Пятница, 17 июля 2026 г. (4 июля ст.ст.)

Седмица 7-я по Пятидесятнице

Страстотерпцев Императора Николая II, Императрицы Александры, царевича Алексия, великих княжен Ольги, Татианы, Марии, Анастасии (1918)

Свт. Андрея, архиеп. Критского (740)

Прп. Марфы, матери прп. Симеона Дивногорца (551)

Прп. Андрея Рублева, иконописца (XV)

Галатской иконы Божией Матери

Мчч. Феодота и Феодотии (108)

Сщмч. Феодора, еп. Киринейского (310)

Блгв. вел. кн. Андрея Боголюбского (1174)

Обретение мощей прп. Евфимия, Суздальского чудотворца (1507)

Сщмчч. Саввы, еп. Горнокарловацкого (1941) (Серб.)

Сщмч. Димитрия Казанского пресвитера (1942)

Постный день

Иконы дня

Листайте по горизонтали. Нажатие на икону откроет крупное изображение.

Свт. Андрея, архиеп. Критского (740)

Прп. Андрея Рублева, иконописца (XV)

Сщмч. Феодора, еп. Киринейского (310)

Сщмч. Димитрия Казанского пресвитера (1942)

Иконы Богородицы

Галатской иконы Божией Матери

Песнопения дняТропари, кондаки и величания · 28 песнопений

Тропарь · глас 3Преподобному Андрею Рублеву, иконописцуБоже́ственнаго све́та луча́ми облиста́емый,/ преподо́бне Андре́е,/ Христа́ позна́л еси́ Бо́жию Прему́дрость и Си́лу,/ и ико́ною Святы́я Тро́ицы всему́ ми́ру пропове́дал еси́/ Еди́нство во Святе́й Тро́ице./ Мы же со удивле́нием и ра́достию вопие́м ти:/ име́яй дерзнове́ние ко Пресвяте́й Тро́ице// моли́ просвети́ти ду́ши на́ша.Кондак · глас 8Преподобному Андрею Рублеву, иконописцуОт ю́ности к Боже́ственней красоте́ устремля́яся,/ чу́дный иконопи́сец в земли́ Росси́йстей был еси́,/ и, богоно́сным твои́м учи́телем поревнова́в,/ сия́нием доброде́телей украси́лся еси́, преподо́бне Андре́е,// те́мже и яви́ся Це́ркве на́шея похвала́ и ра́дование.ВеличаниеПреподобному Андрею Рублеву, иконописцуУблажа́ем тя, преподо́бне о́тче наш Андре́е, о́браз Пресвяты́я Тро́ицы нам дарова́вый, и тем луча́ми Триипоста́снаго Божества́ всех нас просвети́вый.Тропарь · глас 8Благоверному великому князю Андрею БоголюбскомуЯ́ко благове́рен и пра́веден,/ за любо́вь Христа́ Бо́га от свои́х смерть прия́л еси́,/ кровь свою́ пролия́в,/ я́коже пре́жде сро́дницы твои́ и страстоте́рпцы Бори́с и Глеб,/ и́хже кро́вем совопие́т и твоя́ кровь, свя́те, к Бо́гу,/ я́коже А́веля и Заха́рии пра́ведных,/ благове́рный страстоте́рпче, вели́кий кня́же Андре́е,/ с ни́миже Христа́ Бо́га моли́ о стране́ на́шей, е́же Богоуго́дней бы́ти // и сыново́м росси́йским спасти́ся.Ин тропарь · глас 3Благоверному великому князю Андрею БоголюбскомуЕ́же во пло́ти житию́ твоему́ удиви́шася а́нгельстии чи́ни:/ ка́ко с те́лом к неви́димым сплете́нием изше́л еси́, пресла́вне,/ и уязви́л еси́ де́монския полки́./ Отону́дуже, Андре́е, Христо́с тебе́ воздаде́ бога́тыми дарова́ньми:// сего́ ра́ди, о́тче, моли́ спасти́ся душа́м на́шим.Кондак · глас 8Благоверному великому князю Андрею БоголюбскомуВ ми́ре сем благоче́стно и пра́ведно пожи́в,/ моли́твою, ми́лостынею и благострада́нием Бо́гу угоди́л еси́,/ сего́ ра́ди и Бог по убие́нии твое́м просла́ви тя нетле́нием и чудесы́,/ Его́же, свя́те Андре́е, моли́ сохрани́ти оте́чество твое́ // и всех люде́й, благоче́стно тебе́ почита́ющих.Ин кондак · глас 8Благоверному великому князю Андрею БоголюбскомуРодочисленный Ца́рства Ру́сскаго насле́дниче, от благочести́ваго корня кня́зя Юрия плодитель первоначальствующих Ру́сских Самоде́ржцев, Боголю́бче кня́же Андре́е, му́жество и у́м в себе́ нося́щий, в пра́вде и и́стине пред Бо́гом ходя́щий, о, ве́лий единодержавный основа́телю государства но́ваго, моли́ся, да Бе́лая Ру́сь многолюдством правосла́внаго ро́да умно́жится, и све́том Христо́вым всему́ ми́ру ди́вно яви́тся, и сла́вою Бо́жией возвели́чится.