем вся лю́ди/ удиви́л еси́/ пресла́вными чудесы́ твои́ми./ Богоуго́дныя у́бо мольбы́/ сотворя́я ко Христу́ Бо́гу,/ помо́щник скор всем яви́ся,/ предстоя́ Всесвяте́й Тро́ице,/ в Вы́шних моли́ Ю́ о всех нас,// да спасе́т ду́ши на́ша.Кондак · глас 8Святителю Донату, епископу ЕврийскомуКрасото́ Це́ркве, утверди́вшияся на ка́мени — Боговоплоще́нном Спа́се Христе́,/ Богоправи́мое доброде́телей прави́ло,/ Дона́те, досточу́дный чудотво́рче,/ я́ко иера́рх име́еши дерзнове́ние всетворя́щему Бо́гу о лю́дех моли́тися,/ враго́в ви́димых и неви́димых предста́тельством твои́м свободи́ вопию́щия:// сла́ва в Тро́ице Еди́ному Бо́гу.Кондак · глас 4Священномученику Василию, епископу АмасийскомуЦаре́во повеле́ние преоби́дев,/ Ца́рство Небе́сное получи́л еси́, Васи́лие,/ в не́мже лику́я,/ помина́й нас, чту́щих па́мять твою́,// священному́чениче.Тропарь · глас 1В среду, св. КрестуСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4В среду, св. КрестуВознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Обретение мощей свт. Никиты, еп. Новгородского (1558) 
