среда Седмица 27-я по Пятидесятнице День церковного круга Постный день Среда, 2 декабря 2026 г. (19 ноября ст.ст.) Седмица 27-я по Пятидесятнице Свт. Филарета, митр. Московского (1867) Прпп. Варлаама и Иоасафа, царевича Индийского, и отца его Авенира царя (IV) Прор. Авдия (из 12-ти) (IX до Р.Х.) Мч. Варлаама (ок. 304) Иконы Божией матери, именуемой "В скорбех и печалех Утешение" (1863) Мч. Илиодора (ок. 273) Мч. Азы и с ним 150-ти воинов (284-305) Прп. Илариона чудотворца, Грузинского (875) (Груз.) Прп. Варлаама, игумена Печерского (1065) Обретение мощей прмч. Адриана Пошехонского, Ярославского (1625) Прп. Порфирия Кавсокаливита (1991) Сщмч. Иоанна Вишневского пресвитера (1920). Сщмчч. Порфирия, еп. Симферопольского, Иоасафа, еп. Чистопольского, Сергия Махаева, Михаила Дмитрева, Александра Мишутина, Иоанна Малиновского, Константина Михайловского, Александра Сереброва, Игнатия Теслина, Иоанна Пирамидина, Симеона Кривошеева, Иоанна Флоровского, Иакова Бриллиантова, Димитрия Куклина, Иакова Передерия пресвитеров, прмчч. Иоасафа Крымзина, Геннадия Ребезы, Петра Мамонтова, Герасима Сухова, Михаила Кванина, мчч. Валентина Корниенко, Петра Антонова, Леонида Салькова и Тимофея Кучерова (1937) Рождественский (Филиппов) пост Иконы дня Листайте по горизонтали. Нажатие на икону откроет крупное изображение. Свт. Филарета, митр. Московского (1867) Прпп. Варлаама и Иоасафа, царевича Индийского, и отца его Авенира царя (IV) Прор. Авдия (из 12-ти) (IX до Р.Х.) Прп. Илариона чудотворца, Грузинского (875) (Груз.) Обретение мощей прмч. Адриана Пошехонского, Ярославского (1625) Прп. Порфирия Кавсокаливита (1991) Иконы Богородицы Иконы Божией матери, именуемой "В скорбех и печалех Утешение" (1863) Песнопения дняТропари, кондаки и величания · 23 песнопенияТропарь · глас 4Святителю Филарету, митрополиту Московскому и КоломенскомуДу́ха Свята́го благода́ть стяжа́в,/ богому́дре святи́телю Филаре́те,/ и́стину и пра́вду ра́зумом просвеще́нным/ лю́дем пропове́дал еси́,/ мир и ми́лость се́рдцем умиле́нным/ стра́ждущим яви́л еси́,/ я́ко учи́тель ве́ры и страж неусы́пный/ па́ству росси́йскую жезло́м пра́вости сохрани́л еси́./ Сего́ ра́ди ко Христу́ Бо́гу дерзнове́ние име́я,/ моли́ дарова́ти Це́ркве утвержде́ние,// и душа́м на́шим спасе́ние.Кондак · глас 2Святителю Филарету, митрополиту Московскому и КоломенскомуЯ́ко и́стинный подража́тель преподо́бнаго Се́ргия,/ доброде́тель измла́да возлюби́л еси́,/ богоблаже́нне Филаре́те./ Я́ко па́стырь пра́ведный и испове́дник непоро́чный,/ по святе́м преставле́нии/ от безбо́жных поруга́ние и поноше́ния прия́л еси́,/ Бог же зна́меньми и чудесы́ тя просла́ви// и засту́пника Це́ркве на́шея яви́.Тропарь · глас 4Мученику Варлааму АнтиохийцуМу́ченик Твой, Го́споди, Варлаа́м/ во страда́нии свое́м вене́ц прия́т нетле́нный от Тебе́, Бо́га на́шего,/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.Кондак · глас 4Мученику Варлааму АнтиохийцуЯви́лся еси́, преудивле́н кре́постию всесожже́ния,/ лива́н благово́нен, себе́ прине́сл еси́ же́ртву Христу́,/ и, вене́ц по́чести прии́м, Варлаа́ме,// при́сно моли́ за ны, страда́льче.Тропарь · глас 4Преподобному Иоасафу, царевичу ИндийскомуОт духо́внаго наста́вника научи́вся,/ царю́ Иоаса́фе, Бо́га позна́ти,/ Креще́нием же просвети́вся,/ лю́ди к ве́ре обрати́л еси́,/ и отцу́ твоему́ от купе́ли прие́мник быв,/ ца́рство оста́вив, пусты́ню дости́гл еси́,/ и в ней трудолю́бне подвиза́лся еси́./ Моли́ Христа́ Бо́га со учи́телем твои́м Варлаа́мом,// спасти́ся душа́м на́шим.