воскресенье Неделя 3-я по Пятидесятнице Воскресенье Постный день Воскресенье, 21 июня 2026 г. (8 июня ст.ст.) Неделя 3-я по Пятидесятнице Вмч. Феодора Стратилата (319) Празднество в Вологде всем преподобным отцам Вологодским Собор Новгородских святых Собор Белорусских святых Собор Псковских святых Собор Санкт-Петербургских святых Ярославской (XIII) и Урюпинской (1821) икон Божией Матери Прп. Ефрема, Патриарха Антиохийского (545) Прп. Зосимы Финикийского (VI) Свт. Феодора, еп. Суздальского (ок. 1023) Обретение мощей страстотерпцев благоверных князей Василия и Константина Ярославских (1501) Петров (Апостольский) пост Иконы дня Листайте по горизонтали. Нажатие на икону откроет крупное изображение. Вмч. Феодора Стратилата (319) Прп. Ефрема, Патриарха Антиохийского (545) Прп. Зосимы Финикийского (VI) Свт. Феодора, еп. Суздальского (ок. 1023) Обретение мощей страстотерпцев благоверных князей Василия и Константина Ярославских (1501) Иконы Богородицы Ярославской (XIII) и Урюпинской (1821) икон Божией Матери Песнопения дняТропари, кондаки и величания · 25 песнопенийТропарь · глас 2ВоскресныеЕгда́ снизше́л еси́ к сме́рти, Животе́ Безсме́ртный,/ тогда́ а́д умертви́л еси́ блиста́нием Божества́:/ егда́ же и уме́ршия от преиспо́дних воскреси́л еси́,/ вся́ си́лы небе́сныя взыва́ху:// Жизнода́вче, Христе́ Бо́же на́ш, сла́ва Тебе́.Кондак · глас 2ВоскресныеВоскре́сл еси́ от гро́ба, Всеси́льне Спа́се,/ и а́д ви́дев чу́до, ужасе́ся,/ и ме́ртвии воста́ша;/ тва́рь же ви́дящи сра́дуется Тебе́,/ и Ада́м свесели́тся,// и ми́р, Спа́се мо́й, воспева́ет Тя́ при́сно.Тропарь · глас 4Великомученику Феодоpу СтpатилатуВоинствосло́вием и́стинным, страстоте́рпче,/ Небе́снаго Царя́ воево́да предо́брый был еси́, Фео́доре:/ ору́жиями бо ве́ры ополчи́лся еси́ му́дренно/ и победи́л еси́ де́монов полки́,/ и победоно́сный яви́лся еси́ страда́лец./ Те́мже тя ве́рою// при́сно ублажа́ем.Кондак · глас 2Великомученику Феодоpу СтpатилатуМу́жеством души́ в ве́ру оболки́йся/, и глаго́л Бо́жий а́ки копие́ в ру́ку взем, врага́ победи́л еси́,/ му́чеников преве́лий Фео́доре,// с ни́ми Христу́ Бо́гу моля́ся не преста́й о всех нас.Тропарь · глас 8Святителю Феодору, епископу Ростовскому и СуздальскомуВ моли́твах бдя, се́рдцем же о ста́де твое́м вы́ну боле́знуя,/ уче́нием свои́м всех просвети́л еси́, Фео́доре прему́дре,/ те́мже Христа́ Бо́га моли́,// в день па́мяти твоея́ дарова́ти нам ве́лию ми́лость.Ин тропарь · глас 8Святителю Феодору, епископу Ростовскому и СуздальскомуВ моли́тве бдя, Го́рняя жела́я,/ до́льняя возненави́дел еси́,/ и, се́рдцем боле́знуя, вы́ну о ста́де свое́м пече́шися,/ уче́нием бо свои́м всех просвети́л еси́,/ Фео́доре прему́дре, Христа́ Бо́га моли́ в па́мяти твое́й// дарова́ти нам ве́лию ми́лость.Кондак · глас 3Святителю Феодору, епископу Ростовскому и СуздальскомуЯ́ко ве́лие со́лнце,/ возсия́ пресла́вная па́мять твоя́, прему́дре Фео́доре,/ в не́йже подава́еши в беда́х су́щим спасе́ние,/ притека́ющим к тебе́ усе́рдно,/ благода́тию, е́юже облагодати́ тя Христо́с// в жи́зни несконча́емой.