воскресенье Неделя 10-я по Пятидесятнице Воскресенье Воскресенье, 9 августа 2026 г. (27 июля ст.ст.) Неделя 10-я по Пятидесятнице Вмч. и целителя Пантелеимона (305) Прп. Германа Аляскинского (1837) Собор Смоленских святых Прп. Анфисы исп., игумении и 90 сестер ее (VIII) Равноапп. Климента, еп. Охридского (916), Наума, Саввы, Горазда и Ангеляра (IX-X) Блж. Николая Кочанова, Христа ради юродивого, Новгородского (1392) Свт. Иоасафа, митр. Московского и всея Руси (1555) Сщмчч. Амвросия, еп. Сарапульского, Платона Горных и Пантелеимона Богоявленского пресвитеров (1918); сщмч. Иоанна Соловьева пресвитера (1941) Иконы дня Листайте по горизонтали. Нажатие на икону откроет крупное изображение. Вмч. и целителя Пантелеимона (305) Прп. Германа Аляскинского (1837) Блж. Николая Кочанова, Христа ради юродивого, Новгородского (1392) Свт. Иоасафа, митр. Московского и всея Руси (1555) Сщмчч. Амвросия, еп. Сарапульского, Платона Горных и Пантелеимона Богоявленского пресвитеров (1918); сщмч. Иоанна Соловьева пресвитера (1941) Песнопения дняТропари, кондаки и величания · 16 песнопенийТропарь · глас 1ВоскресныеКа́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл еси́ тридне́вный, Спа́се,/ да́руяй ми́рови жи́знь./ Сего́ ра́ди си́лы небе́сныя вопия́ху Ти́, Жизнода́вче:/ сла́ва воскресе́нию Твоему́, Христе́,/ сла́ва Ца́рствию Твоему́,// сла́ва смотре́нию Твоему́, еди́не Человеколю́бче.Кондак · глас 1ВоскресныеВоскре́сл еси́ я́ко Бо́г из гро́ба во сла́ве,/ и ми́р совоскреси́л еси́;/ и естество́ челове́ческое я́ко Бо́га воспева́ет Тя́, и сме́рть исчезе́;/ Ада́м же лику́ет, Влады́ко;/ Е́ва ны́не от у́з избавля́ема ра́дуется, зову́щи:// Ты́ еси́, И́же все́м подая́, Христе́, воскресе́ние.Тропарь · глас 3Святому великомученику и целителю ПантелеимонуСтрастоте́рпче святы́й и целе́бниче Пантелеи́моне,/ моли́ Ми́лостиваго Бо́га,/ да прегреше́ний оставле́ние// пода́ст душа́м на́шим.Кондак · глас 5Святому великомученику и целителю ПантелеимонуПодража́тель сый Ми́лостиваго/, и исцеле́ний благода́ть от Него́ прие́м,/ страстоте́рпче и му́чениче Христа́ Бо́га,/ моли́твами твои́ми душе́вныя на́ша неду́ги исцели́,/ отгоня́ при́сно борца́ собла́зны от вопию́щих ве́рно:// спаси́ ны, Го́споди.ВеличаниеСвятому великомученику и целителю ПантелеимонуВелича́ем тя,/ страстоте́рпче святы́й, великому́чениче и целе́бниче Пантелеи́моне,/ и чтим честна́я страда́ния твоя́,/ я́же за Христа́// претерпе́л еси́.Тропарь · глас 7Преподобному Герману АляскинскомуЗвездо́ пресве́тлая Це́ркве Христо́вы,/ на се́вере просия́вшая,/ вся к Ца́рствию Небе́сному путеводя́щая,/ учи́телю и апо́столе и́стинныя ве́ры,/ предста́телю и засту́пниче гони́мых,/ украше́ние изя́щное Святы́я Це́ркве во Аме́рице,/ преподо́бне о́тче Ге́рмане Аля́скинский,/ моли́ся ко Го́споду Спа́су на́шему,// спасти́ся душа́м на́шим.Ин тропарь · глас 1Преподобному Герману АляскинскомуЛо́зу Правосла́вия прине́сл еси́ в Аме́рику из Росси́и благочести́выя/ и, удобри́в ко́рень по́стническими труда́ми/ и напои́в оби́льне моли́твенными слеза́ми,/ плоды́ прине́сл еси́ - виногра́д возлю́бленный,/ Ге́рмане преблаже́нне о́тче наш./ Те́мже и Бог тя просла́ви, я́ко апо́стола преподо́бнаго,/ нетле́нием моще́й и благода́тию чуде́с,/ от них же почерпа́юще благодея́ния, восхваля́ем тя:/ сла́ва Да́вшему ти кре́пость,/ сла́ва Венча́вшему тя,// сла́ва Дарова́вшему тя Аме́рице свети́ло Правосла́вия.Кондак · глас 3Преподобному Герману АляскинскомуСвет ве́чный Христа́ Спа́са на́шего/ тя на путь ева́нгельский во Аме́рику наста́ви,/ возвести́ти весть о ми́ре ева́нгельскую./ Днесь Престо́лу Сла́вы предстоя́,/ моли́ся о стране́ твое́й и лю́дех ея́,/ о ми́ре всего́ ми́ра// и спасе́нии душ на́ших.