Ин тропарь · глас 4Преподобному Иоасафу, царевичу ИндийскомуИз чре́ва ма́терня/ прекра́сное вселе́ние бысть Свята́го Ду́ха,/ пресла́вне Иоаса́фе,/ и от блаже́ннаго Варлаа́ма безце́нный би́сер, Христа́,/ в се́рдце свое́м прия́л еси́,/ и Боже́ственным Креще́нием Индию просвети́л еси́,/ оте́ческое же нече́стие испра́вль,/ приведе́ его́ от тьмы ко све́ту Богоразу́мия/ и, оста́вив тле́нное на земли́ ца́рство,/ пусты́ню дости́г и своего́ учи́теля,/ те́мже на Небесе́х от Живонача́льныя Тро́ицы/ венце́м ца́рским венча́ся,// моли́ о нас, чту́щих честну́ю твою́ па́мять.Кондак · глас 8Преподобному Иоасафу, царевичу ИндийскомуВе́дый твое́ из младе́нства благо́е изволе́ние, Иоаса́фе, еди́н сердцеве́дец Бог,/ и от ца́рствия земна́го в мона́шеское пребыва́ние приведы́й тя,/ вели́кому Варлаа́му после́довати сподо́би./ С ни́мже и ны́не го́рний Иерусали́м всесве́тлый оте́чество име́я,/ жела́емыя добро́ты красно́ наслажда́яся Святы́я Тро́ицы,/ мо́лим тя, ца́рская красото́,// помина́й нас, ве́рою чту́щия тя.Ин кондак · глас 8Преподобному Иоасафу, царевичу ИндийскомуВе́дый твое́ из младе́нства благо́е изволе́ние, Иоаса́фе,/ еди́н сердцеве́дец Бог,/ и́бо от ца́рствия земна́го во и́ноческое пребыва́ние приведы́й тя,/ и вели́кому Варлаа́му восле́довати сподо́би тя,/ и со А́нгелы с ним в Неизрече́нном Све́те водвори́ся;/ с ни́мже Святе́й Тро́ице предстоя́,/ мо́лим тя, ца́рское красото́,// помина́й нас, ве́рою пра́зднующих па́мять твою́.Тропарь · глас 8Преподобному Варлааму ИндийскомуСлез твои́х исто́чники пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нныя, сия́я чудесы́, Варлаа́ме о́тче наш,// моли́ Христа́ Бо́га спасти́ся душа́м на́шим.Тропарь · глас 1Преподобному Варлааму, игумену Печерскому, в Ближних пещерахМи́ра кра́сная и сла́ву его́ оста́вль,/ прите́кл еси́ в пеще́ру,/ иде́же от си́лы преуспева́я в си́лу,/ был еси́ вождь Христо́ва ста́да, всесла́вне Варлаа́ме,/ е́же я́ко упас до́бре, упаси́ и нас, мо́лим тя,// сохраня́я от всех зол, да тя ублажа́ем.Кондак · глас 2Преподобному Варлааму, игумену Печерскому, в Ближних пещерахОте́ческаго преще́ния не устраши́лся еси́,/ ласка́ниям того́ не повину́лся еси́,/ ниже́ ле́стию низложи́лся еси́ же́нскою, всече́стне Варлаа́ме,/ но непобеди́мь от тех пребы́л еси́,// наде́яся на Го́спода своего́, Ему́же моли́ся о душа́х на́ших.Тропарь · глас 4Преподобномученику Адриану Пошехонскому, ЯрославскомуХристо́ву му́ченику Адриа́ну тезоимени́т был еси́, преподо́бне,/ мно́гия труды́ подъя́л еси́ в жи́зни вре́менней,/ оби́тель и́ноческую созида́я в пусты́ни,/ иде́же пострада́л еси́ да́же до кро́ве от злых разбо́йник/ и му́ченическую смерть от них прия́л еси́,/ Адриа́не сла́вне,/ чуде́с благода́тию обогати́вся,/ предстои́ши всех Царю́, Христу́ Бо́гу,// Его́же моли́ спасти́ся душа́м на́шим.Ин тропарь · глас 4Преподобномученику Адриану Пошехонскому, ЯрославскомуА́ще и сме́ртию ну́ждною у́мерл еси́,/ а́ще и сме́ртная сень внеза́пу на́йде на тя,/ оба́че, я́ко де́ву му́друю, ду́шу твою́ обре́те Христо́с/ и в черто́г Свой Небе́сный введе́,/ и со святы́ми всели́,/ чудесы́ возвели́чив и́мя твое́,/ Адриа́не му́чениче преподо́бне,/ Ему́же моли́тву о нас сотвори́,// па́мять твою́ почита́ющих.Кондак · глас 4Преподобномученику Адриану Пошехонскому, ЯрославскомуХриста́ ра́ди до́блественне претерпе́л еси́/ и вене́ц нетле́ния от Него́ восприя́л еси́ страда́ния своего́,/ приходя́щим же с ве́рою к тебе́ подае́ши цельбы́,/ о преподобному́чениче Адриа́не, приснопа́мятне,// моли́твениче о душа́х на́ших.