Пятница, 2 октября 2026 г. (19 сентября ст.ст.)

Седмица 18-я по Пятидесятнице

Блгвв. князей Феодора Смоленского (1299) и чад его Давида (1321) и Константина, Ярославских чудотворцев

Мчч. Трофима, Савватия и Доримедонта (276)

Прп. Алексия Зосимовсого (1928)

Мч. Зосимы пустынника (IV)

Блгв. вел. кн. Игоря Черниговского и Киевского (1147)

Сщмч. Константина Голубева пресвитера и с ним двух мучеников (1918); сщмч. Николая Искровского пресвитера (1919); сщмч. Константина Богословского пресвитера (1937); сщмч. Нила Смирнова пресвитера, прмц. Марии Мамонтовой-Шашиной (1938)

Постный день

Иконы дня

Листайте по горизонтали. Нажатие на икону откроет крупное изображение.

Прп. Алексия Зосимовсого (1928)

Песнопения дняТропари, кондаки и величания · 26 песнопений

Тропарь · глас 1Воздвижению Честнаго и Животворящего Креста ГосподняСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4Воздвижению Честнаго и Животворящего Креста ГосподняВознесы́йся на Крест во́лею,/ тезоимени́тому Твоему́ но́вому жи́тельству/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.Тропарь · глас 8Мученикам Трофиму, Савватию и ДоримедонтуВ Тро́ице хвали́мый Бог тро́ицу му́ченик просла́ви,/ Трофи́ма и Савва́тия и Доримедо́нта:/ в Того́ бо ве́ровавше, врага́ низложи́ша.// Тех моли́твами, Христе́ Бо́же наш, поми́луй нас.Кондак · глас 8Мученикам Трофиму, Савватию и ДоримедонтуЯ́ко страда́льцев основа́ние и благоче́стия утвержде́ние,/ Це́рковь чтит и сла́вит твое́ светоно́сное страда́ние,/ приснопева́емый блаже́нне страда́льче, доблему́дре сла́вне Трофи́ме,/ со страда́вшими с тобо́ю,// очище́ние пою́щим тя испроси́, я́ко непобеди́мь.Тропарь · глас 4Благоверным князьям Феодору Смоленскому и чадам его Давиду и Константину Ярославским, на преставлениеОт ю́ности ва́шея Христо́ве любви́ прилепи́вшеся, святи́и,/ усе́рдно зако́н и оправда́ния Того́ сохрани́сте,/ отону́дуже и чуде́сными дарова́ньми обогати́вшеся,/ исцеле́ния источа́ете,/ Фео́доре, Дави́де и Константи́не,/ с ве́рою вас почита́ющих,/ моли́те Христа́ Бо́га,// спасти́ся душа́м на́шим.Кондак · глас 4Благоверным князьям Феодору Смоленскому и чадам его Давиду и Константину Ярославским, на преставлениеЯви́ся ве́лие со́лнце Христо́ве Це́ркви,/ просвеща́я уче́нием светлостьми́, всече́стне,/ я́ко черпа́лом златы́м от Кла́дязя неиско́паннаго чуде́с поче́рпл еси́,/ от Исто́чника неистощи́маго, всеблаже́нне Фео́доре,// и ны́не о всех мо́лиши, да улучи́м грехо́в проще́ние.Ин тропарь · глас 4Благоверным князьям Феодору Смоленскому и чадам его Давиду и Константину ЯрославскимЯ́ко апо́столом сприча́стницы и вра́чеве предо́брии,/ служи́телие богоприя́тнии,/ па́мяти ва́шей боже́ственней притека́ющим,/ святи́и богому́дрии, достоблаже́ннии, благочести́вии кня́зие,/ новоявле́ннии чудотво́рцы Фео́доре и Дави́де, и Константи́не,/ соше́дшеся любо́вию в па́мять ва́шу све́тло пра́зднуем/ в пе́снех и пе́ниих, ра́дующеся Христа́ сла́вяще,/ такову́ю благода́ть дарова́вшего вам исцеле́ний,// гра́ду ва́шему Яросла́влю вели́кое утвержде́ние.Ин тропарь · глас 4Благоверным князьям Феодору Смоленскому и чадам его Давиду и Константину ЯрославскимИ́же от ю́ности Христо́вы любве́/ прилепи́вшеся усе́рдно, святи́и/ зако́ны и оправда́ния Того́ сохраня́юще,/ отню́дуже и чуде́сными дарова́нии обогати́стеся,/ исцеле́ния источа́ете и́же ве́рою вас почита́ющих,/ те́мже моли́те Христа́ Бо́га// спасти́ся душа́м на́шим.