Псалтирь

[Аллилуия.]

(А҆ллилꙋ́їа.)

Славьте Господа, ибо Он благ, ибо вовек милость Его.

И҆сповѣ́дайтесѧ гдⷭ҇еви, ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀.

Да скажет ныне [дом] Израилев: [Он благ,] ибо вовек милость Его.

Да рече́тъ ᲂу҆́бѡ до́мъ і҆и҃левъ: ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀.

Да скажет ныне дом Ааронов: [Он благ,] ибо вовек милость Его.

Да рече́тъ ᲂу҆́бѡ до́мъ а҆арѡ́нь: ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀.

Да скажут ныне боящиеся Господа: [Он благ,] ибо вовек милость Его.

Да рекꙋ́тъ ᲂу҆́бѡ всѝ боѧ́щїисѧ гдⷭ҇а: ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀.

Из тесноты воззвал я к Господу,- и услышал меня, и на пространное место вывел меня Господь.

Ѿ ско́рби призва́хъ гдⷭ҇а, и҆ ᲂу҆слы́ша мѧ̀ въ простра́нство.

Господь за меня - не устрашусь: что сделает мне человек?

Гдⷭ҇ь мнѣ̀ помо́щникъ, и҆ не ᲂу҆бою́сѧ: что̀ сотвори́тъ мнѣ̀ человѣ́къ;

Господь мне помощник: буду смотреть на врагов моих.

гдⷭ҇ь мнѣ̀ помо́щникъ, и҆ а҆́зъ воззрю̀ на врагѝ моѧ̑.

Лучше уповать на Господа, нежели надеяться на человека.

Бл҃го є҆́сть надѣ́ѧтисѧ на гдⷭ҇а, не́жели надѣ́ѧтисѧ на человѣ́ка:

Лучше уповать на Господа, нежели надеяться на князей.

бл҃го є҆́сть ᲂу҆пова́ти на гдⷭ҇а, не́жели ᲂу҆пова́ти на кнѧ̑зи.

Все народы окружили меня, но именем Господним я низложил их;

Всѝ ꙗ҆зы́цы ѡ҆быдо́ша мѧ̀, и҆ и҆́менемъ гдⷭ҇нимъ противлѧ́хсѧ и҆̀мъ:

обступили меня, окружили меня, но именем Господним я низложил их;

ѡ҆быше́дше ѡ҆быдо́ша мѧ̀, и҆ и҆́менемъ гдⷭ҇нимъ противлѧ́хсѧ и҆̀мъ:

окружили меня, как пчелы [сот], и угасли, как огонь в терне: именем Господним я низложил их.

ѡ҆быдо́ша мѧ̀ ꙗ҆́кѡ пче́лы со́тъ, и҆ разгорѣ́шасѧ ꙗ҆́кѡ ѻ҆́гнь въ те́рнїи: и҆ и҆́менемъ гдⷭ҇нимъ противлѧ́хсѧ и҆̀мъ.

Сильно толкнули меня, чтобы я упал, но Господь поддержал меня.

Ѿринове́нъ преврати́хсѧ па́сти, и҆ гдⷭ҇ь прїѧ́тъ мѧ̀.

Господь - сила моя и песнь; Он соделался моим спасением.

Крѣ́пость моѧ̀ и҆ пѣ́нїе моѐ гдⷭ҇ь, и҆ бы́сть мѝ во спⷭ҇нїе.

Глас радости и спасения в жилищах праведников: десница Господня творит силу!

Гла́съ ра́дости и҆ спⷭ҇нїѧ въ селе́нїихъ првⷣныхъ: десни́ца гдⷭ҇нѧ сотворѝ си́лꙋ.

Десница Господня высока, десница Господня творит силу!

Десни́ца гдⷭ҇нѧ вознесе́ мѧ, десни́ца гдⷭ҇нѧ сотворѝ си́лꙋ.

Не умру, но буду жить и возвещать дела Господни.

Не ᲂу҆мрꙋ̀, но жи́въ бꙋ́дꙋ и҆ повѣ́мъ дѣла̀ гдⷭ҇нѧ.

Строго наказал меня Господь, но смерти не предал меня.

Наказꙋ́ѧ наказа́ мѧ гдⷭ҇ь, сме́рти же не предаде́ мѧ.

Отворите мне врата правды; войду в них, прославлю Господа.

Ѿве́рзите мнѣ̀ врата̀ пра́вды: вше́дъ въ нѧ̀, и҆сповѣ́мсѧ гдⷭ҇еви.

Вот врата Господа; праведные войдут в них.

Сїѧ̑ врата̀ гдⷭ҇нѧ: првⷣнїи вни́дꙋтъ въ нѧ̀.

Славлю Тебя, что Ты услышал меня и соделался моим спасением.

И҆сповѣ́мсѧ тебѣ̀, ꙗ҆́кѡ ᲂу҆слы́шалъ мѧ̀ є҆сѝ и҆ бы́лъ є҆сѝ мнѣ̀ во спⷭ҇нїе.

Камень, который отвергли строители, соделался главою угла:

Ка́мень, є҆го́же небрего́ша зи́ждꙋщїи, се́й бы́сть во главꙋ̀ ᲂу҆́гла:

это - от Господа, и есть дивно в очах наших.

ѿ гдⷭ҇а бы́сть се́й, и҆ є҆́сть ди́венъ во ѻ҆чесѣ́хъ на́шихъ.

Сей день сотворил Господь: возрадуемся и возвеселимся в оный!

Се́й де́нь, є҆го́же сотворѝ гдⷭ҇ь, возра́дꙋемсѧ и҆ возвесели́мсѧ во́нь.

О, Господи, спаси же! О, Господи, споспешествуй же!

Ѽ, гдⷭ҇и, сп҃си́ же: ѽ, гдⷭ҇и, поспѣши́ же.

Благословен грядущий во имя Господне! Благословляем вас из дома Господня.

Блгⷭ҇ве́нъ грѧды́й во и҆́мѧ гдⷭ҇не: благослови́хомъ вы̀ и҆з̾ до́мꙋ гдⷭ҇нѧ.

Бог - Господь, и осиял нас; вяжите вервями жертву, ведите к рогам жертвенника.

Бг҃ъ гдⷭ҇ь, и҆ ꙗ҆ви́сѧ на́мъ: соста́вите пра́здникъ во ᲂу҆чаща́ющихъ до рѡ́гъ ѻ҆лтаре́выхъ.

Ты Бог мой: буду славить Тебя; Ты Бог мой: буду превозносить Тебя, [буду славить Тебя, ибо Ты услышал меня и соделался моим спасением].

Бг҃ъ мо́й є҆сѝ ты̀, и҆ и҆сповѣ́мсѧ тебѣ̀: бг҃ъ мо́й є҆сѝ ты̀, и҆ вознесꙋ́ тѧ: и҆сповѣ́мсѧ тебѣ̀, ꙗ҆́кѡ ᲂу҆слы́шалъ мѧ̀ є҆сѝ и҆ бы́лъ є҆сѝ мнѣ̀ во спⷭ҇нїе.

Славьте Господа, ибо Он благ, ибо вовек милость Его.

И҆сповѣ́дайтесѧ гдⷭ҇еви, ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀.