Блаженный Андрей Тотемский

Терпе́нием и му́жеством Христа́ ра́ди юро́дство восприя́л еси́, блаже́нне Андре́е,/ в посте́ и бде́нии пребыва́я,/ тя́гость зно́я ле́тняго поне́сл еси́,/ и мра́зы зи́мния терпя́,/ те́мже и ны́не приходя́щим с ве́рою к тебе́,/ исцеле́ние неоску́дно подае́ши,// моли́ Христа́ Бо́га спасти́ся душа́м на́шим.

Вы́шния красоты́ жела́я,/ и ни́жния сла́сти теле́сныя то́щно оста́вил еси́ нестяжа́нием су́етнаго ми́ра,/ А́нгельское житие́ преходя́, сконча́вся, Андре́е блаже́нне,// с ними́ же Христа́ Бо́га моли́ непреста́нно о всех нас.

Ублажа́ем тя, святы́й пра́ведный Андре́е, и чтим святу́ю па́мять твою́, ты бо мо́лиши за нас Христа́ Бо́га на́шего.