ВеличаниеБлаговерному великому князю Андрею БоголюбскомуВелича́ем тя́, святы́й вели́кий благове́рный кня́же Андре́е Боголю́бский, и чте́м святу́ю па́мять твою́, я́ко ты́ сла́вне ра́товал во бране́х со врага́ми Спа́са Христа́ Бо́га на́шего. И па́ки: Велича́ем тя́, святы́й страстоте́рпче и му́чениче кня́же Андре́е, и чте́м честны́я страда́ния твоя́, и́же за Ру́сь Святу́ю сме́рть претерпе́вый и Бо́га Христа́ просла́вивый. И па́ки: Велича́ем тя́, святы́й великому́чениче кня́же Андре́е, и почита́ем святу́ю оби́тель Богоро́дицы, и́же ты́ пречу́дно на Ру́сской Земле́ воздви́гнувый, и Бо́гом Христо́м ди́вно просла́вленный. И па́ки: Велича́ем тя́, святы́й вели́кий благове́рный Боголю́бче кня́же Андре́е, изря́дный страстоте́рпче и му́чениче, и чте́м святу́ю па́мять твою́, му́драго основа́теля свято́й оби́тели Боголюби́вой и мно́гих хра́мов Бо́жиих созда́телю.Тропарь · глас 4Святителю Андрею, архиепископу КритскомуХристо́ву Це́рковь цевни́цею язы́ка твоего́,/ песносло́вя уми́льно, возвесели́л еси́,/ богосло́вием же Препе́тыя Тро́ицы/ сла́ву всем сказа́л еси́ я́сно,/ тем тя, я́ко тайноглаго́льника, пое́м,/ Андре́е, па́стырю Кри́тский,/ и велича́ем па́мять твою́,// Христа́ сла́вяще ди́внаго во святы́х Свои́х.Ин тропарь · глас 4Святителю Андрею, архиепископу КритскомуПра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́,/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче Андре́е,/ моли́ Христа́ Бо́га// спасти́ся душа́м на́шим.Кондак · глас 2Святителю Андрею, архиепископу КритскомуВоструби́в я́сно Боже́ственная сладкопе́ния,/ яви́лся еси́ свети́льник ми́ра светле́йший,/ све́том сия́я Тро́ицы, Андре́е преподо́бне./ Те́мже вси вопие́м ти:// не преста́й моля́ся о всех нас.Тропарь · глас 8Преподобной Марфе АнтиохийскойВ тебе́, ма́ти, изве́стно спасе́ся, е́же по о́бразу:/ прии́мши бо крест, после́довала еси́ Христу́/ и, де́ющи, учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бная Ма́рфо, дух твой.Ин тропарь · глас 4Преподобной Марфе АнтиохийскойЖитие́м чи́стым и любо́вию, я́же ко Пречи́стей Бо́жией Ма́тери,/ стяжа́ла еси́ дар чадоро́дия пресла́вный,/ свети́льника ми́ру, ди́внаго Симео́на,/ тем тя, Ма́рфо,// я́ко ма́терь, о ча́де веселя́щуюся, пе́сньми ублажа́ем.Ин тропарь · глас 2Преподобной Марфе АнтиохийскойВ моли́твах Го́сподеви предстоя́щи,/ Пречи́стей Де́ве Богоро́дице пе́ние и хвалы́ принося́щи,/ Ма́рфо честна́я,/ породила́ еси́ свяще́нное отроча́,/ Симео́на преди́внаго, свети́льника всеми́рнаго,// с ни́мже моли́ при́сно о всех нас.Тропарь · глас 4Святым царственным страстотерпцамДнесь, благове́рнии лю́дие, све́тло почти́м/ седмери́цу честну́ю ца́рственных страстоте́рпец,/ Христо́ву еди́ну дома́шнюю Це́рковь:/ Никола́я и Алекса́ндру,/ Алекси́я, О́льгу, Татиа́ну, Мари́ю и Анастаси́ю./ Ти́и бо, уз и страда́ний многоразли́чных не убоя́вшеся,/ от богобо́рных смерть и поруга́ние теле́с прия́ша/ и дерзнове́ние ко Го́споду в моли́тве улучи́ша./ Сего́ ра́ди к ним с любо́вию возопии́м:/ о святи́и страстоте́рпцы,/ гла́су покая́ния и стена́нию наро́да на́шего вонми́те,/ зе́млю Росси́йскую в любви́ к Правосла́вию утверди́те,/ от междоусо́бныя бра́ни сохрани́те,/ мир ми́рови у Бо́га испроси́те// и душа́м на́шим ве́лию ми́лость.Ин тропарь · глас 5Святым царственным страстотерпцамЦа́рства земна́го лише́ние,/ у́зы и страда́ния многоразли́чныя/ кро́тко претерпе́л еси́,/ свиде́тельствовав о Христе́ да́же до сме́рти от богобо́рцев,/ страстоте́рпче вели́кий Боговенча́нный царю́ Нико́лае,/ сего́ ра́ди му́ченическим венце́м на Небесе́х,/ венча́ тя с цари́цею и ча́ды и слуги́ твои́ми Христо́с Бог,/ Его́же моли́ поми́ловати страну́ Росси́йскую// и спасти́ ду́ши на́ша.