четверг Седмица 18-я по Пятидесятнице День церковного круга Четверг, 1 октября 2026 г. (18 сентября ст.ст.) Седмица 18-я по Пятидесятнице Прп. Евмения, еп. Гортинского (VII) Новомучеников и исповедников земли Владимирской Молченской (1405), именуемой "Целительница" (XVIII), и Старорусской икон Божией Матери Прославление прп. Евфросинии Суздальской, в миру Феодулии (1698) Прп. Илариона Оптинского (1873) Мц. Ариадны (II) Мцц. Софии и Ирины (III) Мчч. Бидзины, Шалвы и Элизбара, князей Ксанских (1660) (Груз.) Мч. Кастора Сщмчч. Алексия Кузнецова и Петра Дьяконова пресвитеров (1918); сщмчч. Амфилохия, еп. Красноярского, Иоанна Васильева, Бориса Боголепова, Михаила Скобелева, Владимира Чекалова, Вениамина Благонадеждина, Константина Твердислова пресвитеров и мч. Сергия Ведерникова (1937) Иконы дня Листайте по горизонтали. Нажатие на икону откроет крупное изображение. Прп. Евмения, еп. Гортинского (VII) Прославление прп. Евфросинии Суздальской, в миру Феодулии (1698) Прп. Илариона Оптинского (1873) Мц. Ариадны (II) Сщмчч. Алексия Кузнецова и Петра Дьяконова пресвитеров (1918); сщмчч. Амфилохия, еп. Красноярского, Иоанна Васильева, Бориса Боголепова, Михаила Скобелева, Владимира Чекалова, Вениамина Благонадеждина, Константина Твердислова пресвитеров и мч. Сергия Ведерникова (1937) Иконы Богородицы Молченской (1405), именуемой "Целительница" (XVIII), и Старорусской икон Божией Матери Песнопения дняТропари, кондаки и величания · 25 песнопенийТропарь · глас 1Воздвижению Честнаго и Животворящего Креста ГосподняСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4Воздвижению Честнаго и Животворящего Креста ГосподняВознесы́йся на Крест во́лею,/ тезоимени́тому Твоему́ но́вому жи́тельству/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.Тропарь · глас 7Преподобному Евмению, епископу ГортинскомуПоще́нием житие́ твое́ укра́сил еси́,/ ни́щия возлюби́в,/ и те́м разда́л еси́ все́ име́ние твое́,/ в доброде́телех возсия́л еси́, я́ко со́лнце,/ пла́чущия утеша́я и скорбя́щия веселя́,/ и на́м испроси́, мо́лимся,/ моли́твами твои́ми, Евме́ние о́тче,// от Христа́ грехо́в проще́ние.Кондак · глас 2Преподобному Евмению, епископу ГортинскомуСве́том Боже́ственным просвети́вся, всеблаже́нне,/ просвеща́еши ны,/ любо́вию пою́щия твое́ честно́е и сла́вное/ и свято́е, о́тче, преставле́ние,/ иера́рше Евме́ние,// моля́ непреста́нно о всех нас.ВеличаниеПреподобному Евмению, епископу ГортинскомуВелича́ем тя,/ святи́телю о́тче Евме́ние,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.Тропарь · глас 8Преподобной Евфросинии СуздальскойВ тебе́, ма́ти, изве́стно спасе́ся е́же по о́бразу,/ прии́мши бо крест, после́довала еси́ Христу́/ и, де́ющи, учи́ла еси́ презира́ти у́бо плоть, прехо́дит бо,/ прилежа́ти же о души́ ве́щи безсме́ртней.// Те́мже и со А́нгелы сра́дуется, преподо́бная Евфроси́ние, дух твой.