пятница Седмица 21-я по Пятидесятнице День церковного круга Постный день Пятница, 23 октября 2026 г. (10 октября ст.ст.) Седмица 21-я по Пятидесятнице Прп. Амвросия Оптинского (1891) Мчч. Евлампия и Евлампии (303-311) Собор Волынских святых Свт. Иннокентия, епископа Пензенского (1819) Мч. Феотекна (ок. 284-305) Прп. Вассиана, чудотворца (V) Прп. Феофила исп (ок. 717-741) Блж. Андрея, Христа ради юродивого, Тотемского (1673) Свт. Амфилохия, еп. Владимиро-Волынского (1122) Постный день Иконы дня Листайте по горизонтали. Нажатие на икону откроет крупное изображение. Прп. Амвросия Оптинского (1891) Мчч. Евлампия и Евлампии (303-311) Свт. Иннокентия, епископа Пензенского (1819) Прп. Феофила исп (ок. 717-741) Блж. Андрея, Христа ради юродивого, Тотемского (1673) Песнопения дняТропари, кондаки и величания · 22 песнопенияТропарь · глас 5Преподобному Амвросию ОптинскомуЯ́ко к целе́бному исто́чнику/ притека́ем к тебе́, Амвро́сие, о́тче наш./ Ты бо на путь спасе́ния нас ве́рно наставля́еши,/ моли́твами от бед и напа́стей охраня́еши,/ в теле́сных и душе́вных ско́рбех утеша́еши,/ па́че же смире́нию, терпе́нию и любви́ науча́еши./ Моли́ Человеколю́бца Христа́/ и Засту́пницу усе́рдную// спасти́ся душа́м на́шим.Кондак · глас 2Преподобному Амвросию ОптинскомуЗаве́т Пастыренача́льника испо́лнив/ ста́рчества благода́ть насле́довал еси́,/ боле́знуя се́рдцем о всех, с ве́рою притека́ющих к тебе́,/ те́мже и мы, ча́да твоя́, с любо́вию вопие́м ти:/ о́тче святы́й Амвро́сие,// моли́ Христа́ Бо́га спасти́ся душа́м на́шим.ВеличаниеПреподобному Амвросию ОптинскомуУблажа́ем тя, преподо́бне о́тче Амвро́сие, и чтим святу́ю па́мять твою́, наста́вниче мона́хов и собесе́дниче а́нгелов.Тропарь · глас 4Мученикам Евлампию и ЕвлампииМу́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.Кондак · глас 3Мученикам Евлампию и ЕвлампииДо́блия му́ченики и бра́тию по пло́ти,/ му́драго Евла́мпия и Евлампи́ю, почти́м:/ ти́и бо пребеззако́нных козноде́йства посрами́ша си́лою Распе́ншагося:// сего́ ра́ди яви́шася му́чеников сла́ва, ку́пно и похвала́.ВеличаниеМученикам Евлампию и ЕвлампииВелича́ем вас, страстоте́рпцы святи́и Евла́мпие и Евлампи́я, и чтим честна́я страда́ния ва́ша, я́же за Христа́ претерпе́ли е́сте.Тропарь · глас 5Святителю Иннокентию ПензенскомуОт ю́ности смире́нным нарече́нный, в мона́шестве же чистоте́ тезоиме́нный, духо́вной му́дрости люби́тель ты́ яви́лся еси́, златовещанный благоче́стия учи́тель и лжи́вых па́губных уче́ний обличи́тель, за И́стину безу́мными гони́мый, незло́бие и кро́тость пропове́давый, и па́ству Пензенскую ре́вностне пасы́й, святи́телю всече́стне Инноке́нтие, моли́ Христа́ на́с умудри́ти во спасе́ние.Кондак · глас 8Святителю Иннокентию ПензенскомуСвяще́нного и боговеща́ннаго пропове́дника/ и ди́внаго прему́дрости учи́теля/ вчини́л еси́, Го́споди, в наслажде́ние благи́х Твои́х и поко́й,/ труды́ бо о́наго и блаже́нную кончи́ну/ па́че вся́каго всепло́дия прие́м,// еди́не Прославля́яй святы́я Своя́.