Вторник, 29 декабря 2026 г. (16 декабря ст.ст.)

Седмица 31-я по Пятидесятнице

Сщмч. Владимира Алексеева пресвитера (1918); сщмчч. Аркадия, еп. Бежецкого, Илии Чередеева, Павла Фаворитова, Феодосия Болдырева, Владимира Дамаскина, Александра Колоколова, Петра Зиновьева пресвитеров, прмч. Макария Смирнова (1937)

Рождественский (Филиппов) пост

Иконы дня

Листайте по горизонтали. Нажатие на икону откроет крупное изображение.

Прор. Аггея (500 до Р.Х.)

Песнопения дняТропари, кондаки и величания · 8 песнопений

Тропарь · глас 2Пророку АггеюПроро́ка Твоего́ Агге́я па́мять, Го́споди, пра́зднующе,/ тем Тя мо́лим:// спаси́ ду́ши на́ша.Кондак · глас 4Пророку АггеюПросвети́вшееся ду́хом чи́стое твое́ се́рдце,/ проро́чества бысть светле́йшаго прия́телище:/ зри́ши бо, я́ко настоя́щая, дале́че су́щая;/ сего́ ра́ди тя почита́ем,// проро́че блаже́нне Агге́е сла́вне.Тропарь · глас 4Преподобной Софии СуздальскойВы́шняго красото́ю я́вственно украша́яся,/ по́стническими бо труды́ подвиза́ся преподо́бная Софи́я,/ и бысть насле́дница Небе́сному Ца́рствию,/ и вни́де в Небе́сный Черто́г наслади́тися Христо́вы красоты́,/ Его́ же моли́ спасти́ся гра́ду Су́ждалю/ от пога́ных нахожде́ний и междоусо́бныя бра́ни// и пода́ждь душа́м на́шим ве́лию ми́лость.Кондак · глас 1Преподобной Софии СуздальскойНо́щи стра́стныя избе́гши, Богому́драя Софи́е преподо́бная,/ к Незаходи́мому же Со́лнцу, Христу́, прише́дши,/ умертви́ла еси́ плотско́е мудрова́ние посто́м же, воздержа́нием и моли́твами,/ показа́ся равна́ А́нгелом,/ на земли́ бо поживе́ и ду́хи нечи́стыя от челове́к отгна́ла еси́,/ и разли́чная исцеле́ния подава́еши, от мно́гих бед и зол избавля́еши,/ Софи́е преподо́бная,// моли́ спасти́ся душа́м на́шим.Тропарь · глас 1Собору Кольских святыхСве́тлый со́нме подви́жников земли́ Ко́льския,/ Се́вера тьму́ сия́нием ве́ры озари́вшии/ отцы́ святи́и, благоче́стием преукраше́ннии,/ служи́телие Та́ин Бо́жиих благогове́йнии,/ боголюби́вии и́ноцы и учи́телие покая́ния,/ миря́не, чи́стым житие́м Созда́телю угоди́вшии,/ язы́ка ло́пскаго богому́дрии просвети́телие и наста́вницы,/ новому́ченицы и испове́дницы, за Христа́ души́ положи́вшии,/ в го́рьких рабо́тах да́же до сме́рти Его́ испове́давшии,// моли́теся ко Го́споду спасти́ся душа́м на́шим.Кондак · глас 3Собору Кольских святыхДне́сь ли́к святы́х, в земле́ Ко́льстей Бо́гу угоди́вших,/ предстои́т в це́ркви и неви́димо за ны́ мо́лится Бо́гу,/ прииди́те, христоимени́тии лю́ди,/ па́мять и́х почти́м и возопии́м к ни́м:/ Ра́дуйтеся, отцы́ преблаже́ннии Три́фоне, Феодори́те и Варлаа́ме,/ со мно́гими на́шего кра́я небе́сными покрови́тели,/ вы́ бо, я́ко зве́зды светоза́рныя, во мра́це Се́вера возсия́ли есте́,/ словесы́ и чудесы́ свои́ми вся́ просвети́вше,/ и ны́не моли́теся Го́сподеви/ ве́ру Правосла́вную зде́ незы́блему соблюсти́// и дарова́ти на́м ве́лию ми́лость.Тропарь · глас 2Во вторник, св. Иоанну ПредтечеПа́мять пра́веднаго с похвала́ми,/ тебе́ же довле́ет свиде́тельство Госпо́дне, Предте́че:/ показа́л бо ся еси́ вои́стину и проро́ков честне́йший,/ я́ко и в струя́х крести́ти сподо́бился еси́ Пропове́даннаго./ Те́мже за и́стину пострада́в ра́дуяся,/ благовести́л еси́ и су́щим во а́де Бо́га я́вльшагося пло́тию,/ взе́млющаго грех ми́ра,// и подаю́щаго нам ве́лию ми́лость.Кондак · глас 2Во вторник, св. Иоанну ПредтечеПроро́че Бо́жий и Предте́че благода́ти,/ главу́ твою́ я́ко ши́пок свяще́ннейший от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде, в ми́ре пропове́дуеши покая́ние.