Ин тропарь · глас 4Преподобной Евфросинии СуздальскойСвята́я твоя па́мять/ Су́ждальскую страну́ весели́т,/ ве́рныя же вся созыва́ет во всечестны́й храм твой,/ иде́же ны́не соверша́ется всесла́вная па́мять твоя́,/ Евфроси́ние преподо́бная,/ моли́ Христа́ Бо́га,// спасти́ся душа́м на́шим.Кондак · глас 2Преподобной Евфросинии СуздальскойДе́вства чи́стый сосу́д/ еле́ем моли́твы и любве́ испо́лнивши,/ неугаси́мый свети́льник в се́рдце свое́м возжгла́ еси́, преподо́бная,/ с ни́мже бо́дренно в сре́тение Небе́снаго Жениха́ изше́дши,/ в черто́г Того́ пресве́тлый прия́та была́ еси́,/ иде́же ны́не водворя́ющися с ли́ки А́нгелов и святы́х,/ моли́ся, мо́лимся, Христу́ Бо́гу,// ча́сти дев юро́дивых изба́витися нам.Ин кондак · глас 6Преподобной Евфросинии СуздальскойЖенише́ мой Сладча́йший,/ Христу́ взыва́ше прекра́сная Евфроси́ния,/ и́бо сла́дость любве́ Твоея́ ду́шу ми наде́жею впери́/ и красота́ ми́лости Твоея́ се́рдце ми услади́,/ сопотруди́тися страда́нии по Тебе́,/ иму́щи на Тя наде́жду,/ да досто́йну мя черто́га с му́дрыми де́вами/ и ликовствова́ти у Тебе́ причти́мся./ Те́мже, преподо́бная,/ почита́юще по́двиг трудо́в твои́х, мо́лим тя́:// моли́ не зазри́тися и нам черто́гу две́ри.Ин кондак · глас 8Преподобной Евфросинии СуздальскойДе́вства чистото́ю возжегла́ еси́ свещу́ своего́ ра́зума/ и просвети́ла еси́ душе́вную чистоту́,/ поще́нием же и бде́нием плоть порабо́тила еси́ ду́ху,/ те́мже, преподо́бная Евфроси́ние,/ почита́юще по́двиги трудо́в твои́х, мо́лимся,// моли́ Христа́ Бо́га спасти́ся душа́м на́шим.ВеличаниеПреподобной Евфросинии СуздальскойУблажа́ем тя,/ преподо́бная ма́ти Евфроси́ние,/ и чтим святу́ю па́мять твою́,/ ты бо мо́лиши за нас// Христа́, Бо́га на́шего.Тропарь · глас 4Преподобному Илариону ОптинскомуБоже́ственный врачева́телю страсте́й,/ ве́ры иску́сный ко́рмчий вои́стину,/ прия́л еси́ от Го́спода благода́ть исцеле́ний,/ и на де́монов сла́вныя побе́ды,/ Иларио́не, о́тче преди́вне,/ вся бо та́йная обличи́л еси́,/ ерети́ческия у́мыслы разори́в./ Те́мже моли́ся Христу́ Бо́гу,/ от пре́лести диа́вольския изба́вити// и спасти́ ду́ши на́ша.Ин тропарь · глас 7Преподобному Илариону ОптинскомуМи́ра кра́сная возненави́дев,/ мир душе́вный в души́ стяжа́л еси́,/ земна́я же наслажде́ния презре́в,/ Небе́сными дарова́нии обогати́лся еси́./ Те́мже, и тьму раско́ла отгна́в,/ ста́до Христо́во до́бре упа́сл еси́,/ спаса́й и нас моли́твами твои́ми,// Иларио́не ста́рче богопросвеще́нный.Кондак · глас 5Преподобному Илариону ОптинскомуСотаи́нниче ста́рцев О́птинских/ и сонасле́дниче преде́ла Влады́чицы,/ я́ко дре́во плодови́тое, в пу́стыннем вертогра́де процве́л еси́/ и, я́ко па́стырь до́брый, ста́до Христо́во утверди́л еси́./ Ны́не же моли́ Христа́ Бо́га/ в Правосла́вии сохрани́тися и в благоче́стии утверди́тися// любо́вию тя почита́ющим.Тропарь · глас 2Мученикам Бидзине, Шалве и Элизбару, князьям КсанскимПобедоносцы Господни,/ блаже́нна земля,/ напи́вшаяся кровьми́ вашими,/ и святы гробы,/ прии́мшии телеса ваша,/ на по́прище бо в них врага не́мощна сотвори́сте,/ и Христа Бога со дерзновением пропове́дасте./ Того, яко Блага, молите// поми́ловати души наша.