Тропарь · глас 2Благоверным князьям Василию и Константину Ярославским, на обретение мощейВа́ше оте́чество хва́лится обагре́нием крове́й ва́ших,/ Це́рковь же Бо́жия ра́дуется,/ прие́мши телеса́ ва́ша,/ лю́дие, пе́сненный лик соста́вльше,/ духо́вною цевни́цею вопию́т:/ лику́й, Васи́лие, ра́дуйся, Константи́не,// Яросла́влю сла́во и всей Росси́и ра́досте.Кондак · глас 4Благоверным князьям Василию и Константину Ярославским, на обретение мощейДнесь Це́рковь разширя́ет не́дра своя́/ и прие́млет многоцеле́бныя мо́щи ва́ши,/ добропобе́днии страда́льцы,/ Васи́лие сла́вне и Константи́не Богому́дре,/ и, я́ко шипо́к благово́нный, напоя́ется пречу́дными арома́ты,/ бога́тными чудодея́нии от неистощи́мых сокро́вищ,/ от пресла́вных моще́й ва́ших,/ и ра́достно чад свои́х созыва́ет вопи́ти, лю́дие:// ра́дуйся, дво́ице пречу́дная, оте́честву своему́ стено́ необори́мая.Ин тропарь · глас 8Благоверным князьям Василию и Константину ЯрославскимВозвы́сившеся на доброде́тель, к жела́нию кра́йнему,/ и достиго́сте к Небе́сней высоте́,/ благове́рнии вели́цыи кня́зи Васи́лие и Константи́не,/ и безстра́стным житие́м украси́сте ду́ши своя́,/ поще́нием же изря́дно победи́сте бесо́вския полки́/ и восприя́сте чи́стую со́весть,/ в моли́твах я́ко безпло́тнии пребы́сте,/ возсия́сте в ми́ре, а́ки со́лнце, пресла́внии,// моли́те спасти́ся душа́м на́шим.Тропарь · глас 8Собору Вологодских святыхЯ́ко свети́льницы всесве́тлии,/ яви́стеся в преде́лех гра́да Во́логды,/ преподо́бнии отцы́ на́ши, Волого́дстии чудотво́рцы:/ вы бо, крест Христо́в от ю́ности своея́ на ра́мена взе́мше,/ усе́рдно Тому́ после́довали есте́,/ чи́стотою Бо́гови прибли́жившеся,/ от Него́же и чуде́с дарова́нием обогати́стеся;/ те́мже и мы, с ве́рою к вам притека́юще, уми́льно глаго́лем:/ отцы́ преподо́бнии, моли́те Христа́ Бо́га// спасти́ся душа́м на́шим.Кондак · глас 2Собору Вологодских святыхВолне́ний мно́жество невла́жно проходя́ще,/ безпло́тныя враги́ струя́ми слез ва́ших кре́пко погрузи́ли есте́,/ Богому́дрии и преподо́бнии,/ и, чуде́с дар прии́мше,// моли́те непреста́нно о всех нас.Ин кондак · глас 4Собору Вологодских святыхСветоно́сный о́блак свиде́телей ве́ры и благоче́стия,/ осеня́ющ преде́лы страны́ на́шея,/ утверди́л еси́, Христе́ Царю́, на тве́рди Це́ркве Волого́дския,/ да, взира́юще на сконча́ние жи́тельства их и вене́ц сла́вы неувяда́емый,// терпе́нием тече́м на предлежа́щий нам по́двиг спасе́ния.ВеличаниеСобору Вологодских святыхВелича́ем вас,/ чудотво́рцы на́ши сла́внии Волого́дстии,/ страну́ се́верную луча́ми доброде́телей озари́вшии/ и о́браз спасе́ния ве́рным// светоявле́нно показа́вшии.Тропарь · глас 8Собору Новгородских святыхЯ́ко всесве́тлии свети́льницы,/ яви́стеся во стране́ сей,/ святи́телие Новгоро́дстии, преподо́бнии, и Христа́ ра́ди юро́дивии, и вси пра́веднии,/ посто́м насажде́ннии воздержа́нием напая́еми,/ сего́ ра́ди и сподо́бистеся бы́ти прия́телище Бо́жия Ду́ха/ и чудеса́ де́йствовати,/ моли́те Христа́ Бо́га за вся лю́ди,// спасти́ся душа́м на́шим.