Ин кондак · глас 8Преподобному Герману АляскинскомуВалаа́ма постри́женик, честны́й,/ возлю́бленник Бо́жия Ма́тере бы́вый,/ ревни́тель по́двигов дре́вних подви́жник но́вый,/ моли́тву, я́ко копие́ и щит, прие́мый,/ стра́шен де́моном и тьме язы́честей ста́вый,// Ге́рмане преподо́бне, моли́ Христа́ Бо́га спасти́ ду́ши на́ша.Ин кондак · глас 8Преподобному Герману АляскинскомуВзбра́нному Воево́де сво́инствовався,/ в брань вступи́л еси́ на ду́ха зло́бы в по́ле преподо́бия и апо́стольства./ И, пожа́в побе́ды обою́дныя,/ воздвиза́еши нас вопи́ти тебе́:// ра́дуйся, свя́те Ге́рмане, апо́столе преподо́бный.Ин тропарь · глас 3Преподобному Герману Аляскинскому, поемый во АмерицеПреподо́бне о́тче наш Ге́рмане,/ пе́рвый свети́льниче, в земли́ на́шей просия́вый,/ прино́сим вси тебе́ похвалы́ сия́,/ ты же, я́ко име́я дерзнове́ние ко Го́споду,/ бу́ди засту́пник нам, и уте́шитель,/ и Це́ркви на́шея покрови́тель ди́вный,/ да вси со умиле́нием зове́м ти:// ра́дуйся, о́тче наш Ге́рмане, Аля́ски и всея́ Аме́рики пресла́вный чудотво́рче.Тропарь · глас 8Блаженному Николаю Кочанову, Христа ради юродивому, НовгородскомуТерпе́нием свои́м и му́жеством/ Христа́ ра́ди во юро́дство претвори́вся, блаже́нне Нико́лае,/ ху́дость ри́зную име́я,/ тя́гость ва́ра дневна́го поне́сл еси́/ и мра́зы зи́мныя терпе́л еси́./ И ны́не, в Вы́шних Тро́ице предстоя́,/ нам, приходя́щим с ве́рою к ра́це моще́й твои́х,/ исцеле́ние подае́ши, твое́ успе́ние че́стно сла́вящим,// и мо́лиши Христа́ Бо́га спасти́ся душа́м на́шим.Ин тропарь · глас 8Блаженному Николаю Кочанову, Христа ради юродивому, НовгородскомуГо́рняя му́дрствуя,/ свя́то жи́тельствуя и сла́вы ми́ра отбега́я,/ юро́дство Христа́ ра́ди избра́л еси́, блаже́нне Нико́лае,/ и ны́не, в Вы́шних Тро́ице предстоя́,/ нам, честну́ю па́мять твою́ сла́вящим/ и с ве́рою к ра́це моще́й твои́х приходя́щим,/ исцеле́ние подае́ши// и мо́лиши Христа́ Бо́га спасти́ся душа́м на́шим.Кондак · глас 4Блаженному Николаю Кочанову, Христа ради юродивому, НовгородскомуЯ́ко Андре́я блаже́ннаго учени́к и насле́дник был еси́,/ того́ же стопа́м после́дуя, юро́диве Нико́лае Коча́нов,/ и па́ки от мирски́я ча́ди уничиже́ние и пха́ние прие́мля,/ о и́хже согреше́ниих Христу́ Бо́гу моля́ся./ По честне́м же твое́м успе́нии Вели́кий Но́вград и́мать мо́щи твоя́ в себе́,/ я́ко неистощи́мое сокро́вище,/ подае́ши бо исцеле́ние/ ве́рою к ра́це моще́й твои́х приходя́щим// и успе́ние твое́ че́стно сла́вящим.Тропарь · глас 4Собору Смоленских святыхСобо́ре святы́х земли́ Смоле́нския,/ вода́ми свяще́ннаго Днепра́ омове́нныя,/ святи́телие, преподо́бнии, страстоте́рпцы и благове́рнии,/ апо́стольскую ве́ру соблю́дшии,/ се ны́не, Святе́й Тро́ице с Богоро́дицею и ли́ки Безпло́тных предстоя́ще,/ вода́ми благоче́стия зе́млю Ру́сскую напая́ете,/ да́рующе правосла́вным по́мощь Небе́сную/ во утвержде́ние ве́ры// и спасе́ние душ на́ших.Кондак · глас 3Собору Смоленских святыхНебе́сныя Цари́цы путеводи́тельством,/ подвигополо́жницы земли́ Смоле́нския,/ земны́й путь в Правосла́вней ве́ре проше́дшии/ и святы́х оте́ц преда́ния сохра́ншии,/ моли́те путь ве́ры и нам соблюсти́,/ смире́нию смири́вшагося до сме́рти кре́стныя Сы́на Бо́жия подража́юще,/ моли́твами Богоро́дицы,// и спасти́ся душа́м на́шим.
Сщмчч. Амвросия, еп. Сарапульского, Платона Горных и Пантелеимона Богоявленского пресвитеров (1918); сщмч. Иоанна Соловьева пресвитера (1941)
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
