суббота Седмица 10-я по Пятидесятнице День церковного круга Суббота, 8 августа 2026 г. (26 июля ст.ст.) Седмица 10-я по Пятидесятнице Сщмчч. Ермолая, Ермиппа и Ермократа, иереев Никомидийских (ок. 305) Прмц. Параскевы (138-161) Прп. Моисея Угрина, Печерского (ок. 1043) Сщмч. Сергия Стрельникова пресвитера (1937) Иконы дня Листайте по горизонтали. Нажатие на икону откроет крупное изображение. Прмц. Параскевы (138-161) Прп. Моисея Угрина, Печерского (ок. 1043) Сщмч. Сергия Стрельникова пресвитера (1937) Песнопения дняТропари, кондаки и величания · 16 песнопенийТропарь · глас 8Священномученикам Ермолаю, Ермиппу и Ермократу НикомидийскимТро́ицы провозве́стницы,/ тро́ице му́чеников честна́я,/ и́дольское нече́стие обличи́вшии/ и тьмочи́сленнаго врага́ сокруши́вшии,/ ны́не, со Христо́м ца́рствующе, моли́те,/ свяще́нный Ермола́е со Ерми́ппом и Ермокра́том сла́вным,/ я́ко да и на́ша враги́ победи́м/ и прии́мем от Царя́ всех, Бо́га, ве́чный живо́т// и вене́ц нетле́нный.Ин тропарь · глас 4Священномученикам Ермолаю, Ермиппу и Ермократу НикомидийскимМу́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.Тропарь · глас 1Священномученику Ермолаю НикомидийскомуМи́ром благода́ти пома́зан,/ преблаже́нне о́тче Ермола́е,/ иере́й Бо́га Вы́шняго яви́лся еси́/ и благоче́стия све́тлый пропове́дник,/ му́ченик же тве́рдый и безме́здный врач притека́ющих к тебе́./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.Кондак · глас 4Священномученику Ермолаю НикомидийскомуЯ́ко святи́тель благоче́стно пожи́в/ и священномуче́ния вене́ц прия́л еси́./ И́дольския же́ртвы погаси́в,/ до́брый па́стырь Христо́ва ста́да был еси́, прему́дре,/ и Пантелеи́мону и́стинный учи́тель./ Сего́ ра́ди почита́ем тя пе́сньми, вопию́ще:// от бед изба́ви нас при́сно моли́твами твои́ми, Ермола́е, о́тче наш.Тропарь · глас 3Преподобному Моисею Угрину, Печерскому, в Ближних пещерахДруга́го тя Ио́сифа,/ вели́кий чистоты́ и целому́дрия рачи́телю,/ всече́стне и равноа́нгельне Моисе́е,/ свяще́нными пе́сньми восхваля́юще, гре́шнии,/ мо́лимтися приле́жно:/ моли́ Христа́ Бо́га,/ я́ко да исцели́т вся на́ша стра́сти// и пода́ст ве́лию ми́лость.Ин тропарь · глас 3Преподобному Моисею Угрину, Печерскому, в Ближних пещерахТруды́ и по́двиги со страстьми́ по чистоте́ твое́й ви́дя, свя́те,/ кто не удиви́тся?/ Глад бо, темни́цу и ра́ны прие́мля,/ не порабо́тился еси́ сласте́м ля́ховицы,/ но, я́ко царь, страстьми́ облада́яй,/ ны́не и тогда́ возпросла́вился еси́ от Всеви́дящаго челове́ческая сердца́,/ от Него́же во искуше́ниих всем посо́бствовати благода́ть прие́м,/ посо́бствуй и нам, твою́ па́мять чту́щим,// Моисе́е преподо́бне.