Ин тропарь · глас 4Собору Новгородских святыхПусты́нное житие́ возлюби́вше, преподо́бнии отцы́,/ яви́стеся Новгоро́дстей стране́, я́ко ино́е со́лнце,/ озаря́юще сию́ мо́лниями чуде́с ва́ших,/ и просвеща́ете ве́рою воспева́ющих вам:// ра́дуйтеся, по́стников похвало́ и пра́ведных удобре́ние.Кондак · глас 5Собору Новгородских святыхПреподо́бнии отцы́ и чудотво́рцы,/ уго́дницы Христо́вы,/ Новогра́дстии свети́льницы,/ и́же а́нгельским житие́м просия́вше,/ Боже́ственных сподо́бистеся даро́в,/ Спа́су служа́ще со А́нгелы непреста́нно,/ моли́те изба́витися нам от вся́каго прегреше́ния// и душа́м на́шим дарова́ти ве́лию ми́лость.ВеличаниеСобору Новгородских святыхУблажа́ем вас,/ вси святи́и земли́ Новгоро́дстей,/ и чтим святу́ю па́мять ва́шу,// вы бо мо́лите за нас Христа́ Бо́га на́шего.Тропарь · глас 5Собору Белорусских святыхПочти́ Госпо́дь Белору́сский край/ святы́ми, Ему́ благоугоди́вшими:/ святи́тели, му́ченики, преподо́бными и пра́ведными,/ ве́рно Го́сподеви послужи́вшими/ и мзду трудо́в прия́вшими./ К тем же ны́не и мы вопие́м:/ о нас моли́теся ко Го́споду,// да в ве́ре и де́лех плод добр принесе́м.Кондак · глас 3Собору Белорусских святыхБо́жии уго́дницы Белору́сския земли́/ ны́не со дерзнове́нием предстоя́т Престо́лу Святы́я Тро́ицы/ и неви́димо за ны мо́лятся Бо́гу,/ о кра́е на́шем,// прося́ нам мир и ве́лию ми́лость.ВеличаниеСобору Белорусских святыхВелича́ем вас,/ святи́и Белору́сския земли́,/ и чтим святу́ю па́мять ва́шу,/ вы бо мо́лите о нас// Христа́ Бо́га на́шего.Тропарь · глас 4Собору Санкт-Петербургских святыхДнесь све́тло красу́ется град свята́го Петра́,/ я́ко наста́ честна́го торжества́ пресла́вный день,/ во́ньже лю́дие христоимени́тии славосло́вят Бо́га Вседержи́теля,/ на брега́х Невы́ опло́т держа́вы Росси́йския утверди́вшаго,/ и воспева́ют Засту́пницу усе́рдную ро́да христиа́нскаго,/ доны́не столи́цу се́верную в ми́ре и благоде́нствии сохраня́ющую,/ велича́ют же и покрови́теля своего́,/ свята́го благове́рнаго и вели́каго кня́зя Алекса́ндра Не́вскаго,/ моли́твы ко Пресвяте́й Тро́ице вознося́щаго,/ да поми́лует Госпо́дь и на бу́дущыя времена́ лю́ди Своя́,// и покры́ет град сей благода́тию Свое́ю, я́ко милосе́рд.Кондак · глас 3Собору Санкт-Петербургских святыхДне́сь святи́и земли́ Петербу́ржския/ вку́пе с на́ми предстоя́т в Це́ркви и неви́димо за ны мо́лятся Бо́гу,/ да изба́вит нас от враг ви́димых и неви́димых,/ от неду́га и гла́да, от внеза́пныя сме́рти и от вся́каго зла́/ и спасе́т ду́ши на́ша.Тропарь · глас 3Пресвятой Богородице пред иконой Ея «Урюпинской»Яви́лася еси́ на дре́ве в Донско́й земли́,/ благода́тная Твоя́ ико́на, Богоро́дице,/ больны́я исцеля́ти, заблу́ждшия обраща́ти;/ те́мже уми́льно мо́лимся Тебе́:/ изба́ви град наш от вся́каго зла// и спаси́ лю́ди, к Тебе́ притека́ющия.Кондак · глас 5Пресвятой Богородице пред иконой Ея «Урюпинской»Всеблага́я Чи́стая Богоро́дице,/ к Тебе́ прибега́ем, ве́рнии,/ Тобо́ю бо позна́хом ми́лость Бо́жию,/ чу́дную ико́ну Твою́,// от нея́ же вси здра́вие и спасе́ние прие́млем.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