Кондак · глас 8Святым царственным страстотерпцамИзбра́ннии Царе́м ца́рствующих и Го́сподем госпо́дствующих/ от ро́да царе́й Росси́йских,/ благове́рнии му́ченицы,/ му́ки душе́вныя и смерть теле́сную за Христа́ прии́мшии/ и венцы́ Небе́сными увенча́вшиися,/ к вам, я́ко покрови́телем на́шим ми́лостивым,/ с любо́вию благода́рне вопие́м:/ ра́дуйтеся, ца́рственнии страстоте́рпцы,// за Русь Святу́ю пред Бо́гом усе́рднии моли́твенницы.Ин кондак · глас 6Святым царственным страстотерпцамНаде́жда царя́ му́ченика/ с цари́цею и ча́ды и слуги́ укрепи́,/ и к Твое́й любви́ окрыли́, бу́дущий им поко́й предвозвести́вши,// тех моли́твами, Го́споди, поми́луй нас.ВеличаниеСвятым царственным страстотерпцамВелича́ем вас,/ святи́и ца́рственнии страстоте́рпцы,/ и чтим честна́я страда́ния ва́ша,/ я́же за Христа́// претерпе́ли есте́.Тропарь · глас 5Праведному Евгению Боткину, страстотерпцуОбраз милосердия Христова являя,/ страстотерпче врачу Евгение,/ елей сострадания и вино сердечныя любве / на раны недyжных и страждущих возливал еси./ Темже, благодати исполнився,/ не устрашился еси смерть от богоборцев прияти,// да живеши со Хриcтом во веки.Кондак · глас 3Праведному Евгению Боткину, страстотерпцуБлагородству тезоименитый,/ дyши благородством просиял еси, страстотерпче:/ добре бо Господу и ближним послужил еси/ и житие твое кровию запечатлел еси./ Темже к ликом мученическим сопричте тя// Подвигоположник Хриcтос Бог наш.Тропарь · глас 1Святому благоверному царевичу Алексию РомановуБлагословенное чадо лозы добродетельной, с младенчества страданиями на крест восшедый, душу яко чистое небо имевый, и сердце – пламень к Богу горящий, святый благоверный Царевичу Алексие, с родители мужески пострадавый во искупление грехов народа Российскаго. Ныне же небесною трапезой наслаждаешися, выну Богу вопия: Господи, помилуй землю Русскую.Тропарь · глас 3Преподобному Евфимию, архимандриту СуздальскомуЯ́ко светоза́рная звезда́,/ прише́л еси́ от восто́ка на за́пад,/ оста́вив оте́чество твое́, Ни́жний Но́вград,/ и, доше́д Богоспаса́емаго гра́да Су́ждаля,/ в нем оби́тель сотвори́л еси́,/ и собра́л еси́ мона́хов мно́жества,/ и, прие́м дар чуде́с от Бо́га, о́тче Евфи́мие,/ был еси́ о Христе́ собесе́дник/ и спо́стник преподо́бному Се́ргию./ С ни́мже у Христа́ Бо́га испроси́ нам здра́вие, и спасе́ние,// и душа́м на́шим ве́лию ми́лость.Кондак · глас 2Преподобному Евфимию, архимандриту СуздальскомуВолне́ний мно́жества невла́жно преходя́,/ безпло́тныя враги́ струя́ми слез твои́х погрузи́л еси́,/ Богому́дре Евфи́мие преподо́бне,/ тем и чуде́с дар прия́л еси́,// моли́ непреста́нно о всех нас.Тропарь · глас 4Священномученику Савве, епископу ГорнокарловацкомуЯ́ко Апостолам сопресто́льник и до́м Ду́ха Свята́го яви́лся еси́, святи́телю Горнокарловацкий, ста́ду своему́, Бо́гом тебе́ да́нному. Архиерейские одея́ния свои́ кро́вию окропил еси́ и, Кре́ст Христо́в держа́, востекал еси́ от земли́ в го́рний Иерусали́м. С сослужа́щими тебе́ и со духо́вными ча́дами твои́ми ны́не предстои́ши в небе́сном же́ртвеннике Христу́ Бо́гу на́шему, Его́же со дерзнове́нием моли́ о душа́х на́ших.Кондак · глас 8Священномученику Савве, епископу ГорнокарловацкомуСветоза́рне свети́льниче Це́ркве Се́рбския, святи́телю Са́вво Горнокарловацкий, терпе́нием за ве́ру правосла́вную врага́ посрами́л еси́, ра́н добро́тою украшаем, боголе́пно украси́л еси́ кро́вию свое́ю богопоставленый престо́л тво́й, сего́ ра́ди восхваля́ем достохва́льную па́мять твою́, сла́вя Го́спода.Тропарь · глас 1В пятницу, св. КрестуСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4В пятницу, св. КрестуВознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.