Ин тропарь · глас 4Благоверным князьям Феодору Смоленскому и чадам его Давиду и Константину ЯрославскимИзмла́да яви́стеся святи́и,/ Богому́дре Фео́доре и блаже́нне Дави́де с Константи́ном сла́вным,/ Боже́ственнии сосу́ди, избра́ннии Бо́гови./ Ны́не же источа́ете нам мно́га исцеле́ния от честны́х моще́й ва́ших,/ вся е́реси потопля́юще,/ и спаса́юще при́сно град свой,/ и всех ве́рных сохраня́юще невреди́мо/ от ви́димых и неви́димых враг./ Те́мже ве́рою мо́лим вас, святи́и:/ моли́те Христа́ Бо́га// в ми́ре сохрани́тися нам и спасти́ ду́ши на́ша.Кондак · глас 8Благоверным князьям Феодору Смоленскому и чадам его Давиду и Константину ЯрославскимБогому́дренно пресели́стеся, святи́и,/ во град, при́сно доброде́тельми цвету́щии,/ в жи́зни сей принося́ще Бо́гови плоды́ бла́ги,/ преподо́бне Фео́доре и блаже́нне Дави́де с Константи́ном сла́вным,/ и яви́стеся, я́ко многоцвету́щая ра́йская древеса́ жи́зни/ и я́ко многосве́тлыя зве́зды, в ми́ре сия́юще благода́тию,/ в доброде́тели испра́вивше жизнь свою́,/ и сего́ ра́ди получи́сте живо́т ве́чный на Небесе́х./ Те́мже благода́рственно вам зове́м:// ра́дуйтеся, всеми́рнии свети́льницы и гра́ду на́шему Яросла́влю вели́кое утвержде́ние.Тропарь · глас 4Благоверному князю Феодору СмоленскомуИзмла́да яви́лся еси́, богому́дре кня́же,/ боже́ствен сосу́д невозбра́нен Бо́гови,/ ны́не то́чиши нам многоцеле́ния,/ вся е́реси потопля́я и спаса́я при́сно свой град,/ и всех ве́рных сохраня́я, и неви́димо от ви́димых враг,/ ве́рою тя мо́лим, преподо́бне о́тче наш, кня́же Фео́доре,// моли́ спасти́ся душа́м на́шим.Тропарь · глас 5Преподобному Алексию ЗосимовскомуЯ́ко звезда́ путево́дная/ и уте́шитель богому́дрый/ в годи́ну лю́тых испыта́ний яви́лся еси́,/ затво́рниче преди́вный о́тче Алекси́е,/ огне́м бо ве́ры распала́емь,/ любо́вь Христо́ву стяжа́л еси́,/ те́мже и, благода́ть Ду́ха Свята́го восприе́м,/ и́мя избра́нника Бо́жия на патриа́рший престо́л/ жре́бием откры́л еси́./ Ны́не же, Святе́й Тро́ице предстоя́,// моли́ спасти́ся душа́м на́шим.Кондак · глас 1Преподобному Алексию ЗосимовскомуБлагочести́ваго ко́рене о́трасль свята́я,/ мно́гими доброде́тельми от ю́ности просия́л еси́,/ любо́вию Христо́вою уязви́вся,/ ева́нгельски лю́дем послужи́л еси́,/ и, в пусты́ню Зоси́мову всели́вся,/ неоску́дный исто́чник благода́ти показа́лся еси́,/ преподо́бне ста́рче наш Алекси́е,/ Це́ркве Ру́сския украше́ние./ Сла́ва Да́вшему ти кре́пость,/ сла́ва Избра́вшему тя,// сла́ва Де́йствующему тобо́ю всем исцеле́ния.Тропарь · глас 4Благоверному князю Игорю (в Крещении Георгию, в иночестве Гавриилу) Черниговскому и КиевскомуНаста́ днесь всечестна́я па́мять страстоте́рпца благове́рнаго кня́зя И́горя,/ созыва́ющая лю́ди в пречестны́й храм Спа́сов,/ иде́же ра́достно соше́дшеся благочести́вых мно́жество/ моли́твенно пра́зднуют святу́ю па́мять твою́,/ и с ве́рою взыва́ют ти:/ моли́ся, свя́те, стране́ Росси́йстей, гра́ду Черни́гову и всем правосла́вным христиа́ном// в ми́ре и благоде́нствии спасти́ся.Ин тропарь · глас 4Благоверному князю Игорю (в Крещении Георгию, в иночестве Гавриилу) Черниговскому и КиевскомуПросвети́вся Боже́ственным креще́нием,/ Ду́ха Свята́го светлостьми́ озаря́ем,/ Ева́нгелие Христо́во в се́рдце твое́ восприя́л еси́/ де́лом сло́во Сы́на Бо́жия исполня́я, благове́рный кня́же И́горю,/ моли́ Всеблага́го Спаси́теля на́шего дарова́ти нам мир, и ми́лость,// и спасе́ние душ на́ших, чту́щих честну́ю па́мять твою́.