вторник Седмица 1-я по Пятидесятнице День церковного круга Вторник, 2 июня 2026 г. (20 мая ст.ст.) Седмица 1-я по Пятидесятнице Обретение мощей свт. Алексия, митр. Московского, всея России чудотворца (1431) Мчч. Фалалея, Александра и Астерия (284) Мч. Аскалона (ок. 287) Блгв. кн. Довмонта, во св. Крещении Тимофея, Псковского (1299) Прпп. Завулона и Сосанны, родителей равноапостольной Нины (III-IV) Иконы дня Листайте по горизонтали. Нажатие на икону откроет крупное изображение. Обретение мощей свт. Алексия, митр. Московского, всея России чудотворца (1431) Блгв. кн. Довмонта, во св. Крещении Тимофея, Псковского (1299) Песнопения дняТропари, кондаки и величания · 17 песнопенийТропарь · глас 8На День Святой ТроицыБлагослове́н еси́, Христе́ Бо́же наш,/ И́же прему́дры ловцы́ явле́й,/ низпосла́в им Ду́ха Свята́го,/ и те́ми уловле́й вселе́нную,// Человеколю́бче, сла́ва Тебе́.Кондак · глас 8На День Святой ТроицыЕгда́ снизше́д язы́ки слия́,/ разделя́ше язы́ки Вы́шний,/ егда́ же о́гненныя язы́ки раздая́ше,/ в соедине́ние вся́ призва́,// и согла́сно сла́вим Всесвята́го Ду́ха.Ин тропарь · глас 2Святителю Алексию, митрополиту Киевскому и всея Руси, на обретение мощейЯ́ко сокро́вище пребога́тое, многоле́тно в земли́ сокрове́нное,/ честны́я мо́щи твоя́ обрето́шася чудоточа́щия,/ всеблаже́нне о́тче святи́телю Алекси́е:/ от ни́хже врачевство́ прие́млюще, обогаща́емся/ и Христа́ славосло́вим, глаго́люще:// сла́ва прославля́ющему святы́я Своя́.Ин кондак · глас 8Святителю Алексию, митрополиту Киевскому и всея Руси, на обретение мощейЯ́ко со́лнце незаходи́мое, от гро́ба возсия́ нам/ от мног лет сокрове́ны честны́я твоя́ мо́щи нетле́нны,/ святи́телю Алекси́е,/ тобо́ю благода́ть прие́млем:/ всю бо страну́ сию́ и вся ны чудесы́ и добро́тою обогаща́еши,/ де́йством благода́ти, да пое́м ти:// ра́дуйся, о́тче, свети́ло Росси́и.Ин тропарь · глас 4Святителю Алексию, митрополиту Киевскому и всея РусиАпо́стольских прее́мников архиере́ев сопресто́льниче,/ Росси́и всея́ па́стырю и учи́телю,/ всеблаже́нне о́тче Алекси́е,/ Влады́це всех моли́ся/ мир па́стве твое́й дарова́ти,/ и спасе́ние душа́м,// и ве́лию ми́лость.Ин тропарь · глас 3Святителю Алексию, митрополиту Киевскому и всея РусиСвы́ше от Бо́га глас глаго́лющ услы́шав,/ от ю́ности подвиза́вся, му́дре,/ в моли́твах, и во умиле́нии, и слеза́х,/ во бде́ниих же и поще́ниих о́браз быв доброде́тели,/ отоню́дуже и дом Ду́ху Пречи́стому яви́ся./ Сего́ ра́ди Ру́сския митропо́лии архиере́йским са́ном почте́н быв,/ Христо́во ста́до упа́сл еси́ до́бре,/ ерети́ческая нападе́ния, не усумне́ся, отрази́/ и це́ркви воздви́же Христо́ви, святи́телю Алекси́е,/ и́ночествующих ли́ки собра́/ и сих Христо́ви приве́л еси́./ У́мре же, яви́ся, я́ко спящ,/ цел соблюде́н бысть пред мно́гими ле́ты,/ подава́я цельбы́ боля́щим./ Тем мо́лим тя:/ моли́ Христа́ Бо́га спасти́ град твой Москву́ неврежде́н// и страну́ и правосла́вныя лю́ди по вели́цей Его́ ми́лости.Ин тропарь · глас 4Святителю Алексию, митрополиту Киевскому и всея РусиАпо́стольских догма́т опа́сна храни́теля,/ Це́ркве росси́йския па́стыря и учи́теля,/ преблаже́ннаго Алекси́я святи́теля па́мять пра́зднующе,/ славосло́вим Христа́ Бо́га на́шего пе́сньми достодо́лжными,/ дарова́вшаго нам уго́дника Своего́,/ я́ко оби́льный исто́чник, точа́щ врачева́ния,// гра́ду же Москве́ похвалу́ и утвержде́ние.Кондак · глас 8Святителю Алексию, митрополиту Киевскому и всея РусиБоже́ственнаго и пречестна́го святи́теля Христо́ва,/ но́ваго чудотво́рца Алекси́я,/ ве́рно вси пою́ще, лю́дие, любо́вию да ублажи́м, я́ко па́стыря вели́каго,/ служи́теля же и учи́теля прему́дра земли́ Росси́йстей./ Днесь, в па́мять его прите́кше,/ ра́достно возопие́м песнь Богоно́сному:/ я́ко име́я дерзнове́ние к Бо́гу,/ многообра́зных нас изба́ви обстоя́ний, да зове́м ти:// ра́дуйся, утвержде́ние гра́ду на́шему.