Книга Премудрости Иисуса, сына Сирахова

Не стыдись вот чего, и из лицеприятия не греши:

Не стыди́сѧ ѡ҆ си́хъ и҆ не прїимѝ лица̀, є҆́же согрѣша́ти:

не стыдись точного исполнения закона Всевышнего и завета, и суда, чтобы оказать правосудие нечестивому,

ѡ҆ зако́нѣ вы́шнѧгѡ и҆ завѣ́тѣ, и҆ ѡ҆ сꙋдѣ̀, є҆́же ѡ҆правда́ти нечести́ваго,

спора между товарищем и посторонними и предоставления наследства друзьям,

ѡ҆ словесѝ соѻ́бщника и҆ ѡ҆ пꙋ́тницѣхъ, и҆ ѡ҆ даѧ́нїи наслѣ́дїѧ дрꙋгѡ́въ,

точности в весах и мерах,- много ли, мало ли приобретаешь,-

ѡ҆ и҆́стинѣ мѣ́рила и҆ вѣ́сѡвъ, ѡ҆ стѧжа́нїи мно́гихъ и҆ ма́лыхъ,

беспристрастия в купле и продаже и строгого воспитания детей, и - окровавить ребро худому рабу.

ѡ҆ разли́чїи продаѧ́нїѧ кꙋпцє́въ и҆ ѡ҆ наказа́нїи мно́зѣ ча̑дъ, и҆ є҆́же рабꙋ̀ лꙋка́вꙋ ре́бра ѡ҆крова́вити.

При худой жене хорошо иметь печать, и, где много рук, там запирай.

На женѣ̀ лꙋка́вѣ добро̀ (є҆́сть) печа́ть, и҆ и҆дѣ́же мнѡ́ги рꙋ́ки, затворѝ.

Если что выдаешь, выдавай счетом и весом и делай всякую выдачу и прием по записи.

Є҆́же а҆́ще преда́си, въ число̀ и҆ мѣ́рꙋ, да́ждь и҆ возмѝ всѐ писа́нїемъ.

Не стыдись вразумлять неразумного и глупого, и престарелого, состязающегося с молодыми: и будешь истинно благовоспитанным и заслужишь одобрение от всякого человека.

Ѡ҆ наказа́нїи неразꙋ́мива и҆ бꙋ́ѧгѡ, и҆ престарѣ́лагѡ сꙋдѧ́щагѡсѧ съ ю҆́ными, и҆ бꙋ́деши нака́занъ и҆́стиннѡ и҆ и҆скꙋше́нъ пред̾ всѧ́кимъ живꙋ́щимъ.

Дочь для отца - тайная постоянная забота, и попечение о ней отгоняет сон: в юности ее - как бы не отцвела, а в замужестве - как бы не опротивела;

Дще́рь ѻ҆тцꙋ̀ сокрове́нно бдѣ́нїе, и҆ попече́нїе ѡ҆ не́й ѿгонѧ́етъ со́нъ: во ю҆́ности свое́й да не когда̀ презрѣ́етъ и҆ сожи́тельствꙋющи (съ мꙋ́жемъ), да не когда̀ возненави́дѣна бꙋ́детъ:

в девстве - как бы не осквернилась и не сделалась беременною в отцовском доме, в замужестве - чтобы не нарушила супружеской верности и в сожительстве с мужем не осталась бесплодною.

въ дѣ́вствѣ да не когда̀ ѡ҆скверни́тсѧ и҆ во ѻ҆́тчихъ є҆ѧ̀ непра́здна бꙋ́детъ, и҆ съ мꙋ́жемъ сꙋ́щи да не когда̀ престꙋ́питъ и҆ сожи́тельствꙋющи да не когда̀ непло́ды бꙋ́детъ.

Над бесстыдною дочерью усиль надзор, чтобы она не сделала тебя посмешищем для врагов, притчею в городе и упреком в народе и не осрамила тебя пред обществом.

Над̾ дще́рїю безстꙋ́дною ᲂу҆твердѝ стра́жꙋ, да не когда̀ сотвори́тъ тѧ̀ ѡ҆бра́дованїе врагѡ́мъ, бесѣ́дꙋ во гра́дѣ и҆ ѿлꙋче́наго ѿ люді́й, и҆ посрами́тъ тѧ̀ въ наро́дѣ мно́зѣ.