Ин кондак · глас 3Святителю Иннокентию ПензенскомуДнесь святи́тель Христо́в Инноке́нтий/ предстои́т Престо́лу Бо́жию/ и с ли́ки святы́х за ны мо́лится Бо́гу,/ ему́же ныне со умиле́нием покланя́емся/ и во псалме́х и пе́ниих велича́ем,// обрето́хом бо моли́твенника ко Преве́чному Бо́гу.Тропарь · глас 4Святителю Амфилохию Печерскому, Владимиро-ВолынскомуОт мирска́го мяте́жа изше́д,/ в пеще́рах Ки́евских Феодо́сия блаже́ннаго богому́дренно всели́лся еси́,/ святи́телю Христо́в, о́тче Амфило́хие,/ и отсю́ду во епи́скопа Богоспаса́емей па́стве Влади́миро-Волы́нстей поста́вленный,/ в труде́х, бде́ниих и поще́ниих свя́то подвиза́лся еси́./ И та́ко дости́г доброде́телей соверше́нства,/ па́ки в пеще́ры святы́я возврати́лся еси́,/ иде́же и дух свой благоче́стно преда́л еси́ Го́сподеви, всече́стне,/ к ли́ку преподо́бных Пече́рских причте́н,/ с ни́ми же моли́ся Христу́, всече́стне,// спасти́ся душа́м на́шим.Кондак · глас 8Святителю Амфилохию Печерскому, Владимиро-ВолынскомуЗвезду́ Волы́нскую, из пеще́рнаго мра́ка от Ки́ева возсия́вшую,/ и от Волы́ни второ́е пеще́ры заве́тныя житие́м свои́м/ и блаже́нною кончи́ною, и прославле́нием свои́м озари́вшаго,/ всеблаже́ннаго Амфило́хия, архипа́стыря Влади́миро-Волы́нскаго почти́м,/ прося́ще его́, да в ли́ке преподо́бных Пече́рских водворя́яся,// мо́лится ку́пно с ни́ми о душа́х на́ших.ВеличаниеСвятителю Амфилохию Печерскому, Владимиро-ВолынскомуВелича́ем тя, святи́телю о́тче Амфило́хие, и чтим святу́ю па́мять твою́, ты бо мо́лиши за нас Христа́ Бо́га на́шего.Тропарь · глас 4Собору Волынских святыхПриспе́ день све́тлаго торжества́,/ лю́дии Волы́нстии ра́дуются,/ и с ни́ми вся Росси́йская Це́рковь ликовству́ет/ во псалме́х и пе́ниих, и пе́снех духо́вных,/ днесь бо, я́коже со́лнце незаходи́мое,/ всем возсия́ па́мять/ святы́х и Богому́жных уго́дников и чудотво́рцев Волы́нских/ святи́теля Стефа́на чу́днаго,/ иера́рхом Волы́нским первопресто́льника,/ и свята́го благове́рнаго Яропо́лка/, блаже́ннаго страда́льца Богому́жнаго,/ и с ни́ми Амфило́хия, святи́теля Волы́нскаго,/ и победоно́снаго Фео́дора, Остро́жскаго кня́зя Богодарова́ннаго,/ и преподо́бнаго И́ова Поча́евскаго присноблаже́ннаго/, и́хже моли́твами, Го́споди,/ зе́млю оте́ческую на́шу в Правосла́вии и ми́ре утверди́,/ и спаси́ всех иму́ще ку́пно о нас Моли́твенницу усе́рдную,/ Пресвяту́ю Ма́терь Свою́ Богоро́дицу,/ благода́тне сия́ющую в цельбоно́сней стопе́ Свое́й/ и чудотво́рней ико́не на горе́ Поча́евстей/ и заступле́ньми про́чих уго́дников Волы́нския па́ствы,/ Иулиа́нии, блаже́нныя де́вы Ольша́нския,// и свята́го преподобному́ченика Мака́рия, архимандри́та О́вручскаго.