вторник Седмица 4-я по Пятидесятнице День церковного круга Постный день Вторник, 23 июня 2026 г. (10 июня ст.ст.) Седмица 4-я по Пятидесятнице Сщмч. Тимофея, еп. Прусского (ок. 361-363) Обретение мощей свт. Василия, еп. Рязанского (1609) Собор Рязанских святых Свт. Иоанна, митр. Тобольского (1715) Собор Сибирских святых Мчч. Александра и Антонины девы (ок. 313) Прп. Феофана Антиохийского (369) Свт. Вассиана, еп. Лавдийского (409) Прп. Силуана, схимника Печерского (XIII-XIV) Сщмч. Тимофея Ульянова пресвитера (1940) Петров (Апостольский) пост Иконы дня Листайте по горизонтали. Нажатие на икону откроет крупное изображение. Собор Рязанских святых Свт. Иоанна, митр. Тобольского (1715) Собор Сибирских святых Прп. Феофана Антиохийского (369) Сщмч. Тимофея Ульянова пресвитера (1940) Песнопения дняТропари, кондаки и величания · 17 песнопенийТропарь · глас 8Святителю Иоанну, митрополиту ТобольскомуНаста́вниче благоче́стия,/ сиро́тствующих пита́телю,/ скорбя́щих уте́шителю, неду́гующих врачу́ безме́здный,/ душе́ю стра́ждущих ско́рый помо́щниче,/ те́плый моли́твенниче о всех ко Го́споду,/ святи́телю о́тче Иоа́нне,// моли́ Христа́ Бо́га, спасти́ся душа́м на́шим.Кондак · глас 2Святителю Иоанну, митрополиту ТобольскомуЯви́лся еси́ во тьме неве́дения пребыва́ющим просвети́тель,/ вдов и сиро́т уте́шитель,/ ди́вный врач немощству́ющих,/ младе́нцев и отроко́в наста́вник,/ роди́телем же пресве́тлое ра́дование,/ святи́телю о́тче Иоа́нне,/ моли́ Христа́ Бо́га пода́ти стране́ на́шей в ве́ре утвержде́ние,/ во́инству на́шему на враги́ побе́ду и одоле́ние,// лю́дем же свои́м ве́лию ми́лость.Тропарь · глас 4Священномученику Тимофею, епископу ПрусскомуИ нра́вом прича́стник,/ и престо́лом наме́стник апо́столом быв,/ дея́ние обре́л еси́, Богодухнове́нне,/ в виде́ния восхо́д,/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Тимофее,// моли́ Христа́ Бо́га// спасти́ся душа́м на́шим.Кондак · глас 4Священномученику Тимофею, епископу ПрусскомуВо святи́телех благоче́стно пожи́в,/ и муче́ния путь проше́д,/ и́дольския угаси́л еси́ же́ртвы,/ и побо́рник быв твоему́ ста́ду богому́дре./ Те́мже тя почита́юще та́йно вопие́м ти:/ от бед изба́ви ны при́сно твои́ми моли́твами,// о́тче наш Тимофее.Тропарь · глас 4Святителю Василию, епископу РязанскомуПе́рвее в Му́роме святи́тельством почте́н был еси́,/ из него́же непра́ведно изгоня́емь,/ на ма́нтию, я́ко на ле́гкий кора́бль, возше́л еси́,/ на не́йже па́че естества́, я́ко безпло́тен,/ по вода́м ше́ствие творя́,/ промышле́нием Вы́шняго и заступле́нием Богома́тере управля́емь,/ богоспаса́емаго гра́да Ряза́ни дости́гл еси́/ и в нем, архиере́йства престо́л восприи́м,/ богода́нную па́ству ряза́нскую до́бре упасл еси́,/ святи́телю о́тче наш Васи́лие,// моли́ Христа́ Бо́га спасти́ся душа́м на́шим.Кондак · глас 8Святителю Василию, епископу РязанскомуЯ́ко многосве́тлая звезда́, от гра́да Му́рома возсия́л еси́,/ святи́телю Васи́лие,/ по вода́м же доше́д до гра́да на́шего Ряза́ни,/ Це́рковь Бо́жию до́бре упасл еси́,/ просвеща́я лю́ди уче́нием и житие́м твои́м./ Помина́й и ны́не ча́да твоя́, мо́лим тя,/ наста́вниче наш до́брый,/ и за ны Христу́ Бо́гу и Пречи́стей Его́ Ма́тери моли́ся,/ да благода́рною душе́ю зове́м ти:// ра́дуйся, уго́дниче Христо́в и те́плый к Бо́гу о нас моли́твенниче.Тропарь · глас 8Собору Рязанских святыхСвяти́и вси в земли́ Ряза́нстей и Му́ромстей просия́вшии,/ при́снии на́ши моли́твенницы и засту́пницы,/ моли́те Влады́ку Христа́ Бо́га на́шего// мир вселе́нней дарова́ти и душа́м на́шим ве́лию ми́лость.