Кондак · глас 3Преподобному Моисею Угрину, Печерскому, в Ближних пещерахВ Вы́шних еди́наго Бо́га ища́/ земна́я вся презре́л еси́,/ о телеси́ свое́м неради́в,/ на му́ки му́жески себе́ вда́л еси́,/ глад, жа́жду, у́зы, в темни́це затворя́емь, до́блественно претерпе́л еси́,/ бие́ния, кро́ве излия́ние и удо́в отре́зание,/ чи́стаго ра́ди де́вства твоего́,/ му́жески поне́сл еси́./ И ны́не с де́вственными ли́ки предстоя́ Пресвяте́й Тро́ице,/ от всех искуше́ний моли́ изба́витися вопию́щим ти:// ра́дуйся, Моисе́е, о́тче блаже́ннейший.Тропарь · глас 1Преподобномученице Параскеве РимскойТща́ние иму́щи сообра́зно и́мени твоему́, тезоимени́тая,/ равноимя́нную тебе́ ве́ру в сожи́тельство избра́ла еси́,/ Параске́во победоно́сная,// те́мже излива́еши исцеле́ния и мо́лишися о душа́х на́ших.Кондак · глас 4Преподобномученице Параскеве РимскойХрам твой, всечестна́я,/ я́ко враче́бницу душе́вную обре́тше,/ в нем вси ве́рнии/ велегла́сно почита́ем тя,// преподобному́ченице Параске́во сла́вная.Ин кондак · глас 8Преподобномученице Параскеве РимскойСтрастоте́рпице, ве́рнии, песнь Параске́ве, прииди́те, согла́сно воспои́м,/ облистава́ет бо чудесы́ в ми́ре,/ отгоня́ющи пре́лести тьму,/ подаю́щи ве́рным благода́ть незави́стную, зову́щим:// ра́дуйся, му́ченице многострада́льная.Тропарь · глас 1Священномученику Сергию СтрельниковуОршанския веси отрасль доброцветную/ и Марийския земли благолепное украшение,/ священномученика Сергия почтим,/ иже, всеусердно ближним послужив,/ в гонениих лютых паствы не разлучися/ и житие доброе страданием увенча./ Ныне же, от мощей благодать источая/ и во славе Престолу Божию предстоя,// молит даровати нам мир и велию милость.Кондак · глас 2Священномученику Сергию СтрельниковуВ молитвах твоих не оскудевая/ и благоприятным ходатайством ограждая,/ буди нам теплый предстатель пред Господем,/ яко да помощию твоею укрепляеми,/ совестию чистою и нравы благими себе украсим/ и узким путем шествовати навыкнем, зовуще:/ радуйся, священномучениче Сергие,// Православия поборниче и благочестия ревнителю.Тропарь · глас 2В субботу, всем святымАпо́столи, му́ченицы и проро́цы,/ святи́телие, преподо́бнии и пра́веднии,/ до́бре по́двиг соверши́вшии и ве́ру соблю́дшии,/ дерзнове́ние иму́ще ко Спа́су,/ о нас Того́, я́ко Бла́га, моли́те// спасти́ся, мо́лимся, душа́м на́шим.Кондак · глас 8В субботу, всем святымЯ́ко нача́тки естества́, Насади́телю тва́ри,/ вселе́нная прино́сит Ти, Го́споди, богоно́сныя му́ченики;/ тех моли́твами в ми́ре глубо́це// Це́рковь Твою́, жи́тельство Твое́ Богоро́дицею соблюди́, Многоми́лостиве.Тропарь · глас 2В субботу, за умершихПомяни́, Го́споди, я́ко благ, рабы Твоя́,/ и, ели́ка в житии́ согреши́ша, прости́:/ никто́же бо безгре́шен, то́кмо Ты,// моги́й и преста́вленным да́ти поко́й.Кондак · глас 8В субботу, за умершихСо святы́ми упоко́й,/ Христе́,/ ду́ши раб Твои́х,/ иде́же несть боле́знь, ни печа́ль,/ ни воздыха́ние,// но жизнь безконе́чная.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
Сщмчч. Ермолая, Ермиппа и Ермократа, иереев Никомидийских (ок. 305) 