Кондак · глас 6Благоверному князю Игорю (в Крещении Георгию, в иночестве Гавриилу) Черниговскому и КиевскомуИзмени́л еси́ земна́го княже́ния сла́ву/ во и́ночества о́браз смире́нный/ и страда́льчески земно́е житие́ сконча́в,/ ны́не на Небесе́х ра́дуешися,/ усе́рдне моля́ся// о чту́щих тя, И́горю, страда́льцев похвало́.Ин кондак · глас 6Благоверному князю Игорю (в Крещении Георгию, в иночестве Гавриилу) Черниговскому и КиевскомуКня́жескую диаде́му обагри́л еси́ кро́вию твое́ю,/ Богому́дре страстоте́рпче И́горю,/ за ски́птр крест в ру́ку прии́м, яви́лся еси́ победоно́сец/ и же́ртву непоро́чну Влады́це прине́сл еси́ себе́./ Я́ко бо а́гнец незло́бив от раб убие́н был еси́,/ и ны́не ра́дуяся предстои́ши Святе́й Тро́ице,// моли́ся спасти́ся душа́м на́шим.ВеличаниеБлаговерному князю Игорю (в Крещении Георгию, в иночестве Гавриилу) Черниговскому и КиевскомуВелича́ем тя, страстоте́рпче святы́й благове́рный вели́кий кня́же Иго́рю, и чтим святу́ю па́мять твою́, ты бо мо́лиши за нас Христа́ Бо́га на́шего.Тропарь · глас 4Священномученику Константину Богородскому (Голубеву)Украше́ние свяще́нников яви́лся еси́ Константи́не, восприе́м бо кре́ст я́ко ору́жие,/ про́поведию сла́вною устраня́я раско́л и е́реси,/ благовествова́л еси́ Иису́са Христа́ глаго́ля:/ спаса́йтеся от ро́да сего́ развраще́ннаго./ Сего́ ра́ди му́ченическою кро́вию обагри́ся сла́вне,/ и ны́не ра́дуяся с ли́ки а́нгельскими,/ моли́ Христа́ Бо́га Це́рковь Всеросси́йскую/ от ересе́й и раско́лов сохрани́ти/ и спасти́ души́ на́ша.Кондак · глас 4Священномученику Константину Богородскому (Голубеву)От младе́нчества к Бо́гу устреми́вся,/ благоче́стия ревни́телю и раско́ла искорени́телю,/ священному́чениче Константи́не,/ Христа́ му́жественно испове́дав,/ жесточа́йшая муче́ния прия́л еси́,/ Це́ркве Ру́сския благо́е украше́ние,/ моли́ Христа́ Бо́га/ грехо́в оставле́ние пода́ти/ чту́щим любо́вию святу́ю па́мять твою́.Тропарь · глас 1Священномученику Николаю ИскровскомуВ житии́ твое́м до́бре подвиза́лся еси́, во страда́нии твое́м непоколеби́м в ве́ре пребы́в, незло́биво му́ченическую сме́рть прия́л еси́, священному́чениче, о́тче Нико́лае Искровский, моли́ о на́с Го́спода Спа́са ми́р ми́рови дарова́ти и душа́м на́шим ве́лию ми́лость.Ин тропарь · глас 6Священномученику Николаю ИскровскомуКро́тость и смире́ние стяжа́вый,/ любо́вь Христо́ву па́стве свое́й показа́л еси́/ в годи́ну о́гненных искуше́ний Це́ркве Ру́сския/ и, я́ко па́стырь до́брый,/ ду́шу свою́ за Него́ положи́л еси́./ Моли́ся о нас, священному́чениче Нико́лае,// просвети́ти ду́ши на́ша.Кондак · глас 2Священномученику Николаю ИскровскомуТруды́ и боле́зни на ра́мо свое́ взял еси́/ и, ра́дуяся, путе́м те́сным ше́ствовал еси́,/ страда́ньми за Христа́ Небе́снаго Ца́рства дости́гл еси́,/ моли́ о нас Бо́га Спа́са, священному́чениче Нико́лае,// обрести́ нам ми́лость в День Су́дный.Ин кондак · глас 3Священномученику Николаю ИскровскомуСы́й ди́вный во́ине Руси́ Святе́й,/ у Ца́рскаго Престо́ла вене́ц сла́вы обре́л еси́,/ усе́рдно мо́лится о ве́рных/ для ве́чнаго блаже́нства Спа́сом просветле́нных,/ до кро́ви во и́стине стоя́л еси́,/ во спасе́ние наро́да Бо́жия свою́ Голго́фу от Христа́ прия́л еси́,// спаси́ на́с твои́ми моли́твами, священному́чениче Нико́лае, о́тче на́ш.Тропарь · глас 1В пятницу, св. КрестуСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4В пятницу, св. КрестуВознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.