Ин кондак · глас 3Святителю Алексию, митрополиту Киевскому и всея РусиЯ́ко светоно́сная па́мять святи́теля/ всем разруши́ уны́ние/ и свет облиста́ Небе́сных даро́в,/ всех созыва́ющи на весе́лие:/ от Бо́га бо, святи́телю Алекси́е, благода́ть обре́те прогоня́ти неду́ги/ и вся челове́ки исцеля́ти,// и мни́хом же степе́нь показа́ся.Кондак · глас 3Мученику Фалалею ЭгейскомуМу́чеником сострада́лец я́влься и ору́жник,/ во́ин изря́дный Царя́ сла́вы был еси́,/ искуше́ньми и му́кою возвыше́ние идолослужи́телей попра́л еси́,/ сего́ ра́ди честну́ю твою́ пое́м па́мять,// му́дре Фалале́е.Тропарь · глас 8Благоверному князю Довмонту, в Крещении Тимофею, ПсковскомуИ́же о́тчее нече́стие возненави́дев,/ преблаже́нне кня́же Дома́нте,/ и но́щи стра́стныя избе́г, е́же к и́долом тща́ние,/ прии́де мы́слию к Со́лнцу сла́вы — Христу́,/ озари́вся благода́тию Боже́ственнаго Креще́ния,/ и ны́не во све́те Пресвяты́я Тро́ицы предстоя́,/ моли́ Христа́ Бо́га сохрани́ти и спасти́ правосла́вныя лю́ди/ и град твой от безбо́жных ага́рян,/ и лати́н наше́ствия, и междоусо́бныя бра́ни// и спасти́ся душа́м на́шим.Ин тропарь · глас 4Благоверному князю Довмонту, в Крещении Тимофею, ПсковскомуДу́хом Бо́жиим наставля́емь,/ о́тчее нече́стие отве́ргл еси́,/ святы́й благове́рный кня́же Тимофе́е,/ потща́лся еси́ приити́ в богоспаса́емый град Псков,/ в не́мже ду́шу твою́ благода́тию свята́го Креще́ния просвети́в,/ ве́рою и любо́вию оби́тель в себе́ сотвори́л еси́ Пресвяте́й Тро́ице,/ Е́йже непреста́нно моли́ся/ дарова́ти душа́м на́шим// мир и ве́лию ми́лость.Кондак · глас 8Благоверному князю Довмонту, в Крещении Тимофею, ПсковскомуЛюбо́вию Христо́вою уязви́ся, преблаже́нне кня́же Дома́нте,/ ум впери́в заре́ю Ду́ха,/ и́дольскую пре́лесть оте́ческаго нече́стия возненави́дев,/ порожде́нием святы́я купе́ли Тимофе́й нарече́н еси́,/ слеза́ми и ми́лостынею ко Христу́ присво́ився,/ и жи́зни сей тече́ние до́бре сконча́в,/ ве́ру непоро́чну соблю́д,/ и ны́не мо́лим тя:/ моли́ Пресвяту́ю Тро́ицу и Пречи́стую Богоро́дицу/ за град Псков и за всех, притека́ющих к ра́це моще́й твои́х,/ изба́витися нам от вся́ких зол,// да тебе́ вси, я́ко те́пла засту́пника, непреста́нно почита́ем.Тропарь · глас 1Священномученику Павлу ЛазаревуСвы́ше зва́нный и Богома́терию благослове́нный,/ иере́ю честны́й и до́блий страда́льче,/ лю́дем Примо́рскаго кра́я наста́вниче/ и собо́ра но́вых му́ченик досто́йный прича́стниче,/ священному́чениче Па́вле достохва́льне,/ моли́ Пресвяту́ю Тро́ицу,/ Ю́же в земли́ на́шей просла́вил еси́, // дарова́ти нам мир и ве́лию ми́лость.Кондак · глас 3Священномученику Павлу ЛазаревуСе́рдцем ве́руя в пра́вду Бо́жию/ и усты́ испове́дуя спаси́тельный Крест Госпо́день,/ мно́гия лю́ди во и́стине утверди́л еси́/ и пред гони́тели Христа́ испове́дал еси́,/ священному́чениче Па́вле,/ сего́ ра́ди, ве́дуще тя, я́ко еди́наго от но́вых му́ченик Восто́ка земли́ на́шея/ и святы́х страда́льцев собо́ра Це́ркве Ру́сския,/ согла́сно тебе́ вопие́м:/ благода́тную по́мощь с Небесе́ нам низпосли́, // пра́зднующим любо́вию па́мять твою́.Тропарь · глас 2Во вторник, св. Иоанну ПредтечеПа́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.Кондак · глас 2Во вторник, св. Иоанну ПредтечеПроро́че Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде, в ми́ре пропове́дуеши покая́ние.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Мчч. Фалалея, Александра и Астерия (284) 