Не смотри на красоту человека и не сиди среди женщин:

Не взира́й на добро́тꙋ всѧ́кагѡ человѣ́ка и҆ посредѣ̀ же́нъ не сѣдѝ:

ибо как из одежд выходит моль, так от женщины - лукавство женское.

ѿ ри́зъ бо и҆схо́дитъ мо́лїе, и҆ ѿ жены̀ лꙋка́вство же́нское.

Лучше злой мужчина, нежели ласковая женщина,- женщина, которая стыдит до поношения.

Лꙋ́чше ѕло́ба мꙋ́жеска, не́жели добродѣ́тельнаѧ жена̀, и҆ жена̀ посрамлѧ́ющаѧ въ поноше́нїе.

Воспомяну теперь о делах Господа и расскажу о том, что я видел. По слову Господа явились дела Его:

Помѧнꙋ̀ ᲂу҆̀бо дѣла̀ гдⷭ҇нѧ, и҆ ꙗ҆̀же ви́дѣхъ, повѣ́мъ: во словесѣ́хъ гдⷭ҇нихъ дѣла̀ є҆гѡ̀:

сияющее солнце смотрит на все, и все дело его полно славы Господней.

со́лнце просвѣща́ѧ на всѧ̑ призрѣ̀, и҆ сла́вы є҆гѡ̀ и҆спо́лнено дѣ́ло є҆гѡ̀.

И святым не предоставил Господь провозвестить о всех чудесах Его, которые утвердил Господь Вседержитель, чтобы вселенная стояла твердо во славу Его.

Не сотвори́ ли ст҃ы̑мъ гдⷭ҇ь повѣ́дати всѧ̑ чꙋдеса̀ є҆гѡ̀, ꙗ҆̀же ᲂу҆твердѝ гдⷭ҇ь Вседержи́тель, ᲂу҆тверди́тисѧ всемꙋ̀ во сла́вѣ є҆гѡ̀;

Он проникает бездну и сердце и видит все изгибы их; ибо Господь знает всякое ве́дение и прозирает в знамения века,

Бе́зднꙋ и҆ се́рдце и҆зслѣ́дова и҆ въ кова́рствѣхъ и҆́хъ размы́сли: разꙋмѣ́ бо гдⷭ҇ь всѧ́ко вѣ́дѣнїе и҆ призрѣ̀ на зна́менїе вѣ́ка,

возвещая прошедшее и будущее и открывая следы сокровенного;

возвѣща́ѧ мимошє́дшаѧ и҆ бꙋ̑дꙋщаѧ и҆ ѿкрыва́ѧ слѣды̀ та́йныхъ:

не минует Его никакое помышление и не утаится от Него ни одно слово.

не пре́йде є҆гѡ̀ всѧ́ко помышле́нїе, не ᲂу҆таи́сѧ ѿ негѡ̀ ни є҆ди́но сло́во.

Он устроил великие дела Своей премудрости и пребывает прежде века и вовек;

Вели̑чїѧ премꙋ́дрости своеѧ̀ ᲂу҆красѝ: и҆́же є҆́сть пре́жде вѣ́ка и҆ во вѣ́къ,

Он не увеличился и не умалился и не требовал никакого советника.

ни приложи́сѧ, ни ᲂу҆ма́лисѧ и҆ не востре́бова ни є҆ди́нагѡ совѣ́тника.

Как вожделенны все дела Его, хотя мы можем видеть их как только искры!

Ко́ль всѧ̑ дѣла̀ є҆гѡ̀ вожделѣ̑нна, и҆ да́же до и҆́скры є҆́сть ви́дѣти.

Все они живут и пребывают вовек для всяких потребностей, и все повинуются Ему.

Всѧ̑ сїѧ̑ живꙋ́тъ и҆ пребыва́ютъ во вѣ́къ во всѣ́хъ тре́бованїихъ, и҆ всѧ̑ послꙋ́шаютъ.

Все они - вдвойне, одно напротив другого, и ничего не сотворил Он несовершенным:

Всѧ̑ сꙋгꙋ̑ба, є҆ди́но проти́вꙋ є҆ди́нагѡ: и҆ не сотворѝ ничто́же скꙋ́дно.

одно поддерживает благо другого,- и кто насытится зрением славы Его?

Є҆ди́но ѿ є҆ди́нагѡ ᲂу҆твердѝ блага̑ѧ: и҆ кто̀ насы́титсѧ, зрѧ̀ сла́вꙋ є҆гѡ̀;