Кондак · глас 2Мученикам Бидзине, Шалве и Элизбару, князьям КсанскимТвердый и всесве́тлый лик мученик трех,/ Трисо́лнечнаго Божества испове́дницы,/ на суди́щи ша́ховом Тому взыва́ху:/ кровь и души на́ша с телесы/ яко непоро́чную жертву/ приносим Тебе, Владыко:/ в Небе́сных Перворо́дных Твоих ны сопричти́,// яко Бог Милостивый.Тропарь · глас 4Пресвятой Богородице пред иконой Ея «Молченской»Дне́сь све́тло красу́ется сла́вный гра́д Москва́ и в Пути́вле ликова́ние ве́лие, я́ко честву́ют, Богома́ти, ди́вную ико́ну Твою́, ме́дом благода́ти все́х напоя́ющую.Кондак · глас 8Пресвятой Богородице пред иконой Ея «Молченской»Притеце́м, лю́дие, к Влады́чице на́шей Де́ве Богоро́дице, ико́ну бо Свою́ Молче́нскую на́м дарова́, то́ки исцеле́ний источа́ющую, вся́кую по́мощь в душе́вных и теле́сных неду́зех подаю́щую и к жи́зни ве́чной приводя́щую.Тропарь · глас 4Пресвятой Богородице пред иконой Ея «Целительница»Я́ко Пресве́тлая Звездо́, просия́ Боже́ственными чудесы́ святы́й Твой о́браз, Цели́тельнице. Пода́ждь у́бо и нам, Богоро́дице Мари́е, исцеле́ние неду́гов душе́вных и теле́сных, спасе́ние и ве́лию ми́лость.Ин тропарь · глас 1Пресвятой Богородице пред иконой Ея «Целительница»Любо́вию, Чи́стая Де́во,Твою́ святу́ю ико́ну почита́ющим,/ и Бо́жию Тя и́стинную Ма́терь прославля́ющим,/ и ве́рно поклоня́ющимтися/ Цели́тельница яви́ся,/ вся́кое зло и боле́зни от сих удаля́ющая,// я́ко Всемогу́щая.Кондак · глас 6Пресвятой Богородице пред иконой Ея «Целительница»Предста́тельство христиа́н непосты́дное, хода́тайство ко Творцу́ непрело́жное, не пре́зри гре́шных моле́ний гла́сы, но предвари́, я́ко Блага́я, на по́мощь нас, ве́рно зову́щих Ти; ускори́ на моли́тву и потщи́ся на умоле́ние, предста́тельствующи при́сно, Богоро́дице, чту́щих Тя.Тропарь · глас 3В четверг, св. апостоламАпо́столи святи́и,/ моли́те Ми́лостиваго Бо́га,/ да прегреше́ний оставле́ние// пода́ст душа́м на́шим.Кондак · глас 2В четверг, св. апостоламТве́рдыя и боговеща́нныя пропове́датели,/ верх апо́столов Твои́х, Го́споди,/ прия́л еси́ в наслажде́ние благи́х Твои́х и поко́й;/ боле́зни бо о́нех и смерть прия́л еси́ па́че вся́каго всепло́дия,// Еди́не све́дый серде́чная.Тропарь · глас 4В четверг, святителю НиколаюПра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче священнонача́льниче Нико́лае,/ моли́ Христа́ Бо́га,// спасти́ся душа́м на́шим.Кондак · глас 3В четверг, святителю НиколаюВ Ми́рех, свя́те, священноде́йствитель показа́лся еси́,/ Христо́во бо, преподо́бне, Ева́нгелие испо́лнив,/ положи́л еси́ ду́шу твою́ о лю́дех твои́х/ и спасл еси́ непови́нныя от сме́рти./ Сего́ ра́ди освяти́лся еси́,// я́ко вели́кий таи́нник Бо́жия благода́ти.
Сщмчч. Алексия Кузнецова и Петра Дьяконова пресвитеров (1918); сщмчч. Амфилохия, еп. Красноярского, Иоанна Васильева, Бориса Боголепова, Михаила Скобелева, Владимира Чекалова, Вениамина Благонадеждина, Константина Твердислова пресвитеров и мч. Сергия Ведерникова (1937)
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