Кондак · глас 8Собору Рязанских святыхЯ́ко многосве́тлыя зве́зды,/ от гра́да Ряза́ни возсия́вшии, уго́дницы Христо́вы,/ Правосла́вия охрани́тели/ и благоче́стия учи́тели,/ при́сные на́ши засту́пницы,/ мо́лим вас, за ны Христу́ Бо́гу и Пречи́стей Его́ Ма́тери моли́теся,/ да благода́рною душе́ю зове́м:// ра́дуйтеся, святи́и вси, в земли́ Ряза́нстей просия́вшии.Тропарь · глас 3Собору Сибирских святыхЦе́ркве Христо́вы свети́льницы,/ всея́ Росси́и украше́ние,/ святи́и вси, в земли́ Сиби́рстей просия́вши,/ Влады́ку всех моли́те/ мир вселе́нней дарова́ти// и душа́м на́шим ве́лию ми́лость.Ин тропарь · глас 4Собору Сибирских святыхЦе́ркве Христо́вы свети́льницы,/ всея́ Росси́и украше́ние,/ страны́ Сиби́рския просвети́телие,/ от тьмы дре́вняго неве́рия и пре́лести и́дольския лю́ди изба́вльшии,/ наста́вницы благоче́стия, святи́телие Христо́вы:/ Дими́трие, Инноке́нтие, Иоа́нне,/ Софро́ние, Па́вле, Меле́тие/ и апо́столе Инноке́нтие/ с пра́ведными Васи́лием страстоте́рпцем и Симео́ном Верхоту́рским,/ Престо́лу Го́спода Вседержи́теля предстоя́ще,/ Влады́ку всех моли́те/ мир вселе́нней дарова́ти// и душа́м на́шим ве́лию ми́лость.Кондак · глас 3Собору Сибирских святыхДнесь Собо́р Сиби́рских святы́х предстои́т в Це́ркви/ и неви́димо за ны мо́лится Бо́гу./ А́нгели со архиере́и славосло́вят,/ апо́столи же с му́ченики ликовству́ют,/ святи́и вси Це́ркве Христо́вы ра́дуются/ и па́ства Сиби́рская весели́тся:// вси бо ку́пно мо́лят Преве́чнаго Бо́га.Тропарь · глас 4Священномученику Митрофану, пресвитеру Пекинскому, и иже с ним пострадавшихМу́ченицы Твои́, Го́споди,/ в ца́рствии Кита́йстем просия́вшии,/ ве́ру Христо́ву, я́ко щит, держа́ще/ и куми́ром не покло́ньшеся,/ от единоплеме́нник обезу́мевших му́ки и смерть прия́ша,/ усты́ о́трока страстоте́рпца воспева́юще:/ боле́зни за Христа́ ни во что́же вменя́ем,/ за жизнь вре́менную жизнь ве́чную// улучи́ти жела́юще.Кондак · глас 2Священномученику Митрофану, пресвитеру Пекинскому, и иже с ним пострадавшихЯ́ко сокро́вище многоце́нное,/ триле́тне в земли́ сокрове́нное,/ обрето́шася мо́щи ва́ша, священнотаи́нниче Митрофа́не со о́вцы уче́ний твои́х,/ во гра́де Пеки́не просия́вшими,/ благода́ть неоску́дную подаю́ще душа́м на́шим./ Сего́ ра́ди с ра́достию и любо́вию воззове́м:// моли́твами страстоте́рпец, Христе́ Бо́же, поми́луй нас.Тропарь · глас 3Преподобному Силуану, схимнику Печерскому, в Дальних пещерахМно́гаго ти ра́ди воздержа́ния и безме́рнаго поще́ния/ прие́мый свы́ше благода́ть чудотворе́ния/ и к Бо́гу ве́лие дерзнове́ние стяжа́вый,/ по́стником удобре́ние, Силуа́не,/ Тому́ моли́ся,// да пода́ст нам мир и ве́лию ми́лость.Тропарь · глас 8Преподобному Силуану, схимнику Печерскому, в Дальних пещерахВ бде́нном и тре́звенном моле́нии/ и кре́пком всегда́шнем пребыва́я поще́нии,/ те́ло свое́ умерщвля́л еси́, Силуа́не преподо́бне,/ и мно́гих уче́нием твои́м в ты́яжде доброде́тели наставля́я,/ приве́л еси́ Христо́ви./ Ему́же в весе́лии днесь предстоя́,// помина́й нас, чту́щих па́мять твою́.Тропарь · глас 2Во вторник, св. Иоанну ПредтечеПа́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.Кондак · глас 2Во вторник, св. Иоанну ПредтечеПроро́че Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде, в ми́ре пропове́дуеши покая́ние.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Обретение мощей свт. Василия, еп. Рязанского (1609) 