Ин тропарь · глас 4Собору Волынских святыхПриспе́ день све́тлаго торжества́,/ оби́тель Пече́рская ра́дуется/ и с не́ю благослове́нная Поча́евская Ла́вра ликовству́ет/ во псалме́х и пе́ниих, и пе́снех духо́вных,/ днесь бо, я́коже со́лнце незаходи́мое,/ всем возсия́ па́мять/ преподо́бных и Богоно́сных оте́ц Пече́рских,/ от ни́хже во́лею Бо́жиею изыдо́ша/ первонача́льницы и́ноческаго жития́ на горе́ Поча́евстей,/ и́хже моли́твами, Го́споди,/ зе́млю оте́чественную на́шу в Правосла́вии и ми́ре утверди́/ и поми́луй всех, иму́ще ку́пно о нас Моли́твенницу и Засту́пницу усе́рдную,/ Пречи́стую Ма́терь Свою́ Богоро́дицу,/ от лет дре́вних благода́тне сия́ющую в цельбоно́сней стопе́ Свое́й/ и чудотво́рней Свое́й ико́не во оби́тели Поча́евстей// в просвеще́ние и спасе́ние душ на́ших.Кондак · глас 8Собору Волынских святыхИзбра́нным чудотво́рцам и изря́дным уго́дником Волы́нския земли́,/ похва́льная воспису́ем вам, святи́и:/ Яропо́лче святы́й, Стефа́не, Амфило́хие, Фео́доре,/ Иулиа́ние, И́ове и Мака́рие, присноблаже́ннии!/ Тем я́ко иму́щии благода́ть и ми́лость у Христа́ Бо́га на́шего,/ от вся́ких нас бед свободи́те/ да вы́ну ва́шею по́мощию избавля́емии, вопие́м вам благода́рне:// ра́дуйтеся, пресла́внии уго́дницы Бо́жии и земли́ Волы́нския украше́ние.Ин кондак · глас 4Собору Волынских святыхИзбра́ннии от родо́в уго́дницы Бо́жии,/ преподо́бнии Пече́рстии:/ Мерку́рие и Симео́не, Акинди́не же, Лукиа́не, Па́мво и Полика́рпе,/ Авраа́мие, Алекси́е, Евста́фие, Елла́дие, Ефре́ме, Иерони́ме,/ Луко́, Мела́дие, Они́симе, Пе́рсие, Па́вле, Се́ргие,/ Сисо́е и Фео́филе, Анато́лие же, Афана́сие, Иси́доре, Кассиа́не,/ Лавре́нтие, Пафну́тие, Пио́ре, Сисо́е вторы́й и Софро́ние/, от ни́хже изыдо́ша первонача́льницы/ и́ноческаго жития́ на горе́ Поча́евстей,/ вас не потаи́ла есть земля́,/ Не́бо же и ра́йския селе́ния отверзо́шася вам./ Те́мже мы, похва́льная пе́сни Бо́гу,/ просла́вльшему вас в па́мяти ва́шей, принося́ще/ и честны́й Собо́р ваш вселюбе́зно почита́юще,/ из глубины́ душе́вныя вопие́м вам:/ от всех бед ва́шими моли́твами заступа́йте нас, зову́щих,/ ра́дуйтеся, Пече́рстии чудотво́рцы// и оби́тели Поча́евския сла́ва и утвержде́ние.ВеличаниеСобору Волынских святыхВелича́ем вас, вси святи́и в земли́ Волы́нстей просия́вшии, и чтим святу́ю па́мять ва́шу, вы бо мо́лите за нас Христа́ Бо́га на́шего.Тропарь · глас 4Блаженному Андрею Тотемскому, Христа ради юродивомуТерпе́нием и му́жеством Христа́ ра́ди юро́дство восприя́л еси́, блаже́нне Андре́е,/ в посте́ и бде́нии пребыва́я,/ тя́гость зно́я ле́тняго поне́сл еси́,/ и мра́зы зи́мния терпя́,/ те́мже и ны́не приходя́щим с ве́рою к тебе́,/ исцеле́ние неоску́дно подае́ши,// моли́ Христа́ Бо́га спасти́ся душа́м на́шим.Кондак · глас 8Блаженному Андрею Тотемскому, Христа ради юродивомуВы́шния красоты́ жела́я,/ и ни́жния сла́сти теле́сныя то́щно оста́вил еси́ нестяжа́нием су́етнаго ми́ра,/ А́нгельское житие́ преходя́, сконча́вся, Андре́е блаже́нне,// с ними́ же Христа́ Бо́га моли́ непреста́нно о всех нас.ВеличаниеБлаженному Андрею Тотемскому, Христа ради юродивомуУблажа́ем тя, святы́й пра́ведный Андре́е, и чтим святу́ю па́мять твою́, ты бо мо́лиши за нас Христа́ Бо́га на́шего.Тропарь · глас 1В пятницу, св. КрестуСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4В пятницу, св. КрестуВознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