Ин кондак · глас 6Преподобномученику Адриану Пошехонскому, ЯрославскомуЖите́йския молвы́ избежа́в, преподо́бне,/ в пусты́ню всели́лся еси́,/ и, та́мо оби́тель и́ноков возгради́в,/ последи́ от разбо́йник му́ченически пострада́л еси́,/ и ны́не сия́еши нетле́нием и чудесы́,/ Адриа́не многострада́льне,// моли́твенниче о душа́х на́ших.Тропарь · глас 8Преподобному Порфирию КавсокаливитуАпостольскою ревностию жительствуя / и Христово имя непрестанно призывая, всем любовь Божию проповедуя,/ выну в той пребывал еси, многия души исцеляя и ко воскресшему Господу приводя. Темже, наследовавый селения святых, / потщися и настави нас, да приидем и мы во объятия Божия,/ радостно вопиюще ти: / радуйся, преподобне отче Порфирие.Кондак · глас 3Преподобному Порфирию КавсокаливитуРадуйся, Афона смиренное овча, / Порфирие, Любве проповедниче, / монахов славо, святых удобрение. Овому бо Духом дадеся слово премудрости,/ другому же слово разума и действия сил, тебе же купно вся открышася,/ яко таиннику Божия благодати.Тропарь · глас 4Преподобномученикам Гуслицким Серафиму (Булашову), Иоасафу (Крымзину) и Петру (Мамонтову)Днесь све́тло красу́ется оби́тель Гу́слицкая/ прославля́ющи преподо́бных му́ченик свои́х,/ Серафи́ма, Иоаса́фа и Петра́,/ ти́и бо, гоне́ний многоразли́чных и сме́рти не убоя́вшеся,/ ве́ры Правосла́вныя тве́рдии испове́дницы яви́шася/ и, крест страда́ния на ме́сте муче́ния в Бу́тове подъе́мше,/ венцы́ нетле́нными от Христа́ увязо́шася./ Те́мже, новому́ченицы святи́и,/ моли́те Всеми́лостивого Спа́са/ долго́в разреше́ния нам дарова́ти// и душа́м на́шим ве́лию ми́лость.Кондак · глас 6Преподобномученикам Гуслицким Серафиму (Булашову), Иоасафу (Крымзину) и Петру (Мамонтову)Преподобному́ченицы Твои́, Го́споди,/ руга́нием и ра́нами искуше́ния мно́гая прия́ша,/ еще́ же у́зами и темни́цею томи́ми бы́ша./ Оба́че, да́же до кро́ве проти́ву греха́ подвиза́вшеся,/ пра́вду соде́яша и Воскресе́нию Твоему́ приобщи́шася./ Тех моли́твами, Христе́ Бо́же,/ да́руй нам с терпе́нием предлежа́щий по́двиг соверши́ти// и Ца́рствия Небе́снаго дости́гнути.Тропарь · глас 5Божией Матери пред иконой Ея «В скорбех и печалех Утешение»Утоли́ боле́зни многовоздыха́ющия души́ моея́, Утоли́вшая вся́ку сле́зу от лица́ земли́: Ты́ бо челове́ком боле́зни отго́ниши и гре́шных ско́рби разруша́еши, Тебе́ бо вси́ стяжа́хом наде́жду и утвержде́ние, Пресвята́я Ма́ти Де́во.Кондак · глас 6Божией Матери пред иконой Ея «В скорбех и печалех Утешение»Не вве́ри мя́ челове́ческому предста́тельству, Пресвята́я Влады́чице, но приими́ моле́ние раба́ Твоего́: ско́рбь бо обдержи́т мя́, терпе́ти не могу́ де́монскаго стреля́ния, покро́ва не и́мам, ниже́ где́ прибе́гну окая́нный, всегда́ побежда́емь, и утеше́ния не и́мам, ра́зве Тебе́, Влады́чице ми́ра, упова́ние и предста́тельство ве́рных, не пре́зри моле́ние мое́, поле́зно сотвори́.Тропарь · глас 1В среду, св. КрестуСпаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.Кондак · глас 4В среду, св. КрестуВознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.
Добро пожаловать Православный календарь Нажмите кнопку, чтобы открыть приложение и перейти к календарю, чтениям, молитвам, святым и праздникам. Открыть приложение Начиная работу с приложением, Вы подтверждаете согласие с Пользовательским соглашением и Политикой конфиденциальности.
